O‘zbekiston Respublikasi soliq qonunchiligini takomillashtirishga oid qonun hujjatlari qabul qilinishi munosabati bilan:
1. O‘zbekiston Respublikasi Prezidentining ayrim farmonlariga ilovaga muvofiq o‘zgartish va qo‘shimchalar kiritilsin.
2. Soliq kodeksining amalga oshirilishini har tomonlama monitoring va tahlil qilish maxsus idoralararo guruhi (R.S. Azimov) ikki oy muddatda hukumat qarorlari bilan avval berilgan soliq imtiyozlarini tartibga solish bo‘yicha normativ-huquqiy hujjatlarning loyihalarini Vazirlar Mahkamasiga kiritsin.
3. Mazkur Farmonning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.
O‘zbekiston Respublikasi Prezidentining ayrim farmonlariga kiritiladigan o‘zgartish va qo‘shimchalar
Oldingi tahrirga qarang.
(1 va 2-bandlar O‘zbekiston Respublikasi Prezidentining 2018-yil 9-yanvardagi PF-5296-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 10.01.2018-y., 06/18/5296/0534-son)
3. O‘zbekiston Respublikasi Prezidentining “Xo‘jalik yurituvchi subyektlarni tekshirishni tashkil qilishni tartibga solish to‘g‘risida” 1998-yil 19-noyabrdagi PF-2114-son Farmoni 6-bandining ikkinchi xatboshidagi “soliqlarni va” so‘zlaridan keyin “boshqa” so‘zi qo‘shib qo‘yilsin.
Keyingi tahrirga qarang.
4. O‘zbekiston Respublikasi Prezidentining “Davlat budjetiga soliqlar va to‘lovlar bo‘yicha imtiyozlar berishni tartibga solish to‘g‘risida” 1999-yil 26-iyuldagi PF-2343-son Farmoni 1-bandining birinchi xatboshidagi “soliqlar, yig‘imlar hamda bojxona” so‘zlari “soliqlar va boshqa majburiy” so‘zlari bilan almashtirilsin.
Keyingi tahrirga qarang.
5. “O‘zbekiston Respublikasi Prezidentining 1998-yil 9-apreldagi “Xususiy tadbirkorlik, kichik va o‘rta biznesni rivojlantirishni yanada rag‘batlantirish chora-tadbirlari to‘g‘risida”gi PF-1987-son Farmoniga o‘zgartish va qo‘shimchalar kiritish haqida” O‘zbekiston Respublikasi Prezidentining 2003-yil 30-avgustdagi PF-3305-son Farmoni 2-bandining uchinchi xatboshi quyidagi tahrirda bayon etilsin:
“mikrofirmalar va kichik korxonalar xodimlarining o‘rtacha yillik sonini aniqlashda o‘rindoshlik, pudrat shartnomasi va boshqa fuqarolik-huquqiy shartnomalar bo‘yicha ishga qabul qilingan xodimlar soni, shuningdek unitar (sho‘ba) korxonalar, vakolatxonalar hamda filiallarda ishlayotganlar soni ham hisobga olinadi”.
Keyingi tahrirga qarang.
6. O‘zbekiston Respublikasi Prezidentining “2004 — 2009-yillarda Maktab ta’limini rivojlantirish Davlat umummilliy dasturi to‘g‘risida” 2004-yil 21-maydagi PF-3431-son Farmoni 5-bandining birinchi xatboshidagi “daromad (foyda)” so‘zlari “foyda” so‘zi bilan almashtirilsin.
Keyingi tahrirga qarang.
7. O‘zbekiston Respublikasi Prezidentining “Qurilish materiallari sanoatida iqtisodiy islohotlarni chuqurlashtirish va tarmoqni jadal rivojlantirish to‘g‘risida” 2005-yil 24-martdagi PF-3586-son Farmoni 8-ilovasining izohi quyidagi tahrirda bayon etilsin:
“*O‘zbekiston Respublikasining Soliq kodeksiga muvofiq O‘zbekiston Respublikasi Soliq kodeksida nazarda tutilgan talablarga javob beradigan qishloq xo‘jalik tovar ishlab chiqaruvchilari yagona yer solig‘ini to‘laydilar”.
