|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ МЕҲНАТ ВА АҲОЛИНИ ИЖТИМОИЙ МУҲОФАЗА ҚИЛИШ ВАЗИРЛИГИ ФАОЛИЯТИНИ ТАШКИЛ ЭТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Президентининг «Ўзбекистон Республикаси Меҳнат ва аҳолини ижтимоий муҳофаза қилиш вазирлигини ташкил этиш тўғрисида» 2001 йил 13 февралдаги ПФ-2810-сон Фармонига мувофиқ Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2007 йил 8 майдаги 95-сонли қарори билан ўз кучини йўқотган — ЎР ҚҲТ, 2007 й., 19-20-сон, 195-модда)
2. Белгилаб қўйилсинки:
Ўзбекистон Республикаси Меҳнат ва аҳолини ижтимоий муҳофаза қилиш вазирлиги Ўзбекистон Республикаси Меҳнат вазирлиги ва Ижтимоий таъминот вазирлигининг мажбуриятлари ва шартномалари бўйича ҳуқуқий вориси ҳисобланади;
Олдинги таҳрирга қаранг.
(2-банднинг учинчи хатбошиси Ўзбекистон Республикаси Вазирлар Маҳкамасининг 2017 йил 13 мартдаги 130-сон қарорига асосан чиқарилган — ЎР ҚҲТ, 2017 й., 15-сон, 249-модда)
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2017 йил 13 мартдаги 130-сон қарорига асосан ўз кучини йўқотган — ЎР ҚҲТ, 2017 й., 15-сон, 249-модда)
4. Мавжуд ходимлар сони доирасида:
Меҳнатни муҳофаза қилиш илмий-тадқиқот институти Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳузуридаги Меҳнатни нормалаш ва муҳофаза қилиш марказига;
Ўзбекистон Республикаси Меҳнат вазирлигининг Компьютер маркази Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Ахборот-компьютер марказига айлантирилсин.
5. Меҳнат вазирлиги ҳузуридаги Меҳнаткаш муҳожирлар ишлари бўйича республика агентлиги Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Ташқи меҳнат миграцияси масалалари агентлигига айлантирилсин.
Олдинги таҳрирга қаранг.
(5-банднинг иккинчи хатбоши Ўзбекистон Республикаси Вазирлар Маҳкамасининг 2003 йил 12 ноябрдаги 505-сонли қарори билан чиқарилган — ЎР ҚҲТ, 2003 й., 21-сон, 216-модда)
6. Меҳнат ва аҳолини ижтимоий муҳофаза қилиш вазирлиги:
Ўзбекистон Республикаси Меҳнат ва аҳолини ижтимоий муҳофаза қилиш вазирлиги тўғрисидаги ҳамда Ташқи меҳнат миграцияси масалалари агентлиги тўғрисидаги низомларни тасдиқлаш учун икки ҳафта муддатда Вазирлар Маҳкамасига киритсин;
ўн кун муддатда меҳнат ва аҳолини ижтимоий муҳофаза қилиш ҳудудий бош бошқармаси тўғрисидаги намунавий низомни ишлаб чиқсин ва Ўзбекистон Республикаси Макроиқтисодиёт ва статистика вазирлиги, Молия вазирлиги билан келишилган ҳолда тасдиқласин;
вазирликнинг марказий аппаратини, ҳудудий бош бошқармаларни, меҳнат иш билан таъминлаш ва ижтимоий муҳофаза қилиш туман (шаҳар) бўлимларини, ижтимоий таъминот бўлимларини юқори малакали кадрлар билан таъминласин;
Ўзбекистон Республикаси Макроиқтисодиёт ва статистика вазирлиги ҳамда Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2001 йил мобайнида меҳнат, иш билан таъминлаш ва ижтимоий муҳофаза қилиш туман (шаҳар) бўлимлари ҳамда ижтимоий таъминот бўлимлари ишларини таҳлил қилсин ва йил якуни бўйича улар фаолиятини ташкил этишни янада такомиллаштириш юзасидан таклифлар киритсин;
пенсия ва нафақалар олишаётган ишсиз фуқаролар, пенсионерлар, ногиронлар, кам таъминланган ва кўп болали оилаларни, аҳолининг бошқа ижтимоий ночор табақаларини шахсан ҳисобга олишнинг автоматлаштирилган тизимини ишлаб чиқсин ва 2001 йил мобайнида амалда жорий этсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари меҳнат ва аҳолини ижтимоий муҳофаза қилиш ҳудудий бош бошқармаларини, уларнинг штатдаги ходимлари сонини ҳисобга олган ҳолда жойлаштириш ҳамда уларнинг самарали фаолият кўрсатиши учун зарур шарт-шароитлар яратиш масалаларини ҳал этсинлар.
