Моддий-техника ресурслари нархларининг анча ошиб бораётганлиги ҳамда республика йўл хўжалиги ходимларининг тариф ставкалари ва лавозим маошларининг ошиши муносабати билан Вазирлар Маҳкамаси қарор қилади:

белгилаб қўйилсинки, 1992 йилнинг 1 октябридан бошлаб умумий фойдаланишдаги автомобиль йўлларини тузатиш ва сақлашга маблағлар қуйидаги ажратмалар ҳисобига амалга оширилади:

жамоа ва давлат хўжаликлари, саноат, транспорт, қурилиш ва бошқа корхоналарнинг, хўжалик ташкилотлари, кооперативлар ва кичик корхоналарнинг жорий йилда маҳсулот ишлаб чиқариш амалдаги ҳажмидан бир фоиз миқдорида;

тайёрлов, савдо корхоналари ва ташкилотлари, шу жумладан, «Ўзбексавдо» уюшмасининг умумий овқатланиш ва улгуржи ташкилотларининг таъминот-сотиш ташкилотларининг жорий йилдаги — амалдаги оборотидан 0,1 фоиз миқдорида.