Vazirlar Mahkamasining “O‘zbekiston Respublikasi Advokatlar palatasi faoliyatini tashkil etish to‘g‘risida” 2008-yil 27-maydagi 112-son qarorini bajarish yuzasidan, O‘zbekiston Respublikasi Advokatlar palatasi samarali tashkil etilishini ta’minlash, uning faoliyati uchun zarur shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining 2009-yil 16-apreldagi 166-f-son farmoyishiga muvofiq Toshkent shahar, Mirzo Ulug‘bek tumani, Buyuk ipak yo‘li ko‘chasi, 471-uyda joylashgan bino (2-yotoqxona) O‘zbekiston Respublikasi Advokatlar palatasi balansiga tasarruf etish huquqisiz bepul berilganligi ma’lumot uchun qabul qilinsin.
2. O‘zbekiston Respublikasi Adliya vazirligining 2010-yilda Sudlar va adliya organlarini rivojlantirish jamg‘armasidan ushbu qarorning 1-bandida ko‘rsatilgan binoni mukammal ta’mirlash uchun O‘zbekiston Respublikasi Advokatlar palatasiga 820 mln so‘m ajratish to‘g‘risidagi taklifiga rozilik berilsin.
3. Vazirlar Mahkamasining 2003-yil 18-martdagi 147-son qarori (O‘zbekiston Respublikasi QT, 2003-y., 3-son, 26-modda) bilan tasdiqlangan Sudlar va adliya organlarini rivojlantirish jamg‘armasi to‘g‘risidagi Nizomning 4-bandiga quyidagi mazmundagi o‘n uchinchi xatboshi qo‘shilsin:
“Istisno hollarda Jamg‘arma mablag‘lari O‘zbekiston Respublikasi Vazirlar Mahkamasining qaroriga ko‘ra O‘zbekiston Respublikasi Advokatlar palatasi va uning hududiy boshqarmalari faoliyati uchun zarur shart-sharoitlar yaratish chora-tadbirlarini moliyalashtirishga yo‘naltirilishi mumkin”;
Keyingi tahrirga qarang.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.