2773-12-сон 24.06.2025. Божхона юк декларациясини тўлдириш тартиби тўғрисидаги йўриқномага ўзгартириш ва қўшимчалар киритиш ҳақида

Ҳужжат 26.06.2025 санаси ҳолатига
Амалдаги версияга ўтиш

ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРИНИНГ

буйруғи

Божхона юк декларациясини тўлдириш тартиби тўғрисидаги йўриқномага ўзгартириш ва қўшимчалар киритиш ҳақида

[Ўзбекистон Республикаси Адлия вазирлиги томонидан 2025 йил 24 июнда рўйхатдан ўтказилди, рўйхат рақами 2773-12]

Ўзбекистон Республикаси Вазирлар Маҳкамасининг 2025 йил 11 февралдаги 77-сон «Божхона маъмуриятчилиги тартиб-таомилларини такомиллаштириш бўйича қўшимча чора-тадбирлар тўғрисида»ги қарорига мувофиқ буюраман:

1. Ўзбекистон Республикаси Давлат божхона қўмитасининг 2016 йил 29 февралдаги 01-02/15-07-сон қарори (рўйхат рақами 2773, 2016 йил 6 апрель) (Ўзбекистон Республикаси қонун ҳужжатлари тўплами, 2016 й., 14-сон, 133-модда) билан тасдиқланган Божхона юк декларациясини тўлдириш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Савдо-саноат палатаси ҳамда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан келишилган.

3. Мазкур буйруқ расмий эълон қилинган кундан эътиборан кучга киради.

Вазир Д. КУЧКАРОВ

Тошкент ш.,

2025 йил 23 май,

260-сон

Келишилди:

Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ўринбосари Ж. УРУНОВ

2025 йил 14 май

Савдо-саноат палатаси раиси Д. ВАХАБОВ

2025 йил 12 май

Ўзбекистон Республикаси иқтисодиёт ва молия вазирининг 2025 йил 23 майдаги 260-сон буйруғига
ИЛОВА

Божхона юк декларациясини тўлдириш тартиби тўғрисидаги йўриқномага киритилаётган ўзгартириш ва қўшимчалар

1. 22-банднинг 43-кичик бандида:

ўнинчи хатбоши қуйидаги таҳрирда баён этилсин:

«ТР.ХХ.КК.ОО.ЙЙЙЙ.СУММА»;

қуйидаги мазмундаги ўн биринчи — ўн бешинчи хатбошилар билан тўлдирилсин:

«Масалан:

300 000 000.00 сўм миқдоридаги божхона божини бўлиб-бўлиб тўлаш имконияти 3 ойга тақдим этилганда ва тўлов шарти бўйича дастлабки тўланадиган божхона божи июн ойидан бошланса, бўлиб тўлаш ойининг тартиб рақами, божхона тўлови тури, бўлиб тўлаш муддати, ҳар бир ой учун бўлиб тўлаш суммаси қуйидаги тартибда кўрсатилади:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.»;

ўн биринчи — ўн еттинчи хатбошилар тегишли равишда ўн олтинчи — йигирма иккинчи хатбошилар деб ҳисоблансин;

қуйидаги мазмундаги ўн еттинчи хатбоши билан тўлдирилсин:

«ТР — бўлиб-бўлиб тўланадиган божхона тўловлари турини тўлаш ойининг тартиб рақами;»;

ўн еттинчи — йигирма иккинчи хатбошилар тегишли равишда ўн саккизинчи — йигирма учинчи хатбошилар деб ҳисоблансин.

