Ўзбекистон Республикасининг «Таълим тўғрисида»ги Қонуни ва Вазирлар Маҳкамасининг 2020 йил 30 июлдаги 460-сон «Бизнес ва тадбиркорлик олий мактаби фаолиятини ташкил этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси олий ва ўрта махсус таълим вазирининг 2015 йил 30 октябрдаги 9-2015-сон «Олий таълим муассасалари магистратура мутахассисликлари талабалари томонидан стажировкани ўташ тартиби тўғрисидаги низомни тасдиқлаш тўғрисида»ги буйруғига (рўйхат рақами 2734, 2015 йил 26 ноябрь) (Ўзбекистон Республикаси қонун ҳужжатлари тўплами, 2015 й., 47-сон, 604-модда) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. Буйруқнинг муқаддимасидаги «Ўзбекистон Республикасининг «Таълим тўғрисида»ги, «Кадрлар тайёрлаш миллий дастури тўғрисида»ги қонунлари» деган сўзлар «Ўзбекистон Республикасининг «Таълим тўғрисида»ги Қонуни» деган сўзлар билан алмаштирилсин.

2. Низомда:

а) муқаддимадаги «Ўзбекистон Республикасининг «Таълим тўғрисида»ги, «Кадрлар тайёрлаш миллий дастури тўғрисида»ги қонунлари» деган сўзлар «Ўзбекистон Республикасининг «Таълим тўғрисида»ги Қонуни» деган сўзлар билан алмаштирилсин;

б) 2-банднинг иккинчи хатбошисидаги «Корпоратив бошқарув илмий-таълим марказига» деган сўзлар «Бизнес ва тадбиркорлик олий мактабига» деган сўзлар билан алмаштирилсин.