682-сон 17.10.2024. Мис хомашёсини чуқур қайта ишлаш билан боғлиқ фаолиятни тартибга солиш чора-тадбирлари тўғрисида

Ҳужжат 19.01.2025 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

Мис хом ашёсидан юқори технологияли маҳсулотлар ишлаб чиқариш ҳамда мис хом ашёсини чуқур қайта ишлаш билан боғлиқ фаолиятни тартибга солиш чора-тадбирлари тўғрисида

Кейинги таҳрирга қаранг.

Ўзбекистон Республикаси Президентининг «Республикада мис хом ашёсини чуқур қайта ишлашни янада жадаллаштириш чора-тадбирлари тўғрисида» 2024 йил 19 февралдаги ПҚ-77-сон қарори ижросини таъминлаш ҳамда биржа савдоларида реализация қилинаётган мис катоди ва мис катанкасидан кўп поғонали қўшилган қийматга эга маҳсулотлар ишлаб чиқаришни самарали ташкил этиш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Республикада мис хом ашёсини чуқур қайта ишлашни янада жадаллаштириш чора-тадбирлари тўғрисида» 2024 йил 19 февралдаги ПҚ-77-сон қарорига мувофиқ:

Мис хом ашёсини чуқур қайта ишлаш корхоналари фаолиятини ўрганиш бўйича комиссия (кейинги ўринларда — комиссия) ташкил этилганлиги;

комиссияга биржа савдолари орқали мис хом ашёсини харид қилаётган маҳаллий корхоналар фаолиятини ўрганиш вазифаси юкланганлиги;

юқори технологияли ишлаб чиқаришни ташкил этган маҳаллий корхоналарни баҳолаш мезонлари ҳамда биржа савдолари орқали мис хом ашёсини харид қиладиган маҳаллий корхоналар рўйхатини шакллантириш, уларни рўйхатдан чиқариш ҳамда уларнинг фаолиятини мониторинг қилиш тартибини ишлаб чиқиш белгиланганлиги маълумот учун қабул қилинсин.

2. Қуйидагилар:

Мис хом ашёсидан юқори технологияли маҳсулотлар ишлаб чиқариш корхоналари ҳамда мис хом ашёсини чуқур қайта ишлаш фаолиятини амалга оширувчи корхоналар рўйхатини шакллантириш, юритиш ва уларни рўйхатдан чиқариш ҳамда уларнинг фаолиятини мониторинг қилиш тартиби 1-иловага мувофиқ;

Мис хом ашёсидан юқори технологияли маҳсулотларни ишлаб чиқариш ва экспорт қилишда балл ҳисобланадиган маҳсулотлар рўйхати 2-иловага мувофиқ тасдиқлансин.

Кейинги таҳрирга қаранг.

3. «Ўзэлтехсаноат» уюшмаси Иқтисодиёт ва молия вазирлиги, Инвестициялар, саноат ва савдо вазирлиги, Тоғ-кон саноати ва геология вазирлиги билан биргаликда икки ой муддатда биржа савдолари орқали мис хом ашёсини харид қилаётган маҳаллий корхоналар фаолияти ушбу қарорнинг 2-бандига мувофиқ тасдиқланган тартиб талабларидан келиб чиқиб, хатловдан ўтказилишини ташкил этсин.

4. Вазирлар Маҳкамасининг «Юқори технологияли ишлаб чиқариш жараёнини жорий этган электротехника саноати корхоналарининг рўйхатини шакллантириш ва юритиш тартиби тўғрисидаги низомни тасдиқлаш ҳақида» 2023 йил 10 майдаги 194-сон қарорининг 2-банди ҳамда қарорга 1-илова ўз кучини йўқотган деб ҳисоблансин.

5. Ушбу қарор расмий эълон қилинган кундан эътиборан уч ой ўтгач кучга киради.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2024 йил 17 октябрь,

682-сон

Вазирлар Маҳкамасининг 2024 йил 17 октябрдаги 682-сон қарорига
1-ИЛОВА

НИЗОМ

Кейинги таҳрирга қаранг.

1-боб. Умумий қоидалар

1. Мазкур Низом мис хом ашёсидан юқори технологияли маҳсулотлар ишлаб чиқарувчи корхоналар ҳамда мис хом ашёсини чуқур қайта ишлаш фаолиятини амалга оширувчи корхоналар рўйхатини шакллантириш, юритиш ва уларни рўйхатдан чиқариш, шунингдек, уларнинг фаолиятини баҳолаш ва мониторинг қилиш тартибини белгилайди.

Кейинги таҳрирга қаранг.

2. Ушбу Низомда қуйидаги асосий тушунчалар қўлланилади:

ахборот тизими — «Ўзэлтехсаноат» уюшмаси расмий веб-сайтида яратилган электрон ахборот тизими;

биржа савдолари — «Ўзбекистон республика товар-хом ашё биржаси» акциядорлик жамиятининг электрон савдо майдончасида сотувга чиқариладиган мис катоди ва мис катанкасини (кейинги ўринларда — мис хом ашёси) харид қилиш жараёни;

Кейинги таҳрирга қаранг.

ишчи орган — «Ўзэлтехсаноат» уюшмаси;

комиссия — Ўзбекистон Республикаси Президентининг «Республикада мис хом ашёсини чуқур қайта ишлашни янада жадаллаштириш чора-тадбирлари тўғрисида» 2024 йил 19 февралдаги ПҚ-77-сон қарори билан тасдиқланган Мис хом ашёсини чуқур қайта ишлаш корхоналари фаолиятини ўрганиш бўйича комиссия;

маҳаллий корхоналар — мис хом ашёсини чуқур қайта ишлаш учун ўз ишлаб чиқариш эҳтиёжлари учун биржа савдоларида мис хом ашёсини харид қилиш, қайта ишлаш ҳамда улардан тайёр маҳсулот ишлаб чиқариш фаолиятини амалга оширувчи ёки мис хом ашёсини чуқур қайта ишлаш бўйича янги ишлаб чиқариш қувватларини барпо этган юридик шахслар;

мис хом ашёсини чуқур қайта ишлаш — харид қилинган мис хом ашёсидан қўшилган қийматга эга маҳсулотлар (эҳтиёт қисмлар, бутловчи буюмлар ва материаллар) ишлаб чиқариш фаолияти;

мис хом ашёсини чуқур қайта ишлаш фаолиятини амалга оширувчи маҳаллий корхоналар — мис хом ашёсини чуқур қайта ишлаш фаолияти билан бирга мис хом ашёсини чуқур қайта ишлашни жорий этган маҳаллий корхоналар фаолиятини баҳолаш мезонларига мувофиқ 40 ва ундан юқори балл тўплаган маҳаллий корхоналар;

тармоқ корхонаси — электротехника маҳсулотлари ва уларнинг бутловчи қисмларини ишлаб чиқарувчи ҳамда иқтисодий фаолият турлари умумдавлат таснифлагичи (ИФУТ) кодининг 24.44 синфига ҳамда ИФУТ кодининг 26 ва 27 бўлимларига мос келадиган юридик шахслар;

электротехника корхоналари рўйхати — юқори технологияли ишлаб чиқариш жараёнини жорий этган ва биржа савдоларида харид қилинган мис катоди учун тўловларни бўлиб-бўлиб тўлаш имкониятидан фойдаланиш ҳуқуқига эга бўлган тармоқ корхоналари рўйхати;

Кейинги таҳрирга қаранг.

