Қишлоқ хўжалиги маҳсулотларининг айрим турларини давлат эҳтиёжлари учун харид қилишга бозор механизмлари жорий этилиши муносабати билан амалдаги қонун ҳужжатлари ва норматив ҳужжатларни мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

Белгилаб қўйилсинки, мазкур бандга мувофиқ Ўзбекистон Республикаси Ҳукуматининг қарорларига киритилаётган ўзгартиришлар пахта хом ашёси етиштириш учун — 2005 йил ҳосилидан бошлаб, давлат эҳтиёжлари учун харид қилинадиган ғалла етиштириш учун — 2006 йил ҳосилидан бошлаб кучга киради.

2. Вазирлар Маҳкамасининг «Давлат эҳтиёжлари учун харид қилинадиган қишлоқ хўжалиги маҳсулотлари етиштиришни маблағ билан таъминлаш механизмини такомиллаштириш чора-тадбирлари тўғрисида» 2002 йил 7 ноябрдаги 383-сон қарори ўз кучини йўқотган деб ҳисоблансин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

1. Вазирлар Маҳкамасининг «Республика пахта тозалаш саноатини бошқариш тизимини такомиллаштириш тўғрисида» 2001 йил 12 июндаги 252-сон қарорида (Ўзбекистон Республикаси ҚТ, 2001 й., 6-сон, 29-модда):

а) 8-банднинг тўртинчи хатбоши қуйидаги таҳрирда баён қилинсин:

«Пахта хом ашёси етиштирувчилар билан Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб жамғармаси орқали ҳисоб-китоб қилиш схемаси 9-иловага мувофиқ маъқуллансин»;

б) 7-иловада («Пахтасаноат» ҳудудий акциядорлик бирлашмасининг пахта хом ашёси ва пахта маҳсулотлари контрактацияси ва ҳисоб-китоби ҳудудий маркази тўғрисидаги Намунавий низом):

1-банддаги «аванс берилиши ҳамда пахта хом ашёси ва пахта маҳсулотлари учун узил-кесил ҳисоб-китоб қилиниши» сўзлари «пахта хом ашёси ва пахта маҳсулотлари учун ҳисоб-китоб қилиниши» сўзлари билан алмаштирилсин;

4-бандда:

иккинчи хатбошидаги «хизмат кўрсатувчи банклар иштирокида» сўзлари чиқариб ташлансин;

учинчи хатбошидаги «пахта етиштирувчи қишлоқ хўжалиги корхоналари ва фермер хўжаликларига аванс бериш» сўзлари чиқариб ташлансин;

тўртинчи хатбошидаги «узил-кесил ҳисоб-китоб қилиш» сўзлари «ҳисоб-китоб қилиш» сўзлари билан алмаштирилсин;

5-бандда:

иккинчи хатбошидаги «хизмат кўрсатувчи банклар иштирокида» сўзлари чиқариб ташлансин;

бешинчи хатбоши чиқариб ташлансин;

еттинчи хатбошидаги «узил-кесил ҳисоб-китоб қилади» сўзлари «ҳисоб-китоб қилади» сўзлари билан алмаштирилсин;

9-банддаги «пахта хом ашёси етиштиришга аванс беришнинг барча босқичларида ўз вақтида ҳисоб-китоб қилиниши» сўзлари чиқариб ташлансин;

в) 8-илова ўз кучини йўқотган деб ҳисоблансин;

г) Пахта хом ашёси етиштирувчилар билан Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб жамғармаси орқали ҳисоб-китоб қилиш схемасига иловада:

1-банднинг учинчи хатбошидаги «тўланган аванс суммасини» сўзлари «уруғлик, идишлар ва ўраш материаллари тарзидаги натурадаги авансни» сўзлари билан алмаштирилсин;

2-банддаги «аванс тўловлари, шу жумладан уруғлик, идишлар, ўраш материаллари ва бошқа хизматлар тарзидаги натура аванслари» сўзлари «уруғлик, идишлар ва ўраш материаллари тарзидаги натурадаги аванс» сўзлари билан алмаштирилсин;

3-банднинг биринчи хатбошидаги «аванс тўловлари, шу жумладан уруғлик, идишлар, ўраш материаллари ва бошқа хизматлар тарзидаги натура аванслари» сўзлари «уруғлик, идишлар ва ўраш материаллари тарзидаги натурадаги аванс» сўзлари билан алмаштирилсин;

7-банддаги «шу жумладан уруғлик чигит ва материаллар тарзида олинган авансни» сўзлари «уруғлик чигит, идишлар, ўраш материаллари тарзидаги натурадаги авансни» сўзлари билан алмаштирилсин.

2. Вазирлар Маҳкамасининг 2003 йил 4 сентябрдаги 383-сон қарори билан тасдиқланган Қишлоқ хўжалиги маҳсулотлари етиштирувчилар билан хизмат кўрсатиш ташкилотлари ўртасида шартномалар тузиш, уларни рўйхатдан ўтказиш, бажариш, шунингдек уларнинг бажарилиши мониторингини олиб бориш тартиби тўғрисидаги низомда (Ўзбекистон Республикаси ҚТ, 2003 й., 9-сон, 81-модда):

а) 27-банднинг тўртинчи хатбошига, 29-банднинг учинчи хатбошига, 30-банднинг учинчи хатбошига «қишлоқ хўжалиги маҳсулотларининг айрим турларини давлат эҳтиёжлари учун харид қилиш бундан мустасно» сўзлари қўшилсин;

б) Низомга 2-иловага қуйидаги мазмундаги изоҳ қўшилсин:

«Изоҳ. «Қишлоқ хўжалиги маҳсулотларининг айрим турларини давлат эҳтиёжлари учун харид қилишда 7 ва 8-устунлар тўлдирилмайди».