1.02.00.00.00 Давлат бошқаруви асослари / 02.08.00.00 Иқтисодиёт, ижтимоий-маданий қурилиш соҳасидаги давлат бошқарувининг умумий масалалари / 02.08.06.00 Маъмурий тартиб-таомиллар / 02.08.06.04 Давлат хизматларини кўрсатиш;
2.09.00.00.00 Тадбиркорлик ва хўжалик фаолияти / 09.02.00.00 Рақобат тўғрисида қонунчилик. Табиий монополиялар / 09.02.02.00 Монополия фаолияти. Рақобатли сиёсат]
Ўзбекистон Республикаси Вазирлар Маҳкамасининг
қарори
Товар ва молия бозорларида монополияга қарши тартибга солиш соҳасидаги давлат хизматларини кўрсатишнинг айрим маъмурий регламентларини тасдиқлаш тўғрисида
Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида» 2017 йил 12 декабрдаги ПФ-5278-сон Фармони ва Вазирлар Маҳкамасининг «2019 йилда агентликлар, қўмиталар, марказлар, давлат инспекциялари ва давлат бошқаруви бошқа органларининг фаолияти самарадорлигини ва мақсадли вазифаларга эришишларини баҳолашнинг асосий мезонлари тўғрисида» 2019 йил 4 апрелдаги 278-сон қарорига мувофиқ ҳамда товар ва молия бозорларида монополияга қарши тартибга солиш соҳасидаги давлат хизматларини кўрсатиш тизимини янада такомиллаштириш мақсадида Вазирлар Маҳкамаси қарор қилади:
1. Қуйидагилар:
Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш бўйича давлат хизматларини кўрсатишнинг маъмурий регламенти 1-иловага мувофиқ;
Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш бўйича давлат хизматларини кўрсатишнинг маъмурий регламенти 2-иловага мувофиқ тасдиқлансин.
2. Белгилансинки, ушбу қарор билан тасдиқланган маъмурий регламентларга мувофиқ кўрсатиладиган давлат хизматларидан фойдаланиш учун жисмоний ва юридик шахслар фақат Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қиладилар.
3. Ўзбекистон Республикаси Монополияга қарши курашиш қўмитаси ва Адлия вазирлиги ҳузуридаги Давлат хизматлари агентлиги:
ЯИДХПда электрон давлат хизматларини жорий қилиш бўйича техник ҳужжатни ўн кун муддатда белгиланган тартибда ишлаб чиқиш, келишиш ва тасдиқлаш учун Ўзбекистон Республикаси Ахборот технологиялари ва коммуникацияларини ривожлантириш вазирлигига киритилишини;
Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда ушбу қарор билан тасдиқланган давлат хизматлари кўрсатишда иштирок этувчи тузилмаларнинг ЯИДХПга уланишини;
Давлат хизматлари марказларининг ходимлари иштирокида ушбу қарор билан тасдиқланган маъмурий регламентларни амалда қўллашнинг самарадорлиги ва натижадорлиги даражасини оширишга йўналтирилган ўқув семинарлари ташкил этилиши ва ўтказилишини таъминласин.
[ОКОЗ:
1.02.00.00.00 Давлат бошқаруви асослари / 02.07.00.00 Маъмурий-ҳуқуқий тартиблар (режимлар) / 02.07.08.00 Жисмоний ва юридик шахсларнинг мурожаатлари]
4. Ўзбекистон Республикаси Ахборот технологиялари ва коммуникацияларини ривожлантириш вазирлиги Адлия вазирлиги ҳузуридаги Давлат хизматлари агентлиги билан биргаликда ЯИДХПда ушбу қарор билан тасдиқланган давлат хизматлари кўрсатилишининг ҳар бир босқичида жисмоний ва юридик шахслар мурожаатларининг кўриб чиқилишини кузатиб бориш тартибини жорий этсин.
5. Ўзбекистон Республикаси Адлия вазирлиги ҳузуридаги Давлат хизматлари агентлиги:
давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши юзасидан уларнинг фаолияти бўйича, жумладан, ЯИДХП орқали доимий назорат ўрнатсин;
ушбу қарор билан тасдиқланган давлат хизматларини кўрсатишнинг маъмурий регламентлари талабларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазоларни қўлласин.
6. Белгилаб қўйилсинки, Ўзбекистон Республикаси Монополияга қарши курашиш қўмитаси ва Адлия вазирлиги ҳузуридаги Давлат хизматлари агентлиги раҳбарлари ушбу қарорда назарда тутилган вазифаларнинг ўз вақтида, тўлиқ ва сифатли бажарилиши учун шахсан жавоб берадилар.