8. Белгилаб қўйилсинки, бюджетдан ажратмалар, Иш билан таъминлашга кўмаклашиш давлат жамғармаси маблағлари ва қонун ҳужжатларида назарда тутилган фаолиятдан олинадиган бошқа даромадлар Ўзбекистон Республикаси Бандлик ва меҳнат муносабатлари вазирлигини, Қорақалпоғистон Республикаси Бандлик ва меҳнат муносабатлари вазирлигини ҳамда вилоятлар ва Тошкент шаҳри бандлик ҳудудий бош бошқармаларини молиялаштириш манбалари ҳисобланади.
(8-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
9. Ўзбекистон Республикаси Бандлик ва меҳнат муносабатлари вазирлиги марказий аппарати ходимлари учун меҳнатга ҳақ тўлаш разрядлари Вазирлар Маҳкамасининг 1996 йил 12 апрелдаги 147-сон қарорига 3-иловага мувофиқ белгилансин.
(9-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Олдинги таҳрирга қаранг.
(10-банд Ўзбекистон Республикаси Вазирлар Маҳкамасининг 2017 йил 13 мартдаги 130-сон қарорига асосан ўз кучини йўқотган — ЎР ҚҲТ, 2017 й., 15-сон, 249-модда)
11. Ўзбекистон Республикаси Ҳукуматининг 5-иловага мувофиқ қарорлари ўз кучини йўқотган деб ҳисоблансин.
Ўзбекистон Республикаси Адлия вазирлиги бир ой муддатда Ўзбекистон Республикаси қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида таклифлар киритсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2001 йил 13 февраль,
75-сон
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2007 йил 8 майдаги 95-сонли қарори билан ўз кучини йўқотган — ЎР ҚҲТ, 2007 й., 19-20-сон, 195-модда)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2007 йил 8 майдаги 95-сонли қарори билан ўз кучини йўқотган — ЎР ҚҲТ, 2007 й., 19-20-сон, 195-модда)
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2007 йил 8 майдаги 95-сонли қарори билан ўз кучини йўқотган — ЎР ҚҲТ, 2007 й., 19-20-сон, 195-модда)
Олдинги таҳрирга қаранг.
(4-илова Ўзбекистон Республикаси Вазирлар Маҳкамасининг 2003 йил 12 ноябрдаги 505-сонли қарорига мувофиқ ўз кучини йўқотган — ЎР ҚҲТ, 2003 й., 21-сон, 216-модда)
Ўзбекистон Республикаси Ҳукуматининг ўз кучини йўқотган қарорлари
РЎЙХАТИ
1. Ўзбекистон Республикаси Вазирлар Маҳкамасининг «Ўзбекистон Республикаси Меҳнат вазирлиги тизимидаги органлар фаолиятини янада такомиллаштириш чора-тадбирлари тўғрисида» 1993 йил 11 мартдаги 127-сон қарори.
2. Ўзбекистон Республикаси Вазирлар Маҳкамасининг «Республикада ижтимоий таъминотни бошқаришни такомиллаштириш чора-тадбирлари тўғрисида» 1993 йил 16 июлдаги 358-сон қарори.
3. Ўзбекистон Республикаси Вазирлар Маҳкамасининг «Ўзбекистон Республикаси Меҳнат вазирлиги тизимида Компьютер марказини ташкил этиш тўғрисида» 1995 йил 25 апрелдаги 147-сон қарори.
4. Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамасининг 1993 йил 11 мартдаги 127-сон қарорига ўзгартириш ва қўшимчалар киритиш тўғрисида» 1997 йил 7 апрелдаги 175-сон қарори.
5. Вазирлар Маҳкамасининг 1998 йил 23 июлдаги 310-сон қарори (Ўзбекистон Республикаси ҚТ, 1998й., 7-сон, 27-модда) билан тасдиқланган Ўзбекистон Республикаси Ҳукуматининг айрим қарорларига киритиладиган ўзгартиришлар ва қўшимчаларнинг 3-банди.
(Ўзбекистон Республикаси қонун ҳужжатлари тўплами, 2001 й., 3-4-сон, 14-модда; 2003 й., 21-сон, 216-модда; 24-сон, 239-модда; 2007 й., 19-20-сон, 195-модда; 2017 й., 15-сон, 249-модда, 37-сон, 990-модда)
