|
Ҳужжат кучини йўқотган 01.07.2012
|
Ҳужжат 30.06.1997 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ТУҒИЛГАНЛИК, НИКОҲ ҚАЙД ЭТИЛГАНЛИГИ ВА ЎЛИМ ҲАҚИДАГИ ГЕРБЛИ ГУВОҲНОМАЛАР ШАКЛИНИ ТАСДИҚЛАШ, ГЕРБ ЙИҒИМИНИ ЖОРИЙ ҚИЛИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2012 йил 25 апрелдаги 119-сонли «Гербли гувоҳномалар шаклларини ва уларни берганлик учун герб йиғими миқдорини тасдиқлаш тўғрисида»ги қарорига мувофиқ ўз кучини йўқотган.
Фуқаролик ҳолатлари далолатномаларини ёзиш (ФҲДЁ) органлари томонидан аҳолига бериладиган гербли гувоҳномалар шакли ва мазмунини «Давлат тили ҳақида»ги Ўзбекистон Республикаси Қонунига мувофиқлаштириш ҳамда ФҲДЁ органларини гербли гувоҳномалар билан таъминлашни тартибга солиш мақсадида Вазирлар Маҳкамаси қарор қилади:
1. Туғилганлик, никоҳ қайд этилганлиги ва ўлим ҳақидаги гербли гувоҳномалар шакли 1-3а-иловаларга* мувофиқ тасдиқлансин.
Кейинги таҳрирга қаранг.
* 1—3-иловалар берилмайди.
2. Гербли гувоҳномалар тайёрлаш билан боғлиқ харажатлар Вазирликнинг адлия ва суд муассасаларини ривожлантириш жамғармаси ҳисобидан амалга оширилсин.
Кейинги таҳрирга қаранг.
3. Белгилансинки, 1997 йил 1 июлдан бошлаб фуқароларга гербли гувоҳномалар беришда (ўлим ҳақидаги гербли гувоҳнома бундан мустасно) энг кам ойлик иш ҳақининг 5 фоизи миқдорида герб йиғими ундирилсин.
Кейинги таҳрирга қаранг.
4. Герб йиғимидан тушадиган маблағлар гербли гувоҳномалар ва фуқаролик ҳолатлари далолатномаси ёзувлари шаклларини тайёрлаш билан боғлиқ харажатларни қоплаш ва ФҲДЁ органларини ривожлантиришга сарфлаш учун Адлия вазирлиги ихтиёрида қолдирилсин.
5. Мазкур қарорнинг бажарилишини назорат қилиш Ўзбекистон Республикаси Адлия вазири С. Мирсафоев зиммасига юклансин.
Ўзбекистон Республикаси Бош вазири Ў. СУЛТОНОВ
Тошкент ш.,
1997 йил 30 июнь,
330-сон
Кейинги таҳрирга қаранг.