2. 25-бандда:

а) 32-кичик банднинг тўртинчи хатбошиси қуйидаги таҳрирда баён этилсин:

«кейинги иккита рақам — Божхона режимлари таснифлагичига мувофиқ аввалги божхона режими коди (бундан божхона транзити божхона режими мустасно). Агар аввалги божхона режими мавжуд бўлмаса ёки товар аввал фақат божхона транзити божхона режимига расмийлаштирилган бўлса «00» кўрсатилади;»;

б) 35-кичик бандда:

ўттиз иккинчи — ўттиз тўртинчи хатбошилар қуйидаги таҳрирда баён этилсин:

«Агар товар божхона режимига жойлаштирилмасдан транспорт воситаси сифатида «Автотранспорт воситасини қайтариб олиб чиқиш тўғрисида мажбуриятнома» (бундан буён ушбу бандда мажбуриятнома деб юритилади) расмийлаштирилган ҳолда олиб кирилган бўлса, графада мажбуриятнома ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «MB»;

мажбуриятноманинг рўйхат рақами (99999/99.99.9999/MB99999999999 — пост коди/сана/мажбуриятноманинг тартиб рақами). Бунда, мажбуриятноманинг тартиб рақамидаги ҳарфлар лотин алифбосида ёзилади;»;

ўттиз бешинчи — ўттиз саккизинчи хатбошилар чиқариб ташлансин;

д) 43-кичик бандда:

ўн биринчи хатбоши қуйидаги таҳрирда баён этилсин:

«ТР.ХХ.КК.ОО.ЙЙЙЙ.СУММА»;

қуйидаги мазмундаги ўн иккинчи — ўн олтинчи хатбошилар билан тўлдирилсин:

«Масалан:

300 000 000.00 сўм миқдоридаги божхона божини бўлиб-бўлиб тўлаш имконияти 3 ойга тақдим этилганда ва тўлов шарти бўйича дастлабки тўланадиган божхона божи июн ойидан бошланса, бўлиб тўлаш ойи тартиб рақами, божхона тўлови тури, бўлиб тўлаш муддати, ҳар бир ой учун бўлиб тўлаш суммаси қуйидаги тартибда кўрсатилади:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.»;

ўн иккинчи — ўн саккизинчи хатбошилар тегишли равишда ўн еттинчи — йигирма учинчи хатбошилар деб ҳисоблансин;

қуйидаги мазмундаги ўн саккизинчи хатбоши билан тўлдирилсин:

«ТР — бўлиб-бўлиб тўланадиган божхона тўловлари турини тўлаш ойининг тартиб рақами;»;

ўн саккизинчи — йигирма учинчи хатбошилар тегишли равишда ўн тўққизинчи — йигирма тўртинчи хатбошилар деб ҳисоблансин.

3. 43-банд қуйидаги таҳрирда баён этилсин:

«43. Товарларни божхона омбори божхона режимига жойлаштиришда декларацияловчи шахс томонидан BYDнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 17, 17а, 18, 19, 21, 22, 23, 24, 25, 26, 28, 29, 30, 31, 32, 33, 35, 37, 38, 40, 41, 42, 44, 45, 46, 47, 49, 50, 54 ва «С».».

4. 45-бандда:

а) биринчи хатбоши қуйидаги таҳрирда баён этилсин:

«45. BYDнинг 9, 11, 24, 44, 45, 46, 49, 50 ва «С» графаларини тўлдирилиши қуйидаги ўзига хос хусусиятларга эга:»;

б) 1-кичик банднинг учинчи хатбошиси қуйидаги таҳрирда баён этилсин:

«Ушбу графа товарларни «эркин муомалага чиқариш (импорт)» божхона режимига расмийлаштирмасдан кейинчалик ташқи савдо контракти асосида хорижга сотиш назарда тутилган ҳолларда тўлдирилади;»;

в) 1¹-кичик банднинг бешинчи хатбошиси қуйидаги таҳрирда баён этилсин:

г) 1²-кичик банд қуйидаги таҳрирда баён этилсин:

«1²) 24-графа. «Битим хусусияти».

Графанинг чап бўлмасида мазкур Йўриқноманинг 9-иловасида келтирилган Битим хусусиятлари таснифлагичига мувофиқ битим хусусиятининг коди кўрсатилади.

Графанинг ўнг бўлмасида Валюталар таснифлагичига мувофиқ етказиб берилаётган товар учун контрагент билан ҳисоб-китоб валютасининг рақамли коди кўрсатилади.

