toggle_night_mode
Ҳужжат 24.01.2026 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Шаҳарсозлик ва уй-жой коммунал хўжалиги соҳалари мутахассисларини сертификатлаш тизимини жорий этиш тўғрисида
Шаҳарсозлик ва уй-жой коммунал хўжалиги соҳалари мутахассисларини мақсадли тайёрлаш, қайта тайёрлаш, уларнинг малакасини оширишда амалиётга татбиқ этилган янгича ёндашувларни ўргатиш ҳамда уларни сертификатлаш тизимини жорий этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг:
а) «Ўзбекистон Республикаси аҳолиси ва ҳудудининг сейсмик хавфсизлигини таъминлаш тизимини янада такомиллаштиришга оид қўшимча чора-тадбирлар тўғрисида» 2023 йил 16 майдаги ПҚ-158-сон қарори билан:
2023 йил 1 октябрдан бошлаб сейсмик хавфсизлиги II, III ва IV тоифадаги бино ва иншоотларнинг лойиҳа ҳужжатларини ишлаб чиқиш ва экспертизадан ўтказиш, қурилиш-монтаж ишларини бажариш ва назорат функцияларини амалга ошириш йўналишларида фаолият юритувчи мутахассисларни сертификатлаш тартиби жорий этилганлиги;
Қурилиш ва уй-жой коммунал хўжалиги вазирлиги мутахассисларни сертификатлаш доирасида ўқув курсларини сифатли ташкил этиш, таълим ташкилотларини аккредитациядан ўтказиш ва бунинг учун миллий тренерлар корпусини шакллантиришга масъул давлат бошқаруви органи этиб белгиланганлиги;
б) «Маъмурий ислоҳотлар доирасида қурилиш ва уй-жой коммунал хўжалиги соҳасида давлат бошқарувини самарали ташкил қилиш чора-тадбирлари тўғрисида» 2023 йил 28 августдаги ПФ-151-сон Фармони билан:
Қурилиш ва уй-жой коммунал хўжалиги вазирлиги ҳузурида Архитектура, қурилиш, муҳандислик ва коммунал хўжалик соҳаларида кадрлар тайёрлаш (жумладан, махсус мақсадли), қайта тайёрлаш, малакасини ошириш ва уларнинг малакасини баҳолаш бўйича ихтисослашган давлат олий таълим муассасаси шаклидаги Компетенцияни ривожлантириш институти (кейинги ўринларда — институт), шунингдек, унинг асосий функцияларини амалга оширувчи таркибий бўлинмалари — Архитекторлар ва муҳандислар олий мактаби, Қайта тайёрлаш ва малака ошириш маркази, Малакани баҳолаш маркази ҳамда уларнинг ҳудудий филиаллари (юридик шахс мақомига эга бўлмаган) ташкил этилганлиги;
 LexUZ шарҳи
Қаранг: Ўзбекистон Республикаси Президентининг 2020 йил 27 ноябрдаги ПФ-6119-сон Фармони билан тасдиқланган Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021 — 2025 йилларга мўлжалланган стратегиясининг 5-параграфи.
2023 йил 1 октябрдан бошлаб шаҳарсозлик ва уй-жой коммунал хўжалиги соҳаларидаги мутахассисларни (кейинги ўринларда — мутахассислар) уларнинг фаолият йўналишлари бўйича ҳар уч йилда бир марта сертификатлаш тизими жорий этилганлиги;
мутахассисларни сертификатлаш ишларини ташкил этиш бўйича ишчи орган функцияси институтга юкланганлиги маълумот ва ижро учун қабул қилинсин.
2. Шаҳарсозлик ва уй-жой коммунал хўжалиги соҳасида мутахассисларни сертификатлаш тартиби тўғрисидаги низом иловага мувофиқ тасдиқлансин.
Кейинги таҳрирга қаранг.
Олдинги таҳрирга қаранг.
3. Белгилансинки, 2026 йил 1 январдан бошлаб сертификатга эга бўлмаган:
(3-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
мутахассисларга хавфлилик даражаси II, III ва IV тоифали қурилиш объектларининг, шунингдек, бюджет тизими бюджетлари ҳисобидан молиялаштириладиган I тоифали қурилиш объектларининг архитектура-шаҳарсозлик ҳужжатларини ишлаб чиқиш, шаҳарсозлик ҳужжатларини экспертизадан ўтказиш, техник назоратни амалга ошириш, қурилиш-монтаж ишлари сифатини назорат қилиш ва назорат ўлчовини амалга ошириш;
жисмоний шахсларга кўп квартирали уйларнинг бошқарув органларига раҳбарлик қилиш тақиқланади.
4. Мутахассисларни даврий сертификатлашни жорий этишда устувор йўналишлар сифатида қуйидагилар белгилансин:
шаҳарсозлик ҳужжатлари шаҳарсозлик тўғрисидаги қонунчилик ҳужжатлари талабларига, шаҳарсозлик, зилзилабардошлик, муҳандислик изланишлар, ёнғинга қарши ҳамда экологик нормалар ва қоидаларга, санитария қоидалари ва нормаларига, гигиена нормативларига мувофиқлиги юзасидан экспертизадан ўтказиш;
қурилиш-монтаж ишларида пудратчи, буюртмачи, лойиҳачи ва қурилиш органлари томонидан шаҳарсозлик тўғрисидаги қонунчилик ҳужжатлари, тасдиқланган лойиҳа ҳужжатлари талаблари бузилишининг олдини олиш, шунингдек, қурилиш-монтаж ишларининг хавфга учраши мумкинлиги юқори бўлган босқичларида давлат қурилиш назоратини олиб бориш;
объектда қурилиш-монтаж ишларини амалга ошириш учун зарур шарт-шароитлар яратиш, объектни ўз муддатида фойдаланишга топшириш юзасидан шартнома мажбуриятини бажариш, бирламчи рухсат берувчи, лойиҳаолди ва лойиҳа ҳужжатларини сифатли тайёрлаш бўйича техник назоратни олиб бориш;
қурилиш объектининг мураккаблик, хавфлилик даражалари ва объектга бориш мунтазамлигидан келиб чиқиб, объектнинг технологик, меъморий-қурилиш ва бошқа техник ечимлари, техник-иқтисодий кўрсаткичлари тасдиқланган лойиҳа ҳужжатларида кўзда тутилган ечимлар ҳамда кўрсаткичларга мувофиқлиги юзасидан муаллифлик назоратини амалга ошириш;
