Hujjat kuchini yo‘qotgan " " 22.07.2022
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
TELEKOMMUNIKATSIYALAR SOHASIDAGI FAOLIYATNI LITSENZIYALASh TOʻGʻRISIDAGI NIZOMGA OʻZGARTIRIShLAR KIRITISh HAQIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining 2011-yil 7-fevraldagi PQ-1474-son qarori bilan tasdiqlangan “Kichik biznes va xususiy tadbirkorlik yili” Davlat dasturiga muvofiq va tadbirkorlik subyektlarini rivojlantirishni har tomonlama ragʻbatlantirish maqsadida Vazirlar Mahkamasi qaror qiladi:
1. Vazirlar Mahkamasining 2000-yil 22-noyabrdagi 458-son qarori (Oʻzbekiston Respublikasi QT, 2000-y., 11-son, 73-modda) bilan tasdiqlangan Telekommunikatsiyalar sohasidagi faoliyatni litsenziyalash toʻgʻrisidagi nizom 5-bandining beshinchi xatboshi quyidagi tahrirda bayon qilinsin:
“telekommunikatsiyalar tarmoqlaridan (mahalliy, radiotelefon, peyjing, maʼlumotlar uzatish) telekommunikatsiyalar xizmatlari koʻrsatmasdan faqat ishlab chiqarish-texnologiya maqsadlarida foydalaniladi”.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 6-dekabr,
322-son
(Oʻzbekiston Respublikasi qonun hujjatlari toʻplami, 2011-y., 49-son, 501-modda)