Ҳисоб-китоб валютаси деганда BYDни 9-графасида кўрсатилган шахснинг ташқи савдо контракти (шартномаси, келишуви) бўйича ҳисоб-китоб амалга оширилган ёки амалга ошириладиган валюта, ташқи савдо контракти (шартномаси, келишуви) мавжуд бўлмаган ҳолатларда товарнинг кузатув ҳужжатларида кўрсатилган валюта тушунилади.

Ушбу графа товарларни «эркин муомалага чиқариш (импорт)» божхона режимига расмийлаштирмасдан кейинчалик ташқи савдо контракти асосида хорижга сотиш назарда тутилган ҳолларда тўлдирилади;»;

д) қуйидаги мазмундаги 1³-кичик банд билан тўлдирилсин:

«1³) 44-графа. «Қўшимча маълумотлар/тақдим этилаётган ҳужжатлар».

Графа товарларни олиб чиқишда мазкур Йўриқноманинг 22-бандида, олиб киришда — 25-бандида белгиланган тартибда тўлдирилади.

Графада қуйидагилар кўрсатилади (маълумотларнинг ҳар бири янги сатрдан бошланади):

товарнинг кузатув ҳужжатларининг рақамлари (рўйхат рақамлари);

товарларни божхона омборига жойлаштираётган шахс билан божхона омбори эгаси ўртасидаги битим рақами ва санаси;

божхона расмийлаштируви учун зарур бўлган бошқа ҳужжатлар ва маълумотлар (божхона тўғрисидаги қонун ҳужжатлари бузилганлиги тўғрисидаги баённомалар, товарларни божхона омбори мақомига эга бўлмаган бинолар ва (ёки) очиқ майдонларга жойлаштирилганда ваколатли шахснинг аризаси ва божхона тўловлари тўланиши таъминланишини тасдиқловчи ҳужжат номи, рақами, санаси, суммаси ва қонунчилик ҳужжатларида назарда тутилган бошқа ҳужжатлар);

905 тартиб рақами остида товарни божхона омбори божхона режими остида сақланиши сабабларига оид қуйидаги кодлардан бири кўрсатилади:

«001» — агар товарнинг сақланиш сабаби тегишли сертификат олиш билан боғлиқ бўлса;

«002» — агар товарнинг сақланиш сабаби тегишли рухсатнома ва лицензия олиш билан боғлиқ бўлса;

«003» — агар товарнинг сақланиш сабаби божхона тўловлари бўйича имтиёз олиш билан боғлиқ бўлса;

«004» — агар товарнинг сақланиш сабаби тегишли шартнома билан боғлиқ бўлса;

«005» — агар товарнинг сақланиш сабаби молиявий маблағ йўқлиги билан боғлиқ бўлса;

«006» — агар товарнинг сақланиш сабаби кейинчалик товарни Ўзбекистон Республикаси ҳудудидан қайтариб олиб чиқиб кетилиши кутилаётганлиги билан боғлиқ бўлса;

«007» — агар товарнинг сақланиш сабаби товарни бошқа шахсга ўтказилиши кутилаётганлиги билан боғлиқ бўлса;

«008» — агар товарнинг сақланиш сабаби товарга нисбатан тақиқ қўйилганлиги билан боғлиқ бўлса;»;

е) 6-кичик банднинг учинчи хатбошиси қуйидаги таҳрирда баён этилсин:

«товарларни «эркин муомалага чиқариш (импорт)» божхона режимига расмийлаштирмасдан кейинчалик ташқи савдо контракти асосида хорижга сотиш назарда тутилган ҳолларда, 1 рақами остида ташқи савдо контрактининг (шартномасининг, келишувининг) Ташқи савдо операциялари ягона электрон ахборот тизимидаги идентификация рақами;».

5. Қуйидаги мазмундаги 64¹-банд билан тўлдирилсин:

«64¹. Божхона ҳудудида қайта ишлаш божхона режимида қайта ишланиб, эркин омборга жойлаштирилган товарлар кейинги қайта ишлаш мақсадида «божхона ҳудудида қайта ишлаш» божхона режимига жойлаштирилади.».

6. 78-банднинг 1-кичик банди қуйидаги таҳрирда баён этилсин:

«1) 42-графа. «Товарнинг фактура қиймати».

