Aholi daromadlari va farovonligi darajasini o‘stirishning g‘oyat muhim omili sifatida uning bandligini oshirish uchun zarur shart-sharoitlar yaratish, mehnat bozori infratuzilmasini yanada rivojlantirish, odamlarni ijtimoiy himoya qilish tizimini mustahkamlash, ushbu masalalarni hal etishda mehnat va aholini ijtimoiy muhofaza qilish organlarining rolini faollashtirish hamda javobgarligini kuchaytirish, shuningdek ular faoliyatini tashkil qilishni takomillashtirish maqsadida:
1. O‘zbekiston Respublikasi Prezidentining 2007-yil 12-yanvardagi F-2654-sonli Farmoyishiga muvofiq tashkil etilgan Ishchi guruhi tomonidan O‘zbekiston Respublikasi Iqtisodiyot vazirligi, Mehnat va aholini ijtimoiy muhofaza qilish vazirligi, Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari dasturi 1-ilovaga muvofiq ma’qullansin.
Ishchi guruhi Dastur topshiriqlari bajarilishi ustidan qat’iy monitoring o‘rnatsin va uning ijrosi to‘g‘risida har chorakda Vazirlar Mahkamasiga axborot berib borsin.
2. Respublika sharoitida aholi bandligi va daromadlarini oshirishning samarali shakllaridan biri sifatida aholini xo‘jalik yurituvchi subyektlar bilan kooperatsiyalashgan holda kasanachilik mehnatiga keng jalb etishni rag‘batlantirish maqsadida O‘zbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar o‘rtasida kooperatsiyani kengaytirishni rag‘batlantirish chora-tadbirlari to‘g‘risida” 2006-yil 5-yanvardagi PF-3706-sonli Farmonining amal qilishi iqtisodiyotning boshqa tarmoqlari, birinchi galda transport, aloqa, qurilish va qurilish industriyasining yirik korxonalariga, shuningdek tayyor mahsulot ishlab chiqarishga ixtisoslashgan kichik sanoat korxonalariga nisbatan ham joriy etilsin.
3. Quyidagilar O‘zbekiston Respublikasi Mehnat va aholini ijtimoiy muhofaza qilish vazirligining eng muhim vazifalari deb hisoblansin:
mintaqalar bo‘yicha mehnat bozorini shakllantirishda samarali siyosatni amalga oshirish, demografik omillarni, iqtisodiyot tarmoqlarini rivojlantirish va tarkibiy qayta tashkil etishning istiqbolli yo‘nalishlarini e’tiborga olgan holda bandlikning yangi shakllarini keng tatbiq etish hisobiga aholi bandligining o‘sishini ta’minlash;
demografik o‘zgarishlar va kadrlarning kasbiy tayyorgarligi bilan bog‘liq o‘zgarib borayotgan talablarni hisobga olgan holda mehnat, ish bilan bandlik va aholini ijtimoiy qo‘llab-quvvatlash sohasidagi qonun hujjatlarini ishlab chiqish va yanada takomillashtirish bo‘yicha takliflar kiritish;
ishga joylashishga muhtoj, ish bilan band bo‘lmagan aholiga kasbiy qayta tayyorlash va ishga joylashtirish bo‘yicha sifatli xizmatlar ko‘rsatish;
aholining ehtiyojmand toifalarini ijtimoiy himoya qilish bo‘yicha amaliy chora-tadbirlarning amalga oshirilishini ta’minlash, kamxarj oilalar, nogironlar va yolg‘iz keksalarga yordam ko‘rsatishda tabaqalashtirilgan tarzda va aniq yondoshuvni kuchaytirish;
mehnat, bandlik va aholini ijtimoiy muhofaza qilish sohasidagi qonun hujjatlari talablariga rioya etilishi ustidan qattiq nazoratni amalga oshirish, mehnat munosabatlarini moddiy rag‘batlantirish va mehnatni muhofaza qilish mexanizmlarini takomillashtirish chora-tadbirlarini ishlab chiqish.
Keyingi tahrirga qarang.
4. O‘zbekiston Respublikasi Mehnat va aholini ijtimoiy muhofaza qilish vazirligi Iqtisodiyot vazirligi, Oliy va o‘rta maxsus ta’lim vazirligi bilan birgalikda, mehnat bozorida vujudga kelayotgan tendensiyalarni va muayyan ixtisosliklar bo‘yicha kadrlarga nisbatan talab-ehtiyojni hisobga olgan holda kadrlarni kasbiy tayyorlash va qayta tayyorlash bo‘yicha yo‘nalishlardagi o‘zgarishlarga oid takliflarni tizimli asosda Vazirlar Mahkamasiga kiritsin.
Keyingi tahrirga qarang.
5. O‘zbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi, Moliya vazirligining tuman (shahar) mehnat, bandlik va aholini ijtimoiy muhofaza qilish bo‘limlari negizida yirik qishloq fuqarolar yig‘inlari (mahallalar)da mehnat va aholini ijtimoiy muhofaza qilish bo‘yicha muqim punktlari bo‘lgan Bandlikka ko‘maklashuvchi tuman (shahar) markazlarini tashkil etish to‘g‘risidagi taklifi qabul qilinsin.