қурилиш объектида ҳақиқатда бажарилган физик иш ҳажмларни лойиҳа ҳужжатлари, оферта ва бажарилган ишлар тўғрисидаги ҳисоб-фактура асосида ўлчовдан ўтказиш, лойиҳадан четга чиқиш ҳолатларини аниқлаш, ҳақиқатда бажарилиб, ҳисоботларда акс эттирилган асбоб-ускуналар ва коммуникация тизимларининг синовдан ўтказилганлигини ҳамда ҳисоботларда арифметик хатоларнинг мавжудлиги ва бошқа ҳисоб-китобларни назорат ўлчовини ўтказган ҳолда текшириш;
мутахассисларнинг белгиланган малака талабларига мослигини таъминлаш орқали улар бажараётган ишлар сифатини ошириш, соҳада шаффофлик ва рақобатбардошликни таъминлаш, халқаро стандартларга мос иш юритиш механизмларини босқичма-босқич жорий этиб бориш ҳамда аҳолининг ҳаёти, саломатлиги ва хавфсизлигини таъминлаш, мулкдорлар ҳуқуқини ҳимоя қилишда мутахассислар масъулиятини ошириш.
5. Қурилиш ва уй-жой коммунал хўжалиги вазирлиги Олий таълим, фан ва инновациялар вазирлиги билан биргаликда шаҳарсозлик ва уй-жой коммунал хўжалиги соҳаларида ривожланган давлатларда қўлланадиган таълим стандартлари асосида сертификатланадиган мутахассисларнинг малакасини ошириш бўйича қуйидаги йўналишлардаги ўқув дастурларини (кейинги ўринларда — дастур) ишлаб чиқсин ва тасдиқласин:
а) 2023 йил 1 октябрга қадар:
лойиҳа бошқарувини ва техник назоратни, шу жумладан йўналишлар бўйича назоратни олиб борувчи мутахассислар;
лойиҳа ташкилотларининг муаллифлик назоратини олиб борувчи мутахассислар, шунингдек, лойиҳа бош муҳандислари ва бош архитекторлари;
пудрат ташкилотларининг ички назоратини амалга оширувчи мутахассислар бўйича;
б) 2024 йил 1 январга қадар:
назорат ўлчовини амалга оширувчи мутахассислар;
эксперт ташкилотлари экспертлари;
Олдинги таҳрирга қаранг.
кўп квартирали уйларни бошқариш органлари раҳбари ва сертификатлаш талаб этиладиган ходимлари бўйича;
(5-банд «б» кичик бандининг тўртинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
в) 2024 йил 1 апрелга қадар:
туман (шаҳар) ва вилоят архитекторлари;
қурилиш ва уй-жой коммунал хўжалиги соҳасида назорат қилиш ҳудудий инспекциялари инспекторлари бўйича.
Олдинги таҳрирга қаранг.
6. Иқтисодиёт ва молия вазирлиги Қурилиш ва уй-жой коммунал хўжалиги вазирлиги томонидан тақдим этилган асосланган ҳисоб-китобларга мувофиқ юқори малакали хорижий экспертларни жалб қилган ҳолда, илғор хорижий стандартлар асосида дастурларни ва ўқув контентлари (ўқув методик материаллар, жумладан, ўқув маъруза матнлари, видеодарслар, интерфаол дастурлар, тақдимотлар, топшириқлар, имтиҳон материаллари, ўқув адабиётлари, инфографикалар)ни ишлаб чиқиш учун зарур миқдордаги маблағларни республика бюджети ҳисобидан ажратсин.
(6-банд Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
7. Қурилиш ва уй-жой коммунал хўжалиги вазирлиги Олий таълим, фан ва инновациялар вазирлиги билан биргаликда институтда ва унинг ҳудудий филиалларида (кейинги ўринларда — таълим муассасаси) қурилиш соҳаси мутахассисларини ўқитишни ташкил этсин.
8. Билим ва малакаларни баҳолаш агентлиги Олий таълим, фан ва инновациялар вазирлиги ҳамда Қурилиш ва уй-жой коммунал хўжалиги вазирлиги билан биргаликда 2023 йил 1 ноябрдан бошлаб дастур асосида таълим олган мутахассисларнинг соҳавий билимларини тест синовидан ўтказиб бориш тизимини жорий этсин.
9. Рақамли технологиялар вазирлиги Олий таълим, фан ва инновациялар вазирлиги, Қурилиш ва уй-жой коммунал хўжалиги вазирлиги, Билим ва малакаларни баҳолаш агентлиги, бошқа мутасадди вазирлик ва идоралар билан биргаликда бир ой муддатда:
Ягона интерактив давлат хизматлари портали орқали «Шаффоф қурилиш» миллий ахборот тизимида таълим муассасасида ўқиб, тест синовларидан ўтган мутахассисларнинг сертификат олишларини;
тест натижалари тўғрисидаги ахборотларнинг «Шаффоф қурилиш» миллий ахборот тизимида шакллантирилишини;
QR-код қўйиладиган электрон тарзда шакллантириладиган сертификат тестдан ўтган мутахассислар томонидан юклаб олинишини;
Олдинги таҳрирга қаранг.
«Шаффоф қурилиш» миллий ахборот тизимида автоматик тарзда сертификатланган мутахассислар реестри шакллантирилишини назарда тутувчи, Билим ва малакаларни баҳолаш агентлигининг маълумотлар базаси билан интеграция қилинишини таъминловчи дастурий таъминот ишлаб чиқилишини ҳамда жорий этилишини таъминласин.
(9-банднинг бешинчи хатбошиси Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарори таҳририда — Қонунчилик маълумотлари миллий базаси, 26.02.2024 й., 09/24/100/0152-сон)
 LexUZ шарҳи
Қаранг: Вазирлар Маҳкамасининг 2020 йил 19 ноябрдаги 732-сон қарори билан тасдиқланган «Шаффоф қурилиш» миллий ахборот тизими тўғрисидаги низом.