Графада экспорт контракти бўйича 31-графада декларацияланаётган товарни қайта ишлаш бўйича хизмат қиймати кўрсатилади.

Беғараз асосда қайта ишлашда графада «0» кўрсатилади.

Импорт контракти асосида қайта ишлаш учун олиб кирилган товарларни декларациялашда товарнинг қиймати кўрсатилади.

Товарлар ва хизматлар қиймати математик қоидаларга кўра вергулдан кейинги икки белгигача аниқликда яхлитланади;».

7. 81-банднинг 1-кичик банди қуйидаги таҳрирда баён этилсин:

«1) 42-графа. «Товарнинг фактура қиймати».

Беғараз асосда қайта ишлашда графада «0» кўрсатилади.

Импорт контракти асосида қайта ишланган товарларни экспорти контракти асосида олиб чиқишда товар қиймати кўрсатилади.

8. 4-илова мазкур ўзгартириш ва қўшимчаларнинг иловасига мувофиқ таҳрирда баён этилсин.

9. 12-илова қуйидаги мазмундаги 14¹-позиция билан тўлдирилсин:

14¹

Янги (товар божхона чегараси орқали олиб ўтилгандан кейин тақдим этилган) инвойс (ҳисоб, ҳисоб-фактура)

224

НОВ

ИНВ

».

Божхона юк декларациясини тўлдириш тартиби тўғрисидаги йўриқномага киритилаётган ўзгартириш ва қўшимчаларга
ИЛОВА