ish bilan band bo‘lmagan aholi hisobi metodikasiga muvofiq, ishsizlar tizimli ravishda hisobga olib borilishini, ishga joylashishga muhtojlar, shuningdek mavjud bo‘sh ish joylari to‘g‘risida ma’lumotlar banki shakllantirilishini ta’minlash;
ishsizlar, birinchi navbatda yoshlar, xotin-qizlar va aholining boshqa ijtimoiy ehtiyojmand toifalarini ishga joylashtirishga ko‘maklashish;
aholi bandligining samarali shakllarini rivojlantirish, jumladan kasanachilik mehnatini joriy etish, mustaqil ish bilan bandlik, shu jumladan shaxsiy yordamchi va dehqon xo‘jaliklarida qoramol boqish hamda boshqa turdagi ish bilan bandlikni rag‘batlantirish;
ishsizlarni kasbga o‘qitish va qayta o‘qitishni tashkil qilish, ularni ijtimoiy qo‘llab-quvvatlash bo‘yicha qonun hujjatlarida nazarda tutilgan chora-tadbirlarni amalga oshirish, haq to‘lanadigan jamoat ishlarini kengaytirish;
ish beruvchilar tomonidan mehnatga oid qonun hujjatlariga, shuningdek mehnatni muhofaza qilish sohasidagi normativ-huquqiy hujjatlarga rioya etilishini nazorat qilish;
ehtiyojmand oilalarni ijtimoiy qo‘llab-quvvatlash chora-tadbirlarini amalga oshirishda fuqarolarning o‘zini o‘zi boshqarish organlariga amaliy yordam ko‘rsatish, kamxarj oilalarga nafaqalar hamda moddiy yordam tayinlash va to‘lashda o‘rnatilgan tartibga rioya etilishi monitoringini amalga oshirish.
Keyingi tahrirga qarang.
Keyingi tahrirga qarang.
O‘zbekiston Respublikasi Mehnat va aholini ijtimoiy muhofaza qilish vazirligining tashkiliy tuzilmasi 2-ilovaga muvofiq;
O‘zbekiston Respublikasi Mehnat va aholini ijtimoiy muhofaza qilish vazirligining xodimlar umumiy cheklangan soni 89 kishi, shulardan boshqaruv xodimlari soni 61 kishidan iborat bo‘lgan markaziy apparati tuzilmasi 3-ilovaga muvofiq;
Qoraqalpog‘iston Respublikasi Mehnat va aholini ijtimoiy muhofaza qilish vazirligi tuzilmasi hamda viloyatlar va Toshkent shahar mehnat va aholini ijtimoiy muhofaza qilish hududiy bosh boshqarmalarining namunaviy tuzilmasi 4 va 4a-ilovalarga muvofiq;
tuman (shahar) ijtimoiy ta’minot bo‘limi hamda Bandlikka ko‘maklashuvchi tuman (shahar) markazining namunaviy tuzilmalari 5 va 6-ilovalarga muvofiq tasdiqlansin.
Mehnat va aholini ijtimoiy muhofaza qilish vaziriga Vazirlik markaziy apparatining tasdiqlangan tuzilmasiga belgilangan xodimlar soni va mehnat haqi fondi doirasida o‘zgartirishlar kiritish huquqi berilsin.
O‘zbekiston Respublikasi Vazirlar Mahkamasi ikki hafta muddatda O‘zbekiston Respublikasi Mehnat va aholini ijtimoiy muhofaza qilish vazirligi to‘g‘risidagi nizomni tasdiqlasin.
Keyingi tahrirga qarang.
7. O‘zbekiston Respublikasi Mehnat va aholini ijtimoiy muhofaza qilish vazirligi markaziy apparati bo‘linmalari rahbarlarini, hududiy bosh boshqarmalar, shuningdek vazirlikka bo‘ysunuvchi tashkilotlar rahbarlarini attestatsiyadan o‘tkazish bo‘yicha Respublika komissiyasi 7-ilovaga muvofiq tarkibda tuzilsin.
Respublika komissiyasi ikki oy muddatda mazkur toifalardagi xodimlarni ularning malaka va kasb darajalariga nisbatan talablarni e’tiborga olgan holda attestatsiyadan o‘tkazsin.
8. O‘zbekiston Respublikasi Mehnat va aholini ijtimoiy muhofaza qilish vazirligi 2007-yilning 1-iyuliga qadar:
hududiy bosh boshqarmalar tarkibiy bo‘linmalari, shuningdek, Bandlikka ko‘maklashuvchi tuman (shahar) markazlari va tuman (shahar) ijtimoiy ta’minot bo‘linmalari rahbarlarini ularning malaka va kasbiy saviya-darajasiga nisbatan qattiq talablar qo‘ygan holda attestatsiyadan o‘tkazsin;
O‘zbekiston Respublikasi Oliy va o‘rta maxsus ta’lim vazirligi bilan birgalikda ishsizlar kasbga tayyorlanadigan, qayta tayyorlanadigan va malakasi oshiriladigan bazaviy kasb-hunar kollejlarini hududlar bo‘yicha belgilasin, shuningdek, ish beruvchilar va mehnat bozorining malakali kadrlarga bo‘lgan talab-ehtiyojlarini hisobga oladigan tegishli ta’lim dasturlarini ishlab chiqsin.
9. O‘zbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi, Moliya vazirligi, Davlat statistika qo‘mitasi bir oy muddatda Xalqaro mehnat tashkiloti tomonidan respublikaning o‘ziga xos xususiyatlarini hisobga olib belgilangan normalardan kelib chiqqan holda, hududlar bo‘yicha Ishga joylashishga muhtoj, ish bilan band bo‘lmagan aholi hisobi metodikasini ishlab chiqsin hamda tasdiqlash uchun Vazirlar Mahkamasiga kiritsin.
10. O‘zbekiston Respublikasi Moliya vazirligi, Mehnat va aholini ijtimoiy muhofaza qilish vazirligining mehnat va aholini ijtimoiy muhofaza qilish organlari xodimlarining mehnatini rag‘batlantirish hamda moddiy-texnika bazasini mustahkamlash jamg‘armasini tashkil etish to‘g‘risidagi taklifi qabul qilinsin.
Keyingi tahrirga qarang.
Mehnat va aholini ijtimoiy muhofaza qilish organlari xodimlarining mehnatini rag‘batlantirish hamda moddiy-texnika bazasini mustahkamlash jamg‘armasi to‘g‘risidagi nizom 8-ilovaga muvofiq tasdiqlansin.
Keyingi tahrirga qarang.
