|
Ҳужжат кучини йўқотган 01.06.2022
|
Ҳужжат 20.11.2017 санаси ҳолатига
Амалдаги версияга ўтиш |
ЎЗБЕКИСТОН РЕСПУБЛИКАСИ ДАВЛАТ ПАТЕНТ ИДОРАСИ ДИРЕКТОРИНИНГ
БУЙРУҒИ
Ихтиро, фойдали модел, саноат намунаси, селекция ютуғи, товар белгиси, хизмат кўрсатиш белгисига бўлган ҳуқуқларни бериш ва лицензия шартномаларидан фойдаланиш, интеграл микросхемалар топологиясига бўлган ҳуқуқни тўлиқ ёки қисман бериш, электрон ҳисоблаш машиналари учун дастурга, маълумотлар базасига бўлган барча мулкий ҳуқуқларни бутунлай ёки қисман ўзгаларга бериш ва мулкий ҳуқуқларни бериш тўғрисидаги шартномаларни рўйхатдан ўтказиш қоидаларини тасдиқлаш ҳақида
[Ўзбекистон Республикаси Адлия вазирлиги томонидан 2005 йил 17 июнда 1481-сон билан давлат рўйхатидан ўтказилган]
LexUZ шарҳиМазкур буйруқ Ўзбекистон Республикаси адлия вазирининг 2022 йил 31 мартдаги 8-мҳ-сонли «Ихтиро, фойдали модель, саноат намунаси, селекция ютуғи, товар белгиси, хизмат кўрсатиш белгисига бўлган ҳуқуқни ўтказиш тўғрисидаги шартномани ва улардан фойдаланиш учун лицензия шартномаларини, интеграл микросхемалар топологияларига бўлган ҳуқуқни ўтказиш, электрон ҳисоблаш машиналари учун дастурга ёки маълумотлар базасига бўлган барча мулкий ҳуқуқларни ўтказиш ва мулкий ҳуқуқларни ўтказиш тўғрисидаги шартномаларни рўйхатдан ўтказиш қоидаларини тасдиқлаш ҳақида»ги буйруғига (рўйхат рақами 3359, 31.03.2022 й.) асосан 2022 йил 1 июндан ўз кучини йўқотади.
Ўзбекистон Республикаси «Ихтиролар, фойдали моделлар ва саноат намуналари тўғрисида», «Товар белгилари, хизмат кўрсатиш белгилари ва товар келиб чиққан жой номлари тўғрисида», «Селекция ютуқлари тўғрисида», «Электрон ҳисоблаш машиналари ва маълумотлар базаларини ҳуқуқий муҳофаза қилиш тўғрисида», «Интеграл микросхемалар топологияларини ҳуқуқий муҳофаза қилиш тўғрисида» қонунларига мувофиқ буюраман:
1. «Ихтиро, фойдали модел, саноат намунаси, селекция ютуғи, товар белгиси, хизмат кўрсатиш белгисига бўлган ҳуқуқларни бериш ва лицензия шартномаларидан фойдаланиш, интеграл микросхемалар топологиясига бўлган ҳуқуқни тўлиқ ёки қисман бериш, электрон ҳисоблаш машиналари учун дастурга, маълумотлар базасига бўлган барча мулкий ҳуқуқларни бутунлай ёки қисман ўзгаларга бериш ва мулкий ҳуқуқларни бериш тўғрисидаги шартномаларни рўйхатдан ўтказиш қоидалари» иловага мувофиқ тасдиқлансин.
2. Мазкур қоидалар кучга кирган санадан бошлаб Давлат патент идораси директорининг 1996 йил 3 декабрдаги буйруғи билан тасдиқланган Ихтиро, фойдали модел, саноат намунасига бўлган ҳуқуқларни бошқа шахсга ўтказиш тўғрисида шартномалар ва ихтиро, фойдали модел, саноат намунасидан фойдаланиш учун ҳуқуқларни бериш тўғрисида лицензия шартномаларини кўриб чиқиш ва рўйхатдан ўтказиш қоидалари ва Рўйхатдан ўтказилган лицензия шартномасига ўзгартиришлар ёки қўшимчалар киритиш қоидалари ўз кучини йўқотган деб ҳисоблансин.
3. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган санадан бошлаб 10 кундан сўнг кучга киради.
Давлат патент идораси директори А. АЗИМОВ
Тошкент ш.,
2005 йил 11 май,
48-сон
Давлат патент идораси директорининг 2005 йил 11 майдаги 48-сон буйруғи билан
«ТАСДИҚЛАНГАН»
«ТАСДИҚЛАНГАН»
Ихтиро, фойдали модель, саноат намунаси, селекция ютуғи, товар белгиси, хизмат кўрсатиш белгисига бўлган ҳуқуқни ўтказиш тўғрисидаги шартномани ва улардан фойдаланиш учун лицензия шартномаларини, интеграл микросхемалар топологияларига бўлган ҳуқуқни тўлиқ ёки қисман ўтказиш, ҳамма мулкий ҳуқуқларни тўлиқ ёки қисман бериш ва электрон ҳисоблаш машиналари учун дастурга, маълумотлар базасига мулкий ҳуқуқларни ўтказиш тўғрисидаги шартномаларни рўйхатдан ўтказиш
ҚОИДАЛАРИ
Ушбу Ихтиро, фойдали модель, саноат намунаси, селекция ютуғи, товар белгиси, хизмат кўрсатиш белгисига бўлган ҳуқуқни ўтказиш тўғрисидаги шартномани ва улардан фойдаланиш учун лицензия шартномаларини, интеграл микросхемалар топологияларига бўлган ҳуқуқни тўлиқ ёки қисман ўтказиш, ҳамма мулкий ҳуқуқларни тўлиқ ёки қисман бериш ва электрон ҳисоблаш машиналари учун дастурга, маълумотлар базасига мулкий ҳуқуқларни ўтказиш тўғрисидаги шартномаларни рўйхатдан ўтказиш қоидалари (бундан буён матн бўйича — Қоидалар) Ўзбекистон Республикасининг Фуқаролик кодекси, Ўзбекистон Республикасининг «Ихтиролар, фойдали моделлар ва саноат намуналари тўғрисида»ги Қонуни, Ўзбекистон Республикасининг «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Қонуни, Ўзбекистон Республикасининг «Селекция ютуқлари тўғрисида»ги Қонуни, Ўзбекистон Республикасининг «Электрон ҳисоблаш машиналари учун дастурлар ва маълумотлар базаларининг ҳуқуқий муҳофазаси тўғрисида»ги Қонуни, Ўзбекистон Республикасининг «Интеграл микросхемалар топологияларининг ҳуқуқий муҳофазаси тўғрисида»ги Қонунига мувофиқ ишлаб чиқилган ҳамда қуйидаги шартномаларни Ўзбекистон Республикаси Интеллектуал мулк агентлигида (бундан буён матн бўйича — Агентлик) рўйхатга олиш тартибини белгилайди:
Ихтиролар давлат реестрида, Фойдали моделлар давлат реестрида, Саноат намуналари давлат реестрида, Селекция ютуқлари давлат реестрида рўйхатга олинган ихтиро, фойдали модель, саноат намунаси, селекция ютуғига бўлган ҳуқуқни ўтказиш (патентни бериш тўғрисидаги) тўғрисидаги шартнома ва ихтиро, фойдали модель, саноат намунаси, селекция ютуғидан фойдаланиш учун лицензия шартномаси;
товар белгиси, хизмат кўрсатиш белгисига (бундан буён матн бўйича — товар белгиси) бўлган ҳуқуқни ўтказиш тўғрисидаги шартнома ва Товар белгилари давлат реестрида рўйхатга олинган ёки рўйхатга олинмай туриб Ўзбекистон Республикасининг халқаро шартномалари билан муҳофаза қилинадиган товар белгисидан фойдаланиш учун лицензия шартномаси;
Интеграл микросхемалар топологиялари давлат реестрида рўйхатга олинган интеграл микросхемалар топологияларига бўлган ҳуқуқни тўлиқ ёки қисман ўтказиш тўғрисидаги шартнома;
мос равишда Электрон ҳисоблаш машиналари учун Дастурий маҳсулотлар давлат реестрида ва Маълумотлар базалари давлат реестрида рўйхатга олинган ЭҲМ учун яратилган дастур ёки маълумотлар базасига бўлган барча мулкий ҳуқуқларни тўлиқ ёки қисман бериш тўғрисидаги шартномалар ва мулкий ҳуқуқларнинг ўзгаларга ўтказилиши тўғрисидаги шартномалар.