10. Белгилаб қўйилсинки:
Қурилиш ва уй-жой коммунал хўжалиги вазирлиги, унинг тизимидаги ва соҳа ташкилотларининг буюртманомалари асосида Архитекторлар ва муҳандислар олий мактабида кадрлар тўлов-контракт асосида мақсадли тайёрланади (турли шаклларда, қисқартирилган муддатларда) ҳамда унинг битирувчиларига белгиланган тартибда давлат намунасидаги институт дипломи берилади;
институтда мутахассислик бўйича турдош йўналишларда қайта тайёрлаш кундузги таълим шакли бўйича олий маълумотга ҳамда мутахассислиги бўйича 3 йил ва ундан ортиқ иш стажига эга бўлган кадрларни тўлов-контракт асосида камида олти ой муддат давомида ўқитиш ва имтиҳон натижалари бўйича тегишли диплом берган ҳолда амалга оширилади;
институтда малака ошириш жараёнлари Вазирлар Маҳкамасининг «Лойиҳалаш ва қурилиш соҳасидаги мутахассислар малакасини ошириш тизимини янада такомиллаштириш тўғрисида» 2019 йил 31 майдаги 451-сон қарори асосида ташкил этилади;
институт биносини унинг фаолиятига мослаб реконструкция қилиш ва жиҳозлаш ишлари Ўзбекистон Республикасининг 2023 — 2025 йилларга мўлжалланган ижтимоий ва ишлаб чиқариш инфратузилмасини ривожлантириш дастури доирасида марказлашган капитал қўйилмалар ҳисобидан амалга оширилади.
11. Қуйидагилар институтнинг асосий вазифалари этиб белгилансин:
шаҳарсозлик ва уй-жой коммунал хўжалиги соҳаларига (кейинги ўринларда — соҳалар) оид тегишли йўналишларда кадрларни мақсадли махсус тайёрлаш, қайта тайёрлаш ва уларнинг малакасини ошириш;
касбий фаолиятни амалга ошириш учун зарур бўлган компетенция тасдиғини олишни хоҳловчи жисмоний шахсларнинг касбий билим, кўникма ва маҳоратини баҳолаш;
ўқитишнинг замонавий шакллари, илғор педагогик ва ахборот технологиялари асосида назарий тайёргарликнинг амалиёт билан узвий боғлиқлигини таъминлашга қаратилган ўқув жараёнини ташкил этиш;
талабалар ва тингловчиларнинг амалиётини нуфузли маҳаллий ҳамда хорижий корхона ва ташкилотларда ташкил этиш;
кафедралар ва бўлинмаларни тармоқ корхоналари, ташкилотлари ва илмий-тадқиқот муассасаларига бириктириш ҳамда ҳамкорликда профессор-ўқитувчилар, ходимлар, талабалар ва тингловчиларнинг амалий кўникмаларини ошириш, тадқиқот натижаларини синовдан ўтказиш ва илмий лойиҳалардаги иштирокини йўлга қўйиш;
талабалар ва тингловчиларга соҳалардаги янгиликларни, шаҳарсозликка оид қонунчилик ҳамда техник тартибга солишга оид норматив ҳужжатларни мазмун-моҳиятини етказиш;
соҳаларда долзарб масалалар бўйича фундаментал, амалий ва инновацион тадқиқотлар лойиҳаларини миллий, хорижий ва халқаро грантларни жалб қилган ҳолда амалга ошириш;
таълим ва илмий жараёнга маҳаллий ва хорижий мутахассисларни кенг жалб этиш, илғор педагогик тажриба алмашиш борасида халқаро ҳамкорликни амалга ошириш;
ташкилот ва корхоналар буюртмалари асосида таълим хизматларини кўрсатиш ҳамда илмий-тадқиқотлар натижаларини тижоратлаштириш;
Қурилиш ва уй-жой коммунал хўжалиги вазирлиги билан келишган ҳолда махсус мақсадли тайёрлаш, қайта тайёрлаш ва малака ошириш дастурлари бўйича ўқитиш харажатлари ҳамда мутахассислар малакасини баҳолаш бўйича тўловлар миқдорларини белгилаш.
12. Қуйидагилар институт фаолиятини молиялаштириш манбалари этиб белгилансин:
тўлов-шартнома асосида ўқитишдан тушадиган маблағлар;
талабгорларнинг малакасини баҳолаш хизматлари учун амалга ошириладиган тўлов маблағлари;
жисмоний ва юридик шахсларнинг ҳомийлик хайриялари;
халқаро молия институтлари, хорижий ва донор ташкилотларнинг грантлари;
таълим хизматлари кўрсатишдан, илмий-ўқув, ўқув-методик, илмий ва ахборот-таҳлилий маҳсулотларни ишлаб чиқаришдан ва бошқа фаолият турларидан олинган даромадлар;
Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси маблағлари;
қонунчилик ҳужжатларида тақиқланмаган бошқа манбалар.
13. Қурилиш ва уй-жой коммунал хўжалиги вазирлиги:
бир ой муддатда институт таъсис ҳужжатларининг тасдиқланиши ва белгиланган тартибда давлат рўйхатидан ўтказилишини таъминласин;
институтни малакали кадрлар билан таъминлаш ва унинг моддий-техника базасини шакллантириш чораларини кўрсин;
институтда ўқув платформаларини замонавий ахборот-коммуникация технологиялари ва хорижий тажриба асосида ташкил этиш чораларини кўрсин;
Олдинги таҳрирга қаранг.
ўқув курслари бўйича ўқув контентларини яратиш учун малакали маҳаллий ва хорижий мутахассисларни жалб қилсин ҳамда уларни маъруза матнлари, видеодарслар, интерфаол дастурлар, тақдимотлар, топшириқлар, имтиҳон материаллари, ўқув адабиётлари, инфографикалар билан бойитиш чораларини кўрсин;
(13-банднинг бешинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
институт ва унинг ҳудудий филиалларида мутахассисларни ўқитишни ташкил этсин;
ўқув жараёнлари учун миллий тренерлар тайёрлаш мақсадида илғор хорижий мамлакатлардан соҳалар бўйича юқори малакали мутахассисларни жалб этсин;
