Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonunlariga oʻzgartish va qoʻshimchalar kiritilsin:

I. Oʻzbekiston Respublikasining 1990-yil 20-iyunda qabul qilingan “Yer toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1990-yil, № 16—18, 294-modda; Oʻzbekiston Respublikasi Oliy Kengashining Axborotnomasi, 1992-yil, № 2, 84-modda; 1993-yil, № 6, 243-modda; 1994-yil, № 5, 161-modda; № 11 - 12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda; № 9, 193-modda):

1) 2-moddaning ikkinchi qismi quyidagi mazmundagi xatboshi bilan toʻldirilsin:

“diplomatiya vakolatxonalari va ularga tenglashtirilgan, Oʻzbekiston Respublikasida akkreditatsiya qilingan xalqaro tashkilotlarga vakolatxona binosi, shu jumladan vakolatxona boshligʻi qarorgohi sifatida foydalanib kelinayotgan binolar yoki binolarning bir qismi, shu binolar joylashgan yer uchastkalari bilan birga, shuningdek, mazkur vakolatxonalarning binolarini qurish uchun yer uchastkalari sotilayotganda”;

2) 5-modda:

quyidagi mazmundagi ikkinchi qism bilan toʻldirilsin:

“Toshkent shahrining hokimiyat organlari diplomatiya vakolatxonalari va ularga tenglashtirilgan, Oʻzbekiston Respublikasida akkreditatsiya qilingan xalqaro tashkilotlarga mazkur vakolatxonalarning binolarini, shu jumladan, vakolatxona boshligʻining qarorgohini qurish uchun yer uchastkalarini mulk qilib sotishlari ham mumkin”;

ikkinchi qismi uchinchi qism deb hisoblansin.

3) 7-modda:

uchinchi xatboshisidagi “toʻrtinchi xatboshisida” degan soʻzlar “beshinchi xatboshisida” degan soʻzlar bilan almashtirilsin;

uchinchi xatboshidan keyin quyidagi mazmundagi xatboshi bilan toʻldirilsin:

“diplomatiya vakolatxonalari va ularga tenglashtirilgan, Oʻzbekiston Respublikasida akkreditatsiya qilingan xalqaro tashkilotlarga mazkur vakolatxonalarning binolarini, shu jumladan vakolatxona boshligʻi qarorgohini qurish uchun yer uchastkalarini mulk qilib sotish”;

toʻrtinchi, beshinchi va oltinchi xatboshilari tegishli ravishda beshinchi, oltinchi va yettinchi xatboshilar deb hisoblansin;

4) 12-1-modda: nomi quyidagi tahrirda bayon etilsin:

birinchi va ikkinchi qismlardagi “mulkdorligi” degan soʻz “mulk huquqi” degan soʻzlar bilan almashtirilsin;

quyidagi mazmundagi uchinchi qism bilan toʻldirilsin:

“Diplomatiya vakolatxonalari va ularga tenglashtirilgan, Oʻzbekiston Respublikasida akkreditatsiya qilingan xalqaro tashkilotlarning yer uchastkalariga mulk huquqi ularga vakolatxona binosi, shu jumladan, vakolatxona boshligʻi qarorgohi sifatida foydalanib kelinayotgan binolar yoki binolarning bir qismi shu binolar joylashgan yer uchastkalari bilan birga, shuningdek mazkur vakolatxonalarning binolarini qurish uchun yer uchastkalari sotilayotganida yuzaga keladi”;

5) 13-modda uchinchi qismining 1-bandi “turar joy binolari” degan soʻzlardan keyin “va boshqa binolar yoki binolarning bir qismi shu binolar joylashgan yer uchastkalari bilan birga” degan soʻzlar bilan toʻldirilsin.

6) 14-moddaning yettinchi qismi “turar joy binosi” degan soʻzlardan keyin “va boshqa bino yoki binoning bir qismi” degan soʻzlar bilan toʻldirilsin.

7) 19-moddaning uchinchi qismi va 62-moddaning ikkinchi qismi “turar joy binolari” degan soʻzlardan keyin “va boshqa binolar yoki binolarning bir qismi” degan soʻzlar bilan toʻldirilsin.

8) 20-1-modda chiqarib tashlansin.

