Республика агросаноат комплекси учун инженер кадрлар тайёрлашни такомиллаштириш, республика хўжаликларида илғор мамлакатлар қишлоқ хўжалиги ишлаб чиқаришининг замонавий даражасига жавоб берувчи мелиорация тадбирларини, янги технологиялар ва техника воситаларини татбиқ этишни, кадрлар тайёрлаш ва илмий тадқиқотлар соҳасига бозор муносабатларини жорий этишни, шунингдек, фан ва ишлаб чиқариш интеграциясини чуқурлаштиришни таъминлаш мақсадида Вазирлар Маҳкамаси қарор қилади:

1. Тошкент қишлоқ хўжалигини ирригациялаш ва механизациялаш инженерлари институти ягона яхлит ўқув-илмий-ишлаб чиқариш комплекси (УНПК ТИИИМСХ) сифатида бош институт, унинг Қарши филиали ва Ўрта Чирчиқ ноҳиясининг Тўйтепа шаҳридаги ўқув-тажриба хўжалиги таркибида сақлаб қолинсин.

2. Тошкент қишлоқ хўжалигини ирригациялаш ва механизациялаш инженерлари институти ўқув-илмий-ишлаб чиқариш комплексининг ўқув-тажриба хўжалигига ишлаб чиқарилган пахта толасининг фақат 85 фоизи ҳажми учун давлат буюртмаси белгилансин.

3. Ўзбекистон Республикаси Молия вазирлиги, Мелиорация ва сув хўжалиги вазирлиги Тошкент қишлоқ хўжалигини ирригациялаш ва механизациялаш инженерлари институти ўқув-илмий-ишлаб чиқариш комплекси харажатларининг ҳисобини ҳар йили белгилаётганда ижтимоий-иқтисодий эҳтиёжларга ва комплекснинг моддий-техника базасини мустаҳкамлашга сарф-харажатларнинг бир қисмини ўқув-тажриба хўжалигининг ишлаб чиқариш фаолиятидан олинадиган фойда ҳисобидан қоплашни назарда тутсинлар.