юқори технологияли ишлаб чиқариш — мис хом ашёсидан юқори технологияли маҳсулотлар ишлаб чиқариш ва экспорт қилишда балл ҳисобланадиган маҳсулотларни ишлаб чиқариш фаолияти;

Кейинги таҳрирга қаранг.

юқори технологияли ишлаб чиқариш жараёнини жорий этган тармоқ корхонаси — юқори технологияли ишлаб чиқариш фаолияти билан бирга юқори технологияли ишлаб чиқариш жараёнини жорий этган тармоқ корхоналари фаолиятини баҳолаш мезонларига мувофиқ 60 ва ундан юқори балл тўплаган тармоқ корхонаси;

Кейинги таҳрирга қаранг.

қайта ишлаш корхоналари рўйхати — мис хом ашёсини чуқур қайта ишлаш фаолиятини жорий этган ва биржа савдоларида мис хом ашёсини харид қилиш ҳуқуқига эга бўлган маҳаллий корхоналар рўйхати.

3. Юқори технологияли ишлаб чиқариш жараёнини жорий этган тармоқ корхоналари ҳамда мис хом ашёсини чуқур қайта ишлаш фаолиятини амалга оширувчи қайта ишлаш корхоналари рўйхати мазкур Низомга 1 ва 2-иловалардаги схемага мувофиқ шакллантирилади.

Кейинги таҳрирга қаранг.

4. Юқори технологияли ишлаб чиқариш жараёнини жорий этган тармоқ корхоналари фаолияти мазкур Низомга 3-иловадаги мезонларга мувофиқ баҳоланади.

Кейинги таҳрирга қаранг.

5. Мис хом ашёсини чуқур қайта ишлашни жорий этган маҳаллий корхоналар фаолияти мазкур Низомга 4-иловадаги мезонларга мувофиқ баҳоланади.

2-боб. Юқори технологияли ишлаб чиқариш жараёнини жорий этган тармоқ корхоналари

1-§. Электротехника корхоналари рўйхатини шакллантириш

6. Комиссия юқори технологияли ишлаб чиқариш жараёнини жорий этган тармоқ корхоналари фаолиятини ўрганиш натижаларига кўра электротехника корхоналари рўйхатини шакллантиради ҳамда тасдиқлайди. Мазкур рўйхатга фақат тармоқ корхоналари киритилади.

7. Тармоқ корхоналари электрон рақамли имзодан фойдаланган ҳолда, ахборот тизими орқали ишчи органга ариза билан ихтиёрий мурожаат қилади.

8. Ариза қуйидаги ҳужжатлар PDF, PNG ёки JPEG форматда илова қилинган ҳолда тақдим этилади:

мурожаатчи тўғрисида маълумот (почта манзили, СТИР ва телефон (факс) рақами);

тармоқ корхонаси томонидан ишлаб чиқарилиши ўзлаштирилган маҳсулот номи ва ташқи иқтисодий фаолият товар номенклатурасининг 10 та белгили коди (ТИФ ТН) тўғрисидаги маълумотлар;

харид қилинадиган мис хом ашёсидан юқори қўшилган қийматли маҳсулотлар ишлаб чиқариш ва экспорт қилиш дастури;

мазкур низомга 3-иловада келтирилган маълумотлар.

9. Юқори технологияли ишлаб чиқариш бўйича янги қувватларни ташкил этган тармоқ корхоналарига лойиҳа ишга туширилган дастлабки чорак учун мазкур Низомнинг 8-банди бўйича ўзлаштирилаётган ёки ўзлаштирилиши режалаштирилган маҳсулотлар тўғрисидаги маълумотларни тақдим этишга рухсат берилади.

10. Ишчи орган мурожаат келиб тушган кундан бошлаб бир иш кунида мурожаат мазкур Низомнинг 8-банди талаблари асосида тақдим этилганлигини текширади ва натижаси бўйича:

ҳужжатлар тўлиқ тақдим этилмаган тақдирда, камчиликларни бартараф этиш учун ҳужжатларни мурожаатчига қайтаради ва бу ҳақда уни хабардор этади;

ҳужжатлар тўлиқ тақдим этилган тақдирда, комиссияга тармоқ корхонасини электротехника корхоналари рўйхатига киритиш масаласини кўриб чиқиш ҳақида сўровнома юборади.

11. Комиссия сўровнома келиб тушган кундан бошлаб ўн иш кунида мурожаат этган юқори технологияли ишлаб чиқариш корхонасининг фаолиятини ўрганиб чиқади.

Бунда комиссия котиби томонидан белгилаб берилган камида бир нафардан иборат Иқтисодиёт ва молия вазирлиги, Инвестициялар, саноат ва савдо вазирлиги ҳамда «Ўзэлтехсаноат» уюшмасининг тегишли мутахассислари жойига чиққан ҳолда ўрганишни ташкил этиши мумкин.

12. Ўрганиш 3-иловада кўзда тутилган мезонлар асосида қуйидаги кўрсаткичлар бўйича амалга оширилади:

мис катодини қайта ишлашга мўлжалланган ўз мис эритиш печининг мавжудлиги ва кўп поғонали технологик занжир яратилганлиги;

ишлаб чиқаришда рақамли технологиялардан фойдаланиш, синов базасининг мавжудлиги ва асосий воситаларнинг янгиланиш даражаси;

юқори технологияли ишлаб чиқариш фаолиятини кенгайтиришга қаратилган қисқа ва узоқ муддатли дастури.

13. Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топмаганда, комиссия котиби беш иш кунида мурожаатни ишчи органга қайтаради. Бунда мурожаатни ўрганиб чиққан комиссия аъзоларининг хулосаси илова қилиниши лозим.

