Ekologik huquqbuzarlik uchun korxonalar, tashkilotlar, muassasalar va fuqarolarning javobgarligini kuchaytirish maqsadida Oʻzbekiston Respublikasi Oliy Kengashi qaror qiladi:

I. Oʻzbekiston Respublikasining 1959-yil 21-maydagi Qonuni bilan tasdiqlangan Oʻzbekiston Respublikasining Jinoyat kodeksiga (Oʻzbekiston Respublikasi Oliy Sovetining Vedomostlari, 1959-yil, № 6, 32-modda; 1970-yil, № 4, 24-modda) quyidagi oʻzgartirishlar va qoʻshimchalar kiritilsin:

1. Kodeks quyidagicha mazmundagi 108-1-modda bilan toʻldirilsin:

Mansabdor shaxs tomonidan zararli ekologik oqibatlarga olib kelgan avariyalar, aholining salomatligiga zarar yetkazgan yoki zarar yetkazish aniq boʻlgan atrof tabiiy muhitning ifloslanganligiga doir axborotni atayin yashirganlik yoki buzib koʻrsatganlik, —

uch yilgacha muddatga ozodlikdan mahrum etish yoki ikki yilgacha muddatga axloq tuzatish ishlariga jalb etish, uch ming soʻmgacha jarima solish bilan jazolanadi”.

2. 215-1-modda quyidagi tahrirda bayon etilsin:

Daryolar, koʻllar va boshqa havzalar hamda suv manbalarini sanoat, qishloq xoʻjaligi korxonalari va tashkilotlaridan, kommunal hamda boshqa korxonalar va tashkilotlardan chiqadigan tozalanmagan va zararsizlantirilmagan oqova suvlar, kimyoviy moddalar, chiqindi va chiqitlar bilan ifloslantirish natijasida kishilar sogʻligʻiga, hayvonot va oʻsimlik dunyosiga yoki qishloq xoʻjalik ishlab chiqarishiga zarar yetkazilsa, yoxud zarar yetkazilishi aniq boʻlsa, shuningdek havo yoki tuproqni sanoat ishlab chiqarishining kishilar sogʻligʻi uchun zararli boʻlgan chiqindilari, kimyoviy moddalar bilan ifloslantirish, basharti, bu xatti-harakatlar xuddi shunday qoidabuzarlik uchun maʼmuriy jazo choralari koʻrilganidan keyin sodir etilsa, —

bir yilgacha muddatga axloq tuzatish ishlariga jalb etish yoki uch ming soʻmgacha jarima solish bilan jazolanadi.

Xuddi shunday xatti-harakatlar ogʻir oqibatlarga olib kelsa, —

Besh yilgacha muddatga ozodlikdan mahrum etish yoki ikki yilgacha axloq tuzatish ishlariga jalb etish bilan jazolanadi”.

II. Oʻzbekiston Respublikasining 1963-yil 23-martdagi Qonuni bilan tasdiqlangan Oʻzbekiston Respublikasi Grajdanlik kodeksi (Oʻzbekiston Respublikasi Oliy Sovetining Vedomostlari, 1963-yil № 9, 30-modda; 1986-yil № 19, 217-modda) 479-moddasining birinchi qismidan “SSR Ittifoqi” degan soʻzlar chiqarib tashlansin.

III. Oʻzbekiston Respublikasining 1985-yil 13-dekabrdagi Qonuni bilan tasdiqlangan Oʻzbekiston Respublikasining Maʼmuriy huquqbuzarlik toʻgʻrisidagi kodeksiga (Oʻzbekiston Respublikasi Oliy Sovetining Vedomostlari, 1985-yil, № 35, 411-modda; 1986-yil, № 19, 217-modda, № 29, 350-modda, № 33, 387-modda; 1987-yil, № 5, 28-modda, № 23, 248-modda, № 12, 149-modda, № 21, 240-modda, № 24, 299-modda; 1989-yil, № 12-13, 107-modda, № 14-15, 132-modda, № 35-36, 609-modda; 1990-yil № 4, 99-modda, № 16-18, 283-modda, № 31-33, 357-modda) quyidagi oʻzgartishlar va qoʻshimchalar kiritilsin:

1. Kodeks quyidagicha mazmundagi 47-1, 97-1 va 174-1-moddalar bilan toʻldirilsin:

Radiatsion xavfsizlikka doir qoidalar, normalar, yoʻriqnomalar va boshqa talablarni buzganlik —

Fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasini qoʻllanilganidan keyin bir yil ichida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Atrof tabiiy muhitni tiklash, tabiiy resurslarni qayta hosil qilish va atrof-muhitga zararli taʼsir koʻrsatish oqibatlarini bartaraf etish choralarini koʻrmaslik —

fuqarolarga uch yuz soʻmgacha va mansabdor shaxslarga bir ming soʻmgacha miqdorda jarima solinishiga sabab boʻladi”.