«Шаффоф қурилиш» миллий ахборот тизими орқали мутахассисларга сертификатлар берилишини таъминласин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда қурилиш ва уй-жой коммунал хўжалиги вазири Б.И. Закиров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 11 сентябрь,
460-сон
Вазирлар Маҳкамасининг 2023 йил 11 сентябрдаги 460-сон қарорига
ИЛОВА
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисида
низом
1-боб. Умумий қоидалар
1. Ушбу Низом Ўзбекистон Республикаси ҳудудида шаҳарсозлик ва уй-жой коммунал хўжалиги соҳалари мутахассисларини сертификатлаш тартибини белгилайди.
 LexUZ шарҳи
Қаранг: Ўзбекистон Республикаси Президентининг 2023 йил 28 августдаги ПФ-151-сон «Маъмурий ислоҳотлар доирасида қурилиш ва уй-жой коммунал хўжалиги соҳасида давлат бошқарувини самарали ташкил қилиш чора-тадбирлари тўғрисида»ги Фармони.
2. Ушбу Низомда қуйидаги асосий тушунчалардан фойдаланилади:
Олдинги таҳрирга қаранг.
сертификат — Компетенцияни ривожлантириш институтида ёки унинг ҳудудий филиалларида ўқув дастурини тамомлаган ва тест синовини муваффақиятли топширган мутахассисга бериладиган, шаҳарсозлик ҳужжатларини ишлаб чиқиш, шаҳарсозлик ҳужжатларини экспертизадан ўтказиш, қурилаётган объектларда ички, муаллифлик, техник ва давлат назоратини олиб бориш ҳамда фойдаланишга топширилган объектларда назорат ўлчовини амалга ошириш ҳуқуқини тасдиқловчи давлат намунасидаги ҳужжат;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Олдинги таҳрирга қаранг.
сертификатланган мутахассис — шаҳарсозлик ва уй-жой коммунал хўжалиги соҳалари бўйича зарур билим, кўникма, амалий иш тажрибаси ва олий маълумотга кўп квартирали уйларнинг бошқарув органларига раҳбарлик қилиш учун — олий ёки ўрта махсус маълумотга эга бўлган ҳамда Компетенцияни ривожлантириш институтида ёки унинг ҳудудий филиалларида ўқув дастурини тамомлаган ва белгиланган тартибдаги тест синовларидан муваффақиятли ўтган жисмоний шахс;
(2-банднинг учинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Олдинги таҳрирга қаранг.
талабгор — сертификат олиш учун мурожаат қилувчи, шаҳарсозлик фаолияти соҳаси бўйича олий маълумотли (кўп квартирали уйларнинг бошқарув органларига раҳбарлик қилиш учун — олий ёки ўрта махсус маълумотли) мутахассис дипломига ва тегишли соҳа бўйича камида 3 йил меҳнат стажига эга бўлган жисмоний шахс;
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
тест синови — талабгорнинг сертификат олиш учун қўйилган талабларга мос келишини аниқлашга йўналтирилган, Билим ва малакаларни баҳолаш агентлиги (кейинги ўринларда — агентлик) томонидан ўтказиладиган имтиҳон.
3. Сертификатланадиган мутахассислар Қурилиш ва уй-жой коммунал хўжалиги вазирлиги томонидан Олий таълим, фан ва инновациялар вазирлиги билан биргаликда ишлаб чиқиладиган, қурилиш соҳаси юқори даражада ривожланган давлатларда қўлланиладиган таълим стандартларига мувофиқ келувчи ўқув дастури (кейинги ўринларда — дастур) асосида ўқитилади.
Дастурда мутахассисларни таҳсил олаётган йўналиши бўйича соҳа идоралари ва корхоналарида амалий машғулотларни ташкил этиш назарда тутилади.
4. Сертификат Компетенцияни ривожлантириш институти ва унинг ҳудудий филиалларида (кейинги ўринларда — таълим муассасаси) дастурлар бўйича ўқув курсини тугатиб, белгиланган тартибда ўтказилган тест синовларини муваффақиятли якунлаган мутахассисларга берилади.
5. Талабгор сертификат талаб этиладиган лавозимга тайинланган санадан бошлаб бир йил муддат давомида дастур асосида ўқиши ва сертификатга эга бўлиши талаб этилади. Агарда, талабгор бир йил муддат давомида белгиланган тартибда тегишли сертификатга эга бўлмаса, у билан меҳнат шартномаси белгиланган тартибда бекор қилинади.
6. Сертификат 3 йил муддатга берилади.
2-боб. Мутахассисларга сертификат бериш тартиби
7. Шаҳарсозлик ва уй-жой коммунал хўжалиги соҳалари мутахассисларига сертификат бериш ушбу Низомга 1-иловада келтирилган схемага мувофиқ амалга оширилади.
8. Талабгор дастурга мувофиқ ўқиш ҳамда сертификатга эга бўлиш учун ушбу Низомга 2-иловада келтирилган сўровномани ахборот тизими орқали таълим муассасасига юборади.
Сўровномада талабгор тўғрисидаги маълумотлар тўғри ва тўлиқ кўрсатилиши шарт.
Сўровнома тегишли маълумотлар билан тўлиқ тўлдирилмаган тақдирда ахборот тизими қабул қилмайди.
9. Сўровнома ахборот тизими орқали автоматик тарзда таълим муассасасига йўналтирилади.
10. Таълим муассасаси бир иш куни мобайнида талабгорга ўз таклифларини ахборот тизими орқали юборади.
11. Талабгор бир иш куни мобайнида таълим муассасасидан келиб тушган таклифларни ўрганиб чиқиб, мақбул таълим муассасасини танлайди ҳамда ўқиш учун тўловни ўз ҳисобидан амалга ошириш учун ўзи танлаган таълим муассасасига сўров юборади.
Олдинги таҳрирга қаранг.
