«Ўзбекистон Республикасида корхоналар тўғрисида»ги Ўзбекистон Республикаси Қонунига ва Ўзбекистон Республикаси Президентининг «Иқтисодий ислоҳотларни янада чуқурлаштириш, хусусий мулк манфаатларини ҳимоя қилиш ва тадбиркорликни ривожлантириш чора-тадбирлари тўғрисида» 1994 йил 21 январдаги Фармонига асосан Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Ўзбекистон фармацевтика саноати («Ўзфармсаноат») давлат-акционерлик концернини ташкил қилиш ва унинг фаолияти масалалари тўғрисида» 1993 йил 17 июндаги 290-сон қарорининг 3-банди иккинчи хатбошидаги «ва тасдиқлаш учун Вазирлар Маҳкамасига киритсин» сўзлари чиқариб ташлансин.

2. Ўзбекистон Республикаси Вазирлар Маҳкамасининг «Ўзбекистон фармацевтика саноати («Ўзфармсаноат») давлат-акционерлик концернининг Уставини тасдиқлаш тўғрисида» 1993 йил 11 ноябрдаги 542-сон қарори ўз кучини йўқотган деб ҳисоблансин.