Ўзбекистон Республикасининг «Ўзбекистон Республикаси Марказий банки тўғрисида»ги Қонуннинг 40-моддаси ва «Валютани тартибга солиш тўғрисида»ги Қонуннинг 7 ва 21-моддаларига мувофиқ ва Ўзбекистон Республикаси Президентининг 2002 йил 27 июндаги ПФ-3099-сонли «Ўзбекистон Республикасида нақд хорижий валютанинг муомаласини тартибга солиш бўйича қўшимча чоралар тўғрисида»ги Фармони, Вазирлар Маҳкамасининг 2001 йил 22 июндаги 263-сонли «Валюта бозорини янада эркинлаштириш чора-тадбирлари тўғрисида»ги ҳамда 2002 йил 28 июндаги 235-сонли «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида»ги қарорларининг ижросини таъминлаш мақсадида, Ўзбекистон Республикаси Марказий банки Бошқаруви, Ўзбекистон Республикаси Молия вазирлиги ва Ўзбекистон Республикаси Давлат солиқ қўмитаси қарор қилади:

1. Ўзбекистон Республикаси ҳудудида нақд хорижий валютани қабул қилиш тартиби тўғрисидаги низом (янги таҳрирда) иловага мувофиқ тасдиқлансин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб, 10 кундан сўнг кучга киритилсин.

3. Мазкур қарор кучга киритилгандан сўнг «Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низом» (рўйхат рақами 1046, 3.07.2001 й., Меъёрий ҳужжатлари ахборотномаси, 2001 й., 13-сон) ва «Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низомга 1-сон ўзгартириш» (рўйхат рақами 1046-1, 31.08.2001 й., Меъёрий ҳужжатлари ахборотномаси, 2001 й., 16-сон) ўз кучини йўқотган деб ҳисоблансин.

Мазкур Низом Ўзбекистон Республикасининг «Ўзбекистон Республикаси Марказий банки тўғрисида»ги ва «Валютани тартибга солиш тўғрисида»ги (янги таҳрирда) қонунларига мувофиқ ишлаб чиқилган ҳамда қонун ҳужжатларида назарда тутилган ҳолларда Ўзбекистон Республикаси ҳудудида чет эл валютасида ҳисоб-китоблар ва тўловларни амалга ошириш пайтида нақд чет эл валютасини қабул қилиш тартибини белгилайди.

1. Ўзбекистон Республикаси ҳудудида нақд хорижий валютани қуйидаги ҳолатларда қабул қилиш мумкин:

в) консуллик хизматлари;

в¹) Ўзбекистон Республикаси Президентининг 2017 йил 29 декабрдаги ПҚ-3451-сон «Хорижий давлатларда кўргазма тадбирларини ўтказиш учун мўлжалланган товарларни олиб чиқиш тартибини соддалаштириш чора-тадбирлари тўғрисида»ги қарорига мувофиқ хорижий давлатларда ўтказиладиган кўргазма ва ярмаркаларда сотилган товарлар;

д) бож тўламасдан савдо қиладиган дўконлардаги ҳисоб-китоблар билан, шунингдек халқаро ташишлар пайтида транспорт воситаларининг бориш йўлида йўловчиларга товарлар ва хизматлар сотилганда ҳисоб-китоблар билан боғлиқ операциялар;

е) кредитлар бўйича муддатли ва кечиктирилган қарзларни ҳамда улар бўйича чет эл валютасидаги фоизларни сўндириш;

ж) қонун ҳужжатларида белгиланган тартибда юридик шахсларнинг устав фондига (устав сармоясига) бадални тўлаш;

з) тижорат банкларида омонатларга пул маблағларини киритиш;

и) хайрия мақсадларида амалга ошириладиган пул маблағларини киритишда;

к) қонун ҳужжатларида белгиланган тартибда суғурталаш ва қайта суғурталаш шартномалари бўйича қарзларни сўндиришда;

к¹) норезидент хўжалик юритувчи субъектлар томонидан экспорт қилинадиган товарлар (ишлар, хизматлар);

н) қонун ҳужжатларида белгиланган бошқа ҳолларда.

2. Кўрсатилган тўловлар нақд хорижий валютада, шунингдек пластик тўлов ва кредит карточкалар орқали ҳам амалга оширилиши мумкин.

3. Мазкур Низом доирасида сотилган товарлар (ишлар, хизматлар) тўлови учун қуйидаги хорижий валюталар қабул қилиниши мумкин:

АҚШ доллари;

инглиз фунт стерлинги;

ЕВРО;

швейцария франки;

япон иенаси ва тижорат банкининг ихтиёрига кўра бошқа хорижий валюталар.

4. Мазкур Низом 1-бандининг «в¹» , «е» , «ж» , «з» , «и» , «к» , «к¹» , «н» кичик бандларида назарда тутилган ҳолларда нақд чет эл валютасини қабул қилиш тижорат банкларининг кассаларида Тижорат банкларида касса ишини ташкил этиш, инкассация ва қимматликларни ташишга доир йўриқномага (рўйхат рақами 1831, 2008 йил 27 июнь) мувофиқ амалга оширилади.

9. Мазкур Низом 1-бандининг «в» ва «д» кичик бандларида назарда тутилган ҳолларда корхоналар ва ташкилотларнинг махсус кассаларига нақд хорижий валютани қабул қилиш Ўзбекистон Республикаси ҳудудида чет эл валютасида касса операцияларини юритиш тартибига (рўйхат рақами 611, 1999 йил 22 январь) мувофиқ, валюта тушумини белгиланган тартибда инкассация қилган ҳолда амалга оширилади.

12. Мазкур Низомнинг талабларини бузганликда айбдор бўлган шахслар қонунчиликда белгиланган тартибда жавобгарликка тортиладилар.

13. Тижорат банклари Ўзбекистон Республикаси ҳудудида нақд чет эл валютасини қабул қилиш тўғрисидаги маълумотларни Ўзбекистон Республикаси Марказий банки томонидан белгиланган шакл ва муддатларда тақдим этадилар.

Мазкур Низомга риоя қилиниши устидан назорат қилиш Марказий банк ва Ўзбекистон Республикаси Давлат солиқ қўмитасининг зиммасига юкланади.