|
Ҳужжат кучини йўқотган 13.02.2018
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ТАШҚИ ИҚТИСОДИЙ ФАОЛИЯТ МИЛЛИЙ БАНКИ УСТАВИГА ЎЗГАРТИРИШЛАР КИРИТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 12 февралдаги 108-сонли «Ўзбекистон Республикаси Ташқи иқтисодий фаолият миллий банки Уставини тасдиқлаш тўғрисида»ги қарорига асосан ўз кучини йўқотган.
Ўзбекистон Республикаси Президентининг «Ташқи иқтисодий алоқалар соҳасида бошқарув тизимини янада такомиллаштириш тўғрисида» 2002 йил 21 октябрдаги ПФ-3151-сон Фармонини бажариш юзасидан Вазирлар Маҳкамаси қарор қилади:
1. Вазирлар Маҳкамасининг 1993 йил 21 январдаги 45-сон қарори билан тасдиқланган Ўзбекистон Республикаси Ташқи иқтисодий фаолият миллий банки Устави 23-бандининг тўртинчи хатбоши қуйидаги таҳрирда баён қилинсин:
«Ўзбекистон Республикаси Ташқи иқтисодий алоқалар агентлиги раисининг биринчи ўринбосари».
2. Ташқи иқтисодий фаолият миллий банки киритилаётган ўзгартиришларни ҳисобга олган ҳолда Уставни Ўзбекистон Республикаси Марказий банкида белгиланган тартибда рўйхатдан ўтказсин.
Ўзбекистон Республикасининг Бош вазири Ў. СУЛТОНОВ
Тошкент ш.,
2003 йил 3 ноябрь,
480-сон
