|
Ҳужжат кучини йўқотган 08.01.1997
|
Ўзбекистон Республикаси ОЛИЙ КенгашиНИНГ
Қарори
«МОНОПОЛИСТИК ФАОЛИЯТНИ ЧЕКЛАШ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ҲАҚИДА
LexUZ шарҳиУшбу қарор «Монополистик фаолиятни чеклаш тўғрисида»ги Ўзбекистон Республикаси Қонуни ўз кучини йўқотиши муносабати билан амалда ўз аҳамиятини йўқотди. Қаранг: Ўзбекистон Республикаси Олий Мажлисининг 1996 йил 27 декабрдаги «Товар бозорларида монополистик фаолиятни чеклаш ва рақобат тўғрисида»ги Ўзбекистон Республикасининг Қонунини амалга киритиш тартиби ҳақида»ги қарори.
Ўзбекистон Республикаси Олий Кенгаши қарор қилади:
1. «Монополистик фаолиятни чеклаш тўғрисида»ги Ўзбекистон Республикаси Қонуни эълон қилинган пайтдан бошлаб амалга киритилсин.
LexUZ шарҳи«Монополистик фаолиятни чеклаш тўғрисида»ги Ўзбекистон Республикасининг Қонуни «Халқ сўзи» газетасининг 1992 йил 8 августдаги 153(404)-сонида эълон қилинган.
2. Ўзбекистон Республикаси Президенти ҳузуридаги Вазирлар Маҳкамаси зиммасига икки ойлик муддат ичида:
монополияга қарши фаолиятни амалга оширишга ваколатли бўлган бошқарув идорасини тузиш;
Ўзбекистон Республикаси қонун ҳужжатларини «Монополистик фаолиятни чеклаш тўғрисида»ги Қонунга мувофиқ ҳолга келтириш ҳақидаги таклифларни Ўзбекистон Республикаси Олий Кенгашига тақдим этиш;
Ўзбекистон Республикаси Ҳукуматининг қарорларини «Монополистик фаолиятни чеклаш тўғрисида»ги Қонунга мувофиқ ҳолга келтириш;
Ўзбекистон Республикаси вазирликлари, давлат қўмиталари ва идораларининг ушбу Қонунга зид келадиган норматив ҳужжатлари қайта кўриб чиқилишини ва бекор қилинишини таъминлаш вазифалари топширилсин.
3. Ўзбекистон Республикаси Олий Кенгашининг Иқтисодий ислоҳот, бюджет сиёсати ва маҳаллий ўзини-ўзи бошқариш қўмитаси «Монополистик фаолиятни чеклаш тўғрисида»ги Ўзбекистон Республикаси Қонунининг ижроси устидан назорат ўрнатсин.
Ўзбекистон Республикаси Олий Кенгашининг Раиси Ш. ЙЎЛДОШЕВ
Тошкент ш.,
1992 йил 2 июль,
624-XII-сон
(Ўзбекистон Республикаси Олий Кенгашининг Ахборотномаси, 1992 й., 10-сон, 393-модда)
