|
Ҳужжат кучини йўқотган 16.06.2020
|
Ўзбекистон Республикаси Вазирлар Маҳкамасининг
қарори
Автомототранспорт воситаларидан фойдаланиш ва тасарруф қилиш ҳуқуқини берувчи ишончномаларни нотариал идораларда тасдиқлаганлик учун давлат божи ставкалари миқдорларини ўзгартириш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2020 йил 16 июндаги 384-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида («Давлат божи тўғрисида»ги Ўзбекистон Республикаси Қонуни)» қарорига асосан ўз кучини йўқотган.
Автомототранспорт воситаларига нисбатан нотариал ҳаракатлар содир этиш амалиётини барқарорлаштириш мақсадида Вазирлар Маҳкамаси қарор қилади:
1. Ўзбекистон Республикаси Вазирлар Маҳкамасининг 1994 йил 3 ноябрдаги 533-сон қарори билан тасдиқланган Давлат божи ставкалари 4-бандининг «м» кичик бандига (Ўзбекистон Республикаси ҚТ, 1994 й., 11-сон, 49-модда) ўзгартириш ва қўшимчалар киритилсин ва ушбу кичик банд қуйидаги таҳрирда баён қилинсин:
|
«м) |
қуйидагиларни тасдиқлаганлик учун: | | ||
| | ота-оналар, эр-хотин ва уларнинг ота- оналари, болалар ва уларнинг эр-хотинлари, ака-укалар, опа-сингиллар, набиралар, жиянларга автомототранспорт воситаларидан фойдаланиш ва тасарруф қилиш ҳуқуқини берувчи ишончномаларни тасдиқлаганлик учун | энг кам иш ҳақининг 10 фоизи миқдорида; | ||
| | автомототранспорт воситаларидан бошқа шахсларнинг фойдаланиши ҳуқуқини берувчи ишончномаларни тасдиқлаганлик учун | энг кам иш ҳақининг 1 баравари миқдорида; | ||
| | автомототранспорт воситаларини бошқа шахслар тасарруф этиши ҳуқуқини берувчи ишончномаларни тасдиқлаганлик учун | энг кам иш ҳақининг 10 баравари миқдорида.». | ||
2. Ўзбекистон Республикаси Молия вазирлиги Давлат солиқ қўмитаси билан биргаликда «Давлат божи ҳақида» Ўзбекистон Республикаси Қонунини қўллашга доир йўриқномага тегишли ўзгартиришлар киритсин.
Вазирлар Маҳкамасининг Раиси И. КАРИМОВ
Тошкент ш.,
1996 йил 11 октябрь,
358-сон
(Ўзбекистон Республикаси Ҳукуматининг қарорлари тўплами, 1996 й., 10-сон, 29-модда)