11. Adliya vazirligi bir oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
12. Ushbu qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.
T/r | Tadbirlar nomi | Bajarish muddati | Bajarish uchun mas’ullar | Tadbirlarni amalga oshirish shakllari | Kutilayotgan natija |
I. Aholining ish bilan bandligini oshirish | |||||
1. | Har yili kamida 550 ming yangi ish o‘rinlarini, shu jumladan: kichik korxonalar va mikrofirmalarni rivojlantirish hisobiga — 320 ming ish o‘rinlari; barcha yo‘nalishdagi kasanachilikni, jumladan oilaviy tadbirkorlikni kengaytirish hisobiga — 160 ming ish o‘rinlari; faoliyat yuritayotgan korxonalarni rekonstruksiya qilish va moliyaviy-iqtisodiy sog‘lomlashtirish, yangi yirik ishlab chiqarish obyektlarini ishga tushirish, ijtimoiy va bozor infratuzilmasini rivojlantirish hisobiga — 70 ming ish o‘rinlarini tashkil etish. | Har yili | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Mehnat va aholini ijtimoiy muhofaza qilish vazirligi | Bandlikning hududiy dasturlari | Tumanlar, shaharlar, viloyatlar va umuman respublikada ish o‘rinlari hamda aholining bandligi o‘sishini tashkil etish. |
2. | 2007-yilda, asosan qishloq joylarda xizmat ko‘rsatish va servis sohasida ish o‘rinlarining mahallalar bo‘yicha joylashuvini belgilab va ushbu maqsadlarga Bandlikka ko‘maklashish jamg‘armasidan har yili kamida 3 mlrd. so‘m ajratilishini nazarda tutgan holda 100 ming yangi ish o‘rinlari tashkil etilishini ta’minlash. | 2007-yil davomida | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot vazirligi, Mehnat va aholini ijtimoiy muhofaza qilish vazirligi | Bandlikning hududiy dasturlari | Aholining ish bilan bandligi, shu jumladan xizmat ko‘rsatish va servis sohasidagi bandligining o‘sishi. |
3. | Oilaviy biznesni tashkil etishga imtiyozli kreditlarni jalb etgan holda har yili kam ta’minlangan oilalardan, ayniqsa qishloq joylarda kamida 15 ming kishini ishga joylashtirish. | Har yili | Mehnat va aholini ijtimoiy muhofaza qilish vazirligi, tumanlar hokimliklari | Mikrokreditlarga bo‘lgan talablar to‘g‘risidagi axborot, Bajaruvchilarning qo‘shma tadbirlari | Kam ta’minlangan oilalardagi, eng avvalo qishloq joylarda yashovchi ishlamaydigan aholining bandligini ta’minlash. |
4. | Qoramol yetishtiruvchilarni ish bilan band shaxslar sifatida hisobga olish, ushbu faoliyat turi bilan shug‘ullanuvchi kamida 270 ming kishiga mehnat daftarchasi berish va yuritish, shuningdek qoramol sotib olish uchun Bandlikka | 2007-yil davomida | Mehnat va aholini ijtimoiy muhofaza qilish vazirligi, qishloq tumanlari hokimliklari | Qoramol yetishtirish chora-tadbirlari parametrlari | Ishlamaydigan qishloq aholisining bandligi va ijtimoiy muhofazasini ta’minlash. |
5. | Ish bilan band va ishga joylashishga muhtoj shaxslarning haqiqiy sonini aniqlash uchun mehnat bozoridagi vaziyatga baho berish ko‘rsatkichlari tizimini ishlab chiqish va tasdiqlash. | 2007-yil II chorak | Mehnat va aholini ijtimoiy muhofaza qilish vazirligi, Davlat statistika qo‘mitasi, Iqtisodiyot vazirligi | Ko‘rsatkichlar tizimini tasdiqlash | Mehnat bozoridagi vaziyatni va ishga muhtojlar sonini yanada to‘liq va sifatli baholash. |
6. | Tasdiqlangan ko‘rsatkichlar tizimi bo‘yicha mehnat bozori va bandlik ustidan monitoring tashkil etish. | Har chorakda | Mehnat va aholini ijtimoiy muhofaza qilish vazirligi, Davlat statistika qo‘mitasi, Iqtisodiyot vazirligi | Har chorakda chiqadigan “Mehnat bozori va aholi bandligi monitoringi” byulletenini chop etish | Mintaqalar bo‘yicha mehnat bozoridagi vaziyatni tezkor ravishda baholash tizimini shakllantirish. |
7. | Go‘sht-sut va meva-sabzavot mahsulotlari, boshqa turdagi mahalliy xomashyoni qayta ishlash, teriga ishlov berish, xalq iste’moli mollarini ishlab chiqarish bo‘yicha kichik korxonalarni tashkil etish innovatsiya loyihalarini rag‘batlantirish mexanizmi ishlab chiqilishini ta’minlash hamda ularni Tadbirkorlikni qo‘llab-quvvatlash va korxonalarni tarkibiy qayta qurish jamg‘armasi mablag‘laridan grantlar va kreditlar ajratish yo‘li bilan moliyalashtirish. | Ishlab chiqish — 2007-yil, moliyalash-tirish — 2008-yildan boshlab | Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi, Iqtisodiyot vazirligi | Kichik innovatsiya loyihalarini rag‘batlantirish to‘g‘risidagi nizom | Kichik korxonalarda muqim ish o‘rinlarini tashkil etish. |
II. Mehnat organlari ish bilan band bo‘lmagan fuqarolarga ko‘rsatadigai xizmat, shu jumladan ularni qayta tayyorlash va ishga joylashtirish bo‘yicha ko‘rsatiladigan xizmatlar turi va sifatini kengaytirish | |||||