Keyingi tahrirga qarang.
8. O‘zbekiston Respublikasi Prezidentining “To‘g‘ridan-to‘g‘ri xususiy xorijiy investitsiyalarni jalb etishni rag‘batlantirish borasidagi qo‘shimcha chora-tadbirlar to‘g‘risida” 2005-yil 11-apreldagi PF-3594-son Farmonida:
b) 7-bandining ikkinchi xatboshidagi “olinadigan daromadlarga soliq miqdori” so‘zlari “olinadigan daromadlar bo‘yicha foyda solig‘i” so‘zlari bilan almashtirilsin.
Keyingi tahrirga qarang.
9. O‘zbekiston Respublikasi Prezidentining “Tadbirkorlik subyektlarining xo‘jalik sohasidagi huquqbuzarliklari uchun moliyaviy javobgarligini erkinlashtirish to‘g‘risida” 2005-yil 24-iyundagi PF-3622-son Farmonining 2-bandidagi “soliqlar, yig‘imlar” so‘zlari “soliqlar” so‘zi bilan almashtirilsin.
Keyingi tahrirga qarang.
10. O‘zbekiston Respublikasi Prezidentining “Meva-sabzavotchilik va uzumchilik sohasida iqtisodiy islohotlarni chuqurlashtirish chora-tadbirlari to‘g‘risida” 2006-yil 9-yanvardagi PF-3709-son Farmoni 5-bandining “b” kichik bandidagi “daromad (foyda)” so‘zlari “foyda” so‘zi bilan almashtirilsin.
Oldingi tahrirga qarang.
(11-band O‘zbekiston Respublikasi Prezidentining 2016-yil 16-sentabrdagi PF-4841-sonli Farmoniga asosan o‘z kuchini yo‘qotgan — O‘R QHT, 2016-y., 38-son, 442-modda)
12. O‘zbekiston Respublikasi Prezidentining “Mikrokreditbank” aksiyadorlik tijorat bankini tashkil etish to‘g‘risida” 2006-yil 5-maydagi PF-3750-son Farmoni 8-bandining ikkinchi xatboshidagi “daromad (foyda)” so‘zlari “foyda” so‘zi bilan almashtirilsin.
13. O‘zbekiston Respublikasi Prezidentining “Sog‘liqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yo‘nalishlari to‘g‘risida” 2007-yil 19-sentabrdagi PF-3923-son Farmonining 7-bandi quyidagi tahrirda bayon etilsin:
“7. 2007-yilning 1-oktabridan aholiga pullik tibbiy xizmatlar ko‘rsatuvchi (stomatologiya va kosmetologiya xizmatlari bundan mustasno) tibbiyot muassasalari 5 yil muddatga barcha turdagi soliqlar va Respublika yo‘l jamg‘armasi hamda Maktab ta’limi jamg‘armasiga o‘tkaziladigan majburiy ajratmalar to‘lashdan ozod etilsin, bo‘shaydigan mablag‘lar tibbiyot muassasalarini zamonaviy tibbiy asbob-uskunalar bilan jihozlashga maqsadli ravishda yo‘naltirilsin”.
14. O‘zbekiston Respublikasi Prezidentining “Yerlarning meliorativ holatini yaxshilash tizimini tubdan takomillashtirish chora-tadbirlari to‘g‘risida” 2007-yil 29-oktabrdagi PF-3932-son Farmoni 7-bandining ikkinchi xatboshidagi “soliqlar, yig‘imlar, bojlar va maqsadli davlat jamg‘armalariga majburiy ajratmalar” so‘zlari “soliqlar va boshqa majburiy to‘lovlar” so‘zlari bilan almashtirilsin.
Keyingi tahrirga qarang.