Vazirlar Mahkamasining “2004-yil makroiqtisodiy koʻrsatkichlarining asosiy parametrlari va ularning bajarilishini nazorat qilishni kuchaytirish chora-tadbirlari toʻgʻrisida” 2003-yil 15-dekabrdagi 547-son qaroriga muvofiq hamda bank tizimini yanada rivojlantirishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin va baʼzilarini oʻz kuchini yoʻqotgan deb hisoblansin.

1. Oʻzbekiston Respublikasi Vazirlar Mahkamasining “Savdoga va tijoratga koʻmaklashuvchi “Savdogar” ixtisoslashtirilgan aksionerlik-tijorat bankining faoliyat koʻrsatishi uchun shart-sharoitlar yaratib berishga oid chora-tadbirlar toʻgʻrisida” 1994-yil 16-apreldagi 212-son qarori 2-bandining birinchi xatboshi chiqarib tashlansin.

2. Oʻzbekiston Respublikasi Vazirlar Mahkamasining “Ixtisoslashtirilgan “Zamin” davlat-aksionerlik ipoteka bankini tashkil etish toʻgʻrisida” 1995-yil 7-sentabrdagi 350-son qarorining 1-bandida:

birinchi xatboshidan “boshlangʻich ustav fondi 20 million soʻm miqdorida boʻlgan” hamda “va taʼsischilarning ulushlarini foiz hisobida quyidagicha taqsimlash” soʻzlari;

ikkinchi—oʻn birinchi xatboshilar chiqarib tashlansin.

3. Oʻzbekiston Respublikasi Vazirlar Mahkamasining “Bank tizimini isloh qilish chora-tadbirlari toʻgʻrisida” 1999-yil 15-yanvardagi 24-son qarorida:

1-bandning toʻrtinchi xatboshidan “xususiy banklar boʻyicha — soʻm ekvivalentida 0,3 mln AQSh dollari miqdorida” soʻzlari chiqarib tashlansin;

3-bandning ikkinchi xatboshi quyidagi tahrirda bayon qilinsin:

“bir aksiyadorning yoki bir-biri bilan bogʻliq boʻlgan bir guruh aksiyadorlarning bank ustav sarmoyasidagi ulushi ustav sarmoyasi umumiy miqdorining 25 foizidan ortiq boʻlishi mumkin emas (xususiy banklar va xorijiy sarmoya ishtirokidagi banklar bundan mustasno);”.

4. Oʻzbekiston Respublikasi Vazirlar Mahkamasining “Tijorat banklarining kichik va oʻrta tadbirkorlikni rivojlantirishda qatnashishini ragʻbatlantirishga doir qoʻshimcha chora-tadbirlar toʻgʻrisida” 2000-yil 19-maydagi 195-son qarori (Oʻzbekiston Respublikasi QT, 2000-y., 5-son, 25-modda) 2-bandining uchinchi xatboshidagi “jismoniy shaxslarning muddatli omonatlari (depozitlari)ning koʻpaygan” soʻzlari “jismoniy shaxslarning muddatli omonatlari, plastik kartochkalar boʻyicha omonatlari hamda joylashtirilgan jamgʻarma sertifikatlari hajmlarining koʻpaygan” soʻzlari bilan almashtirilsin.

5. Oʻzbekiston Respublikasi Vazirlar Mahkamasining “Pul muomalasini tartibga solish va respublika isteʼmol bozorini himoya qilishni kuchaytirish toʻgʻrisida” 1993-yil 5-maydagi 204-son qarori oʻz kuchini yoʻqotgan deb hisoblansin.