|
Ҳужжат кучини йўқотган 22.08.2019
|
Ўзбекистон Республикаси Вазирлар Маҳкамасининг
ҚарорИ
Ўзбекистон Республикасининг давлат ўрта муддатли ғазна мажбуриятларини чиқариш тўғрисида
(қарор номи Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 21 августдаги 705-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Давлат қимматли қоғозлар бозорини янада такомиллаштириш ва ривожлантириш, давлат бюджети дефицитини инфляциясиз қоплаш манбаларини кўпайтириш ҳамда хўжалик юритувчи субъектларнинг бўш ресурсларидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Молия вазирлигига 2004 йилдан бошлаб Ўзбекистон Республикасининг давлат ўрта муддатли ғазна мажбуриятларини чиқаришга рухсат этилсин.
(1-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
2. Белгилансинки:
Ўзбекистон Республикасининг давлат ўрта муддатли ғазна мажбуриятлари давлат қимматли қоғозлари ҳисобланади, Ўзбекистон Республикаси Ҳукумати номидан Ўзбекистон Республикаси Молия вазирлиги томонидан ҳужжатсиз шаклда чиқарилади ва Ўзбекистон Республикаси қимматли қоғозлар бозорида қонун ҳужжатларига мувофиқ муомалада бўлади;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
давлат ўрта муддатли ғазна мажбуриятлари тижорат банклари ва юридик шахслар — Ўзбекистон Республикаси резидентлари ўртасида жойлаштирилади;
(2-банднинг учинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
давлат ўрта муддатли ғазна мажбуриятлари эмиссияси белгилаб қўйилган даромад фоизига эга бўлган, бир йилдан беш йилгача муомалада бўладиган муддат билан алоҳида-алоҳида чиқарилган ҳолда амалга оширилади;
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
давлат ўрта муддатли ғазна мажбуриятларини жойлаштиришдан олинган маблағлар республика бюджетига тушади;
(2-банднинг бешинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
чиқарилган давлат ўрта муддатли ғазна мажбуриятларини жойлаштириш ва тўлаш Ўзбекистон Республикаси Молия вазирлиги номидан ва давлат бюджети маблағлари ҳисобига Ўзбекистон Республикаси Марказий банки томонидан амалга оширилади.
(2-банднинг олтинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
3. Ўзбекистон Республикаси Молия вазирлигига:
Ўзбекистон Республикаси Марказий банки билан келишган ҳолда, молия бозори конъюнктурасига ва бюджет эҳтиёжларига қараб ҳар қайси чиқарилиш ҳажмини, тўловлар даврини ва даромад фоизини белгилаш;
иккиламчи бозорда давлат ўрта муддатли ғазна мажбуриятларини сотиб олиш операцияларини, шунингдек уларни муддатидан олдин тўлаш операцияларини амалга ошириш ҳуқуқи берилсин.
(3-банднинг учинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
4. Ўзбекистон Республикаси Молия вазирлиги Марказий банк билан биргаликда Ўзбекистон Республикасининг давлат ўрта муддатли пул мажбуриятларини чиқариш, уларнинг муомалада бўлиши ва уларни тўлаш тартиби бўйича ушбу қарордан келиб чиқадиган норматив ҳужжатларни бир ой муддатда ишлаб чиқсин ва тасдиқласин.
LexUZ шарҳиҚаранг: Ўзбекистон Республикаси Молия вазирлиги ва Марказий банкининг «Ўзбекистон Республикасининг давлат ўрта муддатли пул мажбуриятлари чиқарилишининг жойлаштирилиши, муомалада бўлиши ва тўловининг амалга оширилиш тартиби тўғрисидаги Низомни тасдиқлаш ҳақида»ги қарори (рўйхат № 1327, 16.03.2004 й.)
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 10 январь,
11-сон
(Ўзбекистон Республикаси қонун ҳужжатлари тўплами, 2004 й., 1-2-сон, 16-модда; 2015 й., 39-сон, 507-модда)
