LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Bank tizimining barqaror rivojlanishini, tijorat banklarining kapitallashish darajasini oshirishni, ularning investitsiya va iqtisodiyotni tarkibiy o‘zgartirish jarayonlarida faol ishtirok etishlarini ta’minlash maqsadida:
yuridik shaxslarning tijorat banklari aksiyalari bo‘yicha dividend sifatida olingan daromadlari soliq solishdan ozod qilinadi;
foyda solig‘i va yagona soliq to‘lovi bo‘yicha soliqqa tortish bazasi birlamchi va qo‘shimcha ravishda chiqarilgan tijorat banklari aksiyalarini xarid qilishga yo‘naltiriladigan mablag‘lar summasiga teng miqdorda kamaytiriladi.
Mazkur bandda nazarda tutilgan imtiyozlar tijorat banklarining 2007-yil 1-yanvardan boshlab sotib olingan aksiyalariga, shuningdek 2009-yilning 31-dekabriga qadar to‘lanadigan aksiyalar bo‘yicha dividendlarga nisbatan qo‘llaniladi.
2. O‘zbekiston Respublikasi Moliya vazirligi Markaziy bank bilan birgalikda 2007-yilning 1-yanvariga qadar tijorat banklarining aksiyalarini xarid qilish va ular bo‘yicha dividendlar olishda soliq imtiyozlarini qo‘llash tartibi to‘g‘risidagi nizomni ishlab chiqsin va tasdiqlasin.
3. Tijorat banklariga aholining bo‘sh mablag‘larini, tadbirkorlik subyektlarini, institutsional investorlar, shu jumladan xorijiy investorlarni tijorat banklarining aksiyadorlik kapitaliga jalb etish borasidagi faoliyatni kuchaytirish tavsiya etilsin.
bir oy muddatda qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin;
vazirlik va idoralarning idoraviy normativ hujjatlari mazkur Farmon talablariga muvofiqlashtirilishini ta’minlasin.
5. Ushbu Farmonning ijrosini nazorat qilish O‘zbekiston Respublikasi Bosh vaziri Sh.M. Mirziyoyev va O‘zbekiston Respublikasi Markaziy banki raisi F.M. Mullajonov zimmalariga yuklansin.