toggle_night_mode
Ҳужжат 15.05.2025 санаси ҳолатига
Амалдаги версияга ўтиш
Ўзбекистон Республикаси Рақамли технологиялар вазирининг
буйруғи
«Почта алоқаси хизматларини кўрсатиш қоидаларини тасдиқлаш тўғрисида»ги буйруққа ўзгартириш ва қўшимчалар киритиш ҳақида
[Ўзбекистон Республикаси Адлия вазирлиги томонидан 2025 йил 13 майда рўйхатдан ўтказилди, рўйхат рақами 2219-17]
Ўзбекистон Республикасининг «Почта алоқаси тўғрисида»ги Қонунига мувофиқ буюраман:
1. Ўзбекистон алоқа ва ахборотлаштириш агентлиги бош директорининг 2011 йил 22 февралдаги 1-ю-сон «Почта алоқаси хизматларини кўрсатиш қоидаларини тасдиқлаш тўғрисида»ги буйруғига (рўйхат рақами 2219, 2011 йил 18 апрель) (Ўзбекистон Республикаси қонун ҳужжатлари тўплами, 2011 й., 16-сон, 167-модда) иловага мувофиқ ўзгартириш ва қўшимчалар киритилсин.
2. Ушбу буйруқ Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан келишилган.
3. Ушбу буйруқ расмий эълон қилинган кундан эътиборан кучга киради.
Вазир Ш. ШЕРМАТОВ
Тошкент ш.,
2025 йил 11 апрель,
280-мҳ-сон
Келишилди:
Рақобатни ривожлантириш ва истеъмолчилар ҳуқуқларини ҳимоя қилиш қўмита раиси Ҳ. ТУРАХУЖАЕВ
2025 йил 14 март
Ўзбекистон Республикаси рақамли технологиялар вазирининг 2025 йил 11 апрелдаги 280-мҳ-сон буйруғига
ИЛОВА
«Почта алоқаси хизматларини кўрсатиш қоидаларини тасдиқлаш тўғрисида»ги буйруққа киритилаётган ўзгартириш ва қўшимчалар
1. Буйруқнинг муқаддимаси қуйидаги таҳрирда баён этилсин:
«Ўзбекистон Республикасининг «Почта алоқаси тўғрисида»ги Қонунига мувофиқ буюраман:».
1) муқаддимадан «Умумжаҳон почта иттифоқи актлари, «Алоқа тўғрисида»ги, «Почта алоқаси тўғрисида»ги, «Истеъмолчиларнинг ҳуқуқларини ҳимоя қилиш тўғрисида»ги, «Жисмоний ва юридик шахсларнинг мурожаатлари тўғрисида»ги Ўзбекистон Республикасининг қонунлари, Ўзбекистон Республикаси Вазирлар Маҳкамасининг 2004 йил 19 июлдаги 339-сон «Почта алоқаси соҳасида фаолиятни такомиллаштириш тўғрисида»ги қарорига мувофиқ» деган сўзлар чиқариб ташлансин;
2) 2-банддаги «Oʻz DSt 1225:2009» деган сўзлар «Oʻz MSt 162:2024» деган сўзлар билан алмаштирилсин;
3) 3-банд қуйидаги таҳрирда баён этилсин:
«3. Почта алоқаси операторлари ва провайдерлари почта алоқаси хизматларини (почта, курьерлик жўнатмаларини қабул қилиш, қайта ишлаш, ташиш ва етказиб бериш) кўрсатиш бўйича фаолиятни Умумжаҳон почта иттифоқи актлари, Ўзбекистон Республикасининг қонунчилиги ва ушбу Қоидалар асосида амалга оширадилар.
Почта алоқасининг миллий операторига (бундан буён матнда миллий оператор деб юритилади) Ўзбекистон Республикасининг бутун ҳудудида универсал почта хизматларини мажбурий равишда кўрсатиш бўйича вазифалар юклатилади.
Миллий оператор почта алоқасининг Ўзбекистон Республикаси мажбуриятларини Умумжаҳон почта иттифоқи ҳужжатларига мувофиқ Ўзбекистон Республикаси ҳудудида бажариш учун тайинланган оператори мақомига эга бўлади.
Умумжаҳон почта иттифоқининг бланклари ва ҳужжатлари фақат миллий оператор томонидан фойдаланилиши мумкин.
Миллий оператор оддий хатларни, почта варақчаларини ва пул маблағларининг почта ўтказмалари (бундан буён матнда пул ўтказмалари деб юритилади)ни, республика ижро этувчи ҳокимият органлари, маҳаллий ижро этувчи ҳокимият органлари, давлат корхоналари, муассасалари, ташкилотлари, суд ва ҳуқуқни муҳофаза қилувчи органларининг ёзма хат-хабарларини, билдиришномаларини, чақирув қоғозларини ва бошқа юридик аҳамиятга эга ҳужжатларини Электрон почта жўнатмаларининг ягона миллий тизими орқали етказиб бериш (топшириш) бўйича почта хизматларини кўрсатишда мутлақ ҳуқуқга эга.
Почта алоқаси операторлари ва провайдерлари:
ўзларига тегишли транспорт воситаларидан, шунингдек юридик ва жисмоний шахсларга тегишли, махсус фарқлаш белгиларига эга бўлган транспорт воситаларидан шартнома асосида фойдаланади;
белгиланган тартибда тасдиқланадиган, почта алоқаси нормативлари ҳисобга олинган ҳолда, почта алоқаси объектлари томонидан кўрсатиладиган почта алоқаси хизматлари рўйхатини мустақил белгилайди;
қонунчилик ҳужжатларига мувофиқ фаолиятнинг бошқа турларини амалга оширади.»;
бешинчи хатбоши чиқариб ташлансин;
олтинчи — йигирма учинчи хатбошилар тегишли равишда бешинчи — йигирма иккинчи хатбошилар деб ҳисоблансин;
ўн иккинчи хатбошидаги «почта, курьерлик жўнатмалари ва пул ўтказмаларини» деган сўзлар «почта ва курьерлик жўнатмаларини» деган сўзлар билан алмаштирилсин;
ўн бешинчи хатбоши чиқариб ташлансин;
ўн олтинчи — йигирма иккинчи хатбошилар тегишли равишда ўн бешинчи — йигирма биринчи хатбошилар деб ҳисоблансин;
йигирманчи хатбошидан «Шаҳарларда ва туман марказларида жойлашган почта алоқаси объектлари ичида, бундан ташқари, оддий почта варақасини ва оддий хатларни почта конвертларида жўнатишга мўлжалланган почта қутиси ҳам бўлиши керак.» деган сўзлар чиқариб ташлансин;
5) 7-банднинг биринчи хатбошиси қуйидаги таҳрирда баён этилсин:
«7. Миллий оператор фойдаланувчилар учун қулай жойларда оддий хатлар ва почта варақчаларини йиғиш учун почта қутиларини маҳаллий ижро этувчи ҳокимият органлари, бинолар ва иншоотлар мулкдорлари (эгалари, фойдаланувчилари) билан келишган ҳолда жойлаштирилади.»;
6) 8 — 10, 17, 26, 120 ва 196-бандлар ўз кучини йўқотган деб топилсин.
7) 11-банд қуйидаги таҳрирда баён этилсин:
«11. Почта алоқаси операторлари почта алоқаси объектларини илова қилинадиган ҳужжатларни, почта ва курьерлик жўнатмаларини расмийлаштириш учун ишлаб чиқариш жараёнларида фойдаланиладиган номли буюмлар билан таъминлайди.»;
биринчи хатбошидан «из тушириш мосламалари, термопайвандлаш машинасининг пластиналари, назорат-гералдли муҳрлар,» деган сўзлар чиқариб ташлансин;
иккинчи хатбошидан «, квитанцияларга» деган сўзлар чиқариб ташлансин;
тўққизинчи хатбоши олтинчи хатбоши деб ҳисоблансин;
9) III бобнинг номи қуйидаги таҳрирда баён этилсин:
«III боб. Почта алоқаси хизматлари»;
10) 15-банд қуйидаги таҳрирда баён этилсин:
«15. Почта хизматлари жумласига почта жўнатмаларини жўнатиш, шу жумладан тезлаштирилган почта режимида жўнатиш киради.
