LexUZ sharhi
Mazkur qaror O‘zbekistan Respublikasining 2020-yil 15-oktabrdagi O‘RQ-641-sonli “Nogironligi bo‘lgan shaxslarning huquqlari to‘g‘risida”gi Qonuniga asosan 2021-yil 16-yanvardan o‘z kuchini yo‘qotadi.
O‘zbekiston Respublikasi Oliy Kengashi qaror qiladi:
1. “O‘zbekiston Respublikasi nogironlarni ijtimoiy himoya qilish to‘g‘risida”gi O‘zbekiston Respublikasi Qonuni matbuotda e’lon qilingan kundan boshlab kuchga kiritilsin, ushbu Qonunning 8, 9, 10 va 12-moddalarida ko‘zda tutilgan qoidalar bundan mustasno.
LexUZ sharhi
O‘zbekiston Respublikasining “O‘zbekiston Respublikasida nogironlarni ijtimoiy himoya qilish to‘g‘risida”gi Qonuni “Xalq so‘zi” gazetasining 1992-yil 14-yanvardagi 10 (261)-sonida e’lon qilingan.
O‘zbekiston Respublikasi Hukumatining qarorlarini “O‘zbekiston Respublikasida nogironlarni ijtimoiy himoya qilish to‘g‘risida”gi O‘zbekiston Respublikasining Qonuniga moslashtirsin;
O‘zbekiston Respublikasi vazirliklari, davlat qo‘mitalari va idoralari mazkur Qonunga zid bo‘lgan normativ hujjatlarni qayta ko‘rib chiqishlari va bekor qilishlarini ta’minlasin;
nogironlarni ijtimoiy himoya qilish respublika jamg‘armasini tashkil etish to‘g‘risida takliflar tayyorlasin;
1992-yil 1-iyulgacha qonunning 8, 9, 10 va 12-moddalarida ko‘zda tutilgan qoidalarning bosqichma-bosqich amalga kiritish to‘g‘risida takliflar kiritsin;
salomatlikni tiklash markazlarini tashkil etish tartibi va muddatlariga, pul bilan ta’minlashga, ularning moddiy-texnikaviy va kadrlar ta’minotiga doir;
nogironlarning jamoat birlashmalariga ixtisoslashtirilgan korxonalar barpo etish hamda ularning moddiy bazasini mustahkamlashda yordam berish haqidagi;
tibbiy, kasb va ijtimoiy jihatdan tiklash bo‘yicha mutaxassislar, shu jumladan chet elda mutaxassislar tayyorlash haqidagi;
1992—1994-yillarda ijtimoiy infrastruktura obyektlarini, birinchi navbatda transport vositalari va kommunikatsiyalarni, vokzal komplekslarini, aeroportlar, shuningdek nogironlar yashaydigan turar joy binolarini nogironlarning ehtiyojlarini hisobga olgan holda qayta jihozlash choralarini ko‘rsin.