8. | Har bir yirik qishloq fuqarolari yig‘ini hududida aholini ishga joylashtirish va ijtimoiy muhofaza qilish muqim punktlarini tashkil etish. Band bo‘lmagan aholiga mehnat organlari tomonidan turli xizmatlar ko‘rsatishni nazarda tutuvchi mazkur punktning aniq ish reglamentini ishlab chiqish. | 2007-yil II chorak | Mehnat va aholini ijtimoiy muhofaza qilish vazirligi, qishloq tumanlari hokimliklari | Mehnat va aholini ijtimoiy muhofaza qilish vazirining buyrug‘i, bajaruvchilarning qo‘shma qarorlari | Tuman markazlaridan uzoqda yashaydigan qishloq aholisining hududiy mehnat organlari xizmatidan foydalanishini yaxshilash, ularning doirasini band bo‘lmagan aholining bevosita yashash joyi tomon kengaytirish. |
9. | Axborot xizmati turlari doirasini kengaytirish uchun barcha xo‘jalik yurituvchi subyektlar tomonidan o‘zlaridagi ishchilar soni va ularning maqomidan qat’i nazar, bo‘sh ish o‘rinlari to‘g‘risidagi ma’lumotlarni mehnat organlariga o‘z vaqtida va to‘liq taqdim etishning yangi tartibini tasdiqlash. | 2007-yil II chorak | Mehnat va aholini ijtimoiy muhofaza qilish vazirligi, Iqtisodiyot vazirligi, Adliya vazirligi | Mehnat organlariga bo‘sh ish o‘rinlari va lavozimlari haqidagi ma’lumotlarni taqdim etish tartibi to‘g‘risida nizom | Ishga joylashish imkoniyatlarini oshirish va sonini ko‘paytirish. |
10. | Ish izlayotgan fuqarolarga kerakli ma’lumot olish imkonini beradigan ma’lumotlarning mintaqaviy elektron tarmog‘ini (hududlar, iqtisodiyot tarmoqlari, aniq ish o‘rinlari bo‘yicha) shakllantirishni nazarda tutuvchi bo‘sh o‘rinlar va bo‘sh ish joylari bankidan aholi kengroq foydalanishini, shuningdek mehnat bozori to‘g‘risida davriy axborot materiallari (byulletenlar) chop etilishini, ushbu maqsadlarga Bandlikka ko‘maklashish jamg‘armasidan 450 mln. so‘m ajratilishini nazarda tutgan holda ta’minlash. | Tashkil etish — 2007-yil I-III choraklar, tatbiq etish — 2007-yil IV chorak | Mehnat va aholini ijtimoiy muhofaza qilish vazirligi, tuman (shahar) hokimliklari | Mehnat va aholini ijtimoiy muhofaza qilish vazirining buyrug‘i, bajaruvchilarning qo‘shma tadbirlari, axborot materiallari | Mehnat organlari tomonidan band bo‘lmagan aholiga ko‘rsatilayotgan xizmatlar turini kengaytirish. |
11. | Yolg‘iz keksalar, pensionerlar, nogironlar, parvarishga muhtoj insonlarga uyda ijtimoiy xizmat ko‘rsatishni tashkil etish orqali. kamida 1000 kishining ish bilan band bo‘lishini ta’minlash. | 2007-yil davomida | Mehnat va aholini ijtimoiy muhofaza qilish vazirligi | Mehnat va aholini ijtimoiy muhofaza qilish vazirining buyrug‘i | Mahalliy mehnat organlari tomonidan band bo‘lmagan aholiga ko‘rsatilayotgan xizmatlar turini kengaytirish. |
12. | Mavjud kasb-hunar kollejlari negizida ish bilan band bo‘lmaganlarni tayyorlash, qayta tayyorlash va malakasini oshirish hajmlarini kengaytirish (har yili kamida 10 ming kishi) bo‘yicha chora-tadbirlar ishlab chiqish va amalga oshirish. | 2007-yil davomida | Mehnat va aholini ijtimoiy muhofaza qilish vazirligi, O‘rta maxsus, kasb-hunar ta’limi markazi | Bajaruvchilarning qo‘shma tadbirlari | Ish bilan band bo‘lmaganlarga kasbiy qayta tayyorlash bo‘yicha ko‘rsatilayotgan xizmatlar turini kengaytirish. |
13. | Bandlikni ta’minlash bo‘yicha maxsus chora-tadbirlarga muhtoj toifadagi fuqarolarni ishga joylashtirish uchun ish o‘rinlari zaxirasi yaratiladigan (kvotalashtiriladigan) korxonalar doirasini kengaytirish. | 2007-yil II chorak | Mehnat va aholini ijtimoiy muhofaza qilish vazirligi, Iqtisodiyot vazirligi, Adliya vazirligi | Ijtimoiy muhofazaga muhtoj va ish izlashda qiyinchiliklarga duch kelgan shaxslarni ishga joylashtirish uchun ish o‘rinlari zaxirasini yaratish to‘g‘risida yangi nizom | Kasb-hunar ta’limini tamomlab mehnat bozoriga chiqayotgan yoshlarni, nogironlar, jazodan ozod etilgan shaxslarni ishga joylashtirishni ta’minlash. |
14. | Joylarga chiqish orqali mehnat munosabatlarini takomillashtirish va mehnatga oid qonunchilikka rioya etish masalalarida korxonalarga tizimli huquqiy yordam ko‘rsatish. | Yil davomida | Mehnat va aholini ijtimoiy muhofaza qilish vazirligi | Ish beruvchilar bilan birgalikdagi tadbirlar | Mehnat, bandlik va xodimlarni ijtimoiy muhofaza qilish masalalarida ish beruvchilarga xizmat ko‘rsatish doirasini kengaytirish. |
III. Xalqaro standartlar va mehnat bozorining o‘ziga xos jihatlaridan kelib chiqib, aholi bandligini hisobga olish hamda baholash mexanizmlari va usullarini takomillashtirish | |||||
15. | Bandlik va ishsizlik toifalari mazmun-mohiyatini Xalqaro mehnat tashkiloti standartlariga muvofiqlashtirish. | 2007-yil II chorak | Mehnat va aholini ijtimoiy muhofaza qilish vazirligi, Davlat statistika qo‘mitasi, Adliya vazirligi | Uslubiy va instruksiyaviy hujjatlarni ishlab chiqish | Xalqaro standartlar va O‘zbekistondag� mehnat bozorining o‘ziga xos jihatlaridan kelib chiqib, bandlik ko‘rsatkichlarining hisobga olinishini ta’minlash. |
