|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
УН, НОН ВА БОШҚА НОН МАҲСУЛОТЛАРИ ИШЛАБ ЧИҚАРИШНИ ҲИСОБГА ОЛИШ ТАРТИБИ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ун-ёрма, омихта озуқа ишлаб чиқариш ва нон пишириш саноати корхоналарининг ишлаб чиқариш фаолиятини объектив баҳолаш мақсадида Вазирлар Маҳкамаси қарор қилади:
1. «Ўзистиқболстат» давлат қўмитасининг ун, нон ва бошқа нон маҳсулотлари ишлаб чиқариш кўрсаткичларини ҳақиқатда ишлаб чиқарилган маҳсулот бўйича, уни ўтган (базис) йилнинг тегишли даврига нисбатан 100 фоиз деб қабул қилган ҳолда баҳолаш тўғрисидаги таклифи қабул қилинсин.
2. «Ўздонмаҳсулот» давлат корпорацияси, «Ўзбексавдо» уюшмаси, Ўзбекбирлашув ҳамда «Ўзистиқболстат» давлат қўмитаси статистик ва ички тармоқ ҳисоботларини ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Бош вазир ўринбосари Ў.Қ. Исмоилов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 17 июль,
274-сон