Почта алоқаси операторлари ва провайдерлари томонидан қуйидаги турдаги почта хизматлари ҳам кўрсатилиши мумкин:
почта жўнатмаларини қўшимча жўнатиш ва қайтариш;
ёзма хат-хабарлар ва посилкаларни ўраш;
почта жўнатмаларига илова қилинадиган манзил бланкларини, жойланма рўйхатларни, пул маблағлари почта ўтказмаларининг бланкаларини ва бошқа бланкаларни тўлдириш;
манзилларни ва ёзма хабарларни ёзиш;
почта алоқаси хизматларини уйда кўрсатиш;
телеграф хабарларни ва бошқа хабарларни амалга ошириш;
почта тўлови давлат белгиларини ва филателия маҳсулотларини реализация қилиш;
почта алоқаси соҳасидаги бошқа хизматлар.»;
биринчи хатбоши қуйидаги таҳрирда баён этилсин:
«16. Ўзбекистон Республикаси ҳудудида адресатга почта жўнатмаларини жўнатиш учун қабул қилинадиган почта жўнатмаларининг қуйидаги турлари ички почта жўнатмаларига киради:»;
«г» кичик банддаги «секограммалар» деган сўз «кўзи ожизлар учун мўлжалланган жўнатмалар» деган сўзлар билан алмаштирилсин;
«д» кичик банддаги «одатдаги» деган сўз «оддий» деган сўз билан алмаштирилсин;
«з» кичик банддаги «тегишлича ўрамдаги босма нашрлар» деган сўзлар «пул ўтказмалари» деган сўзлар билан алмаштирилсин;
12) 19-банднинг иккинчи хатбошиси чиқариб ташлансин;
биринчи хатбоши қуйидаги таҳрирда баён этилсин:
«25. Халқаро почта жўнатмаларига миллий оператор томонидан Ўзбекистон Республикасининг божхона ҳудудидан ташқарига жўнатиладиган, Ўзбекистон Республикаси ҳудудига миллий операторнинг манзилига келадиган ёки Ўзбекистон Республикаси ҳудуди орқали транзит билан ўтадиган почта жўнатмаларига қуйидагилар киради:»;
«г» кичик банддаги «секограммалар» деган сўз «кўзи ожизлар учун мўлжалланган жўнатмалар» деган сўзлар билан алмаштирилсин;
«д» кичик банд қуйидаги таҳрирда баён этилсин:
«д) майда пакетлар (оддий, буюртма);»;
«е» кичик банддаги «одатдаги» деган сўз «оддий» деган сўз билан алмаштирилсин;
«з» кичик банддаги «тегишлича ўрамдаги босма нашрлар» деган сўзлар «бандероллар (оддий, буюртма)» деган сўзлар билан алмаштирилсин;
қуйидаги мазмундаги «и» кичик банд билан тўлдирилсин:
«и) пул ўтказмалари.»;
ўнинчи хатбоши ўн биринчи хатбоши деб ҳисоблансин;
ўн биринчи хатбошидан «ва етказиб бериш (топшириш)» деган сўзлар чиқариб ташлансин;
биринчи хатбоши қуйидаги таҳрирда баён этилсин:
«27. Халқаро почта жўнатмалари Ўзбекистон Республикаси ҳудудида ички почта жўнатмалари учун белгиланган муддатларда жўнатилади.»;
иккинчи хатбошидан «ва етказиб бериш (тўлаш)» деган сўзлар чиқариб ташлансин;
15) 34-35-бандлар қуйидаги таҳрирда баён этилсин:
«34. Кўзи ожизлар учун ички ва халқаро жўнатмаларда уларнинг кўзи ожизлиги билан боғлиқ муаммоларни бартараф қилиш мақсадида кўзи ожизлар ташкилоти ва кўзи ожизлар, шунингдек кўзи ожизлар ўртасида ўзаро бир-бирига ишлаб чиқарилган ёки мослаштирилган ёзма хат-хабарлар, шаклидан қатъи назар адабиётлар (шу жумладан, овоз ёзиш), ҳар қандай ускуналар ва материаллар юборилиши мумкин.
35. Бандероллар белгиланган ўлчам, оғирлик ва ўровдаги босма нашрлар, иш қоғозлари, қўлёзмалар, фотосуратлар, альбомлар, дафтарларни ўз ичига олади.»;
16) 37-банднинг иккинчи хатбошиси қуйидаги таҳрирда баён этилсин:
«Тезкор почтанинг халқаро жўнатмаларини жўнатиш Умумжаҳон почта иттифоқининг ҳужжатларига мувофиқ «ЭМС» тезкор почта тизими бўйича, «ЭМС» кўп томонлама намунали келишуви ёки икки томонлама келишувлар асосида амалга оширилади.»;
17) 40-банднинг иккинчи хатбошисидан «ҳамда етказиб бериш (топшириш)» деган сўзлар чиқариб ташлансин;
18) 41-банд қуйидаги таҳрирда баён этилсин:
«41. Қуйидагилар универсал почта хизматлари жумласига киради:
фойдаланувчиларнинг оддий ёзма хат-хабарларни (почта варақчаларини, хатларни, бандеролларни ва майда пакетларни) жўнатиш бўйича эҳтиёжларини қаноатлантиришга доир почта хизматлари;
кўзи ожизлар учун жўнатмалар алмашинувида кўзи ожизларнинг ва кўзи ожизлар учун мўлжалланган муассасаларнинг эҳтиёжларини қаноатлантириш бўйича почта хизматлари.
Фойдаланувчиларга универсал почта хизматлари Ўзбекистон Республикаси доирасида, мақбул нархлар бўйича кўрсатилади.
Универсал почта хизматларини кўрсатиш бўйича намунавий шартнома (оферта) миллий операторнинг расмий веб-сайтида жойлаштирилиши лозим.»;
биринчи хатбошидаги «почта алоқаси хизматлари» деган сўзлар «почта хизматлари» деган сўзлар билан алмаштирилсин;
иккинчи хатбоши «Универсал» деган сўздан кейин «почта» деган сўз билан тўлдирилсин;
20) 43-44-бандлар «Универсал» деган сўздан кейин «почта» деган сўз билан тўлдирилсин;
21) 45-46-бандлар қуйидаги таҳрирда баён этилсин:
«45. Рўйхатга олинадиган почта жўнатмаларини почта алоқаси оператори ёки провайдери томонидан почта курьери орқали жўнатиш бўйича кўрсатиладиган хизмат курьерлик хизматидир.
Қуйидагилар курьерлик жўнатмаларига киради:
а) ҳужжатлар мавжуд бўлган жўнатмалар;
б) товар жойланмаси мавжуд бўлган жўнатмалар.
46. Ички курьерлик жўнатмалари курьерлик хизматларини кўрсатадиган почта алоқаси операторлари ва провайдерлари томонидан белгиланадиган энг қисқа муддатларда юборилади.
Халқаро курьерлик жўнатмалари икки томонлама битимлар билан белгиланган муддатларда жўнатилади.»;
22) 47-48-бандлардаги «почта алоқаси операторлари» деган сўзлар «почта алоқаси операторлари ва провайдерлари» деган сўзлар билан алмаштирилсин;
23) IV бобнинг номи қуйидаги таҳрирда баён этилсин:
«IV боб. Ички ва халқаро почта жўнатмаларини, шу жумладан, тезкор почта жўнатмаларини, курьерлик жўнатмаларини жўнатиш»;
биринчи хатбошидаги «пластик карточкалар» деган сўзлар «банк карталари» деган сўзлар билан алмаштирилсин;
иккинчи хатбоши қуйидаги таҳрирда баён этилсин:
«Почта тўлови давлат белгилари билан ички ва халқаро оддий ва буюртма хатларни, почта варақчаларини, ички оддий ва буюртма бандеролларни, ички почта жўнатмалари олинганлиги тўғрисидаги оддий ва буюртма билдиришномаларни жўнатиш ҳақи тўланади.»;
учинчи хатбошидан «, оддий майда пакетларни» деган сўзлар чиқариб ташлансин;
25) 51-банддаги «пластик карточкалар» деган сўзлар «банк карталари» деган сўзлар билан алмаштирилсин;