16. | Xalqaro standartlar va mehnat bozorining o‘ziga xos milliy xususiyatlariga muvofiq mintaqalar bo‘yicha ishga joylashishga muhtoj, ish bilan band bo‘lmagan aholi hisobi metodikasini belgilangan tartibda ishlab chiqish va tasdiqlash. | 2007-yil I chorak | Mehnat va aholini ijtimoiy muhofaza qilish vazirligi, Iqtisodiyot vazirligi, Davlat statistika qo‘mitasi | Uslubiyat | Mehnat bozoridagi vaziyatni baholash sifatini oshirish va ish o‘rniga bo‘lgan talabni aniqlash. |
17. | Bandlik masalalari bo‘yicha tekshiruv dasturlarini milliy hisob raqamlar tizimi doirasida va xalqaro qoidalarga muvofiq norasmiy sektordagi band bo‘lgan barcha toifalarni qamrab olgan holda takomillashtirish. | 2007-yil IV chorak | Mehnat va aholini ijtimoiy muhofaza qilish vazirligi, Iqtisodiyot vazirligi, Davlat statistika qo‘mitasi | Takomillashtirilgan so‘rovnomalar va tekshiruvni o‘tkazish yo‘riqnomalari | Bandlikni hisobga olishni va uslubiyatini takomillashtirish. |
18. | Xalqaro standartlarda qabul qilingan qoidalar tizimida va statistik hisobot ma’lumotlarini bandlik masalalari bo‘yicha tekshiruv materiallari bilan to‘ldirish asosida bandlik maqomi, iqtisodiyot sektorlari va tarmoqlari bo‘yicha mehnat resurslari balansini ishlab chiqish. | 2008-yildan boshlab | Davlat statistika qo‘mitasi, Mehnat va aholini ijtimoiy muhofaza qilish vazirligi | Bajaruvchilarning qo‘shma tadbirlari | Xalqaro standartlarni hiso�ga olgan holda bandlik va ishsizlikni sifatli hamda xolis baholash. |
19. | Tashqi mehnat migratsiyasini hisobga olish shakl va usullarini ishlab chiqish hamda migratsiya siyosatini amalga oshirishga mas’ul idoralar tomonidan vakillik tekshiruvlarini o‘tkazish. | 2007-yil IV chorak | Tashqi mehnat migratsiyasi masalalari agentligi, Davlat statistika qo‘mitasi | Tashqi mehnat migratsiyasini hisobga olishning tasdiqlangan shakllari va vositalari | Aholining mehnat migratsiyasini yanada to‘liq va sifatli hisobga olishni ta’minlash. |
IV. Mehnat va aholini ijtimoiy muhofaza qilish organlari boshqaruvining tashkiliy tuzilmasini maqbullashtirish, ular faoliyati samaradorligini oshirish | |||||
20. | Tuman (shahar) mehnat, bandlik va aholini ijtimoiy muhofaza qilish bo‘limlarini Bandlikka ko‘maklashuvchi markazlar sifatida qayta tashkil etish. | 2007-yil I-II choraklari | Mehnat va aholini ijtimoiy muhofaza qilish vazirligi, tuman, shahar hokimliklari | Tashkiliy tadbirlar | Tuman va shaharlardagi mehnat organlari faoliyati samaradorligini oshirish. |
21. | Faoliyat ko‘rsatayotgan Vaqtincha bir martalik ish bilan ta’minlash markazlarini Vaqtinchalik ishlarni tashkil etish byurosi sifatida qayta tashkil etish hamda mehnat bozorida vaziyat mushkul bo‘lgan mintaqalar hisobiga ularning tarmoqlarini kengaytirish. | 2007-yil I- II choraklari | Mehnat va aholini ijtimoiy muhofaza qilish vazirligi, tuman, shahar hokimliklari | Bajaruvchilarning qarorlari | Vaqtinchalik ishlarni tashkil etish samaradorligini oshirish. |
22. | Mehnat va aholini ijtimoiy muhofaza qilish vazirligining tarkibiy, hududiy va idoraviy mansub bo‘linmalari to‘g‘risidagi nizomlarni qayta ko‘rib chiqish va yangilarini tasdiqlash. | 2007-yil II chorak | Mehnat va aholini ijtimoiy muhofaza qilish vazirligi | Bajaruvchilarning qarorlari | Mehnat va aholini ijtimoiy muhofaza qilish organlari faoliyati samara-dorligini oshirish. |
23. | Nogironlarni ekspertizadan o‘tkazish va reabilitatsiya qilish masalalari inspeksiyasi boshqaruvining tashkiliy tuzilmasini qayta ko‘rib chiqish va Inspeksiya, TMEKlar, mintaqaviy reabilitatsiya markazlari to‘g‘risidagi yangi nizomni tasdiqlash. | 2007-yilning II yarim yilligi | Mehnat va aholini ijtimoiy muhofaza qilish vazirligi, Moliya vazirligi | Vazirlar Mahkamasi qarori loyihasi | Jarayonlarni boshqarishning tashkiliy tuzilmasini maqbullashtirish va nogironlikni ekspertizadan o‘tkazish hamda reabilitatsiya qilish samaradorligini oshirish |
24. | Mehnatni me’yorlashtirish va muhofaza qilish Markazi hamda Mehnat, bandlik va aholini ijtimoiy muhofaza qilish muammolarini o‘rganish Respublika markazini Bandlik, mehnatni muhofaza qilish va aholini ijtimoiy himoya qilish Respublika ilmiy markazi sifatida qayta tashkil etish hamda uning Nizomini tasdiqlash. | 2007-yil I-II choraklari | Mehnat va aholini ijtimoiy muhofaza qilish vazirligi | Mehnat va aholini ijtimoiy muhofaza qilish vazirining buyrug‘i | Bandlik, mehnatni muhofaza qilish va aholini ijtimoiy himoya qilish sohasidagi ilmiy tadqiqotlar jarayonlarini boshqarishning tashkiliy tuzilmasini maqbullashtirish. |
