|
Ҳужжат кучини йўқотган 17.06.2009
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ПРЕЗИДЕНТИ КУБОГИ УЧУН ҲАР ЙИЛИ ЎТКАЗИЛАДИГАН ТЕННИС ТУРНИРИ ITP LIMITED МЕНЕЖМЕНТИНИ СОЛИҚ ТЎЛАШДАН ОЗОД ЭТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2009 йил 17 июндаги 168-сонли «Солиқ имтиёзлари тартибга солиниши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш ва баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Президент Кубоги учун ҳар йили ўтказиладиган теннис турнирининг юксак ташкилий даражаси халқаро спорт майдонида эътироф этилганлигини назарда тутиб Вазирлар Маҳкамаси қарор қилади:
1. Белгилаб қўйилсинки, норезидентларнинг Ўзбекистон Республикаси Президенти кубоги учун теннис турнирини ўтказиш доирасида олган даромадлари, истисно тариқасида, Ўзбекистон Республикасида манба олдидаги даромад (фойда) солиғини тўлашдан озод этилади.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Ҳ.С. Кароматов ва Р.С.Азимов зиммасига юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
2002 йил 12 июнь,
207-сон