Ўқиш учун тўловларни Электрон ҳукуматнинг Ягона биллинг тизими орқали тўлаш имконияти яратилади, бунда ўқиш тўловларини қабул қилиш ва тақсимлаш учун Иқтисодиёт ва молия вазирлиги томонидан институтга махсус ҳисобварақ очилади ҳамда маблағлар қуйидагича тақсимланади:
0,5 фоизи — «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;
99,5 фоизи — «Компетенцияни ривожлантириш институтининг» банк ҳисоб рақамига.
(11-банд Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарорига асосан иккинчи — тўртинчи хатбошилар билан тўлдирилган — Қонунчилик маълумотлари миллий базаси, 26.02.2024 й., 09/24/100/0152-сон)
12. Тест синовидан ўтиш ҳамда сертификат олиш учун базавий ҳисоблаш миқдорининг икки баравари миқдорида йиғим ундирилади.
Йиғим суммаси қуйидаги тартибда тақсимланади:
30 фоизи — агентликнинг ҳисобварағига;
Олдинги таҳрирга қаранг.
20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;
(12-банднинг тўртинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Олдинги таҳрирга қаранг.
50 фоизи — Компетенцияни ривожлантириш институтининг ҳисобварағига ўтказилади.
(12-банднинг бешинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
13. Таълим муассасаси ўқув машғулотлари ва дастури якунланганидан сўнг ўтказиладиган тест синови учун талабгорга тўлов шартномасини юборади. Дастур асосида ўқитиш учун тўлов миқдори таълим муассасаси томонидан мустақил белгиланади.
Талабгор шартномада белгиланган тўловни ўз ҳисобидан амалга оширади ва тўлов тўғрисидаги ҳужжатни ахборот тизими орқали таълим муассасасига юборади.
Олдинги таҳрирга қаранг.
14. Таълим муассасаси ўқув машғулоти бошланиши ҳақида талабгорга камида уч кун олдин электрон хабарнома юборади (электрон почта манзили ёки мобил илова орқали).
(14-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Таълим муассасаси талабгор томонидан тўлов амалга оширилган санадан бошлаб бир ойдан кечикмаган ҳолда ўқув машғулотларини ташкил этиши шарт.
Олдинги таҳрирга қаранг.
Талабгорга ўз иш жойидан ажралган ёки ажралмаган ҳолда ўқув машғулотларида иштирок этишга (ўқишига) рухсат этилади.
(14-банднинг учинчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
15. Таълим муассасаси дастур асосидаги ўқиш якунланган куннинг ўзида талабгорларнинг ўзлаштирган билимини тест синовидан ўтказиш учун агентликка сўровнома юборади.
Агентлик сўровнома келиб тушган кундан бошлаб 3 иш куни ичида тест синови ўтказилишини ҳамда шу куннинг ўзида тест натижалари ахборот тизими орқали эълон қилинишини таъминлайди.
16. Тест синовидан муваффақиятли ўтган ҳар бир талабгор мазкур Низомга 3а, 3б, 3в, 3г, 3д, 3е, 3ж, 3з, 3и ва 3л-иловаларида белгиланган шаклга мувофиқ тегишли QR-кодли (матрик штрихли код) сертификатни ахборот тизимидан юклаб олади.
17. Талабгор QR-код (матрик штрихли код) қўйилган сертификат олган кундан бошлаб сертификатда қайд этилган ҳуқуққа эга ҳисобланади.
3-боб. Тест синови жараёнини ўтказиш тартиби
18. Тест саволлари Қурилиш ва уй-жой коммунал хўжалиги вазирлиги, Олий таълим, фан ва инновациялар вазирлиги ҳамда агентлик томонидан белгиланган тартибда махфийлиги таъминланган ҳолда ишлаб чиқилади ҳамда тизимли равишда янгилаб борилади.
Тест саволларини ишлаб чиқишда дастур ҳамда амалдаги шаҳарсозлик фаолияти соҳасидаги қонунчилик ҳужжатларидан фойдаланилади.
19. Талабгор тест синови ўтказиладиган ҳудуд (бино)га шахсини тасдиқловчи ҳужжатларининг (биометрик паспорти, хорижга чиқиш паспорти, идентификация ID-картаси, янги намунадаги ҳайдовчилик гувоҳномаси каби ҳужжатлардан бирини) аслини кўрсатган ҳолда текшириб киритилади.
Тест синовига келмаган ёки кечиккан талабгор навбатдаги тест синовидаги талабгорлар рўйхатига киритилади ва бу ҳақда почта хизмати орқали ёки электрон тарзда агентлик томонидан бир ҳафта олдин хабардор қилинади.
20. Тест синови белгиланган тартибда:
қоғоз шаклидаги саволномалардан фойдаланилган ҳолда, агентлик томонидан тасдиқланган комиссияси аъзолари ва кузатувчилар иштирокида ўтказилади;
шаффофлик ва холисликни таъминлаш мақсадида тест жараёни узлуксиз равишда овозли видеоёзувга туширилади.
21. Тест синови ўтказиладиган хонага уяли телефон, шунингдек, телекоммуникация воситалари ва шпаргалкалар олиб кириш, бошқа талабгорлар билан мулоқот қилиш тақиқланади.
Ушбу талабларни бузган талабгорлар тест синовидан четлаштирилади ва тест синовидан ўтмаган деб ҳисобланади. Тест синовидан четлаштирилган талабгорлар бўйича далолатнома тузилади.
Тест синови видеоёзувлари Қурилиш ва уй-жой коммунал хўжалиги вазирлигига тақдим этилади ва вазирликда уч йил давомида сақланади.
22. Тест синовидаги саволлар талабгорнинг сўровномасида қайд этилган йўналиш ва объектлар хавф-хатар тоифаларига мувофиқ бўлиши шарт.
Тест синови 50 та саволдан иборат бўлади.