Қисқартиришлар рўйхати:
Шартнома — ихтиро, фойдали модель, саноат намунаси, селекция ютуғига берилган патентни бериш, товар белгисига бўлган ҳуқуқни ўтказиш, интеграл микросхемалар топологияларига ҳуқуқни тўлиқ ёки қисман ўтказиш, ЭҲМ учун яратилган дастур ёки маълумотлар базасига бўлган барча мулкий ҳуқуқларни тўлиқ ёки қисман бериш ва мулкий ҳуқуқларнинг ўзгаларга ўтказилиши тўғрисидаги шартномалар.
Лицензия шартномаси — ихтиро, фойдали модель, саноат намунаси, селекция ютуғи, товар белгисидан фойдаланишга бўлган ҳуқуқни бериш тўғрисидаги шартнома.
Сублицензия шартномаси — лицензиат томонидан ихтиро, фойдали модель, саноат намунаси, товар белгиси, селекция ютуғидан фойдаланишга бўлган ҳуқуқларни бошқа шахсга бериш тўғрисидаги шартнома.
Лицензиар — ихтиро, фойдали модель, саноат намунаси, товар белгиси, селекция ютуғига бўлган ҳуқуқ эгаси.
Лицензиат — ихтиро, фойдали модель, саноат намунаси, товар белгиси, селекция ютуғидан фойдаланувчи шахс.
Муҳофаза ҳужжати — патент, гувоҳнома.
§ 1. Умумий қоидалар
1. «Ихтиролар, фойдали моделлар ва саноат намуналари тўғрисида»ги Ўзбекистон Республикаси Қонунининг 11-моддаси, «Селекция ютуқлари тўғрисида»ги Ўзбекистон Республикаси Қонунининг 38-моддаси, «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Ўзбекистон Республикаси Қонунининг 30-моддаси, «Интеграл микросхемалар топологияларининг ҳуқуқий муҳофазаси тўғрисида»ги Ўзбекистон Республикаси Қонунининг 15-моддаси, «Электрон ҳисоблаш машиналари учун дастурлар ва маълумотлар базаларининг ҳуқуқий муҳофазаси тўғрисида»ги Ўзбекистон Республикаси Қонунининг 9-моддасига мувофиқ қуйидаги шартномалар Агентликда рўйхатга олинади:
ихтиро, фойдали модель, саноат намунаси, селекция ютуғига берилган патентни бериш тўғрисидаги шартнома;
ихтиро, фойдали модель, саноат намунаси, селекция ютуғидан фойдаланиш тўғрисидаги лицензия шартномаси (сублицензия шартномаси);
Ўзбекистон Республикасида муҳофаза қилинаётган товар белгисига бўлган ҳуқуқни ўтказиш тўғрисидаги шартнома;
Ўзбекистон Республикасида муҳофаза қилинаётган товар белгисидан фойдаланиш тўғрисидаги лицензия шартномаси (сублицензия шартномаси). Жамоавий товар белгиси ва ундан фойдаланиш ҳуқуқи бошқа шахсларга топширилиши мумкин эмас;
рўйхатга олинган электрон ҳисоблаш машиналари учун дастур ёки маълумотлар базасига бўлган барча мулкий ҳуқуқларни тўлиқ ёки қисман бериш тўғрисидаги шартнома;
интеграл микросхемалар топологияларига бўлган ҳуқуқни тўлиқ ёки қисман ўтказиш тўғрисидаги шартнома.