14. Ишчи орган комиссия котиби томонидан қайтарилган мурожаат келиб тушган санадан бошлаб, бир кун муддатда ахборот тизими орқали мурожаатчини у бу ҳақда хабардор қилади.

15. Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топган тақдирда, ўрганиш натижалари комиссиянинг навбатдаги йиғилиши доирасида кўриб чиқилади ҳамда якуни бўйича тармоқ корхонасини электротехника корхоналари рўйхатига киритиш юзасидан тегишли қарор қабул қилинади.

2-§. Электротехника корхоналари рўйхатини юритиш

16. Ишчи орган комиссиянинг тегишли қарори билан тасдиқланган электротехника корхоналари рўйхатини мазкур Низомга 5-иловада келтирилган жадвалга мувофиқ юритади.

17. Электротехника корхоналари рўйхатига киритилган тармоқ корхоналари ҳар чорак якуни бўйича мазкур Низомга 6-иловада келтирилган маълумотларни ахборот тизими орқали Ишчи органга тақдим этиб боради.

18. Тармоқ корхоналари ахборот тизими орқали тақдим этилган маълумотларнинг тўғрилиги ва ҳаққонийлиги учун жавобгар ҳисобланади.

19. Ишчи орган тармоқ корхоналарининг ахборот тизими орқали тақдим этган маълумотларини таҳлил қилади ҳамда натижаларини комиссиянинг навбатдаги йиғилишида кўриб чиқиш учун киритади.

20. Комиссия электротехника корхоналари рўйхатига киритилган тармоқ корхоналарини қайта ўрганиш, ушбу рўйхатдан чиқариш ёки рўйхатда қолдириш масалаларига оид қарор қабул қилиш ҳуқуқига эга.

3-§. Электротехника корхоналари рўйхатидан чиқариш

21. Қуйидаги ҳоллар тармоқ корхонасини электротехника корхоналари рўйхатидан чиқариш учун асос бўлади:

тармоқ корхонасининг ихтиёрий аризасига асосан;

тармоқ корхонаси тугатилганда;

тармоқ корхонаси фаолияти мазкур Низомнинг 12-бандида келтирилган талабларга жавоб бермаган ҳолатларда;

«Олмалиқ кон-металлургия комбинати» акциядорлик жамиятининг биржа савдоларида харид қилинган мис хом ашёси учун тўловларни бўлиб-бўлиб тўлашда тармоқ корхонасининг муддати ўтган қарздорлиги юзага келганлиги ҳақидаги мурожаати;

харид қилинадиган мис хом ашёсидан юқори қўшилган қийматли маҳсулотлар ишлаб чиқариш ва экспорт қилиш дастурининг ижроси таъминланмаганда;

мазкур Низомнинг 17-бандида назарда тутилган маълумотларни ҳар чорак якуни бўйича кейинги ойнинг йигирма бешинчи санасига қадар ишчи органга тақдим этмаган ҳолларда.

22. Комиссия мазкур Низомнинг 17-бандида назарда тутилган маълумотларни ўрганиб чиқади ҳамда натижаларига кўра тармоқ корхонаси мазкур Низомнинг 12-бандида келтирилган талабларга жавоб бермаган ҳолатларда, тармоқ корхонасини электротехника корхоналари рўйхатидан чиқариш ҳақида қарор қабул қилади.

23. Ишчи орган тармоқ корхонасини электротехника корхоналари рўйхатидан чиқариш ҳақида қарор қабул қилингандан сўнг уч иш кунида ушбу ҳақида тармоқ корхонасини ахборот тизими орқали хабардор қилади.

4-§. Электротехника корхоналари рўйхатига киритилган тармоқ корхонаси фаолиятини мониторинг қилиш

24. Ишчи орган ҳар чорак якуни бўйича мазкур Низомга 6-иловада келтирилган маълумотларни электротехника корхоналари рўйхатига киритилган тармоқ корхоналарининг ҳар биридан ахборот тизими орқали қабул қилиб олади, таҳлил қилади ва натижалари ҳақида комиссияга ахборот киритади.

Бунда охирги ҳисобот даври якуни бўйича юқори технологияли ишлаб чиқариш ҳажми ёки ушбу маҳсулотларни экспорт қилиш ҳажми камайтирилганлиги аниқланган ҳолларда:

ишчи орган комиссия котибининг тегишли топшириқ хатига асосан юқори технологияли ишлаб чиқариш ҳажмини ёки ушбу маҳсулотларни экспорт қилиш ҳажмини камайтирган тармоқ корхонасини жойига чиққан ҳолда мониторинг қилади;

мониторинг натижаларига кўра мазкур Низомга 3-иловадаги мезонларга мувофиқ таҳлилий материалларни тайёрлайди ҳамда комиссиянинг навбатдаги йиғилиши кун тартибида кўриб чиқиш учун киритади.

25. Комиссия мазкур Низомнинг 24-бандида назарда тутилган таҳлилий материалларни кўриб чиқади ҳамда натижаларига кўра юқори технологияли ишлаб чиқариш ҳажмини ёки ушбу маҳсулотларни экспорт қилиш ҳажмини асоссиз камайтирган тармоқ корхонасини электротехника корхоналари рўйхатидан чиқариш ҳақида қарор қабул қилади. Бунда электротехника корхоналари рўйхатидан чиқариш масаласини кейинги ҳисобот даври якуни билан қайта кўриб чиқишга йўл қўйилади.

Кейинги таҳрирга қаранг.

3-боб. Мис хом ашёсини чуқур қайта ишлаш фаолиятини амалга оширувчи маҳаллий корхоналар

1-§. Қайта ишлаш корхоналари рўйхатини шакллантириш

26. Комиссия мис хом ашёсини чуқур қайта ишлаш фаолиятини амалга оширувчи маҳаллий корхоналар фаолиятини ўрганиш натижаларига кўра қайта ишлаш корхоналари рўйхатини шакллантиради ҳамда уни тасдиқлайди. Мазкур рўйхатга фақат маҳаллий корхоналар киритилади.

27. Маҳаллий корхоналар электрон рақамли имзодан фойдаланган ҳолда, ахборот тизими орқали ишчи органга ариза билан ихтиёрий мурожаат қилади.