1.21.00.00.00 Ўзгартириш ва қўшимчалар киритиш бўйича комплекс тусдаги ҳужжатлар / 21.03.00.00 Ўзбекистон Республикаси Вазирлар Маҳкамасининг қарорлари]
7. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
8. Ўзбекистон Республикаси Монополияга қарши курашиш қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси Монополияга қарши курашиш қўмитаси раиси Н.Ш. Шарипов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 28 май,
338-сон
Вазирлар Маҳкамасининг 2020 йил 28 майдаги 338-сон қарорига 1-ИЛОВА
Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш бўйича давлат хизматларини кўрсатишнинг
2. Ушбу Регламентда қуйидаги асосий тушунчалардан фойдаланилади:
инвестор — хўжалик юритувчи субъектларнинг устав фондидаги (устав капиталидаги) акцияларни (улушларни) ўз номидан ва ўз ҳисобидан олувчи юридик ёки жисмоний шахс, шунингдек, шахслар гуруҳи;
хўжалик юритувчи субъект — устав фонди (устав капитали) акцияларга (улушларга) бўлинган, товарларни (ишларни, хизматларни) ишлаб чиқариш, олиш ва сотиш билан шуғулланувчи юридик шахс;
акцияларни (улушларни) олиш бўйича битим — хўжалик юритувчи субъектларнинг устав фондидаги (устав капиталидаги) акциялар (улушлар) бўйича олди-сотди, уларни мерос қилиб қолдириш, устав фондига киритиш ва акциялар (улушлар), гаровлар эгасининг алмашувига олиб келадиган бошқа битимлар ва инвесторга хўжалик юритувчи субъектнинг устав фондидаги (устав капиталидаги) акцияларнинг (улушларнинг) тегишли фоизларидан фойдаланиш ва уларни тасарруф этиш имконини берадиган битимлар, шунингдек, хўжалик юритувчи субъектнинг устав фонди (устав капитали) миқдори кўпайганда олинадиган акциялар (улушлар) учун тўлов сифатида мол-мулкни киритиш;
ваколатли орган — Ўзбекистон Республикаси Монополияга қарши курашиш қўмитаси ва унинг Қорақалпоғистон Республикаси, вилоятлар ва Тошкент шаҳар ҳудудий бошқармалари;
битимлар иштирокчилари — инвестор ҳамда инвестор томонидан акциялар (улушлар) олинадиган хўжалик юритувчи субъект.
3. Ушбу Регламент:
бир ёки бир нечта битимлар натижасида инвестор томонидан хўжалик юритувчи субъектнинг устав фондидаги (устав капиталидаги) акцияларни (улушларни) олишга;
хўжалик юритувчи субъектни ташкил этишда унинг муассисларига;
хўжалик юритувчи субъект томонидан ўз акцияларини олишга доир битимларга;
акциядорлик жамияти ўз устав фондининг (устав капиталининг) миқдорини сақлаб қолган тақдирда, бошқа ташкилий-ҳуқуқий шаклга ўзгартирилганда;
устав фондидаги (устав капиталидаги) акцияларни (улушларни) ишончли бошқарувга берилганда, шунингдек, акциялар (улушлар) кейинчалик қайта сотиш мақсадида инвестиция воситачилари томонидан олинганда;
устав фондидаги (устав капиталидаги) акциялар (улушлар) хўжалик юритувчи субъект томонидан Ўзбекистон Республикаси Президенти ёки Ўзбекистон Республикаси Вазирлар Маҳкамаси қарорига мувофиқ олишга доир битимларга;
устав фондидаги (устав капиталидаги) акцияларни (улушларни) жисмоний шахс томонидан олишга доир битимларга, агар сўровнома билан мурожаат этилган пайтда бундай жисмоний шахс бирор-бир хўжалик юритувчи субъектнинг устав фондидаги (устав капиталидаги) акцияларнинг (улушларнинг) эллик фоизидан ортиғини тасарруф этмаган бўлса, татбиқ этилмайди.
5. Хўжалик юритувчи субъектнинг устав фондидаги (устав капиталидаги) акцияларни (улушларни) олишга доир битимларни тузиш жараёнида рақобат тўғрисидаги қонун ҳужжатларига риоя этилиши ваколатли органнинг олдиндан розилигини олиш йўли билан назорат қилинади.
