toggle_night_mode
Ҳужжат 17.11.2011 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ҲУКУМАТИНИНГ АЙРИМ ҚАРОРЛАРИГА ЎЗГАРТИРИШЛАР ВА ҚЎШИМЧАЛАР КИРИТИШ ТЎҒРИСИДА
Вазирлар Маҳкамаси қарор қилади:
1. Ўзбекистон Республикаси Ҳукуматнинг қарорларига иловага мувофиқ ўзгартиришлар ва қўшимчалар киритилсин.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2000 йил 19 сентябрдаги 359-сонли қарорига мувофиқ ўз кучини йўқотган)
Вазирлар Маҳкамасининг Раиси И. КАРИМОВ
Тошкент ш.,
1998 йил 19 май,
219-сон
Вазирлар Маҳкамасининг
1998 йил 19 майдаги 219-сон қарорига
ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимчалар
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2011 йил 17 ноябрдаги 306-сонли қарорига асосан ўз кучини йўқотган — ЎР ҚҲТ, 2011 й., 47-сон, 488-модда)
2. Вазирлар Маҳкамасининг 1996 йил 14 августдаги 285-сон қарори (Ўзбекистон Республикаси ҚТ, 1996 йил, 8-сон, 24-модда) билан тасдиқланган Ўзбекистон Республикасида четдан келтириладиган ва республиканинг ўзида ишлаб чиқариладиган тамаки маҳсулотлари ва спиртли ичимликларга акциз маркаларини қўллаш тартиби тўғрисидаги Низомда:
а) 8-банднинг биринчи хатбошидаги «Қорақалпоғистон Республикаси, вилоятлар ва Тошкент шаҳар давлат солиқ бошқармалари ва божхона хизматларида» сўзлари «Давлат солиқ қўмитаси ва Давлат божхона қўмитасининг ҳудудий органларида» сўзлари билан алмаштирилсин;
б) 8-банднинг иккинчи хатбоши қуйидаги таҳрирда баён қилинсин:
«Маҳсулот ишлаб чиқарувчилар ҳамда импорт қилувчилар томонидан номинал қиймати бўйича сотиб олинаётган акциз маркалари учун пул маблағлари республика бюджетига ўтказилади.
«Гознак» давлат ишлаб чиқариш бирлашмасига акциз маркаларини ишлаб чиқариш бўйича харажатлар уларнинг номинал қиймати доирасида Ўзбекистон Республикаси Молия вазирлиги томонидан республика бюджети маблағлари ҳисобига қопланади»;
в) 9-банддаги «Молия вазирлиги» сўзларидан кейин «Давлат божхона қўмитаси» сўзлари киритилсин;
г) 14-банд қуйидаги таҳрирда баён қилинсин:
«14. Акциз маркалари акциз солиғи тўланганлиги далили ҳисобланади.
Маҳаллий тамаки маҳсулотлари ва спиртли ичимликлар ишлаб чиқарувчилар ҳамда уларни импорт қилувчилар акциз маркаларини уларнинг номинал қиймати бўйича сотиб оладилар.
Акциз маркаларининг қиймати акциз солиғи тўлашда ҳисобга қўшилмайди. Акциз маркаларини сотиб олиш харажатлари (шу жумладан, уларнинг номинал қиймати), шунингдек, акциз маркалари билан маркалаш бўйича харажатлар тамаки маҳсулотлари ва спиртли ичимликлар ишлаб чиқарувчилар ҳамда импорт қилувчилар чиқимларига тегишли бўлади.
Тамаки маҳсулотлари ва спиртли ичимликларни импорт қилувчилар акциз солиғини тўлиқ миқдорда тўлаганларидан кейин акциз маркаларини сотиб оладилар.
Тўланган акциз солиғи импорт қилувчиларга юридик шахсларга фақат контракт бекор қилинганда, фойдаланилмаган (шу жумладан, шикастланган) акциз маркалари топширилган шартларда, жисмоний шахсларга эса фойдаланилмаган (шу жумладан, шикастланган) акциз маркалари тақдим этилган шартларда қайтарилиши мумкин».