25. | 2007/2008 o‘quv yilidan boshlab yetakchi oliy o‘quv yurtlari va alohida kasb-hunar kollejlarida mehnat, bandlik va aholini ijtimoiy muhofaza qilish sohasida kadrlar, shu jumladan “Mehnat iqtisodiyoti” va “Ijtimoiy ish” mutaxassisliklar bo‘yicha kadrlarni aniq maqsadga yo‘naltirilgan holda tayyorlash chora-tadbirlarini ishlab chiqish va amalga oshirish. | 2007-yil II-III choraklari | Mehnat va aholini ijtimoiy muhofaza qilish vazirligi, Oliy va o‘rta maxsus ta’lim vazirligi | Bajaruvchilarning birgalikdagi qarori | Mehnat va aholini ijtimoiy muhofaza qilish organlarini malakali kadrlar bilan ta’minlash. |
V. Aholini ijtimoiy himoya qilish va mehnatni muhofaza qilish sohasida qonunchilik bazasini rivojlantirish, shu sohada davlat nazorati mexanizmlarini kuchaytirish | |||||
26. | “Ishlab chiqarishdagi baxtsiz hodisalar va kasb kasalliklaridan davlat ijtimoiy sug‘urtasi to‘g‘risida”gi qonun loyihasini ishlab chiqish. | 2007-yil III chorak | Mehnat va aholini ijtimoiy muhofaza qilish vazirligi, Moliya vazirligi, Iqtisodiyot vazirligi, Sog‘liqni saqlash vazirligi, Adliya vazirligi, Kasaba uyushmalari Federatsiyasi | Qonun loyihasi | Ishlab chiqarishdagi baxtsiz hodisalar va kasb kasalliklarida ishchilarga kafolatlarni, mehnatni muhofaza qilish masalalarida ishchilar va ish beruvchilar o‘rtasidagi o‘zaro munosabatlar tartibini belgilash. |
27. | “O‘zbekiston Respublikasida nogironlarni ijtimoiy himoya qilish to‘g‘risida”gi qonunga o‘zgartish va qo‘shimchalar kiritish bo‘yicha takliflar tayyorlash. | 2007-yil III chorak | Mehnat va aholini ijtimoiy muhofaza qilish vazirligi, Moliya vazirligi, Sog‘liqni saqlash vazirligi, Adliya vazirligi, O‘zbekiston nodavlat notijorat tashkilotlari milliy uyushmasi, “Mahalla”, “O‘zbekiston madaniyati va san’ati Forumi”, “Mehr nuri” jamg‘armalari, “Hayot” nodavlat notijorat tashkiloti, Ijtimoiy tashabbuslarni qo‘llab-quvvatlash jamg‘armasi, Respublika bolalar ijtimoiy moslashuvi markazi | Ayrim qonun hujjatlariga o‘zgartish va qo‘shimchalar kiritish to‘g‘risidagi qonun loyihasi | Nogironlarni ijtimoiy muhofaza qilish shart-sharoitlarini takomillashtirish, ularning huquqlarini kengaytirish hamda ish beruvchilarning nogironlarni ish bilan ta’minlashdan manfaatdorligini oshirish. |
28. | O‘zbekiston Respublikasining “Aholini ish bilan ta’minlash to‘g‘risida”gi Qonuni hamda Mehnat kodeksiga o‘zgartish va qo‘shimchalar kiritish bo‘yicha takliflar tayyorlash. | 2007-yil II chorak | Mehnat va aholini ijtimoiy muhofaza qilish vazirligi, Adliya vazirligi | Ayrim qonun hujjatlariga o‘zgartish va qo‘shimchalar kiritish to‘g‘risidagi qonun loyihasi | Bandlikning hamda ishsizlikdan muhofaza qilishning huquqiy kafolatlarini kuchaytirish. |
29. | Moliya-xo‘jalik faoliyatini amalga oshirmaydigan va o‘z ustav fondlarini qonun hujjatlarida belgilangan muddatda shakllantirmagan korxonalarni tugatish tartibi to‘g‘risidagi nizomga (Vazirlar Mahkamasining 1999-yil 3-iyuldagi 327-sonli qarori bilan tasdiqlangan) tugatilgan korxonalardagi bandlikni va ish o‘rinlarini hisobga olgan holda o‘zgartish va qo‘shimchalar kiritish. | 2007-yil III chorak | Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi, Iqtisodiyot vazirligi, Adliya vazirligi | Normativ-huquqiy hujjat loyihasi | Ishlovchilar harakati va ish o‘rinlari, shu jumladan ularning chiqib ketishini yanada to‘liq hisobga olish. |
30. | Mehnat sharoitlarini davlat ekspertizasidan o‘tkazish mexanizmini kuchaytirish bo‘yicha takliflar ishlab chiqish. | 2007-yil III chorak | Mehnat va aholini ijtimoiy muhofaza qilish vazirligi, Adliya vazirligi | Vazirlar Mahkamasining 1993-yil 29-iyuldagi 378-sonli qaroriga o‘zgartish va qo‘shimchalar | Ishlab chiqarishda xavfsiz mehnat sharoitlarini yaratishda davlat nazoratini ta’minlash. |
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
R.S. Azimov | — | O‘zbekiston Respublikasi Bosh vazirining o‘rinbosari, moliya vaziri — komissiya raisi; |
A.A. Xaitov | — | mehnat va aholini ijtimoiy muhofaza qilish vaziri vazifasini bajaruvchi — komissiya raisining o‘rinbosari; |
F.X. Boqiyev | — | Vazirlar Mahkamasining iqtisodiyot va tashqi iqtisodiy aloqalar masalalari QATD mudiri; |
N.Q. Allayorov | — | O‘zbekiston Respublikasi Prezidenti devoni bosh konsultanti; |
J.A. Qo‘chqorov | — | moliya vazirining o‘rinbosari; |
A.I. Komilov | — | sog‘liqni saqlash vazirining o‘rinbosari; |
R.M.Shoabdurahmonov | — | iqtisodiyot vazirining o‘rinbosari; |
E.S. Kanyazov | — | adliya vazirining o‘rinbosari; |
B.X. Xodiyev | — | Toshkent Davlat iqtisodiyot universitetining rektori; |
T.M. Ahmedov | — | Ijtimoiy-iqtisodiy tadqiqotlar markazi direktorining o‘rinbosari. |
Keyingi tahrirga qarang.
