Ўзбекистон Республикаси Солиқ кодекси, Ўзбекистон Республикаси Вазирлар Маҳкамасининг 2004 йил 28 декабрдаги «Ўзбекистон Республикасининг 2005 йилги Давлат бюджети параметрлари тўғрисида»ги 610-сонли қарори (Ўзбекистон Республикаси Қонун ҳужжатлари тўплами, 2004 йил., 52-сон, 523-модда) ва Ўзбекистон Республикаси Молия вазирлиги ва Давлат солиқ қўмитаси томонидан 1998 йил 20 февралда 5 ва 98-15-сон билан тасдиқланган Қишлоқ хўжалик корхоналарига қишлоқ хўжалик ишлаб чиқариши эҳтиёжлари учун етказиб бериладиган ёнилғи-мойлаш материаллари ва минерал ўғитлар учун қўшилган қиймат солиғи бўйича ноль ставкасини қўллаш тартибига (1998 йил 1 июнь, рўйхат рақами 441) мувофиқ, қарор қиламиз:

1. Хўжалик юритувчи субъектларда қўшилган қиймат солиғи бўйича ноль ставкасини қўллаш натижасида юзага келган салбий фарқни қоплаш тўғрисидаги низом иловага* мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.