Ўзбекистон Республикаси Вазирлар Маҳкамасининг 2023 йил 10 апрелдаги 148-сон «Давлат ветеринария назорати соҳасидаги рухсат этиш хусусиятига эга айрим ҳужжатларни бериш тартиби тўғрисидаги норматив-ҳуқуқий ҳужжатларни тасдиқлаш ҳақида»ги ҳамда 2023 йил 15 августдаги 386-сон «Географик объектларга ном бериш тартиби такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги қарорларига мувофиқ буюраман:

1. Ўзбекистон алоқа ва ахборотлаштириш агентлиги бош директорининг 2011 йил 22 февралдаги 1-ю-сон буйруғи (рўйхат рақами 2219, 2011 йил 18 апрель) (Ўзбекистон Республикаси қонун ҳужжатлари тўплами, 2011 й., 16-сон, 167-модда) билан тасдиқланган Почта алоқаси хизматларини кўрсатиш қоидаларига иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 83-банднинг олтинчи хатбошисидаги «посёлка» деган сўз «шаҳарча» деган сўз билан алмаштирилсин.

2. 89-банднинг «л» кичик банди бешинчи — еттинчи хатбошилари қуйидаги таҳрирда баён этилсин:

«тирик асаларилар солинган посилкаларда — «Эҳтиёт қилинг. Асаларилар. Қуёшда тутиб турилмасин. Ветеринария сертификати билан» — «Осторожно. Пчелы. На солнце не держать. С ветеринарным сертификатом»;

мўйна ва кемирувчилар териси солинган посилкаларда — «Мўйна. Ветеринария сертификати билан» — «Пушнина. С ветеринарным сертификатом»;

жун, дағал жун, соч, пат, момиқ солинган посилкаларда — «Жун (дағал жун, соч, пат, момиқ). Ветеринария сертификати билан» — «Шерсть (щетина, волосы, перо, пух). С ветеринарным сертификатом»;».

3. 98-банднинг биринчи ва учинчи хатбошиларидаги «гувоҳномаси» деган сўз «сертификати» деган сўз билан алмаштирилсин.