28. Ариза қуйидаги ҳужжатлар PDF, PNG ёки JPEG форматда илова қилинган ҳолда тақдим этилади:

мурожаатчи тўғрисида маълумот (почта манзили, СТИР ва телефон (факс) рақами);

маҳаллий корхона томонидан ишлаб чиқарилиши ўзлаштирилган маҳсулот номи ва ташқи иқтисодий фаолият товар номенклатурасининг 10 та белгили коди (ТИФ ТН) тўғрисидаги маълумотлар;

мазкур низомга 4-иловада келтирилган маълумотлар.

29. Мис хом ашёсини чуқур қайта ишлаш бўйича янги қувватларни барпо этган маҳаллий корхоналарга лойиҳа ишга туширилган дастлабки чорак учун мазкур Низомнинг 28-банди бўйича ўзлаштирилаётган ёки ўзлаштирилиши режалаштирилган маҳсулотлар тўғрисидаги маълумотларни тақдим этишга рухсат берилади.

30. Ишчи орган мурожаат келиб тушган кундан бошлаб бир иш кунида мурожаат ушбу Низомнинг 28-банди талаблари асосида тақдим этилганлигини текширади ва натижаси бўйича:

ҳужжатлар тўлиқ тақдим этилган тақдирда, комиссияга маҳаллий корхонани рўйхатга киритиш масаласини кўриб чиқиш ҳақида сўровнома юборади.

31. Комиссия сўровнома келиб тушган кундан бошлаб ўн иш кунида мурожаат этган маҳаллий корхонанинг фаолиятини ўрганиб чиқади.

Бунда комиссия котиби томонидан белгилаб берилган камида бир нафардан иборат Иқтисодиёт ва молия вазирлиги, Инвестициялар, саноат ва савдо вазирлиги ҳамда «Олмалиқ кон-металлургия комбинати» акциядорлик жамиятининг тегишли мутахассислари жойига чиққан ҳолда ўрганишни ташкил этиши мумкин.

32. Ўрганиш 4-иловада кўзда тутилган мезонлар асосида қуйидаги кўрсаткичлар бўйича амалга оширилади:

мис хом ашёсини эритиш печининг мавжудлиги ҳамда қайта ишлашнинг кейинги босқичи технологик ускуналари мавжудлиги;

фаолият кўрсатаётган ходимлар сони ҳамда маҳсулот мувофиқлигини назорат қилиш ва тадқиқотлар ўтказишга оид моддий-техник базанинг мавжудлиги.

33. Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топмаганда, комиссия котиби беш иш кунида мурожаатни ишчи органга қайтаради. Бунда мурожаатни ўрганиб чиққан комиссия аъзоларининг хулосаси илова қилиниши лозим.

34. Ишчи орган комиссия котиби томонидан қайтарилган мурожаат келиб тушган санадан бошлаб бир кун муддатда ахборот тизими орқали мурожаатчини у бу ҳақда хабардор қилади.

35. Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топган тақдирда, ўрганиш натижалари комиссиянинг навбатдаги йиғилиши доирасида кўриб чиқилади ҳамда якуни бўйича маҳаллий корхонани қайта ишлаш корхоналари рўйхатига киритиш юзасидан тегишли қарор қабул қилинади.

2-§. Қайта ишлаш корхоналари рўйхатини юритиш

36. Ишчи орган комиссиянинг тегишли қарори билан тасдиқланган қайта ишлаш корхоналари рўйхатини мазкур Низомга 7-иловада келтирилган жадвалга мувофиқ юритади.

37. Қайта ишлаш корхоналари рўйхатига киритилган маҳаллий корхоналар ҳар чорак якуни бўйича мазкур Низомга 8-иловада келтирилган маълумотларни ахборот тизими орқали ишчи органга тақдим этиб боради.

38. Маҳаллий корхоналар ахборот тизими орқали тақдим этилган маълумотларнинг тўғрилиги ва ҳаққонийлиги учун жавобгар ҳисобланади.

39. Ишчи орган маҳаллий корхоналарнинг ахборот тизими орқали тақдим этган маълумотларини таҳлил қилади ҳамда натижаларини комиссиянинг навбатдаги йиғилишида кўриб чиқиш учун киритади.

40. Комиссия қайта ишлаш корхоналари рўйхатига киритилган маҳаллий корхоналарни қайта ўрганиш, ушбу рўйхатдан чиқариш ёки рўйхатда қолдириш масалаларига оид қарор қабул қилиш ҳуқуқига эга.

3-§. Қайта ишлаш корхоналари рўйхатидан чиқариш

41. Қуйидаги ҳоллар маҳаллий корхоналарни қайта ишлаш корхоналари рўйхатидан чиқариш учун асос бўлади:

маҳаллий корхонанинг ихтиёрий аризасига асосан;

маҳаллий корхона тугатилганда;

маҳаллий корхоналар фаолияти мазкур Низомга 32-бандида келтирилган талабларга жавоб бермаган ҳолатларда;

мазкур Низомнинг 37-бандида назарда тутилган маълумотларни ҳар чорак якуни бўйича кейинги ойнинг йигирма бешинчи санасига қадар ишчи органга тақдим этмаган ҳолларда.

42. Комиссия мазкур Низомнинг 36-бандида назарда тутилган маълумотларни ўрганиб чиқади ҳамда натижаларига кўра маҳаллий корхоналар мазкур Низомнинг 31-бандида келтирилган талабларга жавоб бермаган ҳолатларда, маҳаллий корхоналарни қайта ишлаш корхоналари рўйхатидан чиқариш ҳақида қарор қабул қилади.

43. Ишчи орган маҳаллий корхонани маҳаллий корхоналар рўйхатидан чиқариш ҳақида қарор қабул қилингандан сўнг, уч иш кунида ушбу ҳақида маҳаллий корхоналарни ахборот тизими орқали хабардор қилади.

4-§. Қайта ишлаш корхоналари рўйхатига киритилган маҳаллий корхоналар фаолиятини мониторинг қилиш

44. Ишчи орган ҳар чорак якуни бўйича мазкур Низомга 8-иловада келтирилган маълумотларни қайта ишлаш корхоналари рўйхатига киритилган маҳаллий корхоналарнинг ҳар биридан ахборот тизими орқали қабул қилиб олади ҳамда ушбу маълумотларни таҳлил қилади ва натижалари ҳақида комиссияга ахборот киритади.

