«Ўзбекистон Республикасида тадбиркорлик тўғрисида»ги Ўзбекистон Республикасининг 1991 йил 15 февралдаги Қонунига (Ўзбекистон Республикаси Олий Кенгашининг Ахборотномаси, 1991 йил, № 4, 60-модда) қуйидаги ўзгартиш ва қўшимчалар киритилсин:

1. Муқаддиманинг иккинчи қисми қуйидаги таҳрирда баён этилсин:

«Қонун тадбиркорларнинг иқтисодий ва ҳуқуқий мустақиллигини кафолатлайди, уларнинг ҳуқуқлари ва жавобгарлигини белгилаб беради, тадбиркорларнинг бир-бирлари билан ва бошқа корхоналар ҳамда ташкилотлар билан, барча бошқарув идоралари билан ўзаро муносабатларини Ўзбекистон Республикаси Конституциясида мустаҳкамлаб қўйилган мулкчилик шакллари асосида ва уларга мувофиқ тартибга солиб туради».

2. 1-модданинг:

биринчи қисми қуйидаги таҳрирда баён этилсин:

«Тадбиркорлик – мулкчилик субъектларининг моллар ишлаб чиқариш ва хизматлар кўрсатиш ҳамда фойда ёки даромад олишга қаратилган амалдаги қонунлар доирасида ташаббускорлик билан фаолият кўрсатишидир»;

иккинчи қисми учинчи хатбошисидаги «фуқаролар» деган сўзлар «жисмоний» деган сўзлар билан алмаштирилсин;

учинчи қисми қуйидаги таҳрирда баён этилсин:

«Тадбиркорлик фаолияти мулкдор томонидан ҳам, шунингдек унинг мол-мулкини идора қилувчи субъект томонидан ҳам амалга оширилиши мумкин».

3. 3-модданинг:

учинчи ва бешинчи хатбошилари чиқариб ташлансин;

тўртинчи ва олтинчи хатбошилари тегишли равишда учинчи ва тўртинчи хатбошилари деб ҳисоблансин.

4. 4-модда биринчи қисмининг иккинчи хатбошисидан «ва СССРнинг» деган сўзлар чиқариб ташлансин.

5. 5-модданинг:

иккинчи хатбошисидаги «меҳнат фаолияти асосида» деган сўзлар «тартибдаги фаолият» деган сўзлар билан алмаштирилсин;

учинчи хатбошисидан «айрим фуқаро томонидан» ва «хусусий» деган сўзлар чиқариб ташлансин;

тўртинчи ва бешинчи хатбошилари қуйидаги таҳрирда баён этилсин:

«Бир гуруҳ фуқаролар ва юридик шахслар томонидан амалга ошириладиган жамоа тадбиркорлиги ёки ҳамкорликдаги тадбиркорлик».

6. 7-модданинг:

биринчи қисм биринчи хатбошиси қуйидаги таҳрирда баён этилсин:

«Ҳар бир фуқаро (бир гуруҳ фуқаролар) хўжалик юритувчи бошқа субъектлар билан тенг асосларда Ўзбекистон Республикаси қонунларида белгиланган шартларга риоя қилган ҳолда»;

иккинчи хатбошисидан «Ўзбекистон Республикаси қонунларида белгиланган шартларга риоя қилган ҳолда» деган сўзлар чиқариб ташлансин;

тўртинчи хатбошисида «фуқароларнинг» деган сўз «жисмоний шахсларнинг» деган сўзлар билан алмаштирилсин.

бешинчи, олтинчи ва еттинчи хатбошилари қуйидаги таҳрирда баён қилинсин:

«мустақил тарзда ходимларни ёллаш ва ишдан бўшатиш;

тадбиркорлик орқали чегараланмаган миқдорда, лекин солиқ солинадиган шахсий даромад орттириш;

ижтимоий таъминланиш ва ижтимоий суғурта қилиниш ҳуқуқига эгадир».