O‘zbekiston Respublikasi Vazirlar Mahkamasining “Davlat va xo‘jalik boshqaruvi respublika organlarining boshqaruv xodimlari sonini maqbullashtirish va qisqartirish to‘g‘risida”gi 2004-yil 5-yanvardagi 1-son qaroriga muvofiq buyuraman:

1. O‘zbekiston Respublikasi Moliya vazirligi tomonidan 1995-yil 8-sentabrda 98-son bilan tasdiqlangan Budjet muassasalari va tashkilotlari xodimlarini moddiy rag‘batlantirishning maxsus jamg‘armasi to‘g‘risidagi nizomni (1995-yil 20-sentabr, ro‘yxat raqami 177-son — Me’yoriy hujjatlar axborotnomasi, 2002-yil 6-son) II-bo‘limining birinchi xatboshidagi ikkinchi gap quyidagi tahrirda bayon etilsin:

“Hukumat qarorlarida belgilangan hollarda, ushbu jamg‘armaga boshqaruv xodimlarining soni qisqarishi munosabati bilan bo‘shab qoladigan va xodimlarni moddiy rag‘batlantirishga yo‘naltiriladigan mablag‘lar ham yo‘naltiriladi.”.

2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kundan o‘tgandan keyin amalga kiritilsin.