Бунда охирги ҳисобот даври якуни бўйича мис хом ашёсини чуқур қайта ишлаш ҳажми ёки экспорт қилиш ҳажми камайтирилганлиги аниқланган ҳолларда:

ишчи орган комиссия котибининг тегишли топшириқ хатига асосан мис хом ашёсини чуқур қайта ишлаш ҳажмини ёки ушбу маҳсулотларни экспорт қилиш ҳажмини камайтирган маҳаллий корхоналарни жойига чиққан ҳолда мониторинг қилади;

мониторинг натижаларига кўра мазкур Низомга 4-иловадаги мезонларга мувофиқ таҳлилий материалларни тайёрлайди ҳамда комиссиянинг навбатдаги йиғилиши кун тартибида кўриб чиқиш учун киритади.

45. Комиссия мазкур Низомнинг 44-бандида назарда тутилган таҳлилий материалларни кўриб чиқади ҳамда натижаларига кўра мис хом ашёсини чуқур қайта ишлаш ҳажмини ёки ушбу маҳсулотларни экспорт қилиш ҳажмини асоссиз камайтирган маҳаллий корхоналарни қайта ишлаш корхоналари рўйхатидан чиқариш ҳақида қарор қабул қилади. Бунда қайта ишлаш корхоналари рўйхатидан чиқариш масаласини кейинги ҳисобот даври якуни билан қайта кўриб чиқишга йўл қўйилади.

4-боб. Якунловчи қоидалар

46. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

47. Тармоқ корхоналари рўйхатига ёки қайта ишлаш корхоналари рўйхатига киритишни рад этиш ёки ушбу рўйхатлардан чиқариш тўғрисидаги тегишли қарорлардан норози бўлган тармоқ корхонаси ёки маҳаллий корхоналар тегишли қарор қабул қилинган кундан бошлаб бир ой муддатда комиссия номига шикоят қилиш ҳуқуқига эга.

Юқори технологияли ишлаб чиқариш жараёнини жорий этган электротехника корхоналари рўйхатини шакллантириш

СХЕМАСИ

Босқичлар	Субъектлар	Чора-тадбирлар	Бажариш муддати
Босқичлар	Субъектлар	Чора-тадбирлар	Бажариш муддати

1-босқич	Тармоқ корхонаси	Электрон рақамли имзодан фойдаланган ҳолда ахборот тизими орқали рўйхатга киритиш тўғрисида ишчи органга ариза билан ихтиёрий мурожаат қилади.	Ихтиёрий
1-босқич	Тармоқ корхонаси		Ихтиёрий

2-босқич	Ишчи орган («Ўзэлтехсаноат» уюшмаси)	Мурожаат келиб тушган кундаи бошлаб мурожаат тегишли талаблар асосида тақдим этилганлигини текширади ва натижаси бўйича: ҳужжатлар тўлиқ тақдим этилмаган тақдирда, камчиликларни бартараф этиш учун ҳужжатларни мурожаатчига қайтаради; ҳужжатлар тўлиқ тақдим этилган тақдирда, комиссияга тармоқ корхонасини электротехника корхоналари рўйхатига киритиш масаласини кўриб чиқиш ҳақида сўровнома юборади.	Бир иш кунида
2-босқич	Ишчи орган («Ўзэлтехсаноат» уюшмаси)		Бир иш кунида

3-босқич	Мис хом ашёсини чуқур қайта ишлаш корхоналари фаолиятини ўрганиш бўйича комиссия	Юқори технологияли ишлаб чиқариш корхонасининг фаолиятини ўрганиб чиқади. Бунда комиссия котиби томонидан белгилаб берилган камида бир нафардан иборат мутасадди вазирлик ва идораларнинг тегишли мутахассислари жойига чиққан ҳолда ўрганишни ташкил этиши мумкин.	Ўн иш кунида
3-босқич			Ўн иш кунида

4-босқич	Комиссия котиби	Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топмаган ҳолатда, комиссия котиби мурожаатни ишчи органга қайтаради.	Беш иш кунида
4-босқич	Комиссия котиби		Беш иш кунида

5-босқич	«Ўзэлтехсаноат» уюшмаси	Ахборот тизими орқали мурожаат рад этилганлиги ҳақида мурожаатчини хабардор қилади.	Бир кун муддатда
5-босқич	«Ўзэлтехсаноат» уюшмаси		Бир кун муддатда

6-босқич	Мис хом ашёсини чуқур қайта ишлаш корхоналари фаолиятини ўрганиш бўйича комиссия	Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топган тақдирда, тармоқ корхонасини электротехника корхоналари рўйхатига киритиш юзасидан тегишли қарор қабул қилади.	Мурожаатни кўриб чиқиш якуни билан
6-босқич			Мурожаатни кўриб чиқиш якуни билан

Кейинги таҳрирга қаранг.

Мис хом ашёсини чуқур қайта ишлаш фаолиятини амалга оширувчи қайта ишлаш корхоналари рўйхатини шакллантириш

СХЕМАСИ

Босқичлар	Субъектлар	Чора-тадбирлар	Бажариш муддати
Босқичлар	Субъектлар	Чора-тадбирлар	Бажариш муддати

1-босқич	Маҳаллий корхоналар	Электрон рақамли имзодан фойдаланган ҳолда, ахборот тизими орқали ишчи органга ариза билан ихтиёрий мурожаат қилади.	Ихтиёрий
1-босқич	Маҳаллий корхоналар		Ихтиёрий

2-босқич	Ишчи орган («Ўзэлтехсаноат» уюшмаси)	Мурожаат келиб тушган кундан бошлаб мурожаат тегишли талаблар асосида тақдим этилганлигини текширади ва натижаси бўйича: ҳужжатлар тўлиқ тақдим этилмаган тақдирда, камчиликларни бартараф этиш учун ҳужжатларни мурожаатчига қайтаради; ҳужжатлар тўлиқ тақдим этилган тақдирда, комиссияга маҳаллий корхонани қайта ишловчи корхоналар рўйхатига киритиш масаласини кўриб чиқиш ҳақида сўровнома юборади.	бир иш кунида
2-босқич	Ишчи орган («Ўзэлтехсаноат» уюшмаси)		бир иш кунида

3-босқич	Мис хом ашёсини чуқур қайта ишлаш корхоналари фаолиятини ўрганиш бўйича комиссия	Маҳаллий корхонанинг фаолиятини ўрганиб чиқади. Бунда комиссия котиби томонидан белгилаб берилган камида бир нафардан иборат мутасадди вазирлик ва идораларнинг тегишли мутахассислари жойига чиққан ҳолда ўрганишни ташкил этиши мумкин.	Ўн иш кунида
3-босқич			Ўн иш кунида

4-босқич	Комиссия котиби	Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топмаган ҳолатда, комиссия котиби мурожаатни ишчи органга қайтаради.	Беш иш кунида
4-босқич	Комиссия котиби		Беш иш кунида