Standart talablariga yoki texnik shartlarga javob bermaydigan va zaharli moddalarning koʻplab chiqarib tashlanishiga olib keladigan yonilgʻi-moylash materiallarini realizatsiya qilish, —

yonilgʻi-moylash materiallari realizatsiya qiladigan shaxslarga besh yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

2. 47-1 va 97-1-moddalarda nazarda tutilgan maʼmuriy huquqbuzarliklar toʻgʻrisidagi bayonlar tabiatni muhofaza qilish idoralarining mansabdor shaxslari tomonidan, 174-1-moddada nazarda tutilgan maʼmuriy huquqbuzarliklar toʻgʻrisidagi bayonlar Oʻzbekiston Respublikasi neft mahsulotlaridan foydalanish ustidan nazorat qilish davlat inspeksiyasining vakolatli mansabdor shaxslari tomonidan tuziladi.

3. 51, 52, 53, 54, 55 va 90-moddalardagi “ellik” va “yuz” soʻzlari tegishincha “uch yuz” va “ming” degan soʻzlar bilan almashtirilsin.

4. V sanksiyax statey 59, 78, chasti pervoy stati 101-1 slova “do pyatidesyati” zamenit slovami “do trexsot”.

5. 61, 151 va 213-moddalarning jazo qismidagi “oʻn” soʻzi “ellik” soʻzi bilan almashtirilsin.

6. 63 va 65-moddalarning, 67-modda ikkinchi qismining, 79, 86, 87 va 88-moddalarning jazo qismidagi “yuz” soʻzi “uch yuz” soʻzlari bilan almashtirilsin.

7. 69, 70, 77, 95, 96, 97 va 169-1-moddalarning jazo qismidagi “ellik” va “yuz” soʻzlari tegishlinchi “yuz” va “uch yuz” soʻzlari bilan almashtirilsin.

8. 71-modda birinchi qismining va 93-moddaning jazo qismidagi “ellik” va “yuz” soʻzlari tegishincha “yuz” va “ikki yuz” soʻzlari bilan almashtirilsin.

9. 71-modda ikkinchi qismining va 93-moddaning jazo qismidagi “ellik” va “yuz” soʻzlari tegishincha “ikki yuz” va “uch yuz” soʻzlari bilan almashtirilsin.

10. 72, 73 va 75-moddalarning, 76-modda birinchi va ikkinchi qismlarining, 80, 81, 82, 83 va 165-moddalarning jazo qismidagi “oʻn” va “ellik” soʻzlari tegishincha “yuz” va “uch yuz” soʻzlari bilan almashtirilsin.

11. 89-moddaning jazo qismidagi “oʻttiz” soʻzi “ellik” soʻzi bilan almashtirilsin.

12. 101-1-modda ikkinchi qismining jazo qismidagi “yuz” soʻzi “ming” soʻzi bilan almashtirilsin.

13. 211-moddaning jazo qismidagi “oʻttiz” soʻzi “uch yuz” soʻzi bilan almashtirilsin.

14. 212-moddaning jazo qismidagi “ellik” soʻzi “uch yuz” soʻzi bilan almashtirilsin.

15. 74 va 114-moddalarga quyidagi oʻzgartishlar kiritilsin:

a) 74-moddaning sarlavhasi va matnidan “tiklash va”, “tiklashga” soʻzlari chiqarib tashlansin, shu moddaning jazo qismidagi “yuz soʻmgacha” soʻzlari “uch yuz soʻmgacha” degan soʻzlar bilan almashtirilsin;

b) 114-moddaning sarlavhasi va birinchi qismi “Yer egalari va” degan soʻzlar bilan boshlanib, matnning qolgan qismi oʻz holicha qoladigan tarzda oʻzgartirilsin, shu moddaning toʻrtinchi qismidagi “besh soʻmdan oʻn soʻmgacha” va “yigirma soʻmdan yuz soʻmgacha” degan soʻzlar tegishincha “yuz soʻmgacha” va “uch yuz soʻmgacha” degan soʻzlar bilan almashtirilsin.

16. 63, 79, 87 va 88-moddalar quyidagi mazmundagi ikkinchi qism bilan toʻldirilsin.

“Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

mansabdor shaxslarga ming soʻmgacha miqdorda jarima solinishiga sabab boʻladi”.

17. 71, 76 va 84-moddalar quyidagicha mazmundagi uchinchi qism bilan toʻldirilsin:

“Ushbu moddaning birinchi va ikkinchi qismlarida nazarda tutilgan huquqbuzarliklarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

18. 77 va 80-moddalar quyidagicha mazmundagi ikkinchi qism bilan toʻldirilsin:

“Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

19. 97-modda quyidagicha mazmundagi ikkinchi qism bilan toʻldirilsin:

“Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solib, uqtirib oʻtilgan huquqbuzarliklarning sodir etilishida qurol sifatida foydalanib, huquqbuzarning shaxsiy mulki boʻlgan ashyolar musodara qilinishiga sabab boʻladi”.

20. 169-1-modda quyidagicha mazmundagi ikkinchi qism bilan toʻldirilsin:

“Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi. Qayd etilgan qishloq xoʻjaligi mahsulotlaridan chorva ozuqasi sifatida yoki boshqa maqsadlardan foydalanishning iloji boʻlmagan hollarda ular sovxozlar, kolxozlar, boshqa davlat, kooperativ korxonalari va tashkilotlaridan hamda fuqarolardan pirovardida yoʻq qilib tashlash maqsadida olib qoʻyiladi”.

21. 57, 58, 60, 62, 64, 66, 84, 85, 90, 91, 92, 94, 99 va 101 va 228-moddalar quyidagicha mazmundagi yangi tahrirda bayon etilsin:

Yerlardan xoʻjasizlarcha foydalanish, yerlarni yaxshilash va tuproqni shamol, suv eroziyasidan hamda tuproqning holatini yomonlashtiruvchi boshqa jarayonlardan saqlash, yerlar xarob boʻlishining oldini olish hamda ularning hosildorligini saqlab qolish va tiklash sohasidagi majburiy tadbirlarni bajarmaslik, yer uchastkalaridan ular qaysi maqsadlar uchun berilgan boʻlsa, shu maqsadga muvofiq foydalanmaslik, yerlarni foydalanishdan chiqarishga, ularning hosildorligini pasayishiga, tuproqning buzilishi va yoʻq boʻlib ketishiga olib kelgan boshqa xatti-harakatlarni sodir etganlik, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi.

Qishloq xoʻjalik yerlarini va boshqa yerlarni ularni ishlab chiqarish chiqitlari va boshqa chiqindilar, kimyoviy va radioaktiv moddalar hamda oqova suvlar bilan ifloslantirish —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Belgilangan tartibda tasdiqlangan yer tuzishlishi loyiha hujjatlaridan tegishli ruxsat boʻlmay turib yer holatiga salbiy taʼsir qiluvchi obyektlarni joylashtirish, loyihalashtirish, qurish va ularni foydalanishga topshirish, yer kadastri yuritish qoidalarini buzish, hisobotni buzib koʻrsatish, axborot berishdan boʻyin tovlash yoki notoʻgʻri axborot berish —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Foydali qazilmalar joylashgan maydonlarga oʻzboshimchalik bilan imoratlar qurish, tabiatni muhofaza qilish va kon nazorati idoralari bilan kelishmay turib, foydali qazilma konlaridan foydalanish, yer osti boyliklaridan foydalanish talablari va tartibini buzish, yer osti boyliklarini saqlash qoidalarini hamda atrof tabiiy muhitni, binolar va inshootlarni yer osti boyliklaridan foydalanish bilan bogʻliq ishlarning zararli taʼsiridan saqlash talablarini bajarmaslik, yer osti suvlari rejimini kuzatish uchun qazilgan quduqlarni, shuningdek marksheyderlik va geologik belgilarni yoʻq qilish yoki shikastlantirish —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Konlarning boy uchastkalarini tanlab-tanlab ishlash oqibatida foydali qazilmalarning balans zapaslarini asossiz ravishda nobud qilib yuborish, qazib olayotganda foydali qazilmalarni salmogʻini normativdan ortiq kamaytirib yuborish, foydali qazilma konlarini ishdan chiqarish va foydali qazilma zapaslaridan oqilona foydalanish talablarini boshqacha buzishlar —

mansabdor shaxslarga uch yuz soʻmgacha miqdorda jarima solinishiga sabab boʻladi.

