LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari to‘g‘risida” 2007-yil 6-apreldagi PQ-616-sonli qaroriga muvofiq:
1. O‘zbekiston Respublikasi Prezidentining “O‘zbekiston Respublikasi Mehnat va aholini ijtimoiy muhofaza qilish vazirligini tashkil etish to‘g‘risida” 2001-yil 13-fevraldagi PF-2810-sonli Farmoni:
4-bandining ikkinchi xatboshisidagi “amaldagi mehnat, aholi bandligi va uni ijtimoiy muhofaza qilish bo‘limlari saqlanib qoladi” so‘zlari “Bandlikka ko‘maklashish markazlari ishlab kelmoqda” so‘zlari bilan almashtirilsin;
4-bandining uchinchi xatboshisidagi “mehnat, aholi bandligi va uni ijtimoiy muhofaza qilish bo‘limlari” so‘zlari “Bandlikka ko‘maklashish markazlari” so‘zlari bilan almashtirilsin.
2. Mazkur Farmonning ijrosini nazorat qilish O‘zbekiston Respublikasi Prezidentining Mamlakatni isloh qilish va yangilashning huquqiy bazasini takomillashtirish masalalari bo‘yicha Davlat maslahatchisining xizmati (I.B. Abdullayev) zimmasiga yuklansin.