26) 56-банднинг биринчи хатбошисидан «оддий майда пакет,» ва «ёки ички пул ўтказмаси тўланганлиги тўғрисидаги» деган сўзлар чиқариб ташлансин;
27) 57-банднинг иккинчи хатбошисидан «оддий майда пакетлар,» ва «ёки ички пул маблағлари тўланганлиги тўғрисидаги» деган сўзлар чиқариб ташлансин;
биринчи хатбошидан «ва етказиб беради (топширади)» деган сўзлар чиқариб ташлансин;
«а» кичик банддаги «секограммаларни» деган сўз «кўзи ожизлар учун мўлжалланган жўнатмаларни» деган сўзлар билан алмаштирилсин;
29) IV бобнинг 2-параграфи номи қуйидаги таҳрирда баён этилсин:
«2-§. Ички ва халқаро почта жўнатмаларини жўнатиш»;
30) 65-банднинг биринчи хатбошиси қуйидаги таҳрирда баён этилсин:
«65. Почта қутиларига ўлчами 114х162 мм ва 110х220 мм бўлган почта конвертларидаги оддий хатлар ва почта варақчалари ташланади.»;
31) 68-банд қуйидаги таҳрирда баён этилсин:
«68. Қиймати эълон қилинган ва (ёки) устама тўловли жўнатмалар қонунчиликда белгиланган тартибда суғурталаниши мумкин.»;
биринчи хатбоши қуйидаги таҳрирда баён этилсин:
«70. Рўйхатга олинадиган ички почта жўнатмалари жўнатишга олинганлик тўғрисидаги оддий ва буюртма билдиришномалар билан қабул қилиниши мумкин.»;
иккинчи хатбошидан «ва пул ўтказмалари» деган сўзлар чиқариб ташлансин;
33) 75, 156-бандлардан «ва етказиб бериш (топшириш)» деган сўзлар чиқариб ташлансин;
34) 76-банднинг иккинчи хатбошисидаги «одатдаги» деган сўз «оддий» деган сўз билан алмаштирилсин;
35) 77-банднинг иккинчи хатбошиси қуйидаги таҳрирда баён этилсин:
«Почта конвертлари, почта варақчалари Oʻz MSt 154:2024 «Почта конвертлари. Техник шартлар», Oʻz DSt 1143:2008 «Почта варақчалари. Техник шартлар», «Почта алоқасида хавфсизликни таъминлаш бўйича талаблар» махсус техник регламенти ва ушбу Қоидалар талабларига мос келиши керак.»;
биринчи ва иккинчи хатбошилари қуйидаги таҳрирда баён этилсин:
«79. Бандероллар ва кўзи ожизлар учун мўлжалланган жўнатмаларни ўраб жойлаш учун почта конвертлари, ғилофлар, картон қутилар, ёғоч (фанер) қутилар қўлланилади. Бандероллар ва кўзи ожизлар учун мўлжалланган жўнатмаларни ўраб жойлаш учун материаллар сифатида пишиқ қоғоз, полиетилен плёнка, оч рангдаги сидирға газламадан ва сертификатлаштирилган ўровлаш материалларининг бошқа турларидан фойдаланиш мумкин.
Агар бандеролда ёки кўзи ожизлар учун мўлжалланган жўнатмада бир нечта предмет юбориладиган бўлса, бу предметлар ўровлашдан олдин шпагат билан боғланади. Оғирлиги 500 г дан ортиқ бўлган оддий ва буюртма бандероллар ва кўзи ожизлар учун мўлжалланган жўнатмалар, бундан ташқари, ўров материали устидан хочсимон шаклда шпагат билан боғланади.»;
учинчи хатбошидаги «секограмма» деган сўз «кўзи ожизлар учун мўлжалланган жўнатма» деган сўзлар билан алмаштирилсин;
37) 83-банднинг ўн биринчи хатбошиси қуйидаги таҳрирда баён этилсин:
«Юридик шахс томонидан пул ўтказмалари жўнатилганда, жўнатувчининг бланкдаги манзилида юридик шахснинг номи, унинг банк реквизитлари ва жойлашган ери (почта манзили), унинг номидан қатнашадиган ваколатли шахснинг маълумотлари (фамилияси, исми, отасининг исми, ушбу Қоидаларнинг 136-бандида кўрсатилган ҳужжатлардан бирининг церийаси ва рақами) кўрсатилади.»;
биринчи хатбоши қуйидаги таҳрирда баён этилсин:
«84. Почта жўнатмалари, посилкаларга илова қилинадиган бланклардаги, шунингдек, пул ўтказмалари бланкларидаги барча манзил маълумотлари (агар имкони бўлса, босма ҳарфлар билан) аниқ қилиб ёзилади ёки зарур аниқлик билан техник воситалардан фойдаланиб ёзилади. Пул ўтказмаси бланкида тузатиш, ўчириб ташлаш, рақамлар ва ҳарфларнинг устидан такрор бўяшга, қалам билан қилинган ёзувларга, шунингдек, халқаро пул ўтказмалари манзилида қисқартмаларга йўл қўйилмайди. Бланкларда бланклар матнига киритилган белгилардан ташқари, ҳар қандай белгиларни қўйиш тақиқланади, хизматга оид кўрсатмалар бундан мустасно.»;
учинчи хатбоши қуйидаги таҳрирда баён этилсин:
«Почта жўнатмаларига техник воситалардан фойдаланиб босилган ёки қўлда ёзилган манзил ёрлиқларини ёпиштириш мумкин. Ёрлиқлар учун оқ қоғоздан ёки оч рангдаги қоғоздан фойдаланилади.»;
39) 86-банднинг иккинчи хатбошисидаги «Тезкор (электрон) халқаро» деган сўзлар «Халқаро» деган сўз билан алмаштирилсин;
40) 87-банд қуйидаги таҳрирда баён этилсин:
«87. Почта жўнатмалари адресатнинг фамилияси, исми, отасининг исми кўрсатилган ҳолда йўқлаб олинадиган қилиб йўлланиши мумкин. Бундай жўнатмалар учун инициаллар, рақамлар, фақат номлар, сохта номлар ёки бирор шартли белгиларнинг кўрсатилишига рухсат этилмайди.»;
биринчи хатбоши қуйидаги таҳрирда баён этилсин:
«89. Жўнатувчи ички почта жўнатмаларининг манзили томонида уларнинг тури, тоифаси ва туркумига боғлиқ ҳолда қуйидаги белгиларни қўяди:»;
«б» кичик банд қуйидаги таҳрирда баён этилсин:
«б) оддий (буюртма) кўзи ожизлар учун мўлжалланган жўнатмаларда — «Оддий (буюртма) кўзи ожизлар учун мўлжалланган жўнатма» — «Простое (заказное) отправление для слепых»;»;
«д» кичик банд қуйидаги таҳрирда баён этилсин:
«д) олинганлик тўғрисидаги билдиришнома билан қабул қилинган жўнатмаларда ва пул ўтказмалари бланкларида — «Оддий (буюртма) билдиришнома билан» — «С простым (заказным) уведомлением». Бу белги, шунингдек, посилкаларга илова қилинадиган бланкларда ҳам қўйилади;»;
«е» кичик банддаги «Элтиб» деган сўз «Етказиб» деган сўз билан алмаштирилсин;
«о» ва «у» кичик бандлар ўз кучини йўқотган деб топилсин;
биринчи хатбоши қуйидаги таҳрирда баён этилсин:
«90. Жўнатувчи халқаро почта жўнатмаларининг тури, тоифаси ва туркумига боғлиқ равишда, уларнинг манзилли томонида қуйидаги белгиларни қўяди:»;
«б» кичик банд «почта варақчаларида» деган сўзлардан кейин «ва бандеролларда» деган сўзлар билан тўлдирилсин»;
«г» кичик банддаги «секограммаларда — «Cэcограммес» (Секограмма)» деган сўзлар «кўзи ожизлар учун мўлжалланган жўнатмаларда — «Энвоис поур лес авеуглес» (Отправление для слепых)» деган сўзлар билан алмаштирилсин;
«ж» кичик банддан «оддий» деган сўз чиқариб ташлансин;