Marksheyderlik hujjatlarini yoʻqotish, tugatilayotgan yoki konservatsiya qilinayotgan konlarni va burgʻilangan quduqlarni aholining xavfsizligini taʼminlovchi holatga keltirib qoʻyish talablarini, shuningdek konservatsiya vaqtida konlarni, qazilayotgan joylarni va burgʻilangan quduqlarni saqlash talablarini bajarmaslik,—

mansabdor shaxslarga uch yuz soʻmgacha miqdorda jarima solinishiga sabab boʻladi.

Ushbu moddaning birinchi, ikkinchi va uchinchi qismlarida nazarda tutilgan huquqbuzarliklarning maʼmuriy jazo chorasi qoʻllanilganidan keyin bir yil davomida takror sodir etganlik —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Suvlarni ifloslantirish va shoʻr bostirib qoʻyish, suv toʻplagich inshootlarida suvni saqlash rejimini suvning ifloslanishiga, tuproqning eroziyaga uchrashiga va boshqa zararli holatlarga olib keladigan tarzda buzish —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Korxonalar, kommunal va boshqa obyektlarni suvlarning ifloslanishi yoki ularning zararli oqibatlari oldini oluvchi inshootlar va qurilmalarsiz foydalanishga topshirish, shuningdek suv obyektlarining tabiiy holatini buzuvchi boshqa xatti-harakatlar sodir etish, —

mansabdor shaxslarga uch yuz soʻmgacha miqdorda jarima solinishiga sabab boʻladi.

Ushbu moddaning birinchi va ikkinchi qismlarida nazarda tutilgan huquqbuzarliklarning maʼmuriy jazo chorasini qoʻllanilganidan keyin bir yil davomida takror sodir etganlik —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Suvdan foydalanish rejalarini buzgan holda suv olish, gidrotexnika ishlarini oʻzboshimchalik bilan bajarish, suvdan (suv obyektlaridan chiqarilgan yoki boshqa olingan suvdan) xoʻjasizlarcha foydalanish, suv obyektlaridan olinadigan va ularga quyiladigan suvlarni dastlabki hisobga olish va quyiladigan suvlarning sifatini aniqlash qoidalarini buzish, ifloslantiruvchi moddalarni toʻkkanlik uchun oʻz vaqtida haq toʻlamaganlik, shuningdek baliqlarni muhofaza qilish inshootlari va qurilmalariga ega boʻlmagan ustki suv manbalaridan suv olishni amalga oshirish, —

mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etganlik, —

mansabdor shaxslarga ming soʻmgacha miqdorda jarima solinishiga sabab boʻladi”.

Oʻrmonlarda yongʻin xavfiga qarshi talablarni buzish —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Oʻt qoʻyish yoki ehtiyotsizlik bilan olov yoqish natijasida oʻrmonlarni yoʻq qilish yoki shikastlantirish, shuningdek oʻrmonlarda yongʻin xavfiga qarshi talablarni buzish hollari oʻrmonda oʻt chiqishiga yoki uning kattagina maydonga yoyilishiga sabab boʻlsa, —

fuqarolarga uch yuz soʻmgacha va mansabdor shaxslarga besh yuz soʻmgacha miqdorda jarima solinishiga sabab boʻladi.

Ushbu moddaning birinchi va ikkinchi qismlarida nazarda tutilgan huquqbuzarliklarning maʼmuriy jazo chorasi qoʻllanilganidan keyin bir yil davomida takror sodir etganlik —

fuqarolarga besh yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Ifloslantiruvchi moddalarni atmosferaga eng koʻp darajadagi normativdan yoki muvaqqat kelishilgan miqdordan ortiq darajada chiqarish; atmosfera havosida maksimal darajada yoʻl qoʻyish mumkin boʻlgan zararli fizik taʼsirini normativdagi darajadan oshirib yuborish; maxsus vakolat berilgan davlat idoralarining ijozatisiz atmosferaga ifloslantiruvchi moddalar chiqarish; zarur boʻlgan taqdirda qonunlarga muvofiq maxsus vakolat berilgan davlat idoralarining ruxsatisiz atmosfera havosiga zararli fizik taʼsir koʻrsatish, xuddi shuningdek noqulay meterologiya sharoitlari davrida atmosferaning ifloslanganlik darajasi ortib ketishini keltirib chiqaruvchi ifloslantiruvchi moddalarni chiqarishni qisqartirish borasidagi chora-tadbirlarni toʻliq hajmda bajarmaganlik, —

mansabdor shaxslarga ming soʻmgacha miqdorda jarima solinishiga sabab boʻladi”.

