Oʻzbekiston Respublikasi Prezidentining
Farmoni
Bolali oilalarga davlat ijtimoiy yordami tizimini takomillashtirish toʻgʻrisida
Bozor munosabatlari shakllanayotgan sharoitda bolali oilalarga davlat yoʻli bilan madad berishni kuchaytirish, yosh avlodni tarbiyalash muammolarini hal etishda ijtimoiy kafolatlarni taʼminlash va bolalarni har tomonlama kamol toptirish maqsadida:
1. 1994-yil 1-sentabrdan boshlab bolali oilalarga davlat ijtimoiy yordamining amaldagi tizimi oʻrniga quyidagi nafaqa turlaridan iborat yagona tizim joriy etilsin:
Oldingi tahrirga qarang.
(1-bandning ikkinchi xatboshisi Oʻzbekiston Respublikasi Prezidentining 2021-yil 11-avgustdagi PF-6277-sonli Farmoniga asosan 2021-yil sentyabrdan chiqariladi — Qonunchilik maʼlumotlari milliy bazasi, 12.08.2021-y., 06/21/6277/0788-son)
Oldingi tahrirga qarang.
bola tugʻilganda mehnatga haq toʻlashning eng kam miqdori 70,3 foizi miqdorida bir yoʻla beriladigan nafaqa;
(1-bandning uchinchi xatboshisi Oʻzbekiston Respublikasi Prezidentining 2019-yil 13-dekabrdagi PF-5894-son Farmoni tahririda — Qonun hujjatlari maʼlumotlari milliy bazasi, 14.12.2019-y., 06/19/5894/4161-son)
Oldingi tahrirga qarang.
bola ikki yoshga yetguncha uni parvarishlash uchun ishlaydigan (budjet tashkilotlarida ishlaydiganlar bundan mustasno) onalarga beriladigan har oylik nafaqa.
(1-bandning uchinchi xatboshisi Oʻzbekiston Respublikasi Prezidentining 2021-yil 11-avgustdagi PF-6277-sonli Farmoni tahririda — Qonunchilik maʼlumotlari milliy bazasi, 12.08.2021-y., 06/21/6277/0788-son — 2021-yil 1-sentabrdan kuchga kiradi )
Oldingi tahrirga qarang.
(2-band Oʻzbekiston Respublikasi Prezidentining 2012-yil 26-dekabrdagi PF-4491-sonli Farmoniga asosan oʻz kuchini yoʻqotgan — OʻR QHT, 2012-y., 52-son, 586-modda)
3. Quyidagilar pul bilan taʼminlashning asosiy manbalari etib belgilansin:
Oldingi tahrirga qarang.
(3-bandning ikkinchi xatboshisi Oʻzbekiston Respublikasi Prezidentining 2021-yil 11-avgustdagi PF-6277-sonli Farmoniga asosan 2021-yil 1-sentabrdan chiqariladi — Qonunchilik maʼlumotlari milliy bazasi, 12.08.2021-y., 06/21/6277/0788-son)
Oldingi tahrirga qarang.
bola tugʻilganda bir yoʻla beriladigan nafaqa uchun — Oʻzbekiston Respublikasi Davlat budjeti mablagʻlari;
(3-bandning uchinchi xatboshi Oʻzbekiston Respublikasi Prezidentining 2009-yil 21-dekabrdagi PF-4158-son farmoni tahririda — OʻR QHT, 2009-y., 52-son, 558-modda)
Oldingi tahrirga qarang.
bola ikki yoshga yetguncha uni parvarishlash uchun ishlaydigan (budjet tashkilotlarida ishlaydiganlar bundan mustasno) onalarga beriladigan har oylik nafaqalar — korxonalar, muassasalar va tashkilotlarning mablagʻlari.
Bunda, 2021-yil 1-sentabrdan boshlab bola ikki yoshga toʻlgunga qadar uni parvarishlash uchun ishlaydigan (budjet tashkilotlarida ishlaydiganlar bundan mustasno) onalarga beriladigan har oylik nafaqalar miqdori mehnatga haq toʻlashning eng kam miqdori 60 foizi miqdorida belgilansin.
(3-bandning uchinchi va toʻrtinchi xatboshilari Oʻzbekiston Respublikasi Prezidentining 2021-yil 11-avgustdagi PF-6277-sonli Farmoni tahririda — Qonunchilik maʼlumotlari milliy bazasi, 12.08.2021-y., 06/21/6277/0788-son — 2021-yil 1-sentabrdan kuchga kiradi )
Oldingi tahrirga qarang.
(3-bandning beshinchi xatboshisi Oʻzbekiston Respublikasi Prezidentining 2021-yil 11-avgustdagi PF-6277-sonli Farmoniga asosan 2021-yil 1-sentabrdan chiqariladi — Qonunchilik maʼlumotlari milliy bazasi, 12.08.2021-y., 06/21/6277/0788-son)
4. Qoraqalpogʻiston Respublikasi Vazirlar Kengashiga, viloyatlar va Toshkent shahri hokimliklariga, korxonalar va tashkilotlarga:
mavjud mablagʻlar doirasida bolali oilalarga beriladigan nafaqalarning belgilangan turlariga qoʻshimcha pul va qoʻshimcha imtiyozlar belgilash, ushbu maqsadlar uchun ijtimoiy jamgʻarma mablagʻlaridan toʻlaroq foydalanish;
jamoat, xayriya tashkilotlarining har xil ijtimoiy yordam koʻrsatishga oid faoliyatini har tomonlama qoʻllab-quvvatlash va ragʻbatlantirish, jamiyatda insonparvarlik, xayr-ehson va rahm-shavqat gʻoyalarini yoyishga koʻmaklashish tavsiya qilinsin.
5. Oʻzbekiston Respublikasi Vazirlar Mahkamasi bir hafta muddat ichida ushbu Farmonni roʻyobga chiqarishga doir qaror qabul qilinsin.
Oʻzbekiston Respublikasining Prezidenti I. KARIMOV
Toshkent sh.,
1994-yil 16-iyun,
PF-871-son