Талабгорга тест синовини топшириш учун икки соат вақт берилади.
Олдинги таҳрирга қаранг.
Тест саволларининг 28 тадан 35 тасига (56 — 70%) тўғри жавоб берган талабгорга хавф-хатарлиги бўйича II тоифали;
тест саволларининг 36 тадан 42 тасига (71 — 85%) тўғри жавоб берган талабгорга хавф-хатарлиги бўйича III тоифали;
тест саволларининг 43 тадан 50 тасига (86 — 100%) тўғри жавоб берган талабгорга хавф-хатарлиги бўйича IV тоифали қурилиш объектларининг архитектура-шаҳарсозлик ҳужжатларини ишлаб чиқиш, шаҳарсозлик ҳужжатларини экспертизадан ўтказиш, техник назоратни амалга ошириш, қурилиш-монтаж ишлари сифатини назорат қилиш ва назорат ўлчовини амалга ошириш ҳуқуқи берилади.
(22-банд Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарорига асосан тўртинчи — олтинчи хатбошилар билан тўлдирилган — Қонунчилик маълумотлари миллий базаси, 26.02.2024 й., 09/24/100/0152-сон)
Олдинги таҳрирга қаранг.
(Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарорига асосан 22-банднинг еттинчи хатбошсининг чиқарилиш санаси 2026 йил 24 январь — Қонунчилик маълумотлари миллий базаси, 23.10.2025 й., 09/25/666/0965-сон)
Олдинги таҳрирга қаранг.
23. Тест синовидан ўта олмаган ҳамда тегишли тоифасини оширмоқчи бўлган талабгорга базавий ҳисоблаш миқдорининг икки баравари миқдорида йиғим тўлаб, уч ой муддатда қайтадан тест топшириш учун имконият берилади.
(23-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Олдинги таҳрирга қаранг.
Бунда қайта тест топширган талабгорнинг тест натижасидаги энг юқори кўрсаткич ҳисобга олинади.
(23-банд Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Талабгор тест синовидан такрорий тест натижасида ҳам ўта олмаган тақдирда, унга сертификат берилмайди.
Такрорий тест топширганда ҳам тест синовидан ижобий натижа билан ўта олмаган талабгор умумий тартибда таълим муассасасида қайта ўқиганидан сўнг тест синовига кириши мумкин.
4-боб. Сертификат берилган мутахассислар реестри ва уни юритиш тартиби
24. Қурилиш ва уй-жой коммунал хўжалиги вазирлиги томонидан шаҳарсозлик ва уй-жой коммунал хўжалиги соҳалари сертификатланган мутахассисларининг электрон реестри юритилади.
Реестрда қуйидаги маълумотлар қайд этилади:
а) сертификатланган мутахассиснинг фамилияси, исми, отасининг исми, почта манзили, электрон почта манзили (мавжуд бўлса), телефон рақами;
б) жисмоний шахс учун шахсий идентификация рақами (ЖШШИР);
в) сертификат рақами, берилган санаси ва унинг амал қилиш муддати;
г) сертификатланган мутахассислар:
ҳудудлар (вилоят ва туманлар) кесимида;
соҳалар (архитектура, муҳандислик, қурилиш ва уй-жой коммунал);
йўналишлар (лойиҳа-қидирув, пудрат, техник назорат ва архитектура, экспертиза, инспекция, назорат ўлчови).
Реестрда сертификатнинг амал қилиш муддати тугаб, реестрдан чиқарилганлиги тўғрисидаги маълумотлар ҳам киритиб борилади.
25. Реестрни юритиш тартиби Қурилиш ва уй-жой коммунал хўжалиги вазирлиги томонидан белгиланади.
5-боб. Сертификатнинг амал қилишини тўхтатиш тартиби
26. Қуйидагилар сертификатни амал қилишини тўхтатиб қўйиш учун асос ҳисобланади:
мутахассис томонидан сертификатга эга бўлиш учун мазкур Низомга 2-иловага мувофиқ саволнома маълумотларини қасддан нотўғри тўлдирилганлиги аниқланганда;
сертификат эгасини белгиланган тартибда муомалага лаёқатсиз ёки муомалага лаёқати чекланган деб эътироф этиш тўғрисидаги суд қарори ёхуд озодликдан маҳрум қилиш тўғрисидаги суд ҳукми қонуний кучга кирганда;
сертификат эгасига нисбатан мансаб ваколатини суиистеъмол қилиш билан боғлиқ жиноят иши қўзғатилиб, мазкур иш бўйича суднинг қарори қонуний кучга кирганда;
сертификат эгасининг вафот этганлиги муносабати билан.
27. Сертификатнинг амал қилишини тўхтатиш тўғрисидаги буйруқ қабул қилинган санадан бошлаб тугатилади ва сертификатланган мутахассиснинг шаҳарсозлик фаолияти билан шуғулланиш ҳуқуқи тўхтатилади.
28. Мутахассис томонидан Қурилиш ва уй-жой коммунал хўжалиги вазирлигининг сертификат амал қилишини тўхтатиш тўғрисидаги буйруғи устидан қонунчилик ҳужжатларида белгиланган тартибда судга шикоят қилиши мумкин.
6-боб. Якунловчи қоидалар
29. Қурилиш ва уй-жой коммунал хўжалиги вазирлиги ўз ваколатлари ва функциялари доирасида сертификатланган мутахассислар томонидан шаҳарсозлик соҳасидаги қонунчилик ҳужжатлари, шу жумладан, маъмурий регламентлар ва ушбу Низом талабларига риоя этилиши устидан белгиланган тартибда назорат қилади ҳамда ахборот тизими орқали мониторинг олиб боради.
30. Қурилиш ва уй-жой коммунал хўжалиги вазирлиги ўз фаолиятини амалга ошириши натижасида мутахассислар тўғрисида олинган маълумотларнинг сир сақланишини таъминлайди.
31. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
1-ИЛОВА
Шаҳарсозлик ва уй-жой коммунал хўжалиги соҳалари мутахассисларига сертификат бериш
СХЕМАСИ

