Oʻzbekiston Respublikasi Oliy Kengashi qaror qiladi:

Oʻzbekiston Respublikasining 1991-yil 15-fevralda qabul qilingan “Korxonalar, birlashmalar va tashkilotlardan olinadigan soliqlar toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1991-yil, № 4, 86-modda; № 8, 191-modda; 1992-yil, № 4, 177-modda; № 9, 337-modda; 1993-yil, № 1, 20-modda; № 6, 240-modda) quyidagi oʻzgartishlar va qoʻshimchalar kiritilsin:

1. Muqaddima uchinchi xatboshisidagi “chet el valyutasi tushumidan olinadigan soliq” degan soʻzlar chiqarib tashlansin.

2. 2-modda chiqarib tashlansin.

3. 6-modda quyidagi mazmundagi 7-band bilan toʻldirilsin:

“7) jamoa xoʻjaliklari, davlat xoʻjaliklari, dehqon xoʻjaliklari va oʻzga qishloq xoʻjaligi korxonalarining qishloq xoʻjaligi faoliyatidan olgan daromadlariga — 3 foiz stavka boʻyicha soliq solinadi”.

4. 12-modda quyidagi mazmundagi xatboshi va ikkinchi qism bilan toʻldirilsin:

“oborot mablagʻlarini koʻpaytirishga qaratilgan daromad summasiga.

Ushbu moddaga muvofiq berilayotgan soliqqa doir imtiyozlarni eʼtiborga olgan holda hisoblab chiqarilgan daromadlarga solinadigan soliqning umumiy summasi imtiyozlarni eʼtiborga olmagan holda hisoblab chiqarilgan hisob-kitob summasining 50 foizidan kam boʻlmasligi kerak”.

5. 19-moddaning:

birinchi qismi 27-bandi quyidagi tahrirda bayon etilsin:

“27) Oʻzbekiston Respublikasi Qizil Yarim oy va “Yodgorlik” jamiyatlari, Oʻzbekiston Teatr arboblari uyushmasi, “Sogʻlom avlod uchun” Xalqaro xayriya jamgʻarmasi korxonalarining mahsulotlari va xizmatlari — soliqdan ozod qilingan mablagʻlar jamiyatlar, uyushma va jamgʻarmalarning ustav vazifalarini bajarishga ishlatilishi sharti bilan;”

birinchi qismi quyidagi mazmundagi 35 va 36-bandlar bilan toʻldirilsin:

“35) Oʻzbekiston Avtomotohavaskorlar koʻngilli jamiyatiga qarashli mashinalar turadigan joylarda avtotransportni saqlash uchun koʻrsatilgan xizmatlar;

36) davlat tilini oʻqitish va ish qogʻozlarini davlat tilida yuritishga oʻrgatish borasidagi xizmatlar”.

6. IV-1 bob chiqarib tashlansin.

7. 30-moddadagi “8” raqami “15” raqami bilan almashtirilsin.

8. 33-moddaning birinchi qismi quyidagi tahrirda bayon etilsin:

“Asosiy ishlab chiqarish fondlarining qiymati korxonalar mulkiga soliq solish obyekti hisoblanadi”.

9. 41-modda 1-bandining ikkinchi qismidagi “0,5” raqami “0,2” raqami bilan almashtirilsin.