1.21.00.00.00 Ўзгартириш ва қўшимчалар киритиш бўйича комплекс тусдаги ҳужжатлар / 21.04.00.00 Идоравий норматив-ҳуқуқий ҳужжатлар]
[ТСЗ:
1.Давлат ва жамият қурилиши / Қонунчилик ташаббуси. Норма ижодкорлиги фаолияти]
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида
[Кўчирма]
«Ўзбекистон Республикасининг айрим қонун ҳужжатларига республика ҳудудида Интернет ва алоқа қамровини кенгайтириш учун шароитларни яхшилашга қаратилган ўзгартиришлар киритиш тўғрисида»ги Ўзбекистон Республикасининг Қонуни ҳамда Ўзбекистон Республикаси Президентининг «Маъмурий ислоҳотлар доирасида рақамли технологиялар соҳасида давлат бошқарувини самарали ташкил этиш чора-тадбирлари тўғрисида» 2023 йил 24 майдаги ПФ-76-сон Фармони ижросини таъминлаш, шунингдек, ахборот технологиялари ва коммуникациялари соҳаси ходимларининг рақамли технологиялар йўналишларида билим ва кўникмаларини ошириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим ҳужжатларига қуйидагиларни назарда тутувчи ўзгартириш ва қўшимчалар киритилсин:
рақамли технологиялар соҳасига оид қонунчилик ҳужжатларини ўзаро мувофиқлаштириш;
республика ҳудудида Интернет ва алоқа қамровини кенгайтириш учун шароитларни яхшилаш;
давлат органлари ва ташкилотлари ходимларининг рақамли технологиялар йўналишларида билим ва кўникмаларини ошириш ҳамда уларни сертификатлаш тизимини йўлга қўйиш;
ахборот технологиялари ва коммуникациялари соҳасини ривожлантиришга катта ҳисса қўшаётган, ўзининг билими ва салоҳияти ҳамда юқори даражадаги касбий маҳорати билан бошқаларга намуна бўлаётган соҳа ходимлари меҳнатини муносиб рағбатлантириш тизимини йўлга қўйиш.
2. Ўзбекистон Республикаси Рақамли технологиялар вазирлиги Ўзбекистон Республикаси Президенти ҳузуридаги Бошқарув самарадорлиги агентлиги билан биргаликда уч ой муддатда хорижий тажрибани ўрганган ҳолда, давлат органлари ва ташкилотлари ходимларининг рақамли технологиялар йўналишларида билим ва кўникмаларини ошириш ҳамда уларни сертификатлаш тизимини янада самарали йўлга қўйиш бўйича таклифларни Вазирлар Маҳкамасига киритсин.
3. Ўзбекистон Республикаси Адлия вазирлиги Рақамли технологиялар вазирлиги билан биргаликда бир ой муддатда «Лицензия» ахборот тизими ва Ягона интерактив давлат хизматлари портали мазкур қарор талабларига мувофиқлаштирилишини таъминласин.
4. Ушбу қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов ҳамда адлия вазири А.Ж. Ташкулов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 15 сентябрь,
584-сон
Вазирлар Маҳкамасининг 2025 йил 15 сентябрдаги 584-сон қарорига ИЛОВА
Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Вазирлар Маҳкамасининг «Махсус электрон тизим орқали айрим фаолият турларини лицензиялаш тартиби тўғрисидаги ягона низомни тасдиқлаш ҳақида» 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга 15-иловада:
2-позициянинг «и», «й», «к» ва «л» кичик бандларидаги «алоқа» сўзи «республика ҳудудида йўлдош алоқа» сўзлари билан алмаштирилсин;
7-позициянинг «и», «й», «к» ва «л» кичик бандларидаги «алоқа» сўзи «республика ҳудудида йўлдош алоқа» сўзлари билан алмаштирилсин.
2. Вазирлар Маҳкамасининг «Ахборот-коммуникация технологиялари соҳасида «Моҳир алоқачи» кўкрак нишони ва «Ўз касбининг устаси» белгисини таъсис этиш тўғрисида» 2022 йил 29 ноябрдаги 681-сон қарорида:
а) 3 ва 4-бандлардаги «Ахборот технологиялари ва коммуникацияларини ривожлантириш» сўзлари «Рақамли технологиялар» сўзлари билан алмаштирилсин;
4-банднинг биринчи хатбошисидаги «Ахборот технологиялари ва коммуникацияларини ривожлантириш» сўзлари «Рақамли технологиялар» сўзлари билан алмаштирилсин;
5, 6, 8 ва 11-бандлардаги «ахборот технологиялари ва коммуникацияларини ривожлантириш» сўзлари «рақамли технологиялар» сўзлари билан алмаштирилсин;
«9. Кўкрак нишони ҳар йили 7 май — Ўзбекистон Республикаси ахборот-коммуникация технологиялари соҳаси ходимлари куни арафасида Ўзбекистон Республикаси рақамли технологиялар вазири (ёки унинг топшириғига мувофиқ бошқа масъул шахслар) томонидан тантанали тарзда топширилади»;
Ўзбекистон Республикаси Рақамли технологиялар вазирлиги тизимидаги ташкилотлар
Кўкрак нишони билан тақдирлаш бўйича таклифларни вазирликка тақдим этади.