1. Mazkur Nizom Mehnat va aholini ijtimoiy muhofaza qilish organlari xodimlarining mehnatini rag‘batlantirish hamda moddiy-texnika bazasini mustahkamlash jamg‘armasi (bundan keyin matnda — Jamg‘arma)ni tashkil etish va uning mablag‘laridan foydalanish tartibini belgilab beradi.
Keyingi tahrirga qarang.
2. Jamg‘arma mablag‘laridan xodimlarning bajarilayotgan ish samaradorligi va sifatini oshirishdan moddiy manfaatdorligini kuchaytirish, shuningdek mehnat va aholini ijtimoiy muhofaza qilish organlarining moddiy-texnika bazasini mustahkamlash uchun foydalaniladi.
Keyingi tahrirga qarang.
— mehnatda mayib bo‘lganligi yoki kasb kasalligidan nogironlik bo‘yicha O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonuni 15-moddasiga muvofiq tayinlangan pensiyalarni to‘lash xarajatlarini qoplash uchun ish beruvchilar tomonidan regressiv talablar (da’volar) undiriladigan, mehnat va aholini ijtimoiy muhofaza qilish organlari hisob raqamlariga kelib tushadigan mablag‘larning 15 foizi.
Keyingi tahrirga qarang.
4. Jamg‘arma mablag‘lari O‘zbekiston Respublikasi Mehnat va aholini ijtimoiy muhofaza qilish vazirligi, Qoraqalpog‘iston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining budjetdan tashqari maxsus hisob raqamlaridan jamlanadi hamda mehnat va aholini ijtimoiy muhofaza qilish organlari o‘rtasida O‘zbekiston Respublikasi Mehnat va aholini ijtimoiy muhofaza qilish vazirligi tomonidan o‘rnatilgan tartibda taqsimlanadi.
Keyingi tahrirga qarang.
III. Jamg‘arma daromadlari va xarajatlari smetasini tuzish, tasdiqlash hamda ro‘yxatga olish tartibi
5. Jamg‘armaning kelgusi yilgi daromadlari miqdorlarini belgilashda Jamg‘armaning avvalgi yil oxiridagi mablag‘lari qoldig‘i hamda keyingi ikki yil ichida qonun hujjatlaridagi o‘zgarishlarni e’tiborga olib, tushumlar dinamikasini nazarda tutgan holda hisoblab chiqilgan prognoz tushumlari hajmi inobatga olinadi.
6. Smetaning xarajatlar qismi O‘zbekiston Respublikasi Moliya vazirligi tomonidan tasdiqlangan davlat budjeti xarajatlari tasnifiga muvofiq xarajatlarni moddalar bo‘yicha aniq ko‘rsatgan holda xarajat guruhlari bo‘yicha tuziladi.
Qoraqalpog‘iston Respublikasi mehnat va aholini ijtimoiy muhofaza qilish vaziri, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining boshliqlari tomonidan tuman (shahar) bo‘linmalari xarajatlar smetalarini ilova qilgan holda tasdiqlanadi.
Keyingi tahrirga qarang.
8. Jamg‘arma daromadlari va xarajatlari smetasini ro‘yxatga olish budjet tashkilotlarining xarajatlar smetalari va shtat jadvallarini Moliya vazirligi va moliya organlarida hisobga olishning O‘zbekiston Respublikasi Moliya vazirligi tomonidan 1999-yil 9-dekabrda 93-son (1999-yil 13-dekabrdagi 849-ro‘yxat raqami) tasdiqlangan Tartib bilan belgilangan tartib va muddatlarda amalga oshiriladi.
9. O‘zbekiston Respublikasi mehnat va aholini ijtimoiy muhofaza qilish vaziri, Qoraqalpog‘iston Respublikasi mehnat va aholini ijtimoiy muhofaza qilish vaziri, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining boshliqlari Jamg‘arma tushumlarining hajmlaridan kelib chiqib, belgilangan tartibda ro‘yxatga olgan holda Jamg‘armaning daromad va xarajatlari smetasiga har chorakda o‘zgartish kiritishlari mumkin.
Keyingi tahrirga qarang.
10. Jamg‘arma mablag‘larini sarflash O‘zbekiston Respublikasi Mehnat va aholini ijtimoiy muhofaza qilish vazirligi, Qoraqalpog‘iston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining, Bandlikka ko‘maklashuvchi tuman (shahar) markazlari hamda tuman (shahar) ijtimoiy ta’minot bo‘limlarining budjetdan tashqari maxsus hisob raqamlaridan, tasdiqlangan daromadlar va xarajatlar smetalariga muvofiq amalga oshiriladi.
