1.09.00.00.00 Тадбиркорлик ва хўжалик фаолияти / 09.10.00.00 Саноат / 09.10.19.00 Ёғочга ишлов бериш, мебель ва целлюлоза-қоғоз саноати]
[ТСЗ:
1.Иқтисодиёт / Саноат]
Ўзбекистон Республикаси Президентининг
Қарори
Мебель маҳсулотлари ишлаб чиқариш ва экспорт қилишни рағбатлантиришга оид қўшимча чора-тадбирлар тўғрисида
Мебель маҳсулотларини ишлаб чиқаришга ихтисослашган кичик саноат зоналарини муҳандислик-коммуникация инфратузилмаси билан таъминлаш, тайёр мебель маҳсулотлари экспортини рағбатлантиришни кучайтириш, соҳага малакали кадрларни жалб этиш мақсадида:
1. Шундай тартиб ўрнатилсинки, унга мувофиқ 2023 йил 1 февралдан 2024 йил 1 январга қадар:
тайёр мебель маҳсулотларини экспорт қилувчи тадбиркорлик субъектларига хориждаги офис, савдо ва омбор биноларини ижарага олиш харажатларининг бир қисмини Экспортни рағбатлантириш агентлиги томонидан қоплаб беришда мазкур нотурар жойлар майдонига қўйилган меъёр кўрсаткичи 100 квадрат метрдан 250 квадрат метрга оширилади;
йиллик тушумида тайёр мебель маҳсулотлари экспортидан тушум улуши камида 30 фоизни ташкил қиладиган маҳаллий корхоналар томонидан инженер-технолог, лак ва бўёқ сепиш устаси, дизайнер каби хорижий мутахассислар жалб қилинганда, улар иш ҳақининг 25 фоизи, бироқ меҳнатга ҳақ тўлашнинг энг кам миқдорининг 9 баробаридан кўп бўлмаган қисми Экспортни рағбатлантириш агентлиги маблағлари ҳисобидан қоплаб берилади.
Бунда, хорижий мутахассисларни жалб қилиш харажатлари экспорт ҳажми ҳар чоракда 1 миллион доллардан ортган корхоналарга чорак якуни билан келгуси ойнинг 10-санасигача тақдим этилган ҳужжатлар асосида тўланади.
[ОКОЗ:
1.10.00.00.00 Ташқи иқтисодий фаолият. Божхона иши / 10.02.00.00 Божхона тарифини тартибга солиш / 10.02.07.00 Тариф имтиёзлари ва префенциялар]
2. Ўзбекистон Республикаси Президентининг 2021 йил 21 июндаги «Республика ҳудудларида мебелсозлик саноатини ривожлантиришга қаратилган чора-тадбирлар тўғрисида»ги ПҚ-5155-сон қарорига 2-иловада назарда тутилган хом ашё, эҳтиёт қисмлар, фурнитура ва аксессуарларни Ўзбекистон Республикаси ҳудудига олиб киришда божхона божининг ноль ставкалари қўлланилиши 2024 йил 1 январга қадар узайтирилсин.
[ОКОЗ:
1.10.00.00.00 Ташқи иқтисодий фаолият. Божхона иши / 10.01.00.00 Ташқи иқтисодий фаолият соҳасидаги умумий қоидалар / 10.01.04.00 Экспорт ва импорт / 10.01.04.02 Импорт;
2.10.00.00.00 Ташқи иқтисодий фаолият. Божхона иши / 10.02.00.00 Божхона тарифини тартибга солиш / 10.02.07.00 Тариф имтиёзлари ва префенциялар]
3. 2023 йил 1 февралдан 2024 йил 1 январга қадар бўлган даврда 1-иловага мувофиқ мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар импортида божхона божининг ноль ставкаси қўлланилсин.
4. Сув хўжалиги вазирлигининг Фарғона вилояти, Фурқат тумани Қўқонбой маҳалласидаги сув хўжалиги биносини Мактабгача ва мактаб таълими вазирлиги тасарруфига ўтказиш тўғрисидаги таклифи маъқуллансин.