Қуйидаги ҳолларда шахс ёки шахслар гуруҳи томонидан хўжалик юритувчи субъект устав фондидаги (устав капиталидаги) акцияларни (улушларни) олиш бўйича битимларга ваколатли органнинг олдиндан розилигини олиш зарур бўлади, агар:
бундай шахс ёки шахслар гуруҳи кўрсатилган акцияларнинг (улушларнинг) эллик фоизидан ортиғини тасарруф этиш ҳуқуқини олса;
битимда иштирок этаётган шахслар активларининг жами баланс қиймати ёки охирги календарь йилда товарларни сотишдан олинган жами тушум базавий ҳисоблаш миқдорининг юз минг баравари миқдоридан ортиқ бўлса ёхуд битим иштирокчиларидан бири товар ёки молия бозорида устун мавқени эгаллаб турган хўжалик юритувчи субъект бўлса.
6. Хўжалик юритувчи субъектнинг устав фондидаги (устав капиталидаги) акцияларни (улушларни) инвестор томонидан олиш бўйича битимни тузишга олдиндан розилик бериш тўғрисидаги сўровнома қуйидагилар томонидан кўриб чиқилади:
а) Ўзбекистон Республикаси Монополияга қарши курашиш қўмитаси томонидан:
республиканинг барча ҳудудларида ёки бир нечта ҳудудида ўз фаолиятини амалга оширувчи хўжалик юритувчи субъектнинг устав фондидаги (устав капиталидаги) акцияларни (улушларни) олишда;
агар хўжалик юритувчи субъект ва инвестор ёки шахслар гуруҳи ҳисобланадиган инвесторлар республиканинг турли ҳудудларида жойлашган бўлса — устав фондидаги (устав капиталидаги) акцияларни (улушларни) олишда;
хўжалик юритувчи субъектнинг устав фондидаги (устав капиталидаги) акцияларни (улушларни) олишда, битимда иштирок этаётган шахслардан бирининг жами актив баланс қиймати ёки охирги календарь йилда товарларни сотишдан олинган соф тушуми базавий ҳисоблаш миқдорининг икки юз минг баравари миқдоридан ортиқ бўлса;
б) республиканинг тегишли ҳудудида ўз фаолиятини амалга оширадиган хўжалик юритувчи субъектларнинг устав фондидаги (устав капиталидаги) акцияларни (улушларни) олишда, Ўзбекистон Республикаси Монополияга қарши курашиш қўмитасининг ҳудудий бошқармалари томонидан кўриб чиқилади.
7. Қимматли қоғозлар савдоларининг ташкилотчилари қимматли қоғозлар савдоларини ташкил этиш қоидаларига кўра, инвесторни ушбу Регламентда назарда тутилган хўжалик юритувчи субъектнинг устав фондидаги акцияларни олиш тартибига риоя қилишнинг зарурлиги тўғрисида хабардор қилиши шарт, қимматли қоғозлар мулкдори ёки қимматли қоғозлар савдоларини ташкил этиш қоидаларида белгиланган тартибда қимматли қоғозларга мулкий ҳуқуқ эгалари бундан мустасно.
Қимматли қоғозлар марказий депозитарийси инвестор томонидан мазкур Регламентда назарда тутилган миқдорда акцияларни олиш тартибини назорат қилиш мақсадида ҳар йили 15 мартдан кечикмай, монополияга қарши органга акциядорлик жамиятининг устав фондидаги акцияларнинг эллик ва ундан ортиқ фоизига эга бўлган шахслар рўйхатини электрон шаклда тақдим этади.
8. Давлат хизматлари марказлари (кейинги ўринларда — Давлат хизматлари маркази) ва ваколатли орган ўртасида ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.
Давлат хизматлари ушбу Регламентга 1-иловага мувофиқ Хўжалик юритувчи субъектлар устав фондидаги (устав капиталидаги) акцияларни (улушларни) олишга олдиндан розилик олиш схемаси бўйича кўрсатилади.
2-боб. Шахслар гуруҳи деб эътироф этиш
9. Ягона (умумий) иқтисодий манфаатга эга бўлган ҳамда «Рақобат тўғрисида»ги Ўзбекистон Республикаси Қонунининг 5-моддасида назарда тутилган шартларга жавоб берадиган шахслар йиғиндиси шахслар гуруҳи деб эътироф этилади.
Бунда товарлар (ишлар, хизматлар) муайян бозорида хўжалик юритувчи субъект ва инвестор шахслар гуруҳининг жами улуши уларнинг индивидуал улушлари, шунингдек, акциялари (улушлари) ёки мулкий ҳуқуқларига инвестор ёки хўжалик юритувчи субъект эгалик қиладиган бошқа юридик шахсларнинг улушлари йиғиндиси ҳисобланади.
