|
Ҳужжат кучини йўқотган 16.06.2020
|
Ҳужжат 30.04.1999 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ХОРИЖИЙ ВАЛЮТАДАГИ ДАВЛАТ БОЖЛАРИ, ЙИҒИМЛАР ҲАМДА СОЛИҚ БЎЛМАГАН БОШҚА ТЎЛОВЛАР СТАВКАЛАРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2020 йил 16 июндаги 384-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида («Давлат божи тўғрисида»ги Ўзбекистон Республикаси Қонуни)» қарорига асосан ўз кучини йўқотган.
Ўзбекистон Республикаси Президентининг «Хорижий валютада солиқ бўлмаган давлат тўловларини олиш ва тақсимлаш тартиби тўғрисида» 1993 йил 31 июлдаги Фармонига мувофиқ, ҳамда хорижий валютада давлат божлари, йиғимлар ва солиқ бўлмаган бошқа тўловларни ундиришни тартибга солиш ва валюта тушумларидан самарали фойдаланиш мақсадида Вазирлар Маҳкамаси қарор қилади:
1. Қуйидагилар тасдиқлансин:
хорижий валютада давлат божлари, йиғимлар ва солиқ бўлмаган бошқа тўловларни ундириш тартиби тўғрисидаги Низом 1-иловага* мувофиқ;
* 1-илова рус тилидаги матнда берилган.
бож ставкалари, йиғимлар ва солиқ бўлмаган бошқа тўловларнинг тарифлари 2-иловага* мувофиқ
* 2-илова рус тилидаги матнда берилган.
Ўзбекистон Республикаси консуллик йиғимлари тарифлари 3-иловага* мувофиқ
* 3-илова рус тилидаги матнда берилган.
2. Белгилаб қўйилсинки:
бож ставкалари, йиғимлар ва солиқ бўлмаган бошқа тўловлар тарифлари миқдорлари 1993 йил 1 сентябрдан бошлаб амалга киритилади;
бож ставкалари, йиғимлар ва солиқ бўлмаган бошқа тўловлар тарифлари, шунингдек, амалдагиларига ўзгартириш ва қўшимчалар киритиш Молия вазирлигининг манфаатдор вазирликлар, давлат қўмиталари, идоралар ва хўжалик бошқаруви органлари билан биргаликдаги таклифлари бўйича Вазирлар Маҳкамаси томонидан тасдиқланади;
вазирликлар, давлат қўмиталари, идоралар, банклар ва хўжалик бошқаруви органлари томонидан ундириладиган хорижий валютадаги божлар, йиғимлар ва солиқ, бўлмаган бошқа тўловлардан тушумлар хорижий валютада олинадиган тушумга солинадиган солиқ базасига киритилмайди.
Олдинги таҳрирга қаранг.
3. Божлар, йиғимлар ҳамда солиқ бўлмаган бошқа тўловларни ундирувчи вазирликлар, давлат қўмиталари, идоралар ва хўжалик бошқаруви органлари Марказий банкка, Молия вазирлигига ҳамда Ўзбекистон Республикаси Давлат солиқ қўмитасига ҳисобот ойидан кейинги ҳар ойнинг 5 кунида валюта тушуми ҳамда уларнинг тегишли қисми Республика валюта фондига ўтказилганлиги тўғрисида ҳисоботлар тақдим этсинлар.
(3-банд Ўзбекистон Республикаси Вазирлар Маҳкамасининг 1999 йил 30 апрелдаги 205-сон қарори таҳририда — ЎР ҲҚТ, 1999 й., 4-сон, 23-модда)
Кейинги таҳрирга қаранг.
4. Вазирликлар, давлат қўмиталари, идоралар, банклар ҳамда хўжалик бошқаруви органлари бир ой муддатда ўзлари қабул қилган меъёрий актларни ушбу қарорга мувофиқлаштирсинлар.
5. Ўзбекистон Республикаси Вазирлар Маҳкамаси қарорларининг айрим бандлари 4-иловага* мувофиқ ўз кучини йўқотган деб ҳисоблансин.
*4-илова рус тилидаги матнда берилган.
6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари ўртоқ Ў. Т. Султонов зиммасига юклатилсин.
Вазирлар Маҳкамасининг Раиси И. КАРИМОВ
Тошкент ш.,
1993 йил 19 август,
423-сон
(Ўзбекистон Республикаси Ҳукумати қарорлари тўплами, 1994 й., 3-сон, 16-модда; 1995 й., 3-сон, 8-модда; 1997 й., 1-сон, 3-модда; 1999 й.,4-сон, 23-модда; Ўзбекистон Республикаси қонун ҳужжатлари тўплами, 2002 й., 10-сон, 84-модда, 11-12-сон, 93-модда, 19-сон, 151-модда; 2003 й., 1-2-сон, 11-модда, 22-сон, 223-модда, 24-сон, 241-модда; 2004 й., 6-сон, 73-модда, 17-сон, 199-модда, 43-сон, 456-модда; 2005 й., 28-29-сон, 210-модда, 41-42-сон, 316-модда; 2006 й., 20-21-сон, 181-модда; 2008 й., 3-4-сон, 13-модда, 22-23-сон, 204-модда; 2010 й., 14-15-сон, 106-модда, 52-сон, 513-модда; 2011 й.,27-сон, 284-модда, 36-сон, 367-модда, 52-сон, 561-модда; 2012 й., 15-сон, 172-модда, 44-сон, 507-модда; Қонун ҳужжатлари маълумотлари миллий базаси, 01.06.2018 й., 09/18/398/1288-сон, 01.06.2018 й., 09/18/396/1287-сон, 25.10.2018 й., 09/18/859/2096-сон, 28.11.2018 й., 09/18/963/2234-сон; 18.04.2019 й., 09/19/326/2965-сон; 29.12.2019 й., 09/19/1046/4242-сон)