«з» ва «п» кичик бандлардаги «секограммаларда» деган сўз «кўзи ожизлар учун мўлжалланган жўнатмаларда» деган сўзлар билан алмаштирилсин;
«с» ва «т» кичик бандлар ўз кучини йўқотган деб топилсин;
43) 91-банднинг тўртинчи хатбошисидаги «секограммалар» деган сўз «кўзи ожизлар учун мўлжалланган жўнатмалар» деган сўзлар билан алмаштирилсин;
44) 95, 108 ва 130-банднинг биринчи хатбошисидан «ва пул ўтказмалари» деган сўзлар чиқариб ташлансин;
45) 99-банд қуйидаги таҳрирда баён этилсин:
«99. Оддий почта жўнатмаси (бундан посилка мустасно) жўнатувчига онлайн назорат касса машинаси чеки берилмасдан қабул қилинади, унга илова қилинган ҳужжатларга қўшимча ёзувлар ёзилмасдан жўнатилади ва адресатга тилхатсиз топширилади.
Рўйхатга олинадиган почта жўнатмаларини жўнатиш почта жўнатмасини қабул қилишни ҳужжатли ёки электрон тасдиқлаш, жўнатувчига тасдиқловчи ҳужжатни қоғоз (тақвим штемпели изи туширилган онлайн назорат касса машинасининг чеки) кўринишида ёки почта жўнатмасига почтани рўйхатга олиш рақами (штрихли почта идентификаторини) бериш, шунингдек почта жўнатмасини адресатга имзо қўйдириб ёки бошқача тарзда етказиб беришни тасдиқловчи автоматлаштирилган (электрон) қурилмалар, ускуналар, ахборот тизимларидан фойдаланган ҳолда топшириш орқали амалга оширилади. Рўйхатга олинадиган почта жўнатмалари юборувчининг манзили мажбурий тартибда кўрсатилган ҳолда қабул қилинади.
Рўйхат бўйича юридик ва жисмоний шахслардан қабул қилинган почта жўнатмаларига битта онлайн назорат касса машинаси чеки берилади. Битта жўнатувчи томонидан жўнатиладиган, бир вақтда бир нечта рўйхат бўйича қабул қилинадиган почта жўнатмаларига битта умумий ёки ҳар бир рўйхатга алоҳида онлайн назорат касса машинаси чеклари берилади.
Почта жўнатмаси қабул қилинганлиги тўғрисидаги онлайн назорат касса машинаси чекининг дубликати берилмайди.»;
иккинчи ва тўртинчи хатбошилардаги «пластик карточкалардан» деган сўзлар «банк карталаридан» деган сўзлар билан алмаштирилсин;
бешинчи хатбоши қуйидаги таҳрирда баён этилсин:
«Банк карталардан фойдаланиб, жисмоний шахслардан қабул қилинган пул ўтказмалари юборилаётган суммани нақд пул билан ёки олувчининг банк картасига ўтказиш йўли билан тўланади.»;
олтинчи хатбошидаги «пластик карточкасига» деган сўзлар «банк картасига» деган сўзлар билан алмаштирилсин;
биринчи хатбоши қуйидаги таҳрирда баён этилсин:
«105. Ҳарбий хизматчилар номига йўлланадиган ҳарбий почта жўнатмаларини қабул қилиш почта алоқаси объектлари томонидан қуйидаги шартлар асосида амалга оширилади:»;
иккинчи хатбошидан «ва пул ўтказмалари, шу жумладан, тезкор пул ўтказмалари» деган сўзлар чиқариб ташлансин;
учинчи хатбошидан «ва пул ўтказмалари» деган сўзлар чиқариб ташлансин;
48) 107-банднинг «е» кичик банд қуйидаги таҳрирда баён этилсин:
«е) йўқлаб олинадиган ва ҳарбий қисмларга йўлланган почта жўнатмалари.»;
биринчи хатбошидан «пул ўтказмалари,» деган сўзлар чиқариб ташлансин;
иккинчи хатбоши «қиймати эълон қилинган хатлар,» деган сўзлардан кейин «бандероллар,» деган сўз билан тўлдирилсин;
50) 112-банднинг иккинчи хатбошисидаги «пластик карточкасига» деган сўзлар «банк картасига» деган сўзлар билан алмаштирилсин;
биринчи хатбошидаги «Тураржой» деган сўз «Турар жой» деган сўз билан алмаштирилсин;
«а» кичик банд қуйидаги таҳрирда баён этилсин:
«а) почта варақчалари, оддий ва буюртма хатлар ва бандероллар, оғирлиги 500 г гача бўлган оддий ва буюртма майда пакетлар, почта жўнатмаларини олинганлиги тўғрисидаги билдиришномалар;»;
«в» кичик банддан «ва пул ўтказмалари» деган сўзлар чиқариб ташлансин;
52) 114-банд қуйидаги таҳрирда баён этилсин:
«114. Абонент почта жавонлари кўп қаватли уйларнинг биринчи қаватларида қурилиш ташкилотлари томонидан ўрнатилади. Абонент почта жавонларини сотиб олиш ва ўрнатиш харажатлари ушбу кўп қаватли уйларни қуриш сметасига киритилади.
Аҳоли пунктларининг якка тартибдаги иморатлар қурилган ҳудудларида почта жўнатмаларини етказиб бериш учун қулай бўлган жойларда якка тартибдаги почта қутилари якка тартибда қурилган уйларнинг мулкдорлари томонидан ўз ҳисобидан ўрнатилади.
Абонент почта жавонларини, якка тартибдаги почта қутиларини яроқли ҳолатда сақлаб туриш тегишинча уй-жой фонди тасарруфида бўлган ташкилотлар ва (ёки) бошқарувчи ташкилотлар (бошқарувчи) томонидан, уй-жой мулкдорлари ширкатлари ёки уйларнинг (кўп квартирали уйларнинг турар жойлари) мулкдорлари томонидан амалга оширилади.»;
биринчи хатбоши ва «ж» кичик банддаги «абонент» деган сўз «якка тартибдаги» деган сўзлар билан алмаштирилсин;
«д» кичик банддан «ва пул ўтказмалари» деган сўзлар чиқариб ташлансин;
«е» кичик банд қуйидаги таҳрирда баён этилсин:
«е) рўйхатга олинадиган почта жўнатмалари тўғрисидаги дастлабки хабарномалар;»;
54) 116-банддаги «абонент» деган сўз «якка тартибдаги» деган сўзлар билан алмаштирилсин;
55) 117-банддан «ва пул ўтказмалари» деган сўзлар чиқариб ташлансин;
56) 118-банд қуйидаги таҳрирда баён этилсин:
«118. Буюртма хатлар, почта варақчалари, бандероллар, майда пакетлар, кўзи ожизлар учун мўлжалланган жўнатмалари, «М» қоплари, почта жўнатмаларини олиш тўғрисидаги билдиришномалар адресатнинг имзосини қўйдириб адресатга топширилади.
Буюртма хатлар, почта варақчалари, бандероллар, майда пакетлар, почта жўнатмалари олинганлиги тўғрисидаги билдиришномалар («Ўз қўлига топширилсин. Буюртма билдиришнома билан» — «Вручить лично. С заказным уведомлением» белгиси бўлган хатлар ва почта варақчаларидан ташқари), тезкор почта жўнатмалари оиланинг вояга етган аъзоларига ишончномасиз, ушбу Қоидаларнинг 136-бандида кўрсатилган ҳужжатлардан бири ва уларнинг адресатга алоқадорлигини тасдиқловчи ҳужжатлар тақдим қилинганда берилиши, адресатнинг ёзма мурожаати бўйича эса — уй бўйича қўшниларга берилиши ёки абонент почта жавони қутичаларига ёки якка тартибдаги почта қутиларига ташланиши мумкин.
Адресат ва оиланинг вояга етган аъзолари бўлмаганда, абонент почта жавони қутичасида ёки якка тартибдаги почта қутисида адресат почта жўнатмасини олиш учун почта алоқаси объектига таклиф қилинган хабарнома қолдирилади.»;
