toggle_night_mode
Ҳужжат 30.06.2020 санаси ҳолатига
Амалдаги версияга ўтиш
Ўзбекистон Республикаси Президентининг
Қарори
Қишлоқ хўжалиги машинасозлиги соҳасини бошқариш тизимини янада такомиллаштиришга оид чора-тадбирлар тўғрисида
Қишлоқ хўжалиги машинасозлиги корхоналарини бошқариш тизимини янада мақбуллаштириш ва такомиллаштириш мақсадида:
1. Ўзбекистон Республикаси Давлат активларини бошқариш агентлигининг «Ўзагротехсаноатхолдинг» акциядорлик жамиятини тугатиш тўғрисидаги таклифига розилик берилсин.
2. «Ўзагротехсаноатхолдинг» акциядорлик жамиятини тугатиш комиссияси иловага мувофиқ таркибда тузилсин.
Ўзбекистон Республикаси Вазирлар Маҳкамаси икки ҳафта муддатда «Ўзагротехсаноатхолдинг» АЖни тугатиш бўйича «йўл харитаси»ни тасдиқласин ва унинг бажарилишини таъминлансин.
Кейинги таҳрирга қаранг.
3. Белгилансинки, «Ўзагротехсаноатхолдинг» АЖ корхоналари учун имтиёзлар ва преференциялар (қўшилган қиймат солиғи бўйича имтиёзлар бундан мустасно) бериш бўйича илгари қабул қилинган қонун ҳужжатлари ўз кучини Ўзбекистон Республикаси Президенти ва Ҳукуматининг тегишли ҳужжатлари билан белгиланган муддат тугагунга қадар сақлаб қолади.
4. Ўзбекистон Республикаси Давлат активларини бошқариш агентлиги манфаатдор идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 30 июнь,
ПҚ-4765-сон
Ўзбекистон Республикаси Президентининг 2020 йил 30 июндаги ПҚ-4765-сон қарорига
ИЛОВА
«Ўзагротехсаноатхолдинг» акциядорлик жамиятини тугатиш комиссияси
ТАРКИБИ

1.

С. Бекенов

—

Ўзбекистон Республикаси Давлат активларини бошқариш агентлиги директори, тугатиш комиссияси раиси

2.

О. Насритдинходжаев

—

Ўзбекистон Республикаси молия вазиринингбиринчи ўринбосари, тугатиш комиссияси раиси ўринбосари

3.

Б. Абдиназаров

—

Ўзбекистон Республикаси иқтисодий тараққиёт ва камбағалликни қисқартириш вазири ўринбосари, тугатиш комиссияси раиси ўринбосари

4.

О. Кудратов

—

Ўзбекистон Республикаси Ҳисоб палатаси бош инспектори

5.

Лавозимига кўра

—

Ўзбекистон Республикаси Вазирлар Маҳкамаси Саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғи ўринбосари

6.

Х. Мелиев

—

Ўзбекистон Республикаси адлия вазири ўринбосари

7.

С. Ходжаев

—

Ўзбекистон Республикаси қишлоқ хўжалиги вазири ўринбосари

8.

Ф. Умаров

—

Ўзбекистон Республикаси Давлат солиқ қўмитаси раиси ўринбосари

9.

Т. Самандаров

—

Ўзбекистон Республикаси Давлат активларини бошқариш агентлигининг бошқарма бошлиғи

10.

Н. Отажонов

—

«Ўзагротехсаноатхолдинг» АЖ бошқаруви раиси

11.

Р. Юсупов

—

«Ўзавтосаноат» АЖ бошқаруви раиси ўринбосари

12.

Н. Волосина

—

«Ўзагротехсаноатхолдинг» АЖ бошқарма бошлиғи

13.

О. Омонов

—

Ўзбекистон Республикаси Молия вазирлигининг Давлат молиявий назорат департаменти директори ўринбосари

14.

Д. Мухаммадиев

—

«Ўзагротехсаноатхолдинг» АЖ бошқарма бошлиғи, тугатиш комиссияси котиби

Изоҳ: тугатиш комиссияси аъзолари бошқа ишга ўтган тақдирда, унинг таркибига ушбу лавозимларга янгидан тайинланган ёки тегишли вазифаларни бажариш зиммасига юклатилган шахслар киритилади.
Кейинги таҳрирга қаранг.
(Қонун ҳужжатлари маълумотлари миллий базаси, 30.06.2020 й., 07/20/4765/1003-сон; 27.04.2024 й., 06/24/67/0307-сон)