Босқичлар

Масъуллар

Амалга ошириладиган тадбирлар

Муддатлар

1-босқич

Талабгор

«Шаффоф қурилиш» МАТ орқали мутахассисларни сертификатлаш ўқув дастурига мувофиқ ўқиш ҳамда сертификатга эга бўлиш учун таълим муассасасига мурожаатни юборади.

Белгиланган тартибда ўз хоҳишига кўра

2-босқич

«Шаффоф қурилиш» МАТ оператори

Мурожаатни автоматик тарзда барча таълим муассасасига юборади.

Автоматик тарзда

3-босқич

Таълим муассасаси

Мурожаат асосида талабгорга ўз таклифларини «Шаффоф қурилиш» МАТ орқали юборади.

Бир иш куни мобайнида

4-босқич

Талабгор

Таълим муассасасидан келиб тушган таклифларни ўрганиб чиқиб, мақбул таълим муассасасини танлайди ҳамда ўқиш учун ўз ҳисобидан тўловни амалга ошириш учун ўзи танлаган таълим муассасасига сўров юборади.

Бир иш куни мобайнида

5-босқич

Таълим муассасаси

Ўқув машғулотлари ва дастури якунлангандан сўнг ўтказиладиган тест синови учун талабгорга тўлов шартномасини юборади.

Бир иш куни мобайнида

6-босқич

Талабгор

Шартномада белгиланган тўловни ўз ҳисобидан амалга оширади ва тўлов тўғрисидаги ҳужжатни тизим орқали таълим муассасасига юборади.

Уч иш куни мобайнида

7-босқич

Таълим муассасаси

Ўқув машғулоти бошланиши ҳақида талабгорга электрон хабарнома юборади (электрон почта манзили ёки мобил илова орқали).

Бир ҳафта олдин

8-босқич

Таълим муассасаси

Ўқув дастури асосида мутахассислар ўқитилади.

Белгиланган муддатда

9-босқич

Таълим муассасаси

Ўқув дастури якунлангач мутахассисларнинг ўзлаштирган билимини тест синовидан ўтказиш учун агентликка тест синовини ўтказиш тўғрисида сўров юборади.

Ўқув машғулоти тугаган куннинг ўзида

10-босқич

Агентлик

1. Тест синови белгиланган тартибда ўтказилишини таъминлайди.

Уч иш куни мобайнида

2. Тест синовига келмаган ёки кечиккан мутахассис навбатдаги тест синовига киритилади. Бу ҳақда электрон почта манзили ёки мобил илова орқали мутахассисни хабардор қилади.

Икки иш куни мобайнида

11-босқич

Агентлик

1. Тест синови натижаларини ўз веб-сайтига жойлаштиради.

2. Бир вақтнинг ўзида «Шаффоф қурилиш» МАТда QR-кодли (матрик штрихли код) сертификат автоматик тарзда шаклланади.

Тест синови якунланган куннинг ўзида

12-босқич

Талабгор

1. Тест синовидан муваффақиятли ўтгандан сўнг «Шаффоф қурилиш» МАТда QR-код (матрик штрихли код) қўйилган тегишли сертификатни юклаб олади.

2. Тест синовидан ўтмаган тақдирда мазкур қарор билан тасдиқланган Низом талаблари асосида қайтадан тест синовидан ўтказилади.

Белгиланган тартибда

13-босқич

Қурилиш ва уй-жой коммунал хўжалиги вазирлиги

«Шаффоф қурилиш» МАТда сертификатланган мутахассисларнинг йўналишлар бўйича реестрини шакллантиради.