10. Ваколатли орган юридик ва жисмоний шахсларни шахслар гуруҳи деб эътироф этиш учун зарур бўлган қуйидаги ахборотларни тегишли давлат органлари ва бошқа ташкилотлардан сўраб олишга ҳақлидир:
инвесторларнинг, шунингдек, уларнинг муассисларининг хўжалик юритувчи субъект таъсис ҳужжатларида устав фондидаги (устав капиталидаги) улушлари тўғрисида;
инвесторнинг, шунингдек, унинг муассисларининг бошқа хўжалик юритувчи субъектларнинг устав фондларидаги (устав капиталларидаги) акциялар ёки улушларга эгалик қилиш қисмига доир инвестициявий фаолияти тўғрисида;
хўжалик юритувчи субъектларнинг ва (ёки) инвесторнинг хизматлар кўрсатишга доир асосий фаолият турлари ҳамда уларнинг муайян товар (ишлар, хизматлар) бозоридаги улушлари тўғрисида.
Ушбу бандда санаб ўтилган маълумотлар инвестор томонидан тақдим этилади. Агар инвесторда ушбу ахборотлар мавжуд бўлмаса, ваколатли орган томонидан улар бундай ахборотга бевосита эга бўлган бошқа шахслардан сўраб олиниши мумкин.
3-боб. Акцияларни (улушларни) олишда давлат хизматларини кўрсатиш тартиби
11. Инвестор акцияларни (улушларни) олиш бўйича битимларга олдиндан розилик олиш юзасидан давлат хизматидан фойдаланиш учун Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) давлат хизматидан фойдаланиш учун электрон тарзда рўйхатдан ўтади.
12. Ўзи келиб мурожаат этган тақдирда, Давлат хизматлари маркази ходими инвестор номидан, ЯИДХП орқали мурожаат этган тақдирда эса, инвестор мустақил равишда ушбу Регламентга 2-иловага мувофиқ шакл бўйича сўровномани электрон шаклда тўлдиради.
Сўровномага қуйидагилар илова қилинади:
инвестор сўровнома тўлдирган кундан олдинги икки йил мобайнида ёхуд агар фаолият икки йилдан камроқ муддатни ташкил этса, фаолият амалга оширилган муддат мобайнида олиб борган фаолият турлари, ишлаб чиқарган ва реализация қилган товарлар (ишлар, хизматлар) турларининг номлари ҳамда ҳажмлари тўғрисидаги маълумотлар;
ўтган икки календарь йилга доир молиявий (1 ва 2-шакл) ва статистика ҳисоботи;
шахслар гуруҳининг таркиби тўғрисидаги, бу шахсларнинг ушбу гуруҳга кириш асослари кўрсатилган маълумотларни ва устав фондидаги (устав капиталидаги) акцияларни (улушларни) олиш бўйича кўриб чиқилаётган битимларга тааллуқли бошқа ахборотлар;
сўровномани кўриб чиқиш учун йиғим тўланганлигини тасдиқловчи ҳужжат.
Инвестордан ушбу бандда кўрсатилмаган маълумотларни ҳамда бошқа ҳужжатларни талаб қилиш қатъиян тақиқланади.
Инвестор ушбу бандда кўрсатилган бирор-бир маълумотларни тақдим этиш имконияти бўлмаганда, унинг сабабларини кўрсатиши шарт.
Агар хорижий инвестор объектив сабабларга кўра молиявий ҳисоботни тақдим этиш имкониятига эга бўлмаса, ушбу ҳужжат мавжуд бўлмаган тақдирда ҳам устав фондидаги (устав капиталидаги) акцияларни (улашларни) олиш бўйича исталган битимни тузишга олдиндан розилик олиши зарур.
Ахборот таркибида тижорат сирининг мавжудлиги уни ваколатли органга тақдим қилишни рад этиш учун асос бўлмайди, бунда хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимлар иштирокчилари ваколатли органга ахборот тақдим этишда, тижорат сиридан иборат бўлган маълумотларнинг муфассал рўйхатини кўрсатиши керак.
13. Сўровнома тўлдирилгандан сўнг инвестор маълумотларнинг тўғрилигини текшириб, сўровномани ўз ЭРИ билан тасдиқлайди.
Сўровномани ЭРИ билан тасдиқлаш имконияти бўлмаган ҳолларда, тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
14. Шахс ва шахслар гуруҳи томонидан хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимларга олдиндан розилик бериш тўғрисидаги сўровномани кўриб чиқиш учун базавий ҳисоблаш миқдорининг ўн баравари миқдорида йиғим ундирилади.
Акцияларни (улушларни) олиш бўйича битимларга олдиндан розилик олиш учун ЯИДХП орқали мурожаат этилганда, ушбу банднинг биринчи хатбошида кўрсатилган йиғим суммасининг 90 фоизи ундирилади.