2. «Электрон ҳисоблаш машиналари учун дастурлар ва маълумотлар базаларининг ҳуқуқий муҳофазаси тўғрисида»ги Ўзбекистон Республикаси Қонунининг 9-моддасига мувофиқ томонларнинг келишувига биноан Агентликда:
электрон ҳисоблаш машиналари учун дастур ёки маълумотлар базасига мулкий ҳуқуқларнинг ўзгаларга ўтказилиши тўғрисидаги шартнома рўйхатга олиниши мумкин.
3. Шартномани рўйхатга олиш, шунингдек рўйхатга олинган линцензия шартномасига киритилган ўзгартиришларни рўйхатга олиш учун белгиланган миқдордаги патент божи ёки ҳақ тўланади.
4. Шартномани ёки рўйхатга олинган линцензия шартномасига киритилган ўзгартиришларни рўйхатга олишга оид ишлар патент эгаси (ҳуқуқ эгаси) томонидан мустақил равишда ёки ваколатлари амалдаги қонун ҳужжатларига мувофиқ расмийлаштирилган ишончнома билан тасдиқланган вакил орқали амалга оширилади.
Қонун ҳужжатларида белгиланган ҳолларда, ариза Агентликда рўйхатга олинган патент вакили (бундан буён матн бўйича — патент вакили) орқали топширилади. Патент вакилининг ваколатлари ишончнома билан тасдиқланади.
Кейинги таҳрирга қаранг.
2- §. Ариза ва зарур ҳужжатларни тақдим этиш
5. Шартномани рўйхатга олиш учун Агентликка қуйидаги ҳужжатлар тақдим этилади:
а) шартномани рўйхатга олиш учун ариза.
Ариза ушбу Қоидаларга 1-иловада келтирилган шаклда ўзбек ёки рус тилида бир нусхада топширилади. Хорижий исмлар ва корхоналарнинг номлари ўзбекча ёки русча транслитерацияда келтирилади.
Ариза битта шартномага тегишли бўлиши керак.
Агар патент эгалари (ҳуқуқ эгалари)нинг бошқа шахсга лицензияни тақдим этиш ёки ҳуқуқни топширишга розилиги тақдим этилаётган бошқа бирон ҳужжатда қайд этилмаган бўлса, ариза уларнинг ҳаммалари томонидан имзоланади.
Юридик шахс томонидан ариза корхона, ташкилот раҳбари томонидан ёки бунга ваколатли шахс томонидан, унинг лавозими кўрсатилган ҳолда, имзоланади. Имзо муҳр билан тасдиқланади.
Имзолар имзо қўяётган шахсларнинг фамилияси ва исми ва отаси исмларининг бош ҳарфлари кўрсатилган ҳолда очиб берилади.
б) белгиланган тартибда тасдиқланган шартнома ёки шартномадан кўчирма уч нусхада.
Шартнома варақлари тикилган, рақамланган бўлиши, ва уларда тузатишлар, қўшимча ёзувлар, ўчирилган сўзлар ва бошқа олинган келишилмаган тўғрилашлар бўлиши керак эмас.
Шартномада қуйидаги маълумотлар бўлиши керак:
аниқ кўрсатилган шартнома томонлари;
шартнома предмети (муҳофаза ҳужжатининг рақами, товар белгисининг халқаро рўйхатга олиш рақами);
ҳуқуқни топшириш тури;
лицензия шартномаси бўйича топширилаётган ҳуқуқлар ҳажми;
шартноманинг амал қилиш ҳудуди;
шартноманинг амал қилиш муддати;
мукофот миқдори (ёки бу борада келишув мавжудлигини тасдиқлайдиган қоида).