5-босқич	«Ўзэлтехсаноат» уюшмаси	Ахборот тизими орқали мурожаат рад этилганлиги ҳақида мурожаатчини хабардор қилади.	Бир кун муддатда
5-босқич	«Ўзэлтехсаноат» уюшмаси		Бир кун муддатда

6-босқич	Мис хом ашёсини чуқур қайта ишлаш корхоналари фаолиятини ўрганиш бўйича комиссия	Мурожаатда келтирилган маҳсулотни ишлаб чиқариш тўғрисидаги маълумотлар ўз тасдиғини топган тақдирда, маҳаллий корхонани қайта ишловчи корхоналар рўйхатига киритиш юзасидан тегишли қарор қабул қилади.	Мурожаатни кўриб чиқиш якуни билан
6-босқич			Мурожаатни кўриб чиқиш якуни билан

Юқори технологияли ишлаб чиқариш жараёнини жорий этган тармоқ корхоналари фаолиятини баҳолаш

МЕЗОНЛАРИ

Т/р	Кўрсаткичлар	Тақдим этиладиган баллар
1.	Мис хом ашёсини чуқур қайта ишлаш ялпи ҳажмида яратилган қўшилган қийматнинг улуши	10
1.1.	0 дан 10 фоизгача	0
1.2.	11 дан 15 фоизгача	5
1.3.	16 фоиз ва ундан юқори	10
2.	Ишлаб чиқариш қувватларидан фойдаланиш даражаси	5
2.1	0 дан 65 фоизгача	0
2.2	66 фоиз ва ундан юқори	5
3.	Маҳсулотлар экспортининг умумий ҳажмида юқори қўшилган қийматга эга маҳсулотлар улуши	10
3.1.	0 дан 10 фоизгача	0
3.2.	11 дан 15 фоизгача	5
3.3.	16 фоиз ва ундан юқори	10
4.	Ишлаб чиқаришдаги экспортнинг улуши	15
4.1.	11 дан 15 фоизгача	5
4.2.	16 дан 20 фоизгача	10
4.3.	21 фоиз ва ундан юқори	15
5.	Мис катодини қайта ишлашга мўлжалланган ўз мис эритиш печининг мавжудлиги	7
6.	Кўп поғонали технологик занжир яратилганлиги, шундан:	10
6.1	Кабель-сим маҳсулотлари ишлаб чиқариш	10
	ўтказувчи симларни букиш ускуналари	3
	майда тортиш дастгоҳлари	3
	экструзияловчи ускуналар (кабель ва сим маҳсулотларини изоляция қилиш ва қобиқлаш учун)	2
	йирик тортиш дастгоҳлари	1
	ўрта тортиш дастгоҳлари	1
6.2.	Мис трубкалари ишлаб чиқариш	10
	юпқа деворли мис найчалар ишлаб чиқариш учун ўта юпқа тортиш дастгоҳи	3
	пресслаш ускуналари	3
	туннел шаклидаги печкалар	2
	тортиш дастгоҳлари	1
	шакл бериш, прокатлаш ускуналари	1
6.3.	Мис шиналари ишлаб чиқариш	10
	қалайлаш дастгоҳлари	8
	пресслаш ускуналари	1
	шакл бериш, прокатлаш ускуналари	1
7.	Ишлаб чиқаришда рақамли технологиялардан фойдаланиш	10
	ERP (корхона ресурсларини режалаштириш)	5
	MES (ишлаб чиқариш жараёнини бошқариш тизими)	5
8.	Синов базасининг мавжудлиги (Техник жиҳатдан тартибга солиш органларида ёки халқаро ташкилотлар томонидан аккредитациядан ўтган, аттестация қилинган ёки сертификатланган бўлса)	10
9.	Халқаро сертификатнинг мавжудлиги	8
	VDE	2
	СЕ	2
	ROНS	2
	BASEC	2
10.	Технологик ускуналарни янгилаш даражаси	5
	10 йил ва ундан юқори	0
	3 йилдан 10 йилгача	2
	3 йилгача	5
11.	Инвестиция дастурларини амалга ошириш (Ўзбекистон Республикаси Президентининг Фармони, қарори ва фармойишлари, шунингдек, Ҳукуматнинг тегишли қарори ҳамда фармойишлари билан тасдиқланган инвестиция лойиҳалари ижроси асосида баҳоланади)	10
11.1.	инвестиция лойиҳаларини амалга оширишда иштирок этмайди	0
11.2.	лойиҳа доирасида жорий йилда ўзлаштириладиган маблағлар қиймати 5 млн АҚШ долларидан кам	5
11.3.	лойиҳа доирасида жорий йилда ўзлаштириладиган маблағлар қиймати 5 млн АҚШ доллари ёки ундан юқори	10
Жами:		100

Изоҳ. Мис хом ашёсини чуқур қайта ишлаш корхоналари фаолиятини ўрганиш бўйича комиссия заруратга кўра ушбу мезонларга ўзгартириш ва қўшимчалар киритиши мумкин.

Мезонларга асосан 60 балл тўплаган юридик шахслар юқори технологияли ишлаб чиқариш жараёнини жорий этган тармоқ корхоналари ҳисобланади.

Ушбу Мезонлар тармоқ корхонаси томонидан солиқ ва статистика органларига тақдим этиладиган даврий ҳисоботлари асосида тўлдирилади.

Кейинги таҳрирга қаранг.

Мис хом ашёсини чуқур қайта ишлашни жорий этган маҳаллий корхоналар фаолиятини баҳолаш

МЕЗОНЛАРИ

Т/р	Кўрсаткичлар	Тақдим этиладиган баллар
1.	Мис хом ашёсини эритиш печининг мавжудлиги	20
2.	Қайта ишлашнинг кейинги босқичи технологик ускуналари	35
	қалайлаш дастгоҳлари	6
	йирик тортиш дастгоҳлари	3
	ўрта тортиш дастгоҳлари	3
	майда тортиш дастгоҳлари	3
	ўтказувчи симларни букиш учун ускуналар	3
	экструзияловчи ускуналар	3
	шакл бериш, прокатлаш ускуналари	3
	пресслаш ускуналари	3
	туннел шаклидаги печкалар	3
	бошқа турдаги технологик ускуналар мажмуи	5
3.	Меҳнат шартномаси асосида фаолият кўрсатаётган ходимлар сони	20
	10 нафаргача	10
	10 тадан 20 тагача	13
	20 тадан 40 тагача	15
	40 та ва ундан ортиқ	20
4.	Маҳсулот мувофиқлигини назорат қилиш ва тадқиқотлар ўтказишга оид моддий-техник базанинг мавжудлиги	25
	ишлаб чиқаришда халқаро стандартлар жорий этилганлиги	10
	ишлаб чиқарилган маҳсулотлар сифатини текшириш учун синов лаборатория ускуналари мавжудлиги	5
	ишлаб чиқарилган маҳсулотларнинг сифатини назорат қилиш бўйича техник назорат ходимлари мавжудлиги	5
	маркировкалаш ускунаси ёки ишлаб чиқарилган маҳсулотларга маркировка қилиш жорий этилганлиги	5
	Жами:	100

Мезонларга асосан 40 балл тўплаган юридик шахслар биржа савдоларида мис хом ашёсини харид қилиш ҳуқуқига эга бўлган маҳаллий корхоналар рўйхатига киритилади.