Акцияларни (улушларни) олиш бўйича битимларга олдиндан розилик олиш учун йиғим тўланганлиги ахборот-коммуникация тизимлари орқали тасдиқланади.
а) Давлат хизматлари марказига ўзи келиб мурожаат этганда:
20 фоизи — Ўзбекистон Республикаси Адлия вазирлиги ҳузуридаги Давлат хизматлари агентлиги бюджетдан ташқари жамғармасининг шахсий ҳисобварағига;
қолган маблағлар тўлиқ миқдорда Монополияга қарши курашиш қўмитаси бюджетдан ташқари жамғармасининг шахсий ҳисобрақамига;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлиги ҳузуридаги Давлат хизматлари агентлиги бюджетдан ташқари жамғармасининг шахсий ҳисобварағига;
11,25 фоизи — Ахборот-коммуникация технологияларини ривожлантириш жамғармасида электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар тўлиқ миқдорда Монополияга қарши курашиш қўмитаси бюджетдан ташқари жамғармасининг шахсий ҳисобварағига ўтказилади.
16. Инвестор акцияларни (улушларни) олиш бўйича битимларга олдиндан розилик олиш юзасидан давлат хизматларидан фойдаланганда, уларни кўрсатишнинг ҳар қандай босқичида бош тортиш ҳуқуқига эга.
Инвестор олдиндан розилик олиш бўйича давлат хизматларидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.
17. Инвестор ёки унинг ишончли вакили ўзи келиб мурожаат этганда, Давлат хизматлари маркази сўровнома тўлдирилган вақтдан бошлаб бир соат ичида уни ваколатли органга юборади. ЯИДХП орқали мурожаат қилинганда эса, сўровнома автоматик тарзда ваколатли органга юборилади.
18. Ушбу Регламентнинг 12-бандида кўрсатилган ахборот ёки ҳужжатларсиз ва уларнинг тақдим этишнинг имконияти бўлмаганлигини изоҳловчи сабаблар кўрсатилмаган ҳолда ваколатли органга берилган сўровнома кўриб чиқиш учун қабул қилинмайди. Бундай ҳолларда ваколатли орган сўровномани кўриб чиқмасдан уч кун мобайнида Давлат хизматлари марказига (ўзи келиб мурожаат этган тақдирда) ёки мурожаатчига (электрон шаклда мурожаат этган тақдирда) ЯИДХП орқали электрон шаклда қайтаради.
19. Хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимларни тузишга олдиндан розилик бериш тўғрисидаги сўровнома ваколатли орган раҳбарининг буйруғи билан ташкил этиладиган махсус комиссия томонидан кўриб чиқилади.
20. Хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича тузиладиган битимнинг рақобатни чеклашга таъсир кўрсатиш ҳолатларини ўрганиш мақсадида ваколатли орган кўриб чиқилаётган битимга бевосита тааллуқли бўлган қўшимча ахборотни тегишли давлат органлари ва бошқа ташкилотлардан сўраб олиши мумкин.
21. Сўровномада ва унга илова қилинган ҳужжатларда (ахборотларда) киритилган ҳолатлар ўзгарган тақдирда, битим қатнашчилари бу ҳақда ваколатли органни улар қарор қабул қилгунгача ёзма шаклда хабардор қилади. Бундай ҳолларда ваколатли орган ўзгаришлар тўғрисида ахборот олган кун сўровнома олинган кун ҳисобланади.
Ваколатли органга сўровномага илова қилинган ҳужжатлардаги ҳолат ўзгарганлиги ҳақида ахборот тақдим этмаслик, рақобат тўғрисидаги қонун ҳужжатларида назарда тутилган жавобгарликка сабаб бўлади.
22. Ваколатли орган, агар:
ҳаракатларни содир этишга (битимлар тузишга) олдиндан розилик бериш тўғрисидаги мурожаатнинг қаноатлантирилиши товар ёки молия бозорида тегишли хўжалик юритувчи субъектнинг ёки шахслар гуруҳининг устун мавқеи юзага келишига ёки кучайишига ва (ёки) рақобатнинг чекланишига олиб келиши мумкин бўлса;
Акцияларни (улушларни) олиш бўйича битимларга олдиндан розилик олиш юзасидан давлат хизматларини кўрсатишни бошқа асосларга кўра рад этиш қатъиян тақиқланади.