Белгиланган тартибда

Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
2-ИЛОВА
Шаҳарсозлик ва уй-жой коммунал хўжалиги соҳалари мутахассислари томонидан йўналиш тури бўйича таълим муассасасига юбориладиган
СЎРОВНОМА

Шаҳарсозлик ва уй-жой коммунал хўжалиги соҳалари мутахассислари томонидан йўналиш тури бўйича таълим

муассасасига юбориладиган

СЎРОВНОМА

____________________

____________________

(санаси)

(рақами)

Мутахассис ҳақида маълумот:


1. Фамилияси

2. Исми

3. Отасининг исми

4. Жинси

5. Паспорт маълумотлари

(серияси ва рақами, жисмоний шахснинг шахсий идентификация рақами (ЖШШИР))

6. Мутахассислик йўналиши тури*

(экспертиза, давлат қурилиш назорати, лойиҳа ишлари, архитектура, ички ва техник назорат)

7. Қурилиш объектларининг хавф-хатар тоифаси

8. Яшаш жойи

9. Телефон рақами

10. Электрон почта манзили (e-mail)

Изоҳ.
* Талабгор сўровноманинг 6-бандидаги йўналишлардан бирини танлаши шарт.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3а-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № Л 00000-сон

Шаҳарсозлик ҳужжатларини ишлаб чиқиш ва муаллифлик назоратини олиб бориш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

_________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»____________ берилди

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3б-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № ТН 00000-сон

Қурилиш объектларида техник назоратни

олиб бориш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3в-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № Э 00000-сон

Шаҳарсозлик ҳужжатларини экспертиза қилиш ҳуқуқи берилди*

(йўналиши)

Хавф-хатарлиги II, III, IV тоифа объектлар бўйича**

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

*Экспертларга бериладиган сертификатлар қатъий уларнинг мутахассислиги, экспертиза йўналишлари бўйича тақдим этилиши шарт.
**Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб йўналиш бўйича сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3г-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № ДН 00000-сон

Қурилиш объектларида давлат назоратини олиб

бориш  ҳуқуқи берилди

(йўналиши)

Хавф-хатарлиги II, III, IV тоифа объектлар бўйича

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код
 

Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3д-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № НЎ 00000-сон

Фойдаланишга топширилган объектларда назорат ўлчовини

амалга ошириш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3е-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № ЛМ 00000-сон

Лойиҳа ташкилотларида лойиҳа бош муҳандиси сифатида фаолиятни

амалга ошириш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3ж-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № ЛА 00000-сон

Лойиҳа ташкилотларида лойиҳа бош архитектори сифатида фаолиятни

амалга ошириш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3з-ИЛОВА


Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № ИН 00000-сон

Қурилиш объектларида қурилиш-пудрат ташкилотининг ички назоратини

амалга ошириш ҳуқуқи берилди

(йўналиши)

Хавф-хатарлиги II, III, IV тоифа объектлар бўйича*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3и-ИЛОВА



Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № А 00000-сон

Архитектор лавозимида фаолият юритиш ҳуқуқи берилди

(йўналиши)

Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари, Тошкент шаҳар қурилиш бош бошқармаси, Тошкент шаҳар уй-жой коммунал хўжалиги бош бошқармаси ҳамда туман ва шаҳар қурилиш ва уй-жой коммунал хўжалиги бўлимлари, Тошкент шаҳри туман қурилиш бўлимлари ва уй-жой коммунал хўжалиги бўлимларида*

(тоифаси)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасида ва туман ёки вилоят архитекторлигига номзоди кўрсатилади ва шунга мувофиқ тест синовидан ўтганлигига қараб сертификат берилади.
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3й-ИЛОВА
Олдинги таҳрирга қаранг.


Ўзбекистон Республикаси Қурилиш ва уй-жой коммунал хўжалиги вазирлиги

МАЛАКА (АТТЕСТАЦИЯ) СЕРТИФИКАТИ № Б-00000-сон

Кўп квартирали уйларни бошқарувини амалга ошириш ҳуқуқи берилди

(йўналиши)

___________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.



Ҳужжатнинг

ҳақиқийлигини

тасдиқловчи

QR-код
 

Изоҳ. Сертификатга эга бўлган жисмоний шахсга кўп квартирали уйларни бошқариш ҳуқуқи аҳоли томонидан сайланганидан сўнг вужудга келади. Агарда, аҳоли томонидан сертификатга эга бўлмаган жисмоний шахс сайланган бўлса, сайланган жисмоний шахс бир ой муддат ичида тегишли сертификатни олиши шарт.
(3й-илова Ўзбекистон Республикаси Вазирлар Маҳкамасининг 2025 йил 22 октябрдаги 666-сонли қарори таҳририда — Қонунчилик маълумотлари миллий базаси, 23.10.2025 й., 09/25/666/0965-сон. Кучга кириш санаси — 2026 йил 24 январь)
Шаҳарсозлик ва уй-жой коммунал хўжалиги соҳаларида мутахассисларни сертификатлаш тартиби тўғрисидаги низомга
3л-ИЛОВА

Ўзбекистон Республикаси Қурилиш ва уй-жой коммунал хўжалиги вазирлиги

МУТАХАССИС СЕРТИФИКАТИ № 00000-сон

_____________________________________________________ ҳуқуқи берилди

(йўналиши)

Хавф-хатарлиги ___________________ тоифа объектлар бўйича*

(тоифаси)

__________________________________________________________________________ га

(сертификат олган шахснинг Ф.И.О.)

Ҳужжатни имзолаган шахс ______________________ (Ф.И.О.)

Сертификат 20____ йил «_____»_____________ берилди.

Амал қилиш муддати 3 йил.


Ҳужжатнинг

ҳақиқийлигини

тасдиқловчи

QR-код

* Талабгорнинг аризасига ва объектнинг хавф-хатар тоифаси бўйича тест синовидан ўтганлигига қараб сертификат берилади.
Кейинги таҳрирга қаранг.
(Қонунчилик маълумотлари миллий базаси, 11.09.2023 й., 09/23/460/0691-сон; 26.02.2024 й., 09/24/100/0152-сон; 23.10.2025 й., 09/25/666/0965-сон; 18.02.2026 й., 09/26/60/0152-сон)