Товар белгисига тааллуқли лицензия шартномасида лицензиат товарларининг сифати лицензиар товарларининг сифатидан паст бўлмаслиги ҳақидаги шарт бўлиши ва лицензиар ушбу шартнинг бажарилиши устидан назорат олиб бориши ҳақидаги талаб бўлиши керак;
Товар белгисига ҳуқуқни қисман топшириш тўғрисидаги шартномада ҳуқуқлар топширилаётган белгиларни рўйхатга олиш учун Товарлар ва хизматларнинг халқаро классификациясига мувофиқ гуруҳлаштирилган товарлар ва/ёки хизматларнинг рўйхати бўлиши керак.
г) мерос қилиб олишлик ҳуқуқи ёки ворислик ҳуқуқини тасдиқлайдиган ҳужжат (зарур ҳолларда);
д) вакилнинг ваколатларини тасдиқлайдиган ишончнома;
е) шартномани рўйхатга олиш учун белгиланган миқдордаги патент божи ёки ҳақ тўланганини тасдиқлайдиган ҳужжат ёки патент божи ёки ҳақ тўлашдан озод қилиш учун асосларни тасдиқлайдиган ҳужжат.
Белгиланган миқдордаги патент божи ёки ҳақ тўланганини тасдиқлайдиган ҳужжат ёки патент божи ёки ҳақ тўлашдан озод қилиш учун асосларни тасдиқлайдиган ҳужжат тақдим этилмаган тақдирда, аризани кўриб чиқиш бўйича юридик аҳамиятга молик ҳаракатлар амалга оширилмайди.
6. Сублицензия шартномаси рўйхатга олинган ҳолда, лицензия шартномасининг асли ёки унинг талабга кўра расмийлаштирилган нусхаси тақдим этилади.
7. Аризага илова қилинаётган ҳужжатлар ўзбек, рус ёки бошқа тилда тақдим этилиши мумкин. Агар ҳужжатлар бошқа тилда тақдим этилган бўлса, уларнинг ўзбек ёки рус тилига таржимаси илова қилинади.
8. Ариза ва унга илова қилинаётган ҳужжатлар Агентликка бевосита топширилади ёки почта орқали жўнатилади.
§ 3. Шартномани кўриб чиқиш ва рўйхатга олиш
9. Ариза ва унга илова қилинган ҳужжатлар Агентликка келиб тушган кундан эътиборан ўн беш кунлик муддат давомида керакли ҳужжатларнинг мавжудлиги ва улар ушбу Қоидаларда белгиланган талабларга мувофиқлиги текширилади.
10. Керакли ҳужжатлар мавжуд бўлмаган ёки шартномани рўйхатга олиш учун тақдим этилган ҳужжатлар ушбу Қоидаларда белгиланган талаблар бузилган ҳолда тузилган ёхуд шартномада бир-бирини истисно қиладиган ҳолатларнинг мавжудлиги аниқланган ҳолларда, ариза топширган шахсга билдиришнома юборилади ва унда билдиришнома юборилган санадан эътиборан уч ой мобайнида мавжуд бўлмаган ва/ёки тўғриланган ҳужжатларни тақдим этиш ва/ёки тақдим этилган шартномага тегишли ўзгартириш ва қўшимчалар киритиш таклиф қилинади.
Бунда талабномани кўриб чиқиш учун белгиланган муддатнинг кечиши етишмаётган ёки тўғриланган ҳужжатлардан охиргиси келиб тушмагунга қадар тўхтатиб турилади.
11. Тақдим этилган ҳужжатлар ушбу Қоидаларнинг талабига мувофиқ бўлса, бу ҳолда Агентлик шартномани рўйхатга олади ва шартнома рўйхатга олинганлиги тўғрисидаги маълумотларни тегишли Давлат реестрига киритади. Бунда аризада кўрсатилган ёзишмалар учун манзилга рўйхатга олиш рақами, рўйхатга олиш санаси кўрсатилган шартноманинг иккита нусхаси ва рўйхатга олинганлик тўғрисидаги белги қўйилган муҳофаза ҳужжати юборилади.