Sanoat va roʻzgʻor chiqindilarini toʻplash qoidalarini buzish, mazkur chiqindilarni yoqish vaqtida atmosfera havosini muhofaza qilish talablariga rioya qilmaslik, shuningdek qurilish va boshqa ishlarni bajarish chogʻida yonilgʻi moddalari hamda binokorlik materiallarini ochiq joyda alanga oldirib yoqish —

fuqarolarni ogohlantirishga yoki ularga uch yuz soʻmgacha va mansabdor shaxslarni ogohlantirishga yoki ularga ming soʻmgacha miqdorda jarima solinishiga sabab boʻladi.

Oʻsimliklarni himoya qilish vositalarini, ularning oʻsishini tezlashtiruvchi vositalarni, mineral oʻgʻitlar va boshqa preparatlarni tashish, saqlash va qoʻllash qoidalarini buzish, agar bu hol tuproq, yer usti va yer osti suvlarining, atmosfera havosining ifloslanishiga olib kelsa yoki olib kelishi mumkin boʻlsa, yoki oʻsimliklar va hayvonot dunyosi nobud boʻlishiga olib kelsa, yoxud ularga shikast yetkazsa, —

fuqarolarga yuz soʻmgacha, mansabdor shaxslarga esa uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi,

fuqarolarga uch yuz soʻm va mansabdor shaxslarga ming soʻmgacha miqdorda jarima solinishiga sabab boʻladi.

Tabiatning muhofaza qilinishi ustidan nazoratni amalga oshiruvchi idoralarning buyruqlarini bajarmaslik, —

fuqarolarni ogohlantirishga yoki ularga yuz soʻmgacha va mansabdor shaxslarni ogohlantirishga yoki ularga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishga sabab boʻladi”.

Sanoat, maishiy va oʻzga chiqindilarni tashish, joylashtirish, utilizatsiya qilish, koʻmib tashlash chogʻida tabiatni muhofaza qilish talablarining buzilishi —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shu xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Sanoatda ishlarni bexatar olib borish ustidan nazorat qilish va konchilik nazorati davlat qoʻmitasi idoralari nazorati ostidagi sanoat sohalarida va obyektlarda ishlarni bexatar olib borishga oid qoidalar, normalar va yoʻriqnomalarning buzilishi, —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

Sanoatda ishlarni bexatar olish borish ustidan nazorat qilish va konchilik nazorati davlat qoʻmitasi idoralari nazorati ostidagi sanoat sohalarida va obyektlarda portlovchi va radioaktiv materiallar (manbalar) ni saqlash, ulardan foydalanish va ularni hisobga olish qoidalari, normalari va yoʻriqnomalarini buzish, —

fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solinishiga sabab boʻladi.

Ana shunday xatti-harakatlarning maʼmuriy jazo chorasi qoʻllanilganidan keyin bir yil davomida takror sodir etilishi, —

fuqarolarga uch yuz soʻmgacha va mansabdor shaxslarga ming soʻmgacha miqdorda jarima solinishiga sabab boʻladi”.

“Xalq deputatlari rayon, shahar, shaharlardagi rayon Sovetlarining ijroiya qoʻmitalari huzuridagi maʼmuriy komissiyalar ushbu Kodeksning 49, 50-moddalarida, 63-moddasida (foydali qazilma boyliklarini qazib olish jarayonidan tashqari vaqtda qilingan nojoʻya harakat uchun), 67-moddasida (suv xoʻjaligi inshootlari va qurilmalari qismi), 68, 98-moddalarida, 101-1-moddada (suvni muhofaza qilish obyektlari bundan mustasno), 102—113, 114-1—114-3, 117—119-moddalarida, 122-moddaning birinchi, uchinchi va toʻrtinchi qismlarida (fuqaro aviatsiyasi vazirligi tasarrufida boʻlmagan aerodromlarda yoki shu aerodromlar hududida qoidabuzarlik sodir etganlik uchun), 143-moddasida (haydovchilar transport vositalaridan foydalanganligi toʻgʻrisidagi ishlardan tashqari), 148-moddasida (avtomobil transportida nojoʻya harakat qilganlik uchun), 151-moddaning (ajratilgan mintaqalarda va yogʻoch koʻpriklardan 100 metrgacha boʻlgan masofada oʻt yoqish, yogʻoch koʻpriklar va taxta toʻshamali koʻpriklarda chekish), 152—155, 158—164, 166, 166-1, 167, 168, 169 va 169-1-moddalarida (basharti, ushbu huquqbuzarlik davlat sanitariya va veterinariya nazoratining mansabdor shaxsi tomonidan koʻrib chiqilmagan boʻlsa), 170-1, 172-moddalarida, 173-moddasi ikkinchi qismi, 174-1, 178, 179-1, 181-moddalarida, 182-moddasida (voyaga yetmaganlarning ota-onalari yoki ular oʻrnini bosuvchi shaxslar xususidagi ishlardan tashqari), 185, 186, 186-1, 188, 188-3, 190, 191, 193—200-moddalarida, 201—205-moddalarida (Toshkent shahrida nojoʻya harakatlar qilish bundan mustasnodir) va 211-moddasida (tabiatni muhofaza qilish qoidalarini buzganlik uchun pechatlar (plombalar) qoʻyilgan hollar bundan mustasno), 215—219, 222-moddalarida nazarda tutilgan maʼmuriy huquqbuzarlik toʻgʻrisidagi ishlarni koʻrib chiqadilar.

