1-modda. Oʻzbekiston Respublikasining 1997-yil 24-aprelda qabul qilingan 396-I-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 5, 89-modda, № 9-10, 182-modda; 2002-yil, № 1, 20-modda, № 4-5, 74-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda, № 9, 310, 311, 312, 313-moddalar, № 12, 415, 416-moddalar; 2006-yil, № 6, 259, 260-moddalar, № 10, 536-modda, № 12, 660-modda; 2007-yil, № 1, 1-modda, № 7, 322, 325-moddalar) quyidagi oʻzgartish va qoʻshimchalar kiritilsin:

1) 8-modda:

ikkinchi qismidagi “toʻqqizinchi” degan soʻz “oʻninchi” degan soʻz bilan almashtirilsin;

quyidagi mazmundagi oltinchi qism bilan toʻldirilsin:

“Soliq solishning soddalashtirilgan tartibini qoʻllovchi ishlab chiqarish mikrofirmalari va kichik korxonalari yagona soliq toʻlovi boʻyicha soliq solinadigan bazani olingan yangi texnologik jihozlar qiymatiga teng miqdorda, biroq soliq solinadigan bazaning yigirma besh foizidan koʻp boʻlmagan miqdorda besh yil mobaynida kamaytirishga haqlidir. Mazkur soliq imtiyozi yangi texnologik jihozlar ishga tushirilgan paytdan eʼtiboran navbatdagi soliq hisoboti davri uchun qoʻllaniladi. Yangi texnologik jihozlar olingan (import qilingan) paytdan eʼtiboran uch yil mobaynida realizatsiya qilingan yoki tekinga berilgan taqdirda, mazkur imtiyozning amal qilishi imtiyoz qoʻllanilgan butun davr uchun yagona soliq toʻlovi toʻlash boʻyicha majburiyatlar tiklangan holda bekor qilinadi”;

oltinchi—oʻn birinchi qismlari tegishincha yettinchi—oʻn ikkinchi qismlar deb hisoblansin;

2) 19-moddaning birinchi qismi:

oʻn sakkizinchi xatboshisi “ushbu qismning oʻn toʻqqizinchi xatboshisida nazarda tutilgan hollar bundan mustasno” degan soʻzlar bilan toʻldirilsin;

quyidagi mazmundagi oʻn toʻqqizinchi xatboshi bilan toʻldirilsin:

“mol-mulkni sugʻurta qilish va hayotni uzoq muddatli sugʻurta qilish boʻyicha sugʻurta mukofotlari summalari”;

oʻn toʻqqizinchi xatboshisi yigirmanchi xatboshi deb hisoblansin;

3) 32-modda:

birinchi qismi:

uchinchi xatboshisi quyidagi tahrirda bayon etilsin:

“asosiy ishlab chiqarishni yangi qurilish shaklida kengaytirishga, ishlab chiqarish maqsadida foydalaniladigan binolar va inshootlarni rekonstruksiya qilishga, shuningdek ushbu maqsadlar uchun olingan kreditlarni uzishga yoʻnaltiriladigan mablagʻlar summasiga, hisobot davrida amortizatsiyaga hisoblangan summalardan toʻliq foydalanish sharti bilan, biroq soliq solinadigan daromadning (foydaning) oʻttiz foizidan koʻp boʻlmagan miqdorda”;

quyidagi mazmundagi toʻrtinchi xatboshi bilan toʻldirilsin:

“Oʻzbekiston Respublikasi Vazirlar Mahkamasi qarori asosida kollejlar, akademik litseylar, maktablar va maktabgacha taʼlim muassasalari qurilishiga yoʻnaltirilgan mablagʻlar summasiga, biroq soliq solinadigan daromadning (foydaning) oʻttiz foizidan koʻp boʻlmagan miqdorda”;

toʻrtinchi xatboshisi beshinchi xatboshi deb hisoblansin;

quyidagi mazmundagi ikkinchi qism bilan toʻldirilsin:

“Yuridik shaxslar soliq solinadigan daromadni (foydani) ishlab chiqarishni modernizatsiyalashga, texnik va texnologik jihatdan qayta jihozlashga, ushbu maqsadlar uchun berilgan kreditlarni uzishga va lizing obyekti qiymatini toʻlashga yoʻnaltiriladigan mablagʻlar summasiga, hisobot davrida hisoblangan amortizatsiya mablagʻlaridan toʻliq foydalanish sharti bilan uch yil mobaynida kamaytirish huquqiga ega. Mazkur soliq imtiyozi yangi texnologik jihozlar ishga tushirilgan paytdan eʼtiboran navbatdagi soliq hisoboti davri uchun qoʻllaniladi. Yangi texnologik jihozlar olingan (import qilingan) paytdan eʼtiboran uch yil mobaynida realizatsiya qilingan yoki tekinga berilgan taqdirda, mazkur imtiyozning amal qilishi imtiyoz qoʻllanilgan butun davr uchun daromad (foyda) soligʻi toʻlash boʻyicha majburiyatlar tiklangan holda bekor qilinadi”;

ikkinchi qismi uchinchi qism deb hisoblansin;

4) 58-modda quyidagi mazmundagi “yu” va “ya” bandlar bilan toʻldirilsin:

“yu) korxonalar, muassasalar va tashkilotlarning mol-mulkni sugʻurta qilish va hayotni uzoq muddatli sugʻurta qilish boʻyicha oʻz xodimlari uchun sugʻurta mukofotlari toʻloviga toʻlagan summalari;

ya) fuqarolarning ish haqi va soliq solinadigan boshqa daromadlarining mol-mulkni sugʻurta qilish va hayotni uzoq muddatli sugʻurta qilish boʻyicha sugʻurta mukofotlari toʻlovi uchun yoʻnaltiriladigan summalari”;