Рўйхатга олинган шартноманинг бир нусхаси назорат нусха бўлиб, Агентликда сақланади.
12. Тақдим этилган ҳужжатлар Ушбу Қоидаларнинг талабларига мувофиқ бўлмаган ҳолларда Агентлик шартномани рўйхатга олишни рад этади. Бунда Агентлик ариза топширган шахсга шартномани рўйхатга олиш рад этилганлиги тўғрисида рад этилганлик сабаблари кўрсатилган билдиришнома юборади ва тақдим этилган ҳужжатларни, аризадан ташқари, қайтариб юборади.
13. Шартнома рўйхатга олинганлиги тўғрисидаги маълумотлар Агентликнинг расмий ахборотномасида эълон қилинади, шунингдек маълумотлар агентликнинг расмий веб-сайтида қуйидаги ҳажмда жойлаштирилади:
шартноманинг рўйхатга олинганлик рақами;
топширилаётган ҳуқуқлар ҳажми;
шартнома предмети;
белгиланган шартнома томонлари;
шартноманинг амал қилиш ҳудуди;
шартноманинг амал қилиш муддати.
§ 4. Рўйхатга олинган лицензия шартномасида ўзгартиришларни рўйхатга олиш
14. Лицензия шартномасига киритиладиган ўзгартиришлар қуйидагиларга нисбатан рўйхатга олинади:
томонларни белгилаш;
шартнома предмети;
амал қилиш муддати;
амал қилиш ҳудуди;
топширилаётган ҳуқуқлар ҳажми.
15. Рўйхатга олинган шартномага киритилган ўзгартиришларни рўйхатга олиш тўғрисидаги ариза ушбу Қоидаларга 2-иловада келтирилган шаклда топширилади.
Аризага қуйидагилар илова қилинади:
а) шартнома томонларининг тегишли ўзгартиришларни киритиш тўғрисидаги битимини тасдиқлайдиган ҳужжат;
б) киритилган ўзгартиришларни рўйхатга олиш учун белгиланган миқдордаги патент божи ёки ҳақ тўланганини тасдиқлайдиган ҳужжат ёки патент божи ёки ҳақ тўлашдан озод қилиш учун асосларни тасдиқлайдиган ҳужжат;
Товар белгисига нисбатан шартномага киритилган ўзгартиришларни рўйхатга олиш учун муҳофаза ҳужжатини тақдим этиш мажбурий эмас.
16. Киритилган ўзгартиришларни рўйхатга олиш ушбу Қоидаларнинг 9 — 12-бандлари талабларига мувофиқ амалга оширилади.
17. Рўйхатга олинган шартномага киритилган ўзгартиришлар рўйхатга олинганлиги тўғрисидаги маълумотлар Агентликнинг веб-сайтида ҳам жойлаштириладиган расмий ахборотномасида эълон қилинади.