«Божхона юк декларациясини тўлдириш тартиби тўғрисидаги йўриқномага
4-ИЛОВА

Божхона постлари
ТАСНИФЛАГИЧИ

Т/р	Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг ҳудудий бошқармалари постларининг номи	Пост коди
Қорақалпоғистон Республикаси бўйича бошқармаси
1.	«Нукус аэропорти» чегара божхона пости	35001
2.	«Нукус» ТИФ божхона пости	35002
3.	«Хўжайли» чегара божхона пости	35003
4.	«Довут-ота» чегара божхона пости	35004
5.	«Қорақалпоғистон» темир йўл чегара божхона пости	35010
Андижон вилояти бўйича бошқармаси
6.	«Дўстлик» чегара божхона пости	03002
7.	«Андижон аэропорти» чегара божхона пости	03003
8.	«Мингтепа» чегара божхона пости	03005
9.	«Қорасув» чегара божхона пости	03006
10.	«Хонобод» чегара божхона пости	03007
11.	«Пушмон» чегара божхона пости	03008
12.	«Маданият» чегара божхона пости	03009
13.	«Андижон» ТИФ божхона пости	03011
14.	«Кесканёр» чегара божхона пости	03013
15.	«Савай» темир йўл чегара божхона пости	03014
16.	«Асака» ТИФ божхона пости	03015
Бухоро вилояти бўйича бошқармаси
17.	«Бухоро аэропорти» чегара божхона пости	06001
18.	«Бухоро» ТИФ божхона пости	06006
19.	«Қоракўл» ТИФ божхона пости	06009
20.	«Олот» чегара божхона пости	06010
21.	«Хўжадавлат» темир йўл чегара божхона пости	06011
Жиззах вилояти бўйича бошқармаси
22.	«Учтўрғон» чегара божхона пости	08003
23.	«Жиззах» ТИФ божхона пости	08004
24.	«Қўшкент» чегара божхона пости	08007
Қашқадарё вилояти бўйича бошқармаси
25.	«Насаф» ТИФ божхона пости	10002
26.	«Қамаши-Ғузор» ТИФ божхона пости	10007
27.	«Қарши-Керки» чегара божхона пости	10008
28.	«Қарши аэропорти» чегара божхона пости	10012
Навоий вилояти бўйича бошқармаси
29.	«Навоий аэропорти» чегара божхона пости	12002
30.	«Навоий» ТИФ божхона пости	12003
31.	«Зарафшон» ТИФ божхона пости	12008
Наманган вилояти бўйича бошқармаси
32.	«Наманган аэропорти» чегара божхона пости	14002
33.	«Учқўрғон» чегара божхона пости	14003
34.	«Косонсой» чегара божхона пости	14004
35.	«Поп» чегара божхона пости	14005
36.	«Наманган» ТИФ божхона пости	14010
Самарқанд вилояти бўйича бошқармаси
37.	«Самарқанд аэропорти» чегара божхона пости	18001
38.	«Жартепа» чегара божхона пости	18002
39.	«Самарқанд» ТИФ божхона пости	18005
40.	«Улуғбек» ТИФ божхона пости	18007
Сурхондарё вилояти бўйича бошқармаси
41.	«Термиз аэропорти» чегара божхона пости	22002
42.	«Сариосиё» чегара божхона пости	22003
43.	«Сариосиё» темир йўл чегара божхона пости	22004
44.	«Термиз» ТИФ божхона пости	22005
45.	«Денов» ТИФ божхона пости	22006
46.	«Гулбаҳор» чегара божхона пости	22007
47.	«Дарё порти» ТИФ божхона пости	22011
48.	«Болдир» темир йўл чегара божхона пости	22015
49.	«Айритом» чегара божхона пости	22017
50.	«Термиз халқаро савдо маркази» ТИФ божхона пости	22022
Сирдарё вилояти бўйича бошқармаси
51.	«Ховособод» чегара божхона пости	24002
52.	«Сирдарё» чегара божхона пости	24004
53.	«Оқ олтин» чегара божхона пости	24006
54.	«Гулистон» ТИФ божхона пости	24009
55.	«Малик» чегара божхона пости	24014
Тошкент вилояти бўйича бошқармаси
56.	«Яллама» чегара божхона пости	27001
57.	«Навоий» чегара божхона пости	27008
58.	«С. Нажимов» чегара божхона пости	27009
59.	«Ойбек» чегара божхона пости	27011
60.	«Бекобод авто» чегара божхона пости	27013
61.	«Чирчиқ» ТИФ божхона пости	27014
62.	«Олмалиқ» ТИФ божхона пости	27015
63.	«Янгийўл» ТИФ божхона пости	27016
64.	«Назарбек» ТИФ божхона пости	27019
65.	«Келес» ТИФ божхона пости	27020
66.	«Ғишткўприк» чегара божхона пости	27021
67.	«Фарҳод» чегара божхона пости	27023
68.	«Бекобод» темир йўл чегара божхона пости	27024
69.	«Ангрен» ТИФ божхона пости	27028
Фарғона вилояти бўйича бошқармаси
70.	«Фарғона аэропорти» чегара божхона пости	30001
71.	«Қўқон» ТИФ божхона пости	30002
72.	«Фарғона» чегара божхона пости	30004
73.	«Андархон» чегара божхона пости	30005
74.	«Риштон» чегара божхона пости	30006
75.	«Ровот» чегара божхона пости	30008
76.	«Водий» ТИФ божхона пости	30009
77.	«Ўзбекистон» чегара божхона пости	30010
78.	«Сўх» чегара божхона пости	30012
Хоразм вилояти бўйича бошқармаси
79.	«Шовот» чегара божхона пости	33001
80.	«Дўстлик» чегара божхона пости	33004
81.	«Урганч» ТИФ божхона пости	33007
82.	«Урганч аэропорти» чегара божхона пости	33011
Тошкент шаҳри бўйича бошқармаси
83.	«Тошкент-товар» ТИФ божхона пости	26002
84.	«Арк булоқ» ТИФ божхона пости	26003
85.	«Чуқурсой» ТИФ божхона пости	26004
86.	«Келес» темир йўл чегара божхона пости	26009
87.	«Сирғали» ТИФ божхона пости	26010
88.	«Чуқурсой техник идора» темир йўл чегара божхона пости	26013
«Тошкент-АЭРО» ихтисослаштирилган божхона комплекси
89.	«Ислом Каримов номидаги «Тошкент» халқаро аэропорти» чегара божхона пости	00101
90.	«Авиа юклар» ТИФ божхона пости	00102
91.	«Электрон тижорат» ТИФ божхона пости	00107
		».

(Қонунчилик маълумотлари миллий базаси, 26.06.2025 й., 10/25/2773-12/0544-сон)