Xalq deputatlari posyolka, qishloq, ovul Sovetlarining ijroiya qoʻmitalari huzuridagi maʼmuriy komissiyalar ushbu Kodeksning 49, 50, 68, 98-moddalarida, 106-moddasida (huquqbuzarlik fuqaro tomonidan sodir etilgan taqdirda), 109, 114-1, 118-moddalarida, 143-moddasida (haydovchilar tomonidan transport vositalaridan foydalanganlik bundan mustasno), 148-moddasida (avtomobil transportida nojoʻya harakat qilganlik), 151-moddada (ajratilgan mintaqalarda va yogʻoch koʻpriklardan 100 metrgacha boʻlgan masofada oʻt yoqish, yogʻoch koʻpriklar va taxta toʻshamali koʻpriklarda chekish), 152, 155, 158, 159, 161-164, 167, 168, 169, 170, 178, 179-1, 179-2, 181-moddalari, 182-moddasida (voyaga yetmaganlarning ota-onalari yoki ular oʻrnini bosuvchi shaxslar xususidagi ishlardan tashqari), 183-1, 188, 188-1, 190, 191, 195—200-moddalarida, 211-moddada (pechatlar (plombalar) tabiatni muhofaza qilish qonunlarini buzganlik uchun qoʻyilgan hollar bundan mustasno), 215—219-moddalarida nazarda tutilgan maʼmuriy huquqbuzarlik toʻgʻrisidagi ishlarni koʻrib chiqadilar. Aholi punktlari rayon markazidan ancha uzoqda boʻlgan yoki bu punktlarga borish qiyin boʻlgan hollarda komissiyalar istisno tariqasida ushbu Kodeksning 179, 179-2-moddalarida hamda 180-moddasi birinchi, ikkinchi va uchinchi qismlarida nazarda tutilgan maʼmuriy huquqbuzarlik toʻgʻrisidagi ishlarni ham koʻrib chiqishlari mumkin. Bunday aholi punktlarining roʻyxati xalq deputatlari Sovetlarining ijroiya qoʻmitalari, Qoraqalpogʻiston Respublikasi Vazirlar Kengashi tomonidan belgilab qoʻyiladi”.

22. 227-moddaning birinchi qismida “SSR Ittifoqining qonun aktlari bilan hamda Ministrlar Sovetining qarorlari” degan soʻzlar “Oʻzbekiston Respublikasining qonun hujjatlari” degan soʻzlar bilan almashtirilsin.

23. 229-moddadan “55” raqami; “93-moddasi birinchi qismida (ov qilish, baliq ovlash va baliq zapaslarini muhofaza qilish toʻgʻrisidagi qoidalarni buzganlik toʻgʻrisidagi ishlardan tashqari)” degan soʻzlar; “114”, “212”, “213” raqamlari chiqarib tashlansin.

24. 233-moddaning birinchi qismi “ushbu Kodeksning 48” degan soʻzlardan soʻng “88, 89 (avtomobillar, samolyotlar, poyezdlar va boshqa vosita hamda qurilmalarni ishlatish chogʻida belgilangan meʼyordan ortiq shovqini tarqatilishi bundan mustasno)” degan soʻzlar bilan toʻldirilsin.

25. 241-modda quyidagicha tahrirda bayon etilsin:

Sanoatda ishlarni bexatar olib borish ustidan nazorat qilish va konchilik nazorati davlat nazorati qoʻmitasi idoralari ushbu Kodeksning 52, 62-moddalarida (keng tarqalgan foydali qazilmalardan foydalanish va ularni muhofaza qilish boʻyicha huquqbuzarliklar bundan mustasno), 63-moddasida (foydali qazilma boyliklarini qazib olish jarayonida qilingan nojoʻya harakatlar, keng tarqalgan foydali qazilmalarni qazib chiqarish va ulardan foydalanish bundan mustasno), 99 va 101-moddalarida nazarda tutilgan maʼmuriy huquqbuzarlik toʻgʻrisidagi ishlarni koʻrib chiqadilar.