[ОКОЗ:
1.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим;
2.13.00.00.00 Таълим. Фан. Маданият / 13.03.00.00 Маданият / 13.03.17.00 Халқ бадиий ҳунармандчилиги]
Бунда, Фарғона вилояти ҳокимлиги Мактабгача ва мактаб таълими вазирлиги, Қурилиш ва уй-жой коммунал хўжалиги вазирлиги билан биргаликда уч ой муддатда мазкур бинони маҳаллий бюджетнинг қўшимча манбалари маблағлари ҳисобидан қайта таъмирлаш, инфратузилма, ахборот-кутубхона маркази, асбоб-анжомлар, моддий-техника ва хом ашё базаси билан таъминлаш ҳамда ёғоч ўймакорлиги, мебелсозлик, зардўзлик ва наққошлик каби миллий ҳунармандчилик соҳасига ихтисослашган замонавий умумтаълим мактабини ташкил этиш юзасидан халқ депутатлари Фарғона вилояти Кенгашига таклиф киритиш чораларини кўрсин.
5. Ўзбекистон Республикаси Президентининг 2021 йил 21 июндаги «Республика ҳудудларида мебелсозлик саноатини ривожлантиришга қаратилган чора-тадбирлар тўғрисида»ги ПҚ-5155-сон қарорига 2-иловага мувофиқ ўзгартиришлар киритилсин.
6. Инвестициялар, саноат ва савдо вазирлиги икки ой муддатда:
[ОКОЗ:
1.09.00.00.00 Тадбиркорлик ва хўжалик фаолияти / 09.10.00.00 Саноат / 09.10.19.00 Ёғочга ишлов бериш, мебель ва целлюлоза-қоғоз саноати]
республикада фаолият кўрсатаётган мебелсозлик корхоналарини Мебель ва ёғочсозлик саноати уюшмаси томонидан тўлиқ қамраб олишни рағбатлантириш;
[ОКОЗ:
1.09.00.00.00 Тадбиркорлик ва хўжалик фаолияти / 09.10.00.00 Саноат / 09.10.19.00 Ёғочга ишлов бериш, мебель ва целлюлоза-қоғоз саноати]
маҳаллий мебель ишлаб чиқарувчи корхоналарни инвентаризациядан ўтказиш асосида уларнинг рўйхати, ишлаб чиқариладиган маҳсулот турлари, қувватлари ва бошқа кўрсаткичлари электрон базасини шакллантириш;
манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисидаги таклифларни Вазирлар Маҳкамасига киритсин.
7. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Қудратов белгилансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 10 февраль,
ПҚ-51-сон
Ўзбекистон Республикаси Президентининг 2023 йил 10 февралдаги ПҚ-51-сон қарорига 1-ИЛОВА
2024 йил 1 январга қадар божхона божининг ноль ставкаси қўлланиладиган, мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар
РЎЙХАТИ
Т/р
ТИФ ТН коди
Номи
1.
3208 90 990 0
Кимёвий модификацияланган табиий полимерлар асосидаги, диспергирланган ёки сувсиз муҳитда эритилган бўёқлар ва лаклар (жумладан эмал ва политуралар)
2.
5407 53 000 0
Мебель учун таркибида 85 мас.% ёки ундан ортиқ полиэфир бўлган, текстурланган, турли рангдаги комплекс иплардан тайёрланган газлама
3.
7318 16,
7318 19,
7318 21,
7318 23,
7318 24
Қора металдан ишлаб чиқарилган гайкалар, бурама илгаклар, парчинлар, дублонлар, тиргаклар, шайбалар (пружинали) ва шунга ўхшаш бошқа буюмлар
4.
7320 20 810 8
Матрас ишлаб чиқариш учун қора металлардан тайёрланган сиқилиш натижасида ишлайдиган винтли пружиналар
5.
7326 20 000 9
Мебель учун қора металлардан ясалган симдан тайёрланган маҳсулотлар
6.
7604 21
Алюминий қотишмаларидан тайёрланган ичи бўш профиллар
Стулларнинг ёғочдан ишланган қисмлари (суянчиқ, тирсак асослари ва шунга ўхшаш қисмлар), кресло ва офис диванлари қисмлари
10.
9403 91,
9403 99
Бошқа мебеллар қисмлари
Ўзбекистон Республикаси Президентининг 2023 йил 10 февралдаги ПҚ-51-сон қарорига 2-ИЛОВА
Ўзбекистон Республикаси Президентининг 2021 йил 21 июндаги «Республика ҳудудларида мебелсозлик саноатини ривожлантиришга қаратилган чора-тадбирлар тўғрисида»ги ПҚ-5155-сон қарорига киритилаётган ўзгартиришлар
1. 7-бандда «2023 йил» сўзлари «2024 йил» сўзлари билан алмаштирилсин.
