Davlat tomonidan aholining ijtimoiy himoyaga muhtoj qatlamlarini aniq yo‘naltirilgan tarzda qo‘llab-quvvatlashni yanada kuchaytirish, ularning moddiy farovonlik darajasini oshirish, keksa avlod manfaatlarining himoya qilinishini ta’minlash, o‘sib kelayotgan yosh avlodning jismoniy, aqliy va ma’naviy jihatdan barkamol insonlar bo‘lib voyaga yetishi uchun shart-sharoit yaratish maqsadida:

1. Ish stajining to‘liq pensiya tayinlash uchun talab etiladigan miqdoridan ortiq qismini hisoblab chiqishdagi mavjud cheklashlar 2002-yil 1-yanvardan boshlab bekor qilinsin.

2. Bola ikki yoshga to‘lgunga qadar uni parvarish qilish bo‘yicha onalarga beriladigan oylik nafaqalar miqdori 2002-yilning 1-fevralidan boshlab eng kam ish haqining 170 foizi, 2003-yilning 1-yanvaridan boshlab esa 200 foizi miqdorida belgilansin.

4. O‘zbekiston Respublikasi Prezidentining 1996-yil 4-martdagi PF-1383-sonli Farmoni o‘z kuchini yo‘qotgan deb hisoblansin.

5. O‘zbekiston Respublikasi Vazirlar Mahkamasi bir hafta muddat ichida ushbu Farmonda ko‘zda tutilgan chora-tadbirlarning amalga oshirilishini ta’minlash bo‘yicha qaror qabul qilsin.