O‘zbekiston Respublikasi mehnat va aholini ijtimoiy muhofaza qilish vaziri, Qoraqalpog‘iston Respublikasi mehnat va aholini ijtimoiy muhofaza qilish vaziri, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining boshliqlari, Bandlikka ko‘maklashuvchi tuman (shahar) markazlarining direktorlari hamda tuman (shahar) ijtimoiy ta’minot bo‘limlarining boshliqlari, ular bo‘lmagan hollarda esa — ularning o‘rnini bosadigan shaxslar tegishli ravishda Jamg‘arma mablag‘larini tasarruf etuvchilar hisoblanadi.
Keyingi tahrirga qarang.
a) Jamg‘arma mablag‘larining kamida 50 foizi miqdorida — mehnat va aholini ijtimoiy muhofaza qilish organlari xodimlarini moddiy rag‘batlantirishga;
b) Jamg‘arma mablag‘larining 50 foizigacha miqdorda — mehnat va aholini ijtimoiy muhofaza qilish organlarining moddiy-texnika bazasini mustahkamlashga, shuningdek kadrlar tayyorlash va xodimlarning malakasini oshirish bo‘yicha sarf-xarajatlarga, shu jumladan:
vazirlik, uning hududiy boshqarmalari hamda tuman (shahar) bo‘limlari va Markazlari binolari hamda xonalarini qurish, sotib olish, ta’mirlash va jihozlar;
Keyingi tahrirga qarang.
avtotransport, aloqa vositalari, hisoblash, kompyuter va tashkiliy texnikalarni sotib olish, ta’mirlash, texnik xizmat ko‘rsatish, inventar va xo‘jalik jihozlarini saqlash hamda ekspluatatsiya qilish, dasturiy ta’minot vositalarini xarid qilish;
mehnat va aholini ijtimoiy muhofaza qilish organlari faoliyatini yaxshilashga qaratilgan boshqa tadbirlar.
Jamg‘armaning joriy yilda foydalanilmagan mablag‘lari qoldig‘i navbatdagi moliya yiliga o‘tadi va olib qo‘yilmaydi.
Keyingi tahrirga qarang.
12. Xodimlarga yuqori kasbiy malakasi uchun har oylik shaxsiy ustama haq, ishdagi muvaffaqiyatlari va muhim topshiriqlarni bajargani uchun ayrim xodimlarni mukofotlash, yubiley sanalari munosabati bilan bir marotabalik pul mukofotlari berish, O‘zbekiston Respublikasining qonun hujjatlarida belgilangan bayram kunlari munosabati bilan mukofotlar to‘lash, mansab maoshlariga har oylik qo‘shimcha haq belgilash (ovqat va boshqa maqsadlarga), moddiy yordam ko‘rsatish O‘zbekiston Respublikasi mehnat va aholini ijtimoiy muhofaza qilish vaziri tomonidan tasdiqlanadigan Xodimlarni moddiy rag‘batlantirish va ijtimoiy muhofaza qilish to‘g‘risidagi nizomga muvofiq hamda ushbu Nizomning 10-bandida ko‘rsatilgan Jamg‘arma mablag‘larini tasarruf etuvchilarning buyruqlari asosida, tegishli Jamg‘armalarning mablag‘lari hisobidan amalga oshiriladi.
13. Jamg‘armadan xodimlarga ustama haq, mukofotlar belgilash va moddiy yordam ko‘rsatish to‘g‘risidagi qaror har bir mehnat va aholini ijtimoiy muhofaza qilish organida tashkil etiladigan maxsus komissiya tomonidan qabul qilinadi.
14. O‘zbekiston Respublikasi mehnat va aholini ijtimoiy muhofaza qilish vaziri, Qoraqalpog‘iston Respublikasi mehnat va aholini ijtimoiy muhofaza qilish vaziri, viloyatlar va Toshkent shahri mehnat va aholini ijtimoiy muhofaza qilish hududiy bosh boshqarmalarining boshliqlari zarur hollarda Jamg‘arma mablag‘larini Jamg‘armaning daromad va xarajatlar smetasiga belgilangan tartibda tegishli o‘zgartishlarni kiritgan holda mehnat va aholini ijtimoiy himoya qilish quyi organlariga qaytadan taqsimlashlari mumkin.
Keyingi tahrirga qarang.
16. Jamg‘arma mablag‘larining tushumi va xarajatlari hisobi budjetdan tashqari boshqa mablag‘lardan, shu jumladan budjet tashkilotlarini rivojlantirish jamg‘armasidan alohida yuritiladi.
17. Jamg‘arma mablag‘lari tushumi va xarajatlari to‘g‘risidagi budjet mablag‘lari uchun belgilangan tartib va muddatlarda O‘zbekiston Respublikasi Moliya vazirligiga taqdim etiladi.
18. Jamg‘arma mablag‘larining maqsadli sarflanishi hamda ushbu mablag‘larni shakllantirish va ulardan foydalanish to‘g‘risida taqdim etiladigan ma’lumotlarning haqqoniyligi uchun mehnat va aholini ijtimoiy muhofaza qilish organlarining rahbarlari shaxsan javobgar bo‘ladilar.
Keyingi tahrirga qarang.
Jamg‘arma mablag‘laridan maqsadga nomuvofiq foydalanish faktlari aniqlangan hollarda maqsadga nomuvofiq foydalanilgan summaning hammasi aybdor shaxslarga nisbatan qonun hujjatlarida belgilangan tartibda tegishli javobgarlik choralari qo‘llangan holda davlat budjeti daromadiga olib qo‘yiladi.
19. Jamg‘arma mablag‘laridan to‘g‘ri va maqsadli foydalanilishi ustidan nazorat O‘zbekiston Respublikasi Mehnat va aholini ijtimoiy muhofaza qilish vazirligi va Moliya vazirligining Nazorat-taftish bosh boshqarmasi hamda uning hududiy organlari tomonidan amalga oshiriladi.
Keyingi tahrirga qarang.