57) 119-банддаги «абонент» деган сўз «якка тартибдаги» деган сўзлар билан алмаштирилсин;
58) 121-122-бандлар қуйидаги таҳрирда баён этилсин:
«121. Талаб қилиб олингунча манзилланган оддий почта жўнатмаларини, рўйхатдан ўтган почта жўнатмаларини топшириш ушбу Қоидаларнинг 136-бандида кўрсатилган ҳужжатлардан бири тақдим этилганда ёки почта оператори томонидан белгиланадиган, почта алоқаси хизматларидан фойдаланувчиси тўғрисидаги маълумотларни ишончли аниқлашни таъминлайдиган, шу жумладан ахборот-коммуникация технологиялари, ахборотнинг электрон ташувчиларидан фойдаланиб кодлар, пароллар асосида, шунингдек бошқа техник воситалардан фойдаланган ҳолда ёки ушбу Қоидаларнинг 137-138-бандларида белгиланган тартибда бошқа усул ёрдамида амалга оширилади.
122. Балиқчилик хўжаликлари, геологик партиялар (экспедициялар) ишчиларига, фермаларда, ишлаб чиқариш участкаларида ва бригадалардаги қишлоқ хўжалик ташкилотларининг ишчиларига, яйловлардаги чўпонларга, ўрмон участкалари ва ёғоч-саноат хўжаликлари, темир йўл разъездлари ишчиларига, жазони ижро этиш муассасаларида жазони ўтаётган шахсларга ва аҳоли пунктларидан ташқарида бўлган бошқа адресатларга почта жўнатмаларини етказиб бериш адресатлар ишлаётган (таъминланаётган) ташкилотларнинг кучлари ва воситалари билан амалга оширилади.»;
59) 126-банд қуйидаги таҳрирда баён этилсин:
«126. Адресатнинг илтимосига кўра ва почта алоқаси оператори, провайдерида ушбу Қоидаларнинг 125-банди «а», «б» ва «г» кичик бандларида кўрсатилган имкониятлар бўлганда, почта жўнатмалари қўшимча ҳақ эвазига уйга етказиб берилиши мумкин.»;
биринчи хатбоши қуйидаги таҳрирда баён этилсин:
«127. Адресатлар почта жўнатмасини олиш учун келмаганларида, уларга иккинчи марта хабарнома етказилади ва тилхат орқали топширилади:»;
еттинчи хатбоши қуйидаги таҳрирда баён этилсин:
«Ушбу Қоидаларнинг 186-бандида кўрсатилган сақлаш муддати тугагандан кейин, адресатлар томонидан олинмаган оддий хатлар, почта варақчалари, кўзи ожизлар учун мўлжалланган жўнатмалари, «М» қоплари, бандероллар тарқатилмаган почта жўнатмалари қаторига топширилади. Адресатлар томонидан олинмаган рўйхатга олинадиган почта жўнатмалари жўнатувчиларнинг ҳисобидан уларга қайтариб юборилади. Белгиланган сақлаш муддати ўтгандан кейин ёки жўнатувчи қайтариб юборилган почта жўнатмасини олиш ва қайтариб жўнатиш ҳақини тўлашни рад этганда, улар вақтинча сақлаш учун тарқатилмаган почта жўнатмалари қаторига топширилади.»;
61) 128-банд қуйидаги таҳрирда баён этилсин:
«128. Адресат келиб тушган почта жўнатмаларини олишдан воз кечганда, у почта жўнатмасида ва (ёки) хабарномада бу тўғрида белги қўйиши керак. Адресат бундай белги қўйишни рад этганда, уни почта алоқаси ходими амалга оширади. Бундай жўнатмалар қайтарилганлиги учун ҳақ жўнатувчидан қайтарилган почта жўнатмасини унга бериш пайтида олинади.»;
62) 136-банднинг биринчи хатбоши қуйидаги таҳрирда баён этилсин:
«136. Почта жўнатмаларини юбориш ва (ёки) олиш учун зарур бўлган шахсни тасдиқловчи ҳужжатлар бўлиб:»;
63) 139-банд «Рўйхатга олинадиган почта жўнатмалари» деган сўздан кейин «(пул ўтказмаларидан ташқари)» деган сўзлар билан тўлдирилсин;
64) IV бобнинг 3-параграфи қуйидаги таҳрирда баён этилсин:
«3-§. Ички ва халқаро тезкор почта жўнатмаларини жўнатиш»;
65) 143-банддаги «квитанция» деган сўз «онлайн назорат касса машинасининг чеки» деган сўзлар билан алмаштирилсин;
66) IV бобнинг 4-параграфи қуйидаги таҳрирда баён этилсин:
«4-§. Ички ва халқаро курьерлик жўнатмаларини жўнатиш»;
67) 158-банддан «ва етказиб бериш (топшириш)» деган сўзлар чиқариб ташлансин.
68) 159-банд қуйидаги таҳрирда баён этилсин:
«159. Ички ва халқаро курьерлик жўнатмалари рўйхатга олинадиган жўнатмалар ҳисобланади ва ушбу Қоидаларнинг 99-бандида белгиланган тартибда жўнатувчига онлайн назорат касса машинасининг чеки берилган ҳолда қабул қилинади.
Курьерлик жўнатмаси қабул қилинганлиги тўғрисидаги онлайн назорат касса машинасининг чекининг дубликати берилмайди.»;
69) 168-банд қуйидаги таҳрирда баён этилсин:
«168. Фойдаланувчилар қуйидаги ҳуқуқларга эгадирлар:
Ўзбекистон Республикасининг бутун ҳудудида универсал почта алоқаси хизматларидан фойдаланиш;
ўзларининг ҳуқуқ ва мажбуриятлари, мазкур Қоидалар, кўрсатилаётган хизматлар тўғрисидаги ва ушбу хизматларга доир тарифлар ҳақидаги ахборотдан эркин фойдаланиш;
почта ва курьерлик жўнатмаларини ўзининг почта манзили бўйича, йўқлаб олиш тарзида ёки почтоматдан олиш;
пул ўтказмаларини почта манзили бўйича ёки йўқлаб олиш тарзида олиш;
ўзининг почта манзилига келиб тушган почта ёки курьерлик жўнатмаларидан воз кечиш;
қиймати эълон қилинган жўнатма жойланмасининг баҳоси суммасини жойланманинг ҳақиқий қийматига мувофиқ мустақил равишда аниқлаш;
почта алоқаси операторлари ва провайдерлари томонидан ўз вақтида ҳамда сифатли хизмат кўрсатилиши;
почта ёки курьерлик хизматлари кўрсатилмаганлиги ёки лозим даражада кўрсатилмаганлиги натижасида етказилган моддий зарарларнинг ўрни қопланиши, маънавий зиён компенсация қилиниши;
мансабдор шахсларнинг фойдаланувчиларнинг ҳуқуқлари ва қонуний манфаатларини бузадиган қарорлари, ҳаракатлари (ҳаракатсизлиги) устидан бевосита судга ёхуд бўйсунув тартибида юқори турувчи органга, мансабдор шахсга шикоят билан мурожаат этиш.
Фойдаланувчилар қонунчилик ҳужжатларига мувофиқ бошқа ҳуқуқларга ҳам эга бўлишлари мумкин.»;
биринчи хатбоши ва «а» кичик банддан «ёки пул ўтказмаси» деган сўзлар чиқариб ташлансин;
«б» ва «в» кичик бандлар қуйидаги таҳрирда баён этилсин:
«б) почта, курьерлик жўнатмасини бошқа шахсга ва бошқа манзил бўйича берилиши ёки бошқа манзил бўйича айнан ўша адресатга етказиб берилиши тўғрисида фармойиш бериш;
в) почта, курьерлик жўнатмасининг тайинланган жойдаги почта алоқаси объектида у келиб тушган кундан бошлаб икки ойгача узайтириш ҳуқуқига эга.»;
биринчи хатбошидан «ёки пул ўтказмаси» деган сўзлар чиқариб ташлансин;
иккинчи хатбоши қуйидаги таҳрирда баён этилсин:
«Ариза билан бирга онлайн назорат касса машинасининг чеки тақдим этилади, агар бу жўнатишга беш дона ва ундан ортиқ миқдорда қабул қилинган рўйхатга олинадиган почта, курьерлик жўнатмалари тааллуқли бўлса, у ҳолда ушбу почта ва курьерлик жўнатмаларининг рўйхати ёки уларнинг тасдиқланган нусхалари ҳам тақдим этилади.»;
72) 173-банд қуйидаги таҳрирда баён этилсин:
«173. Жўнатувчи ёзма ариза асосида, тайинланган жойга ҳали жўнатилиб улгурилмаган почта, курьерлик жўнатмасини қайтариб олиш ҳуқуқига эга. Бу ҳолда жўнатувчига почта тўлови давлат белгилари билан тўланган ва кўрсатилган қўшимча хизматлар учун тўловдан ташқари ундан олинган тўлов қайтарилади.
Пул ўтказмалари юридик шахсларга пул маблағларини уларнинг ҳисоб рақамларига ўтказиш йўли билан қайтарилади, бу ўтказмалар жўнатилганлиги учун тўланган тўлов қайтарилмайди.
Тайинланган жойга жўнатиб улгурилмаган почта, курьерлик жўнатмаларини олиш бўйича ёзма ариза жўнатувчи томонидан мазкур Қоидаларнинг 172-банди билан белгиланган тартибда расмийлаштирилади.»;
73) 175-банд қуйидаги таҳрирда баён этилсин:
«175. Адресатга қўшимча тўлов эвазига қуйидагилар тўғрисида ёзма фармойиш бериш ҳуқуқи тақдим этилган:
а) почта алоқаси объектида, ўз номига келган почта, курьерлик жўнатмаларининг улар келиб тушган кундан бошлаб икки ой мобайнида сақланиши тўғрисида;
б) ўз номига келган почта, курьерлик жўнатмаларини бошқа манзил бўйича жўнатиш ёки етказиб бериш тўғрисида;
в) ўз номига йўқлаб олиш тарзида келадиган почта жўнатмаларини уйга етказиб бериш тўғрисида, агар бундай почта жўнатмаларини уйга етказиб бериш мазкур Қоидалар билан назарда тутилган бўлса.»;
74) 177-178-бандлар қуйидаги таҳрирда баён этилсин:
«177. Фойдаланувчилар:
Ўзбекистон Республикасининг «Почта алоқаси тўғрисида»ги Қонуни ва ушбу Қоидаларга риоя этиши;
ўзига кўрсатилган почта алоқаси хизматлари учун ҳақ тўлаши;
тақиқланган моддалар ва предметлар жўнатилишига йўл қўймаслиги;
почта алоқаси операторлари ва провайдерларининг иш сифатини пасайтиришга қаратилган хатти-ҳаракатлар қилмаслиги шарт.
Фойдаланувчилар зиммасида қонунчилик ҳужжатларига мувофиқ бошқа мажбуриятлар ҳам бўлиши мумкин.
178. Почта алоқаси операторлари ва провайдерлари қуйидаги ҳуқуқларга эга:
почта алоқаси хизматларини кўрсатиш;
қонунчиликка мувофиқ аутсорсинг асосида банк хизматларини кўрсатиш ва операцияларини бажариш, электрон тижоратга, шу жумладан товарларни сақлаш ҳамда етказиб беришга доир фаолиятни амалга ошириш;
ўз фаолиятида тимсолдан фойдаланиш.
Почта алоқаси операторлари ва провайдерлари томонидан аутсорсинг асосида айрим турдаги банк хизматларини кўрсатиш тартиби «Банклар ва банк фаолияти тўғрисида»ги Ўзбекистон Республикаси Қонунида белгиланади.»;
75) 180-банд қуйидаги таҳрирда баён этилсин:
«180. Почта алоқаси операторлари ва провайдерлари почта алоқаси сирига риоя этилишини кафолатлайди. Почта алоқаси операторлари ва провайдерларининг барча ходимлари почта алоқаси сирини сақлаши шарт.
Почта алоқаси сирини таъминлаш мақсадида қуйидагилар тақиқланади, бундан қонунчиликда назарда тутилган ҳоллар мустасно:
бошқа шахсга почта ва курьерлик жўнатмалари ҳақидаги маълумотларни, шунингдек фойдаланувчиларнинг манзили ва шахсига доир маълумотларни маълум қилиш;
почта ва курьерлик жўнатмаларини очиш;
фойдаланувчи ҳамда (ёки) унинг почта ва курьерлик жўнатмалари таркиби (жойланмаси) тўғрисидаги маълумотларни қонунга хилоф равишда йиғиш ёки тарқатиш.»;
76) V бобнинг 3-параграфи қуйидаги таҳрирда баён этилсин:
«3-§. Почта, курьерлик жўнатмаларини қайта жўнатиш ва қайтариш шартлари»;
биринчи хатбоши қуйидаги таҳрирда баён этилсин:
«182. Почта, курьерлик жўнатмаси (устама тўловли пул ўтказмасидан ташқари) жўнатувчининг манзили бўйича қуйидаги ҳолларда қайтарилади:»;
«б» кичик банд қуйидаги таҳрирда баён этилсин:
«б) адресат почта, курьерлик жўнатмасини олишдан воз кечганда;»;
«д» кичик банд ўз кучини йўқотган деб топилсин;
«ж1» кичик банд қуйидаги таҳрирда баён этилсин:
«ж1) почта, курьерлик жўнатмасида адресатнинг манзили тўлиқ кўрсатилмаганда ёки нотўғри кўрсатилганда;»;
78) 183-банд қуйидаги таҳрирда баён этилсин:
«183. Почта, курьерлик жўнатмалари (пул ўтказмаларидан ташқари)ни янги манзил бўйича қайта жўнатиш ва қайтариш учун тўлов ундирилади, унинг миқдори қайтариш (янги манзилга қайта жўнатиш) санасида амал қиладиган тарифлар бўйича белгиланади. Пул ўтказмаларини янги манзил бўйича қайта жўнатиш ва қайтариш учун тўлов ундирилмайди.»;
79) 186-банднинг биринчи — учинчи хатбошилари қуйидаги таҳрирда баён этилсин:
«186. Етарлича асослар мавжуд бўлганда, ҳуқуқни муҳофаза қилувчи органлар қонунчилик ҳужжатлари билан назарда тутилган тартибда почта, курьерлик жўнатмаларини хатлаб қўйиш, шунингдек, уларни кўздан кечириш ва олиб қўйиш ҳуқуқига эгадир.
Почта, курьерлик жўнатмаларини хатлаб қўйиш фақат суднинг ажримига мувофиқ амалга оширилади.
Почта, курьерлик жўнатмасини хатлаб қўйиш тўғрисидаги ажрим тегишли почта алоқаси объекти раҳбарига юборилади ва уни бажариш мазкур бошлиқ учун мажбурийдир.»;
80) 187-банд қуйидаги таҳрирда баён этилсин:
«187. Ҳуқуқни муҳофаза қилувчи органлар томонидан тезкор-қидирув тадбирларини ўтказиш тўғрисида қарор қабул қилинган почта, курьерлик жўнатмаларини қидириш тўғрисида аризалар келиб тушганда, почта алоқаси операторлари ва провайдерлари бу ҳақда жўнатувчи ёки адресатни фақат ҳуқуқни муҳофаза қилувчи органларнинг рухсати билан хабардор қилишлари мумкин.»;
81) V бобнинг 5-параграфи қуйидаги таҳрирда баён этилсин:
«5-§. Почта ва курьерлик жўнатмаларини сақлаш муддатлари»;
82) 188-банд қуйидаги таҳрирда баён этилсин:
«188. Ноаниқлиги ёки фойдаланувчининг зарур манзили бўйича маълумотларнинг бўлмаслиги, адресатнинг жўнаб кетиши ёки почта алоқаси оператори ва провайдери томонидан почта алоқаси хизматларини кўрсатиш шартномаси бўйича мажбуриятларни бажариш имконини бермайдиган бошқа ҳолатлар сабабли етказиб бериш мумкин бўлмаган почта, курьерлик жўнатмаси мазкур Қоидаларнинг 189-бандида белгиланган муддатлар тугагандан кейин жўнатувчига қайтарилади.