23. Кўриб чиқиш натижалари бўйича махсус комиссия ҳужжатларнинг тўлиқ пакети илова қилинган сўровнома олинган вақтдан бошлаб ўн календарь кундан кечикмай, хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимларни тузишга олдиндан розилик бериш ёхуд уни рад этиш тўғрисида қарор қабул қилади ҳамда қарор QR-код (матрик штрихли код) қўйилган ҳолда расмийлаштиради ва уни тегишли давлат хизматлари марказига (ўзи келиб мурожаат этган тақдирда) ёки мурожаатчига (электрон шаклда мурожаат этган тақдирда) ЯИДХП орқали электрон шаклда юборади.
Зарур бўлганда, ваколатли органда битим рақобатни, шу жумладан товар ёки молия бозорида устун мавқени пайдо қилиш ёхуд кучайтириш воситасида чеклашга олиб келишига ёки олиб келиши мумкинлигига асослар пайдо бўлган тақдирда, сўровномани кўриб чиқиш муддати кўпи билан бир ойга узайтирилиши мумкин, бу тўғрисида давлат хизматлари марказига (ўзи келиб мурожаат этган тақдирда) ёки инвесторга (электрон шаклда мурожаат этган тақдирда) ЯИДХП орқали хабар қилинади.
24. Давлат хизматлари маркази акцияларни (улушларни) олиш бўйича битимларга олдиндан розилик бериш ёхуд уни рад этиш тўғрисидаги қарор келиб тушганидан сўнг бир соат мобайнида уни инвесторнинг электрон манзилига юборади ва бу ҳақда инвесторни ахборот-коммуникация тизими орқали хабардор қилади. Инвесторнинг сўровига асосан давлат хизматлари маркази олдиндан розилик бериш тўғрисидаги қарорни қоғоз шаклида унга ўз муҳрини қўйган ҳолда бериши мумкин.
25. Акцияларни (улушларни) олиш бўйича битимлар уларга олдиндан розилик бериш тўғрисидаги қарор қабул қилинган вақтдан бошлаб бир йил мобайнида тузилиши керак. Битимлар кўрсатиб ўтилган муддатда тузилмаган тақдирда, қарор ўз кучини йўқотади.
26. Ваколатли орган томонидан инвесторнинг сўровномасини кўриб чиқиш муддати мобайнида акцияларни (улушларни) олиш бўйича битимларга олдиндан розилик бериш ёки розилик беришни рад этиш тўғрисида қарор қабул қилинмаган тақдирда, ушбу Регламентнинг 23-банди иккинчи хатбошида кўрсатилган муддат ўтгач, инвестор бу тўғрисида ваколатли органни ёзма шаклда хабардор қилган ҳолда, хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимни тузиш ҳуқуқига эга.
27. Ушбу Регламентнинг 26-бандида назарда тутилган ҳолатда, ваколатли орган инвестор ёки унинг ишончли шахсининг ёзма шаклдаги хабари олингандан кейин беш иш куни мобайнида хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимни тузиш юзасидан инвесторга розилик бериш тўғрисида қарор қабул қилиши шарт. Ваколатли органнинг қарори олингунгача, уларнинг қабул қилинган ва инвестор ёки унинг ишончли шахси томонидан ваколатли органга юборилган ёзма шаклдаги хабарининг санаси кўрсатилган ҳолда тақдим этилган ҳужжатлар рўйхати хўжалик юритувчи субъектнинг устав фондидаги (устав капиталидаги) акцияларини (улушларини) олиш бўйича битимни тузишга олдиндан розилик олингани тўғрисидаги қарорга тенглаштирилади ва ушбу битимни тузиш учун асос ҳисобланади.
28. Зарурат бўлганда, махсус комиссия мажлисига хўжалик юритувчи субъектнинг устав фондидаги (устав капиталидаги) акцияларни (улушларни) олишга олдиндан розилик олиш учун ваколатли органга мурожаат қилган шахслар (ишончнома бўйича уларнинг вакиллари), молия ташкилотлари фаолиятини тартибга солиш ва назорат қилиш бўйича ваколатли давлат органлари вакиллари, шунингдек, ушбу битимни амалга оширишдан манфаатдор бўлган шахслар таклиф этилиши мумкин.
29. Ваколатли орган хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимларни тузишга олдиндан розилик беришга ва уларни рақобатни таъминлашга йўналтирилган талабларнинг белгиланган муддатларда бажарилишига боғлиқ қилиб қўйишга ҳақлидир. Бунда мазкур талаблар, шунингдек, уларни бажариш муддатлари устав фондидаги (устав капиталидаги) акцияларни (улушларни) олиш бўйича битимларни тузишга олдиндан розилик бериш тўғрисидаги ваколатли органнинг қарорида мавжуд бўлиши керак.
Хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимларни тузиш тегишли инвесторнинг товар ёки молия бозоридаги устунлик мавқеининг пайдо бўлишига ёки кучайишига ва/ёки рақобатни чеклашга олиб келиши мумкин бўлса, ушбу битимни тузиш тўғрисида қарор қабул қилган юридик ва/ёки жисмоний шахслар, ваколатли органнинг талабига кўра, рақобатнинг зарур шартларини тиклаш бўйича чоралар кўришлари шарт.
30. Ваколатли орган товар ёки молия бозорида ҳатто хўжалик юритувчи субъектнинг ёки шахслар гуруҳининг устун мавкеи юзага келиши ёки кучайиши ва (ёки) рақобатнинг чекланиши мумкин бўлган тақдирда ҳам, агар хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битимлар тузиш тўғрисида қарор қабул қилган юридик ва (ёки) жисмоний шахслар хатти-ҳаракатлари (битимлари) истеъмолчиларга сезиларли даражада наф келтиришини исботлаб берса, хўжалик юритувчи субъектнинг устав фондидаги (устав капиталидаги) акцияларни (улушларни) олиш бўйича битим тузиш учун олдиндан розилик бериш ҳақидаги сўровномани қаноатлантиришга ҳақли.
31. Инвестор хўжалик юритувчи субъектнинг устав фондидаги (устав капиталидаги) акцияларни (улушларни) мазкур Регламентнинг 5-банди учинчи хатбошида назарда тутилган миқдорда олиш учун бир томонлама битимларни (мерос, ҳуқуқий ворислик) тузишда мерос бўйича ҳуқуққа эга бўлган кундан бошлаб, бу тўғрисида ўн беш календарь кун мобайнида ваколатли органга билдиришнома юбориши керак.
Билдиришномада:
хўжалик юритувчи субъектнинг номи ва мулк қилиб олинган акциялар (улушлар) миқдори;
бошқа хўжалик юритувчи субъектларнинг акцияларига (улушларига) эгалик қилиши тўғрисидаги маълумотлар кўрсатилади.
Ваколатли орган ушбу Регламентда назарда тутилган қўшимча ахборотни сўраб олиши мумкин.
4-боб. Хўжалик юритувчи субъектнинг акцияларини (улушларини) олиш тартибини бузиш
32. Ваколатли органнинг олдиндан розилигисиз хўжалик юритувчи субъектнинг устав фондидаги (устав капиталидаги) акцияларни (улушларни) инвестор томонидан олиш ҳолати аниқланган тақдирда, инвесторга нисбатан рақобат тўғрисидаги қонун ҳужжатларининг бузилиши бўйича белгиланган тартибда иш қўзғатилади.
33. Рақобат тўғрисидаги қонун ҳужжатларининг бузилиши ҳақидаги иш ваколатли органнинг Махсус комиссияси томонидан кўриб чиқилади.
Инвесторнинг молия ташкилоти акцияларини олиш тартиби бузилганлиги ҳақидаги масала Махсус комиссия томонидан кўриб чиқилаётганда, молия ташкилотлари фаолиятини тартибга солиш ва назорат қилиш бўйича ваколатли давлат органларининг тегишли мутахассислари экспертлар сифатида жалб этилиши мумкин.
Махсус комиссия ишни мазмунан кўриб чиқиш натижалари бўйича қуйидаги қарорлардан бирини қабул қилади:
дастлабки мавқеини тиклаш ва рақобат тўғрисидаги қонун ҳужжатлари бузилишларини тўхтатиш муддати кўрсатилган ҳолда, акцияларга (улушларга) эга бўлишни рад этиш тўғрисида;
акцияларга (улушларга) эгалик қилишга розилик бериш тўғрисида.
34. Махсус комиссия қабул қилинган қарордан қатъи назар, хўжалик юритувчи субъектнинг устав фондидаги (устав капиталидаги) акцияларни (улушларни) ваколатли органнинг олдиндан розилигини олмасдан олганлиги учун инвесторга қонун ҳужжатларига мувофиқ жарима солади.
Бунда махсус комиссиянинг қарори асосида инвесторга қонун ҳужжатларида белгиланган тартибда кўрсатма берилади.
35. Ваколатли органнинг қўзғатилган ишни кўриш натижалари бўйича қабул қилган қарори инвесторга, молия ташкилотлари фаолиятини тартибга солиш ва назорат қилиш бўйича тегишли ваколатли давлат органларига, шунингдек, қимматли қоғозлар бўйича битимларни рўйхатдан ўтказувчи органларга қабул қилинган кундан бошлаб уч кундан кечикмай юборилади.
36. Махсус комиссия қарори асосида берилган кўрсатма унда белгиланган муддатда бажарилиши керак.