Ушбу Мезонлар маҳаллий корхоналар томонидан солиқ ва статистика органларига тақдим этиладиган даврий ҳисоботлари асосида тўлдирилади.

Юқори технологияли ишлаб чиқариш жараёнини жорий этган ва биржа савдоларида харид қилинган мис хом ашёси учун тўловларни бўлиб-бўлиб тўлаш имкониятидан фойдаланиш ҳуқуқига эга бўлган электротехника корхоналари

РЎЙХАТИ

Т/р	Тармоқ корхонаси номи	Асосий фаолият тури (ишлаб чиқариладиган маҳсулотлар бўйича)	Жойлашган манзили	СТИР	Тўпланган балл	Рўйхатга киритиш учун асос
1.
2.
3.
...

Кейинги таҳрирга қаранг.

_______________________________________________________________________
^{(электротехника корхоналари рўйхатига киритилган тармоқ корхонаси номи)}
томонидан биржа савдоларида харид қилинган мис хом ашёси тўғрисида
МАЪЛУМОТ

Йил бошида мис хом ашёси қолдиғи		Йил бошидан харид қилинган мис хом ашёси ҳажми		Ҳисобот даврида ишлаб чиқариш ҳажми*	Ҳисобот даврида мис хом ашёси қолдиғи		Қайта ишланган мис хом ашёси ҳажми		Яратилган қўшилган қиймат
(тн)	(млн сўм)	(тн)	(млн сўм)	(млн сўм)	(тн)	(млн сўм)	(тн)	(млн сўм)	(млн сўм)	фоиз

* фақат мис хом ашёсини қайта ишлаш ҳажми кўрсатилади

_______________________________________________________________________
^{(электротехника корхоналари рўйхатига киритилган тармоқ корхонаси номи)}
ишлаб чиқариш ҳажмлари тўғрисида
МАЪЛУМОТ

Маҳсулот номи	ТИФ ТН коди	Ўлчов бирлиги*	Ҳисобот даври учун:			Ҳар бир маҳсулот учун сарфланган миснинг ҳажми (кг)
			режа	амалда	ижроси, %
	(10 та белгили)	тонна
		млн сўм

* товарнинг тавсифига мувофиқ ўлчов бирлиги кўрсатилади

_______________________________________________________________________
^{(электротехника корхоналари рўйхатига киритилган тармоқ корхонаси номи)}
экспорт ҳажмлари тўғрисида
МАЪЛУМОТ

Маҳсулот номи	ТИФ ТН коди	Ўлчов бирлиги*	Ҳисобот даври учун:
			режа	амалда	ижроси, %
	(10 та белгили)	тонна
		минг АҚШ доллари

* товарнинг тавсифига мувофиқ ўлчов бирлиги кўрсатилади

_______________________________________________________________________
^{(электротехника корхоналари рўйхатига киритилган тармоқ корхонаси номи)}
томонидан амалга оширилаётган инвестиция лойиҳалари тўғрисида
МАЪЛУМОТ

Лойиҳа номи	Маҳсулот тури	Жами қиймати (минг АҚШ доллари)	шундан, молиявий манбаи:			Амалга ошириш муддати	Ҳисобот даврида маблағларни ўзлаштириш (минг АҚШ доллари):
Лойиҳа номи	Маҳсулот тури	Жами қиймати (минг АҚШ доллари)	ўз маблағи	банк кредити	хорижий инвестиция ёки кредит	Амалга ошириш муддати	режа	амалда	ижроси, %

Кейинги таҳрирга қаранг.

Биржа савдоларида мис хом ашёсини харид қилиш ҳуқуқига эга бўлган қайта ишлаш корхоналари

РЎЙХАТИ

Т/р	Маҳаллий корхоналар номи	Асосий фаолият тури (ишлаб чиқариладиган маҳсулотлар бўйича)	Жойлашган манзили	СТИР	Тўпланган балл	Рўйхатга киритиш учун асос
1.
2.
3.
...

Кейинги таҳрирга қаранг.

_______________________________________________________________________
^{(қайта ишлаш корхоналари рўйхатига киритилган маҳаллий корхона номи)}
томонидан биржа савдоларида харид қилинган мис хом ашёси тўғрисида
МАЪЛУМОТ

Йил бошида мис хом ашёси қолдиғи		Йил бошидан харид қилинган мис хом ашёси ҳажми		Ҳисобот даврида ишлаб чиқариш ҳажми *	Ҳисобот даврида мис хом ашёси қолдиғи		Қайта ишланган мис хом ашёси ҳажми		Яратилган қўшилган қиймат
(тн)	(млн сўм)	(тн)	(млн сўм)	(млн сўм)	(тн)	(млн сўм)	(тн)	(млн сўм)	(млн сўм)	фоиз

* фақат мис хом ашёсини қайта ишлаш ҳажми кўрсатилади

_______________________________________________________________________
^{(қайта ишлаш корхоналари рўйхатига киритилган маҳаллий корхона номи)}
ишлаб чиқариш ҳажмлари тўғрисида
МАЪЛУМОТ

Маҳсулот номи	ТИФ ТН коди	Ўлчов бирлиги*	Ҳисобот даври учун:			Ҳар бир маҳсулот учун сарфланган миснинг ҳажми (кг)
			режа	амалда	ижроси, %
	(10 та белгили)	тонна
		млн сўм

* товарнинг тавсифига мувофиқ ўлчов бирлиги кўрсатилади

_______________________________________________________________________
^{(қайта ишлаш корхоналари рўйхатига киритилган маҳаллий корхона номи)}
экспорт экспорт ҳажмлари тўғрисида
МАЪЛУМОТ