Sanoat ishlarni bexatar olib borish ustidan nazorat qilish va konchilik nazorati davlat nazorati qoʻmitasi idoralari nomidan maʼmuriy huquqbuzarlik toʻgʻrisidagi ishlarni koʻrib chiqish va maʼmuriy jazo chorasi berish huquqiga quyidagilar egadirlar:

sanoatda ishlarni bexatar olib borish ustidan nazorat qilish va konchilik nazorati davlat nazorati qoʻmitasi inspektorlari — yuz soʻmgacha miqdorda jarima soladilar;

rayon (oblastlararo) inspeksiyalarining boshliqlari uch yuz soʻmgacha miqdorda jarima soladilar;

sanoatda ishlarni bexatar olib borish ustidan nazorat qilish va konchilik nazorati davlat nazorati qoʻmitasi okrug boshqarmalarining boshliqlari — besh yuz soʻmgacha miqdorda jarima soladilar;

Oʻzbekiston Respublikasi Sanoatda ishlarning bexatar olib borilishini nazorat qilish va konchilik nazorati davlat qoʻmitasining Raisi va uning oʻrinbosarlari ming soʻmgacha jarima soladilar”.

26. 246-moddada

a) birinchi qismi quyidagi tahrirda bayon etilsin:

“Sanitariya nazoratini amalga oshiruvchi idoralar va muassasalar ushbu Kodeksning 46, 47-moddalarida, 85-moddasida (atmosfera havosiga eng yuqori darajada zarar yetkazish normativini buzganlik va maxsus vakolatli davlat idoralarining ruxsatini olmay turib atmosfera havosiga zarar yetkazish uchun), 88-moddasida (avtomobillar, samolyotlar, poyezdlar va boshqa vosita hamda qurilmalarni ishlatish chogʻida belgilangan meʼyordan ortiq shovqin tarqalishi uchun), 86, 87, 89, 90, 91-moddalarida (bunday harakat sanitariya-gigiyena qoidalarini va atmosfera havosini muhofaza qilish normalarini buzishdan iborat boʻlsa) va 92-moddasida (davlat sanitariya nazoratini amalga oshiruvchi idoralarning koʻrsatmalarini bajarmaganlik), 169-1-moddasida (dehqonchilik mahsulotida) nazarda tutilgan maʼmuriy huquqbuzarlik toʻgʻrisidagi ishlarni koʻrib chiqadilar”.

b) ikkinchi qismida:

— birinchi bandidagi “(atmosfera havosini muhofaza qilish qoidalarini va normalarini buzganlik bundan mustasno)” degan soʻzlar chiqarib tashlansin;

— ikkinchi bandidagi “atmosfera havosini muhofaza qilish” degan soʻzlar chiqarib tashlansin.

27. 248-moddaning birinchi xatboshi “116-moddasida” degan soʻzlardan va 169-1-moddasida (chorvachilik mahsulotida)” degan soʻzlar bilan toʻldirilsin.

28. 249-modda quyidagi tahrirda bayon etilsin:

Oʻzbekiston Respublikasi Tabiatni muhofaza qilish davlat qoʻmitasining idoralari ushbu Kodeksning 47-1, 51-moddalarida, 52-moddasida (keng tarqalgan foydali qazilmalarni qazib chiqarish va ulardan foydalanish hamda atrof-muhitni muhofaza qilish xususidagi), 53-55, 57-61-moddalarida, 62-moddasida (keng tarqalgan foydali qazilmalarni qazib chiqarish va ulardan foydalanish hamda atrof-muhitni muhofaza qilish xususidagi), 63-moddasida (tabiatni muhofaza qilish qismida), 64, 65, 66-moddalarida, 67-moddasida (suv xoʻjaligi inshootlari va qurilmalaridan foydalanish qoidalarini buzganlik uchun) 69-85-moddalarda, 89-moddada (atmosfera havosiga eng yuqori darajada zarar yetkazish normativini buzganlik va maxsus vakolatli davlat idoralarining ruxsatini olmay turib atmosfera havosiga zarar yetkazmaganlik bundan mustasno), 86, 87, 90, 91-moddalarida (atmosfera havosiga zarar yetkazish va bu sanitariya-gigiyena qoidalarining buzilishi hisoblangan hollar bundan mustasnodir), 88-moddasida (avtomobillar, samolyotlar, poyezdlar va boshqa vosita hamda qurilmalarni ishlatish chogʻida belgilangan meʼyordan ortiq shovqin tarqatiladigan hollar bundan mustasnodir), 92-moddasida (davlat sanitariya nazoratini amalga oshiruvchi idoralarning koʻrsatmalarini bajarmaslik bundan mustasnodir), 93-97-1-moddalarida, 101-1-moddasida (tabiatni muhofaza qilish obyektlari xususidagi), 114-moddasida, 161-moddasida (ajratilgan mintaqalarda va yogʻoch koʻpriklar va taxta toʻshama koʻpriklarda chekish bundan mustasno), 165-moddasida, 211-moddasida (tabiatni muhofaza qilish qonunlari buzilgan hollarda), 212, 213-moddalarida nazarda tutilgan maʼmuriy huquqbuzarlik toʻgʻrisidagi ishlarni koʻrib chiqadilar.