Ноаниқлиги ёки фойдаланувчининг зарур манзили бўйича маълумотлари бўлмаслиги сабабли етказиб берилмаган почта, курьерлик жўнатмаларини жўнатувчига қайтариш имкони бўлмаганда ёки жўнатувчи қайтарилган почта, курьерлик жўнатмаларини олишдан воз кечган ҳолда, улар почта алоқаси оператори ёки провайдери томонидан тарқатилмаганлар сифатида вақтинчалик сақлаш учун қабул қилинади.»;
83) 189-банднинг иккинчи хатбошиси қуйидаги таҳрирда баён этилсин:
«Почта жўнатмаларини сақлаш муддати почта жўнатмаси почта алоқаси объектига келган кундан кейинги иш кунидан бошлаб ҳисобланади.»;
84) 190-банднинг биринчи хатбошиси қуйидаги таҳрирда баён этилсин:
«190. Почта алоқаси объектлари томонидан жўнатувчининг манзили бўйича қайтарилган ички ва халқаро почта, курьерлик жўнатмаларини жўнатувчиларга топшириш мумкин бўлмаганда ёки жўнатувчилар уларни олишдан воз кечган ҳолда, почта алоқаси объектларида бир ой сақланади.»;
85) 193-банднинг учинчи хатбошисидан «, пул ўтказмалари» деган сўзлар чиқариб ташлансин;
86) 194-195-бандлар қуйидаги таҳрирда баён этилсин:
«194. Почта алоқаси операторлари ва провайдерлари почта алоқаси хизматларини кўрсатиш бўйича мажбуриятларни бажармаганлик ёки лозим даражада бажармаганлик учун фойдаланувчиларга етказилган зарарларнинг ўрнини қонунчиликка мувофиқ қоплайди.
195. Фойдаланувчиларнинг талабига кўра почта алоқаси хизматларини кўрсатишда уларга етказилган зарарлар Ўзбекистон Республикасининг «Почта алоқаси тўғрисида»ги Қонунининг 31-моддасида назарда тутилган ҳолатларда ва миқдорларда почта алоқаси оператори ёки провайдери томонидан қопланади.»;
87) 197-198-бандлар қуйидаги таҳрирда баён этилсин:
«197. Почта ва курьерлик жўнатмаларининг йўқотилганлиги, бузилганлиги (шикастланганлиги), топширилмаганлиги ёки уларни жўнатиш муддатлари бузилганлиги учун, агар бу кабилар енгиб бўлмас куч ёки почта, курьерлик жўнатмалари жойланмасининг хусусиятлари туфайли содир бўлганлиги исботланса, шунингдек почта, курьерлик жўнатмаларини божхона кўригидан ўтказиш муддатлари бузилганлиги ёхуд улар божхона органлари томонидан олиб қўйилганлиги учун почта алоқаси операторлари ва провайдерлари зарарларнинг ўрнини қопламайди.
198. Почта алоқаси хизматлари бажарилмаганлиги ёки лозим даражада бажарилмаганлиги оқибатида етказилган зарарни қоплаш бўйича тўлов почта алоқаси операторлари, провайдерлари томонидан почта, курьерлик жўнатмасини қабул қилиш ёки топшириш жойида даъво қабул қилинган кундан бошлаб ўн кундан кечиктирмасдан амалга оширилади.»;
88) 201-банднинг иккинчи хатбошиси қуйидаги таҳрирда баён этилсин:
«Почта, курьерлик жўнатмаларида манзилнинг тўғри ва тўлиқ ёзилганлиги учун ушбу почта, курьерлик жўнатмаларининг жўнатувчилари жавобгар бўладилар.»;
иккинчи — тўртинчи хатбошилар қуйидаги таҳрирда баён этилсин:
«Почта ва курьерлик жўнатмалари топширилмаганлиги, ўз вақтида етказиб берилмаганлиги ёки йўқотилганлиги, бузилганлиги (шикастланганлиги) тўғрисидаги талабномалар, шу жумладан почта ва курьерлик жўнатмаларини қидириш аризалари почта, курьерлик жўнатмалари топширилган кундан эътиборан олти ой давомида тақдим этилади.
Почта алоқаси операторлари ёки провайдерларига даъволар рўйхатга олинадиган почта, курьерлик жўнатмасини қабул қилиш жойида ёки юборилиши мўлжалланган жойда тақдим этилиши мумкин.
Халқаро почта, курьерлик жўнатмалари бўйича даъволар Умумжаҳон почта иттифоқи актлари ва икки томонлама битимлар билан белгиланган муддатларда қабул қилинади.»;
олтинчи хатбошидаги «оғзаки, ёзма ёки электрон шаклда» деган сўзлар «ёзма шаклда» деган сўзлар билан алмаштирилсин;
90) 204-банд қуйидаги таҳрирда баён этилсин:
«204. Рўйхатга олинадиган почта, курьерлик жўнатмаларига нисбатан даъволар, шу жумладан, етказилган зарарнинг ўрни қопланишини талаб қилиш уларни қабул қилиш пайтида берилган онлайн назорат касса машинасининг чеклар, ушбу Қоидаларнинг 108, 110-бандларида назарда тутилган ҳолатларда эса бундан ташқари, рўйхатлар нусхаси тақдим этилганда қабул қилинади.»;
91) 206-банд қуйидаги таҳрирда баён этилсин:
«206. Агар почта, курьерлик жўнатмалари почта алоқаси объектига турли онлайн назорат касса машинасининг чеклар ва рўйхатлар бўйича топширилган бўлса, у ҳолда йўқолган почта, курьерлик жўнатмалари, жойланмаларнинг етишмаслиги ёки бузилганлиги (шикастланганлиги) учун зарарни қоплаш тўлови тўғрисидаги даъволар улар топширилган ҳар бир онлайн назорат касса машинасининг чеки ва рўйхат бўйича алоҳида қабул қилинади.»;
«а» кичик банд қуйидаги таҳрирда баён этилсин:
«а) почта жўнатмасининг тури ва тоифаси, курьерлик жўнатмасининг тури;»;
«б» кичик банддаги «квитанция» деган сўз «онлайн назорат касса машинасининг чеки» деган сўзлар билан алмаштирилсин;
1) 4-позициянинг «Жўнатма тури» устунидаги «Секограмма» деган сўз «Кўзи ожизлар учун мўлжалланган жўнатма» деган сўзлар билан алмаштирилсин;
2) 6-позицияда:
«Жўнатма тури» устунидан «а) бўлинадиган жойланма билан» ва «б) бўлинмайдиган жойланма билан» деган сўзлар чиқариб ташлансин;
«Оғирлиги (кг)» устунидаги «10» ва «15» деган рақамлар «20» деган рақам билан алмаштирилсин;
3) 8-позиция чиқариб ташлансин;
3-позициянинг «Жўнатма тури» устунидаги «Секограмма» деган сўз «Кўзи ожизлар учун мўлжалланган жўнатма» деган сўзлар билан алмаштирилсин;
4-позициянинг «Ўровдаги ўлчамлари» устунидаги «секограммаларга» деган сўз «кўзи ожизлар учун мўлжалланган жўнатмаларга» деган сўзлар билан алмаштирилсин;
8-позициянинг «Жўнатма тури» устунидаги «Тегишли ўровдаги босма нашрлар» деган сўзлар «Бандероль» деган сўз билан алмаштирилсин;
95) 3-илованинг 2-бандининг биринчи хатбошиси қуйидаги таҳрирда баён этилсин:
«2. Бандероллар ва кўзи ожизлар учун мўлжалланган жўнатмалар:»;
96) 4 ва 5-иловалар мазкур ўзгартириш ва қўшимчаларнинг 1 ва 2-иловаларига мувофиқ таҳрирда баён этилсин.
«Почта алоқаси хизматларини кўрсатиш қоидаларини тасдиқлаш тўғрисида»ги буйруққа киритилаётган ўзгартириш ва қўшимчаларга
1-ИЛОВА
«Почта алоқаси хизматларини кўрсатиш қоидаларига
4-ИЛОВА
Ички курьерлик жўнатмаларининг чекланган ўлчамлари ва оғирлиги