V. Oʻzbekiston Respublikasining 1993-yil 2-sentabrda qabul qilingan “Qimmatli qogʻozlar va fond birjasi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 325-modda; 1994-yil, № 11 - 12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda) 9-moddasi quyidagi mazmundagi beshinchi qism bilan toʻldirilsin:

“Bir yoki oʻzaro shartnomalar bilan bogʻlangan bir necha shaxslar, shuningdek shuʼba yoki bir-biriga qaram boʻlgan yuridik shaxslar guruhi bank aksiyalarining yigirma foizidan ortigʻini sotib olishi uchun oldindan Markaziy bankning roziligini olish talab qilinadi. Aksiya sotib oluvchilarning moliyaviy ahvoli qoniqarsizligi aniqlangan taqdirda, Markaziy bank bank aksiyalarining yigirma foizidan ortigʻi xarid qilinishi va sotilishiga rozilik bermaslik huquqiga ega. Markaziy bank, iltimosnoma olingan kundan boshlab, oʻttiz kundan kechiktirmay, ariza beruvchiga oʻz qarori toʻgʻrisida yozma ravishda xabar beradi”;

beshinchi, oltinchi, yettinchi va sakkizinchi qismlari tegishli ravishda oltinchi, yettinchi, sakkizinchi va toʻqqizinchi qismlar deb hisoblansin.

VI. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda; № 12, 269-modda):

1) 27-moddaning birinchi qismi “sudyasi tomonidan” degan soʻzlardan keyin “eksport qilinishi man etilgan buyumlar va mahsulotlar Oʻzbekiston Respublikasidan tashqariga olib chiqib ketilayotgan hollarda esa — bojxona organlari tomonidan” degan soʻzlar bilan toʻldirilsin;

2) 175-modda uchinchi qismining dispozitsiyasi quyidagi tahrirda bayon etilsin:

“Kassa operatsiyalarini yuritish tartibini va toʻlov intizomini buzish, shu jumladan korxonalarning hisobvaraqlarida tegishli mablagʻlar boʻla turib, debitorlik va kreditorlik qarzlari muddati oʻtkazib yuborilgan hamda toʻlovlarni amalga oshirishning belgilangan muddatlari buzilgan taqdirda —”;

3) 245-moddaning birinchi qismi “112-moddasida (transport vositalarini boshqarish huquqidan mahrum etishga oid qismi)” degan soʻzlardan keyin “119-moddaning ikkinchi qismi” degan soʻzlar bilan toʻldirilsin.

4) 262-moddaning ikkinchi qismi quyidagi tahrirda bayon etilsin:

“Bojxona boshliqlari va ularning oʻrinbosarlari bojxona organlari nomidan maʼmuriy huquqbuzarlik toʻgʻrisidagi ishlarni koʻrib chiqish va maʼmuriy jazo chorasini qoʻllashga, shuningdek eksport qilinishi man etilgan buyumlar va mahsulotni musodara qilishga haqlidirlar”;

5) 294-moddaning uchinchi qismi quyidagi mazmundagi gap bilan toʻldirilsin: “Eksport qilinishi man etilgan buyumlar va mahsulot Oʻzbekiston Respublikasidan tashqariga olib chiqib ketilishi bilan bogʻliq boʻlib, musodara chorasi qoʻllanilishi mumkin boʻlgan maʼmuriy javobgarlik toʻgʻrisidagi ish bojxona organi tomonidan alohida hollarda, agar maʼmuriy javobgarlikka tortilayotgan shaxs Oʻzbekiston Respublikasi hududidan tashqarida boʻlsa yoki uning qayerdaligini aniqlashning iloji boʻlmasa, maʼmuriy javobgarlikka tortilayotgan shaxsning ishtirokisiz koʻrib chiqiladi”;

6) 337-modda quyidagi mazmundagi ikkinchi qism bilan toʻldirilsin:

“Eksport qilinishi man etilgan buyumlar va mahsulotni musodara qilish toʻgʻrisidagi bojxona organining qarorini tegishli hokimliklar tomonidan tuziladigan doimiy ishlovchi komissiyalar qonun hujjatlarida belgilangan tartibda ijro etadilar”;

7) 339-moddaning matni quyidagi tahrirda bayon etilsin:

“Buyumni musodara qilish toʻgʻrisidagi qaror, uning ijro etilganligi toʻgʻrisida belgi qoʻyilib, shu qarorni chiqargan maʼmuriy ishlar boʻyicha sudyaga, eksport qilinishi man etilgan buyumlar va mahsulotni musodara qilish toʻgʻrisidagi qaror esa — bojxona organining musodara etish toʻgʻrisida qaror qabul qilgan mansabdor shaxsiga qaytariladi”.