|
Ҳужжат кучини йўқотган 27.02.2005
|
Ҳужжат 05.06.1996 санаси ҳолатига
Амалдаги версияга ўтиш |
Ўзбекистон Республикаси Олий Мажлисининг
Қарори
«ЎЗБЕКИСТОН РЕСПУБЛИКАСИДА ДЕПУТАТНИ ЧАҚИРИБ ОЛИШ ТАРТИБИ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ҲАҚИДА
LexUZ шарҳиМазкур қарор Ўзбекистон Республикаси Олий Мажлисининг 2004 йил 2 декабрдаги 709-II-сонли «Халқ депутатлари маҳаллий Кенгаши депутатини, Ўзбекистон Республикаси Олий Мажлисининг Қонунчилик палатаси депутатини ва Сенати аъзосини чақириб олиш тўғрисида»ги Ўзбекистон Республикаси Қонунини амалга киритиш ҳақида»ги қарорига мувофиқ ўз кўчини йўқотган.
Ўзбекистон Республикаси Олий Мажлиси қарор қилади:
1. «Ўзбекистон Республикасида депутатни чақириб олиш тартиби тўғрисида»ги Ўзбекистон Республикаси Қонуни матбуотда эълон қилинган кундан бошлаб амалга киритилсин.
LexUZ шарҳи«Ўзбекистон Республикасида депутатни чақириб олиш тартиби тўғрисида»ги Ўзбекистон Республикаси Қонуни «Халқ сўзи» газетасининг 1996 йил 5 июндаги 111 (1364)-сонида эълон қилинган.
2. Қайд этилсинки, Қорақалпоғистон Республикасида депутатни чақириб олиш тартиби Қорақалпоғистон Республикасининг қонун ҳужжатлари билан белгиланади.
3. 1992 йил 14 январда қабул қилинган «Ўзбекистон Республикасида депутатни чақириб олиш тартиби тўғрисида»ги Ўзбекистон Республикаси Қонуни (Ўзбекистон Республикаси Олий Кенгашининг Ахборотномаси, 1992 йил, № 4, 179-модда) ўз кучини йўқотган деб ҳисоблансин.
Ўзбекистон Республикаси Олий Мажлисининг Раиси Э. ХАЛИЛОВ
Тошкент ш.,
1996 йил 26 апрель,
230-I-сон
(Ўзбекистон Республикаси Олий Мажлисининг Ахборотномаси, 1996 й., 5-6-сон, 68-модда)
