toggle_night_mode
Ҳужжат 16.11.1993 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
ЧЕТ ЭЛ ДИПЛОМАТИК ВАКОЛАТХОНАЛАРНИ ЖОЙЛАШТИРИШ УЧУН МАЪМУРИЙ БИНОЛАРНИ ТОШКЕНТ ШАҲАР ҲОКИМЛИГИ ИХТИЁРИГА БЕРИШ ТЎҒРИСИДА
Ўзбекистон Республикаси Президентининг «Тошкент шаҳрида чет эл дипломатик ваколатхоналар учун бинолар қуриш ва ажратиш, уларнинг фаолиятини зарур шароитлар билан таъминлаш тўғрисида» 1992 йил 11 январдаги 122-ф-сон фармойишига мувофиқ Вазирлар Маҳкамаси қарор қилади:
1. Вазирликлар, идоралар, муассасалар ва ташкилотлар:
чет эл дипломатик ваколатхоналарни жойлаштириш учун маъмурий биноларни шаҳар ҳокимлиги билан келишилган муддатларда Тошкент шаҳар ҳокимлиги ихтиёрига иловага мувофиқ берсинлар;
иловада кўрсатилган ташкилотларни тасарруфларидаги таркибий бўлинмаларда зичлаштириш ҳисобига жойлаштирсинлар.
2. Тошкент шаҳар ҳокимлиги Ташқи ишлар вазирлиги билан келишилган муддатларда бўшаётган биноларни қайта қуриш, асосли таъмирлаш ва ободонлаштириш бўйича ишларни «Тоштаъмирлашқурилиш» трести кучи билан бажаришни таъминласин.
3. Бўшатилаётган хоналарни қайта қуриш, асосли таъмирлаш ва ободонлаштириш ишларини бажариш бўйича буюртмачи этиб Ташқи ишлар вазирлиги белгилансин.
4. Вазирлар Маҳкамасининг 1992 йил 7 мартдаги 108-сон қарорининг 1 ва 3-иловаларидан қуйидагилар чиқариб ташлансин:
Ўзбекистон шох кўчаси, 49-а уйдаги Давлат ўрмон қўмитасининг маъмурий биноси;
Глинка кўчаси, 35-уйдаги «Минерал» илмий-тадқиқот институтининг маъмурий биноси;
Хуршид кўчаси, 86-уйдаги собиқ ДОСААФ Марказий Қўмитасининг маъмурий биноси;
Навоий кўчаси, 22-уйдаги 159-трестнинг маъмурий биноси;
Навоий кўчаси, 12-уйдаги Соғлиқни сақлаш вазирлигининг маъмурий биноси;
Вазирлар Маҳкамасининг 1992 йил 19 июндаги 294-сон қарорининг 1-бандидаги иккинчи хатбоши (93-ихтисослаштирилган трест биноси);
Вазирлар Маҳкамасининг 1993 йил 4 февралдаги 56-сон қарорининг 1 ва 2-иловаларидан К. Цеткин кўчаси, 76-уйдаги «Тошвилоятматлуботуюшма»нинг маъмурий биноси.
5. Ўзбекистон Республикаси Коммунал хизмат кўрсатиш вазирлиги Тошкент вилояти ҳокимлигининг Капитал қурилиш бош бошқармаси, Ўзбекистон Республикаси Ички ишлар вазирлигининг Қурилиш-монтаж бошқармаси ва Капитал қурилиш бошқармаси ходимларини Ш. Руставели кўчаси, 1-тор кўча, 5-уйдаги Коммунал хизмат кўрсатиш вазирлиги ходимлари малакасини ошириш Республика курсларининг биносига жойлаштирсин.
6. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамаси мажмуаларига юклатилсин.
Ўзбекистон Республикасининг Бош вазири А. МУТАЛОВ
Тошкент ш.,
1993 йил 16 ноябрь,
555-сон
Вазирлар Маҳкамасининг
1993 йил 16 ноябрдаги 555-сон қарорига
И Л О В А
Тошкент шаҳрида хорижий дипломатик ваколатхоналарни жойлаштириш учун маъмурий бинолар
рўйхати
№‎

Ташкилотлар, муассасаларнинг номи

 Манзили ‎ Умумий майдони, кв. м ‎ Қаватлар сони
1.‎ Энергетика ва электрлаштириш вазирлигига қарашли «Ўздавэнергияназорат» Толстой кўчаси, 3-а ‎‎ 800 2 ‎‎
2.‎ Республика Олимпия ўринбосарлари болалар ва ўсмирлар ихтисослаштирилган мактаби ва Халқ таълими вазирлигининг моддий-техника таъминоти бош бошқармаси Г. Петров кўчаси, 20 ‎ 953, 5
‎ 441, 0		 1—1
‎1—1 ‎
3.‎ Тошкент вилояти ҳокимлигининг Капитал қурилиш бош бошқармаси Ш. Руставели кўчаси,
‎1- тор кўча, 4 ‎		 700 ‎ 2 ‎
4.‎ «Радиоэлектронтехасбоб» концернининг «Ўзмахсусавтоматика» ишлаб чиқариш-акционерлик бирлашмаси‎ Доғистон кўчаси, 55 ‎ 1200 ‎ 2—2 ‎
5.‎ Тошкент грампластинка заводининг собиқ болалар боғчаси(«Шарқ таронаси»бадиий ишлаб чиқариш бирлашмаси) ‎ Комсомол 40 йиллиги кўчаси 737 ‎ 1 ‎
6.‎ «Ўздавқишлоқхўжаликмаш» концернига қарашли«Ўзавтотеххизмат» ‎ Академик Абдуллаев кўчаси, 4 520 ‎ 2 ‎
7.‎ «Тошвилоятқишлоқхўжаликмонтаж»га қарашли «Махсусқишлоқхўжаликмонтаж»‎ Юнусобод мавзеси, 11-квартал,32-а ‎ 700 ‎ 2 ‎
8.‎ Ўзбекистон давлат жисмоний тарбия ва спорт институти Амир Тимур кўчаси, 92 ‎ 1792 ‎ 2 ‎
9.‎ Қомус бош таҳририяти Жуковский кўчаси, 52 ‎ 640 ‎ 2 ‎
10.‎ Соғлиқни сақлаш вазирлигининг Республика санитария авиацияси станцияси Академик Абдуллаев кўчаси, 38 ‎ 480 ‎ 2 ‎
11.‎ «Радиоэлектронтехасбоб» концернининг назорат ва бошқариш тизимлари махсус конструкторлик бюроси‎ К. Ёрматов кўчаси, 6 ‎ 600 ‎ 2 ‎
12.‎ «Тошвилоятюктранс» концерни‎ Чкалов кўчаси, 44 ‎ 912 ‎ 2 ‎
13.‎ Ички ишлар вазирлигининг Қурилиш-монтаж бошқармаси ва Капитал қурилиш бошқармаси Ш. Руставели кўчаси,1 тор кўча, 1-уй‎ 880 ‎ 2 ‎