Ўзбекистон Республикаси Олий Мажлисининг Қонунчилик палатаси томонидан 2006 йил 31 январда қабул қилинган «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Ўзбекистон Республикаси Қонунини кўриб чиқиб, Ўзбекистон Республикаси Конституциясининг 84-моддасига мувофиқ Ўзбекистон Республикаси Олий Мажлисининг Сенати қарор қилади:

1. «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Ўзбекистон Республикаси Қонуни рад этилсин.

2. Ушбу Қонун юзасидан юзага келган келишмовчиликларни бартараф этиш учун Ўзбекистон Республикаси Олий Мажлисининг Қонунчилик палатасига келишув комиссияси тузиш таклиф этилсин ва мазкур комиссия таркибига Ўзбекистон Республикаси Олий Мажлиси Сенатидан қуйидаги Сенат аъзолари сайлансин: Мавжуда Абдуллаевна Ражабова, Мирзаюсуф Хакимович Рустамбоев, Бахтиёр Ҳакимов.

3. Ушбу Қарор қабул қилинган кундан эътиборан кучга киради.