«Суғурта тўғрисида» ва «Гаров тўғрисида»ги Ўзбекистон Республикаси қонунларига, Ўзбекистон Республикаси Президентининг «Ўзагросуғурта» давлат-акциядорлик суғурта компаниясини ташкил қилиш тўғрисида» 1997 йил 25 февралдаги Фармонига мувофиқ, деҳқончилик соҳасида товар ишлаб чиқарувчиларнинг манфаатларини суғурта пули билан ҳимоя қилишни таъминлаш мақсадида Вазирлар Маҳкамаси қарор қилади:

1. Суғурталовчининг суғурта жавобгарлигидан қуйидаги миқдорларда суғурта тўловлари белгилансин:

қишлоқ хўжалиги корхоналарининг кредитларни банкка қайтариш учун жавобгарлигини мажбурий суғурта қилиш бўйича — 2,5 фоиз;

деҳқончилик маҳсулотлари етиштириш бўйича ишларни ўтказиш учун аванс тариқасида бериладиган маблағларнинг қайтарилиши ва фьючерс контрактлар юзасидан мажбурий суғурта бўйича — 1 фоиз.

2. Ўзбекистон Республикаси Вазирлар Маҳкамасининг «Гаровга қўйилган мулкни мажбурий суғурта қилиш бўйича суғурта тўловлари миқдорларини белгилаш тўғрисида» 1994 йил 3 майдаги 233-сон қарорининг 1-банди қуйидаги мазмундаги хатбоши билан тўлдирилсин:

«Деҳқончилик соҳасида товар ишлаб чиқарувчилар учун суғурта тўловлари мулк қийматининг 1 фоизи миқдорида белгилансин».