Т/р

Жўнатма тури

Оғирлиги (кг)

Ўровдаги ўлчамлари

1.

Ҳужжатлар мавжуд бўлган курьерлик жўнатмаси

2

Ҳар қандай ўлчами — 1500 мм дан ортиқ эмас.
Узунлиги ва узунликдан бошқа йўналишда ўлчанган энг катта айлана йиғиндиси — 3000 мм дан ортиқ эмас.

2.

Товар жойланмаси мавжуд бўлган курьерлик жўнатмаси

30

Энг кўп: ўлчамлардан бири учун 1500 мм ёки узунлиги ва узунликдан бошқа йўналишда олинган энг катта айлана йиғиндиси 3000 мм.
Энг кам: 2 мм дан оғиш билан, 90 х 140 мм (энг кам қалинлиги 50 мм бўлганда).

».

«Почта алоқаси хизматларини кўрсатиш қоидаларини тасдиқлаш тўғрисида»ги буйруққа киритилаётган ўзгартириш ва қўшимчаларга
2-ИЛОВА
«Почта алоқаси хизматларини кўрсатиш қоидаларига
5-ИЛОВА
Халқаро курьерлик жўнатмаларининг чекланган ўлчамлари ва оғирлиги

Т/р

Жўнатма тури

Оғирлиги (кг)

Ўровдаги ўлчамлари

1.

Ҳужжатлар мавжуд бўлган курьерлик жўнатмаси

2

Ҳар қандай ўлчами — 1500 мм дан ортиқ эмас.
Узунлиги ва узунликдан бошқа йўналишда ўлчанган энг катта айлана йиғиндиси — 3000 мм дан ортиқ эмас.

2.

Товар жойланмаси мавжуд бўлган курьерлик жўнатмаси

30

Энг кўп: ўлчамлардан бири учун 1500 мм ёки узунлиги ва узунликдан бошқа йўналишда олинган энг катта айлана йиғиндиси 3000 мм.
Энг кам: 2 мм дан оғиш билан, 90 х 140 мм (энг кам қалинлиги 50 мм бўлганда).

».

(Қонунчилик маълумотлари миллий базаси, 15.05.2025 й., 10/25/2219-17/0439-сон)