5) 71-modda ikkinchi qismining 6-bandi quyidagi tahrirda bayon etilsin:

“6) Oʻzbekiston Respublikasi hududiga qonun hujjatlarida belgilanadigan tartibda tasdiqlanadigan roʻyxat boʻyicha quyidagi maqsadlarda olib kirilayotgan texnologik jihozlar, shuningdek butlovchi buyumlar va ehtiyot qismlar, agar ularni yetkazib berish texnologik jihozlarni yetkazib berish kontrakti shartlarida nazarda tutilgan boʻlsa:

Oʻzbekiston Respublikasi nomidan yoki uning kafolati ostida jalb etiladigan chet el kreditlari hisobidan moliyalashtiriladigan investitsiya loyihalarini amalga oshirish uchun;

chet el investitsiyalari ishtirokidagi korxonalarning ustav kapitaliga chet ellik investorlar tomonidan ulush sifatida;

yangi ishlab chiqarishlarni barpo etish, shuningdek ishlab turgan ishlab chiqarishlarni kengaytirish, rekonstruksiya qilish, modernizatsiyalash va texnik jihatdan qayta jihozlash uchun;

lizingga topshirish uchun;

chet ellik investorning investitsiya majburiyatlari hisobidan xususiylashtirilayotgan korxonalar uchun.

Yangi texnologik jihozlar (butlovchi buyumlar va ehtiyot qismlar, agar ular texnologik jihozlarni yetkazib berish kontrakti shartlariga muvofiq yetkazib berilgan boʻlsa) olingan (import qilingan) paytdan eʼtiboran uch yil mobaynida realizatsiya qilingan yoki tekinga berilgan taqdirda, mazkur imtiyozning amal qilishi imtiyoz qoʻllanilgan butun davr uchun qoʻshilgan qiymat soligʻi toʻlash boʻyicha majburiyatlar tiklangan holda bekor qilinadi”;

6) 92-moddaning birinchi qismi quyidagi mazmundagi xatboshi bilan toʻldirilsin:

“ishlab chiqarishga yangitdan joriy etilgan yangi texnologik jihozlarning, besh yil muddatga. Yangi texnologik jihozlar olingan (import qilingan) paytdan eʼtiboran uch yil mobaynida realizatsiya qilingan yoki tekinga berilgan taqdirda, mazkur imtiyozning amal qilishi imtiyoz qoʻllanilgan butun davr uchun mol-mulk soligʻi toʻlash boʻyicha majburiyatlar tiklangan holda bekor qilinadi”.

2-modda. Oʻzbekiston Respublikasining 1997-yil 29-avgustda qabul qilingan “Boj tarifi toʻgʻrisida”gi 470-I-sonli Qonunining (Oʻzbekiston Respublikasi Oliy Majlisining Axborotnomasi, 1997-yil, № 9, 228-modda; 1998-yil, № 9, 181-modda; 2001-yil, № 5, 89-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; 2007-yil, № 7, 322-modda) 33-moddasiga quyidagi oʻzgartish va qoʻshimchalar kiritilsin:

birinchi qism:

oʻn toʻqqizinchi—yigirma beshinchi xatboshilari quyidagi mazmundagi oʻn toʻqqizinchi—yigirma toʻrtinchi xatboshilar bilan almashtirilsin:

“Oʻzbekiston Respublikasi hududiga qonun hujjatlarida belgilangan tartibda tasdiqlanadigan roʻyxat boʻyicha quyidagi maqsadlarda olib kirilayotgan texnologik jihozlar, shuningdek butlovchi buyumlar va ehtiyot qismlar, agar ularni yetkazib berish texnologik jihozlarni yetkazib berish kontrakti shartlarida nazarda tutilgan boʻlsa:

Oʻzbekiston Respublikasi nomidan yoki uning kafolati ostida jalb etilgan chet el kreditlari hisobidan moliyalashtiriladigan investitsiya loyihalarini amalga oshirish uchun;

chet el investitsiyalari ishtirokidagi korxonalarning ustav kapitaliga chet ellik investorlar tomonidan ulush sifatida;

yangi ishlab chiqarishlarni barpo etish, shuningdek ishlab turgan ishlab chiqarishlarni kengaytirish, rekonstruksiya qilish, modernizatsiyalash va texnik jihatdan qayta jihozlash uchun;

lizingga topshirish uchun;

chet ellik investorning investitsiya majburiyatlari hisobidan xususiylashtirilayotgan korxonalar uchun”;

yigirma oltinchi xatboshisi yigirma beshinchi xatboshi deb hisoblansin;

quyidagi mazmundagi ikkinchi qism bilan toʻldirilsin:

“Yangi texnologik jihozlar (butlovchi buyumlar va ehtiyot qismlar, agar ular texnologik jihozlarni yetkazib berish kontrakti shartlariga muvofiq yetkazib berilgan boʻlsa) olingan (import qilingan) paytdan eʼtiboran uch yil mobaynida realizatsiya qilingan yoki tekinga berilgan taqdirda, ushbu modda birinchi qismining oʻn toʻqqizinchi — yigirma toʻrtinchi xatboshilarida nazarda tutilgan imtiyozlarning amal qilishi imtiyoz qoʻllanilgan butun davr uchun bojxona bojini toʻlash boʻyicha majburiyatlar tiklangan holda bekor qilinadi”;

ikkinchi—toʻrtinchi qismlari tegishincha uchinchi—beshinchi qismlar deb hisoblansin.

3-modda. Ushbu Qonun rasmiy eʼlon qilingan kundan eʼtiboran kuchga kiradi.