Ўзбекистон Республикасининг «Ўзбекистон Республикасининг Марказий банки тўғрисида»ги, «Банклар ва банк фаолияти тўғрисида»ги қонунлари ва Ўзбекистон Республикаси Президентининг 2025 йил 21 апрелдаги ПФ-70-сон «2025 йил учун хусусийлаштириш дастури тўғрисида»ги Фармонига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2020 йил 15 февралдаги 3/12-сон қарори (рўйхат рақами 3229, 2020 йил 13 апрель) (Қонун ҳужжатлари маълумотлари миллий базаси, 13.04.2020 й., 10/20/3229/0455-сон) билан тасдиқланган Ўзбекистон Республикасида нақд пулсиз ҳисоб-китоблар тўғрисидаги низомга иловага мувофиқ қўшимча ва ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. 2-банднинг биринчи хатбошиси «Банклар» деган сўздан кейин «, шу жумладан микромолия банклари (бундан буён матнда банк деб юритилади)» деган сўзлар билан тўлдирилсин.

2. 33 ва 49-бандларнинг иккинчи хатбошиларидаги «Ўзбекистон Республикаси Вазирлар Маҳкамаси ҳузуридаги Солиқ қўмитасининг» деган сўзлар «Ўзбекистон Республикаси Солиқ қўмитасининг» деган сўзлар билан алмаштирилсин.

3. 65-бандда:

«д» кичик банддаги «банк ҳисобварақларига.» деган сўзлар «банк ҳисобварақларига;» деган сўзлар билан алмаштирилсин;

қуйидаги мазмундаги «е» кичик банд билан тўлдирилсин:

«е) Ўзбекистон Республикаси Давлат активларини бошқариш агентлиги — давлат активларини сотиш бўйича олди-сотди шартномалари ва давлат кўчмас мулк объектларини ижарага бериш шартномалари бўйича тадбиркорлик субъектлари тан олган қарздорликларни ундириш тўғрисида.».