Ўзбекистон Республикасининг Индонезия Республикаси билан ўзаро фойдали иқтисодий ва техникавий ҳамкорлигини фаоллаштириш мақсадида Вазирлар Маҳкамаси қарор қилади:

1. Иқтисодий ва техникавий ҳамкорлик бўйича Ўзбекистон—Индонезия ҳукуматлараро комиссияси тузилсин, унга республика вазирликлари ва идораларнинг, давлат, акциядорлик ва хусусий корхоналарнинг, жамоат ташкилотлари ва уюшмаларининг Индонезия Республикаси билан иқтисодий ва техникавий ҳамкорликни ривожлантириш бўйича фаолиятини мувофиқлаштириш функцияси юклансин.

2. Ҳукуматлараро комиссиянинг Ўзбекистонга оид қисми таркиби иловага* мувофиқ тасдиқлансин.

Белгиласинки, ҳукуматлараро комиссиянинг Ўзбекистонга оид қисми аъзолари бошқа ишга ўтганда унинг таркибига уларнинг лавозимига янгидан тайинланган шахслар киритилади.

3. Иқтисодий ва техникавий ҳамкорлик бўйича Ўзбекистон—Индонезия ҳукуматлараро комиссиянинг котибияти функциясини бажариш Ўзбекистон Республикаси Ташқи иқтисодий алоқалар вазирлигига юклансин.

4. Мазкур қарорнинг бажарилишини назорат қилиш Вазирлар Маҳкамасининг Ташқи иқтисодий фаолиятни мувофиқлаштириш департаментига юклансин.