Маҳсулот номи	ТИФ ТН коди	Ўлчов бирлиги*	Ҳисобот даври учун:
			режа	амалда	ижроси, %
	(10 та белгили)	тонна
		минг АҚШ доллари

* товарнинг тавсифига мувофиқ ўлчов бирлиги кўрсатилади

_______________________________________________________________________ томонидан
^{(қайта ишлаш корхоналари рўйхатига киритилган маҳаллий корхона номи)}
амалга оширилаётган инвестиция лойиҳалари тўғрисида
МАЪЛУМОТ

Лойиҳа номи	Маҳсулот тури	Жами қиймати (минг АҚШ доллари)	шундан, молиявий манбаи:			Амалга ошириш муддати	Ҳисобот даврида маблағларни ўзлаштириш (минг АҚШ доллари):
Лойиҳа номи	Маҳсулот тури	Жами қиймати (минг АҚШ доллари)	ўз маблағи	банк кредити	хорижий инвестиция ёки кредит	Амалга ошириш муддати	режа	амалда	ижроси, %

Вазирлар Маҳкамасининг 2024 йил 17 октябрдаги 682-сон қарорига
2-ИЛОВА

Мис хом ашёсидан юқори технологияли маҳсулотларни ишлаб чиқариш ва экспорт қилишда балл ҳисобланадиган маҳсулотлар

РЎЙХАТИ

Т/р	ТИФ ТН коди	Маҳсулот номи
1.	7411 101000	Мис қувурлари ва найчалари, тозаланган мисдан
2.	7411 109000	Қайта ишланган мис қувурлари ва найчалари ҳамда бошқалар
3.	8504	Электр трансформаторлари, статик электр ўзгартиргичлар (масалан, тўғрилагичлар), индуктив ғалтаклар ва дросселлар
4.	8544 111000	Локланган ёки эмалланган ўрама мис симлар
5.	8544 119000	Бошқа ўрамали мис симлар
6.	8544 200000	Коаксиал ва бошқа электр ўтказгичли коаксиал кабеллар
7.	8544 300001	Ўт олдириш свечалари учун ва бошқа сим ўтказгич тўпламлари, автотранспорт воситалари, 8701 — 8705 гача позициядаги автотранспорт воситаларини саноат усулида йиғиш ва фойдаланиш учун
8.	8544 300002	Самолётларда ишлатиладиган авиация двигателларини ишлаб чиқариш учун ўт олдириш свечалари ва бошқа сим ўтказгич тўпламлари
9.	8544 300007	Автотранспорт воситалари учун мисдан изоляцияланган ўтказгичли симлар жамланмаси
10.	8544 300008	Автотранспорт воситалари, самолётлар ёки кемаларда ишлатиладиган ўт олдириш свечалари учун сим ўтказгич тўпламлари
11.	8544 421000	Телекоммуникацияларда ишлатиладиган, уланиш мосламалари билан жиҳозланган 1000 V дан юқори бўлмаган бошқа электр ўтказгичлар
12.	8544 429003	Фуқаролик ҳаво кемалари ёки авиация двигателлари ишлаб чиқариш учун уланиш мосламалари билан жиҳозланган 80 V дан юқори бўлмаган кучланиш учун бошқа электр ўтказгичлар
13.	8544 429007	80 V дан юқори бўлмаган уланиш мосламалари билан жиҳозланган электр ўтказгичлар
14.	8544 429009	80 V дан юқори бўлмаган кучланиш учун уланиш мосламалари билан жиҳозланган, 1000 V дан юқори бўлмаган кучланиш учун бошқа электр ўтказгичлар
15.	8544 492000	80 V дан юқори бўлмаган кучланиш учун телекоммуникацияларда ишлатиладиган электр ўтказгичлар
16.	8544 499101	80 V дан юқори бўлмаган кучланиш учун диаметри 0,51 ммдан юқори бўлган изоляцияланган ўтказгичли симлар ва кабеллар
17.	8544 499301	8701 — 8705 позицияли автотранспорт воситаларини саноатда йиғиш учун 80 V дан юқори бўлмаган кучланиш учун электр ўтказгичлар, уларнинг таркибий қисмлари ва агрегатлари.
18.	8544 499302	Авиация двигателларини ишлаб чиқариш учун 80 V дан юқори бўлмаган кучланиш учун электр ўтказгичлар
19.	8544 499309	80 V дан юқори бўлмаган кучланиш учун электр ўтказгичлар ва бошқалар (8701 — 8705 позицияли автотранспорт воситаларини саноатда йиғиш учун электр ўтказгичлар, уларнинг таркибий қисмлари ва авиация двигателлари ишлаб чиқариш учун ўтказгичлар бундан мустасно)
20.	8544 499500	80 V дан юқори, аммо 1000 V дан кам кучланишли электр ўтказгичлар
21.	8544 499900	1000 V дан юқори кучланиш учун электр ўтказгичлар
22.	8544 601000	1000 V дан юқори кучланишли электр мис ўтказгичлар
23.	8544 609001	1000 V дан ошадиган кучланиш учун бошқа электр ўтказгичлар, бошқа ўтказгичлар билан 8701 — 8705 позицияли автотранспорт воситаларини саноат усулида йиғиш учун электр ўтказгичлар, уларнинг таркибий қисмлари ва авиация двигателлари ишлаб чиқариш учун ўтказгичлар
24.	8544 609009	1000 V дан юқори кучланишли бошқа электр ўтказгичлар, бошқа ўтказгичлар билан
25.	8544 700000	Оптик толали симлар
26.	7408 19 900 0	Максимал ўлчамдаги катталиги 0,5 ммдан ошмайдиган мис симлар
27.	7413 00 000	Электр изоляция қилинмаган мисдан тайёрланган симлар, кабел шнурлар, трослар ва шунга ўхшаш симлар
28.	7412 100000	Тозаланган мисдан тайёрланган қувурлар ёки найчалар учун мис фитинглар (масалан, муфталар, тирсак ва айланма гардишлар)
29.	7412 200000	Мис қотишмаларнинг қувурлари ёки найчалари учун мис фитинглар (масалан, муфталар, тирсак ва айланма гардишлар)
30.	8419 500000	Мис иссиқлик алмашинувчилари
31.	8516 80	Трубкали электр иситгич (мисан)

Изоҳ. Мис хом ашёсини чуқур қайта ишлаш корхоналари фаолиятини ўрганиш бўйича комиссия заруратга кўра ушбу рўйхатга ўзгартириш ва қўшимчалар киритиши мумкин.

Кейинги таҳрирга қаранг.