Ихтиро, фойдали модель, саноат намунаси, селекция ютуғи, товар белгиси, хизмат кўрсатиш белгисига ҳуқуқни топшириш тўғрисидаги шартномани ва улардан фойдаланиш учун лицензия шартномаларини, интеграл микросхемалар топологияларига ҳуқуқни тўлиқ ёки қисман топшириш, ҳамма мулкий ҳуқуқлардан тўлиқ ёки қисман воз кечиш ва электрон ҳисоблаш машиналари учун дастурга, маълумотлар базасига мулкий ҳуқуқларни топшириш тўғрисидаги шартномаларни рўйхатдан ўтказиш қоидаларига
1-ИЛОВА
1-ИЛОВА
| |
Ўзбекистон Республикаси интеллектуал мулк агентлиги |
| |
Ўзбекистон 100000, Тошкент ш., Мустақиллик шоҳ кўчаси, 59 |
| |
_________________________________ |
|
|
(Ф.И.Ш. ёки юридик шахснинг номи) |
| | Манзил ____________________________ Телефон ___________________________ |
|
| |
|
__________________________________________________________________ ва | |
|
_____________________________________________________ҳуқуқи берилаётган | |
|
_____________________________________________________________ўртасида | |
|
__________________________________________________________________ни | |
|
________________________________________________________________ учун | |
|
рўйхатга олишингизни сўрайман |
|
|
Илова қилинаётган ҳужжатлар (кераги белгилансин [Х]) | |
| ____ — шартнома ___ варақда, илова № ______варақда ___ нусхада; | |
| ____ — патентнинг асли; гувоҳноманинг асли; | |
| ____ — шартномани рўйхатга олиш учун белгиланган миқдордаги патент божи ёки ҳақ тўланганини тасдиқлайдиган ҳужжат ёки патент божи ёки ҳақ тўлашдан озод қилиш учун асосларни тасдиқлайдиган ҳужжат; | |
| ____ — меросхўрлик ёки ворислик ҳуқуқини тасдиқлайдиган ҳужжат нусхаси; | |
| ____ — иш юритишга ишончнома; | |
| ____ — лицензия шартномаси (сублицензия шартномасини рўйхатга олиш | |
| Ҳуқуқ__________________________________________________________ эгаси | |
|
_____ (лавозими, Ф.И.О. имзоси) | |
| | |
| Сана _____________ |
М.Ў. |
Ихтиро, фойдали модель, саноат намунаси, селекция ютуғи, товар белгиси, хизмат кўрсатиш белгисига ҳуқуқни топшириш тўғрисидаги шартномани ва улардан фойдаланиш учун лицензия шартномаларини, интеграл микросхемалар топологияларига ҳуқуқни тўлиқ ёки қисман топшириш, ҳамма мулкий ҳуқуқлардан тўлиқ ёки қисман воз кечиш ва электрон ҳисоблаш машиналари учун дастурга, маълумотлар базасига мулкий ҳуқуқларни топшириш тўғрисидаги шартномаларни рўйхатдан ўтказиш қоидаларига
2-ИЛОВА
2-ИЛОВА
| |
Ўзбекистон Республикаси интеллектуал мулк агентлиги |
| |
Ўзбекистон 100000, Тошкент ш., Мустақиллик шоҳ кўчаси, 59 |
| |
_________________________________ |
|
|
(Ф.И.Ш. ёки юридик шахснинг номи) |
| | Манзил ____________________________ Телефон ___________________________ |
|
| |
|
___________________________________________________________________ (шартноманинг тури ва номи) | |
|
лицензия шартномасига киритилган ўзгартиришларни рўйхатга олишингизни сўрайман. | |
|
Илова қилинаётган ҳужжатлар (кераги белгилансин [Х]) | |
| ____— томонларнинг тегишли ўзгартиришларни киритиш тўғрисидаги битимини тасдиқлайдиган ҳужжат | |
| ____— ўзгартиришларни киритиш учун патент божи ёки ҳақ тўланганини тасдиқлайдиган ҳужжат ёки патент божи ёки ҳақ тўлашдан озод қилиш учун асосларни тасдиқлайдиган ҳужжат | |
| ____— иш юритишга ишончнома | |
| (кераги белгилансин [Х]) | |
| ____— лицензиар | |
| ____— лицензиат________________________________________________ | |
|
(лавозими, Ф.И.О., имзоси) | |
| Сана _____________ |
М.Ў. |
(Ўзбекистон Республикаси қонун ҳужжатлари тўплами, 2005 й., 23-24-сон, 176-модда; 2011 й., 40-сон, 424-модда; 2013 й., 43-сон, 574-модда; Қонунчилик маълумотлари миллий базаси, 30.11.2021 й., 10/21/3338/1117-сон)