Ҳар йили 1 апрелга қадар
2-босқич
Кўкрак нишони билан тақдирлашга оид таклифларни кўриб чиқиш бўйича комиссия
Кўкрак нишони билан тақдирлаш бўйича номзодлар ҳақидаги тегишли ҳужжатларни ўрганиб чиқади ва якуний хулоса қабул қилади.
Ҳар йили 20 апрелга қадар
3-босқич
Ўзбекистон Республикаси рақамли технологиялар вазири
Кўкрак нишони билан тақдирлаш тўғрисида буйруқ чиқаради.
Ҳар йили 1 майга қадар
4-босқич
Ўзбекистон Республикаси рақамли технологиялар вазири (ёки унинг топшириғига мувофиқ бошқа масъул шахслар)
«Моҳир алоқачи» кўкрак нишони билан тақдирлайди.
Ҳар йили 7 май — Ўзбекистон Республикаси ахборот-коммуникация технологиялари соҳаси ходимлари куни арафасида
»;
в) 1а-илованинг учинчи хатбошисидаги «Ахборот технологиялари ва коммуникацияларини ривожлантириш» сўзлари «Рақамли технологиялар» сўзлари билан алмаштирилсин;
«Пастки чизиқдан 12 миллиметр қуйида, марказда, оралиғи 3 миллиметрли уч сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «Raqamli texnologiyalar», учинчи сатрда «vazirligi» («Times new Roman Bolt» шрифти, 10 кегль) сўзлари ёзилган»;
4-банднинг биринчи хатбошисидаги «Ахборот технологиялари ва коммуникацияларини ривожлантириш» сўзлари «Рақамли технологиялар» сўзлари билан алмаштирилсин;
5, 6, 8 ва 11-бандлардаги «ахборот технологиялари ва коммуникацияларини ривожлантириш» сўзлари «рақамли технологиялар» сўзлари билан алмаштирилсин;
«9. «Ўз касбининг устаси» белгиси ҳар йили 7 май — Ўзбекистон Республикаси ахборот-коммуникация технологиялари соҳаси ходимлари куни арафасида Ўзбекистон Республикаси рақамли технологиялар вазири (ёки унинг топшириғига мувофиқ бошқа масъул шахслар) томонидан тантанали тарзда топширилади»;
Ўзбекистон Республикаси Рақамли технологиялар вазирлиги тизимидаги ташкилотлар
«Ўз касбининг устаси» белгиси билан тақдирлаш бўйича таклифларни вазирликка тақдим этади.
Ҳар йили 1 апрелга қадар
2-босқич
«Ўз касбининг устаси» белгиси билан тақдирлашга оид таклифларни кўриб чиқиш бўйича комиссия
«Ўз касбининг устаси» белгиси билан тақдирлаш бўйича номзодлар ҳақидаги тегишли ҳужжатларни ўрганиб чиқади ва якуний хулоса қабул қилади.
Ҳар йили 20 апрелга қадар
3-босқич
Ўзбекистон Республикаси рақамли технологиялар вазири
«Ўз касбининг устаси» белгиси билан тақдирлаш тўғрисида буйруқ чиқаради.
Ҳар йили 1 майга қадар
4-босқич
Ўзбекистон Республикаси рақамли технологиялар вазири (ёки унинг топшириғига мувофиқ бошқа масъул шахслар)
«Ўз касбининг устаси» белгиси билан тақдирлайди.
Ҳар йили 7 май — Ўзбекистон Республикаси ахборот-коммуникация технологиялари соҳаси ходимлари куни арафасида
»;
е) 2а-илованинг учинчи хатбошисидаги «Ахборот технологиялари ва коммуникацияларини ривожлантириш» сўзлари «Рақамли технологиялар» сўзлари билан алмаштирилсин;
«Пастки чизиқдан 12 миллиметр қуйида, марказда, оралиғи 3 миллиметрли уч сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «Raqamli texnologiyalar», учинчи сатрда «vazirligi» («Times new Roman Bolt» шрифти, 10 кегл) сўзлари ёзилган;
«Ўз касбининг устаси» белгиси гувоҳномасининг кўриниши қуйидаги таҳрирда баён этилсин:
««Ўз касбининг устаси» белгиси
ГУВОҲНОМАСИ
3. Вазирлар Маҳкамасининг «Республика ва маҳаллий ижро этувчи ҳокимият органларининг ахборот-коммуникация технологияларини ривожлантириш учун масъул ходимлари малакасини ошириш ва рейтинг баҳолашни ташкил этиш чора-тадбирлари тўғрисида» 2023 йил 20 майдаги 208-сон қарорида:
27-банд қуйидаги мазмундаги иккинчи хатбоши билан тўлдирилсин:
«Талабгор ўз маблағи ҳисобидан такрорий баҳолашда иштирок этиш учун ишчи органга базавий ҳисоблаш миқдорининг 70 фоизи миқдорида тўлов тўлайди. Бунда ушбу маблағлар хорижий ва маҳаллий профессор-ўқитувчилар ва эксперт мутахассисларни жалб қилиш, ўқув дастурлари, қўлланмалар ҳамда контентларини ишлаб чиқиш, энг юқори натижа кўрсатган давлат хизматчиларини тақдирлаш (чет эл сафарларига юбориш), шунингдек, ишчи органнинг ахборот тизимларини такомиллаштириш ва уларга техник хизмат кўрсатиш билан боғлиқ харажатларни молиялаштиришга йўналтирилади.»;