Oʻzbekiston Respublikasi Tabiatni muhofaza qilish davlat qoʻmitasining nomidan maʼmuriy huquqbuzarlik toʻgʻrisidagi ishlarni koʻrib chiqish va maʼmuriy jazo berish huquqiga quyidagilar egadilar:

Oʻzbekiston Respublikasi Tabiatni muhofaza qilish davlat qoʻmitasining bosh davlat nazoratchilari, ularning oʻrinbosarlari, Qoraqalpogʻiston Respublikasi Tabiatni muhofaza qilish davlat qoʻmitasining, oblastlar, Toshkent shahar tabiatni muhofaza qilish qoʻmitalarining bosh davlat nazoratchilari va ularning oʻrinbosarlari — fuqarolarga uch yuz soʻmgacha va mansabdor shaxslarga ming soʻmgacha miqdorda jarima solishga;

Oʻzbekiston Respublikasi Tabiatni muhofaza qilish davlat qoʻmitasi, Qoraqalpogʻiston Respublikasi tabiatni muhofaza qilish davlat qoʻmitasi, oblastlar, Toshkent shahar Tabiatni muhofaza qilish qoʻmitalarining katta davlat nazoratchilari — fuqarolarga ikki yuz soʻmgacha va mansabdor shaxslarga besh yuz soʻmgacha miqdorda jarima solishga;

Oʻzbekiston Respublikasi Tabiatni muhofaza qilish davlat qoʻmitasi, Qoraqalpogʻiston Respublikasi Tabiatni muhofaza qilish davlat qoʻmitasi, oblastlar, Toshkent shahar tabiatni muhofaza qilish qoʻmitalarining davlat nazoratchilari — fuqarolarga yuz soʻmgacha va mansabdor shaxslarga uch yuz soʻmgacha miqdorda jarima solishga xaqlidirlar.

Oʻzbekiston Respublikasi Tabiatni muhofaza qilish davlat qoʻmitasining Qoraqalpogʻiston Respublikasi Tabiatni muhofaza qilish davlat qoʻmitasining, viloyatlar va Toshkent shahar tabiatni muhofaza qilish qoʻmitalarining bosh davlat inspektorlari va ularning oʻrinbosarlari, katta davlat inspektorlari va davlat inspektorlari huquqbuzarliklarning miltigʻi va boshqa ov yoki baliq tutish qurollarini musodara qilishga hamda fuqarolar va mansabdor shaxslarni uch yilgacha muddatga ov qilish huquqidan mahrum etishga haqlidirlar”.

29. 100, 242, 250, 251 va 252-moddalar oʻz kuchini yoʻqotgan deb hisoblansin.

30. 268-moddaning birinchi qismidan “84-moddasida (251-modda ikkinchi qismining soʻnggi abzatsida sanab oʻtilgan mansabdor shaxslarga solingan jarimaning miqdori oʻn soʻmdan oshib ketmasa)” soʻzlari chiqarib tashlansin.

31. 321-moddaning beshinchi xatboshidagi, “baliqlarni muhofaza qilish” soʻzlari “baliq ovlash qoidalariga rioya etilishi ustidan davlat nazorati va baliq zapaslarini muhofaza qilish” degan soʻzlar bilan almashtirilsin.

32. 325-moddaning uchinchi qismidagi “252-moddaning ikkinchi” degan soʻzlar “249-moddaning uchinchi” degan soʻzlar bilan almashtirilsin.