|
Ҳужжат кучини йўқотган 22.02.2021
|
Ҳужжат 24.07.1998 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ҲУКУМАТИНИНГ АЙРИМ ҚАРОРЛАРИГА ЎЗГАРТИРИШ ВА ҚЎШИМЧАЛАР КИРИТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Президентининг «Хусусий тадбиркорлик, кичик ва ўрта бизнесни ривожлантиришни янада рағбатлантириш чора-тадбирлари тўғрисида» 1998 йил 9 апрелдаги ПФ-1987-сон Фармонига мувофиқ Вазирлар Маҳкамаси қарор қилади:
Ўзбекистон Республикаси Вазирлар Маҳкамасининг қарорларига иловага мувофиқ ўзгартиришлар ва қўшимчалар киритилсин.
Вазирлар Маҳкамасининг Раиси И. КАРИМОВ
Тошкент ш.,
1998 йил 24 июль,
312-сон
Ўзбекистон Республикаси Вазирлар Маҳкамасининг ўзгартиришлар ва қўшимчалар киритиладиган қарорлари
рўйхати
1. Ўзбекистон Республикаси Вазирлар Маҳкамасининг 1992 йил 26 февралдаги 85-сон қарори (Ўзбекистон Республикаси ҚТ, 1992 й., 2-сон, 3-модда; 1996 й., 4-сон, 12 модда) билан тасдиқланган «Ўзбекистон Республикасида кичик корхоналар тўғрисида низом»нинг 1-бўлими 2-бандидаги иккинчи — олтинчи хатбошилар қуйидаги таҳрирда баён қилинсин:
«саноатда — 40 кишигача ишловчи бўлган;
қурилишда, қишлоқ хўжалигида ва бошқа ишлаб чиқариш тармоқларида — 20 кишигача ишловчиси бўлган;
фан соҳасида, илмий хизмат кўрсатишда, чакана савдода ва ноишлаб чиқариш соҳасининг бошқа тармоқларида — 10 кишигача.
Кичик корхоналар жумласига, шунингдек, мулкчилик шаклларидан қатъи назар, ишлаб чиқариш тармоқларида банд бўлган ходимларнинг ўртача йиллик сони 10 кишигачани, савдо, хизматлар кўрсатиш ва ноишлаб чиқариш соҳаси тармоқларида — 5 кишигача ташкил қиладиган микрофирмалар ҳам киради».
2. Ўзбекистон Республикаси Вазирлар Маҳкамасининг 1992 йил 17 ноябрдаги 538-сон қарори (Ўзбекистон Республикаси ҚТ, 1992 й., 11-сон, 35-модда) билан тасдиқланган «Ўзбекистон Республикаси Ташқи иқтисодий алоқалар вазирлиги тўғрисида низом»нинг 5-банди қуйидаги мазмунда хатбоши билан тўлдирилсин:
«ўзининг ихтисослаштирилган ташқи савдо фирмалари орқали кичик ва ўрта бизнес корхоналари чиқарадиган маҳсулотларни экспортга сотишни ташкил қилиш, уларга хорижий бозорлар маркентинг тадқиқотларини ўтказишда кўмаклашиш».
Кейинги таҳрирга қаранг.
3. Ўзбекистон Республикаси Вазирлар Маҳкамасининг «Ихтисослаштирилган «Замин» давлат-акционерлик ипотека банкини ташкил этиш тўғрисида» 1995 йил 7 сентябрдаги 350-сон қарорининг 2-банди қуйидаги мазмундаги хатбоши билан тўлдирилсин:
«Замин» банки Деҳқон ва фермер хўжаликлари уюшмаси фаолиятида унинг аъзоси сифатида қатнашади».
Кейинги таҳрирга қаранг.
4. Ўзбекистон Республикаси Вазирлар Маҳкамасининг «Деҳқон ва фермер хўжаликларини қўллаб-қувватлаш жамғармаси тўғрисидаги низомни ҳамда унинг маблағларини жамғариш ва улардан фойдаланиш Тартибини тасдиқлаш ҳақида» 1997 йил 25 октябрдаги 486-сон қарорига 1 ва 2-иловалар матнларидаги «шахсий ёрдамчи ва деҳқон» сўзлари «деҳқон ва фермер» сўзлари билан алмаштирилсин.
Кейинги таҳрирга қаранг.