Кўрсатмалар инвестор томонидан белгиланган муддатида бажарилмаган тақдирда, ваколатли орган унинг олдиндан берилган розилигисиз, устун мавқенинг пайдо бўлишига ёки кучайишига ёхуд рақобатни чеклашга олиб келадиган битимни ҳақиқий эмас деб эътироф этиш тўғрисидаги даъво билан судга мурожаат қилади.
37. Инвестор ваколатли органнинг қароридан (кўрсатмасидан) норози бўлган тақдирда, қарорни тўлиқ ёки қисман ҳақиқий эмас деб эътироф этиш тўғрисидаги ариза билан судга ёхуд қарорни (кўрсатмани) бекор қилиш ёки ўзгартириш тўғрисидаги ариза билан Ўзбекистон Республикаси Монополияга қарши курашиш қўмитасига қонун ҳужжатларида белгиланган тартибда мурожаат қилишга ҳақли.
38. Махсус комиссиянинг хўжалик юритувчи субъектнинг устав фондидаги (устав капиталидаги) акцияларни (улушларни) олишга олдиндан розилик бериш тўғрисидаги қарори, шунингдек, олдиндан розилик олмасдан кўрсатиб ўтилган ҳаракатларни содир этганлик учун қўзғатилган ишни кўриб чиқиш натижалари бўйича қабул қилинган қарори ваколатли орган томонидан веб-сайтда жойлаштирилиши ва оммавий ахборот воситаларида эълон қилиниши мумкин.
39. Ваколатли орган давлат хизматлари маркази билан биргаликда ҳар йили камида бир маротаба хўжалик юритувчи субъектнинг устав фондидаги (устав капиталидаги) акцияларни (улушларни) олиш тартиби бузилган битимлар юзасидан хатлов ўтказади.
5-боб. Якунловчи қоидалар
40. Давлат хизматлари маркази ва ваколатли орган з фаолиятини амалга ошириши натижасида олинган маълумотларнинг сир сақланишини таъминлайди.
41. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти юзасидан, шу жумладан, ЯИДХП орқали доимий назоратни ва мониторингни амалга оширади.
42. Мурожаатчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.
43. Ушбу Регламент талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш бўйича давлат хизматларини кўрсатишнинг маъмурий регламентига 1-ИЛОВА
1. Хўжалик юритувчи субъектнинг устав фондидаги (устав капиталидаги) акцияларни (улушларни) 50 фоизидан ортиғини тасарруф этишда, битимда иштирок этаётган шахслар активларининг жами баланс қиймати ёки охирги календарь йилда товарларни реализация қилишдан олинган жами тушум базавий ҳисоблаш миқдорининг юз минг баравари миқдоридан ортиқ бўлса ёхуд битим иштирокчиларидан бири товар ёки молия бозорида устун мавқени эгаллаб турган хўжалик юритувчи субъект бўлса ушбу регламентнинг 12-бандига мувофиқ зарур бўлган ҳужжатларни тайёрлайди ва Давлат хизматлари марказига ўзи келиб мурожаат қилади ёки ЯИДХПда рўйхатдан ўтади.
2. Давлат хизмати кўрсатилгани учун белгиланган йиғимларни тўлайди.
1. Хоҳишига кўра
2. Мурожаат қилганда
2-босқич
Давлат хизматлари маркази, ЯИДХП
Сўровномани ваколатли органга юборади.
1. 1 соат мобайнида
2. Автоматик тарзда
3-босқич
Ваколатли орган (Монополияга қарши курашиш қўмитаси ва унинг ҳудудий бошқармалари)
1. Розилик олиш учун тақдим этилган ҳужжатларни рўйхат бўйича қабул қилади.
2. Махсус комиссия томонидан сўровнома кўриб чиқилади ва олдиндан розилик бериш ёки розилик беришни рад этиш тўғрисида қарор чиқаради.
1. Ҳужжатлар қабул қилинган кунда
2. 10 кун мобайнида
4-босқич
Ваколатли орган (Монополияга қарши курашиш қўмитаси ва унинг ҳудудий бошқармалари)
Олдиндан розилик бериш ёки розилик беришни рад этиш тўғрисида қарор Давлат хизматлари марказига (ўзи келиб мурожаат этганда) ёки ариза берувчига (электрон шаклда мурожаат этган тақдирда) ЯИДХП орқали юборилади.
1 кун мобайнида
5-босқич
Давлат хизматлари маркази
1. Қарор келиб тушганидан сўнг уни ариза берувчининг электрон манзилига юборади ва бу ҳақида ариза берувчини ахборот-коммуникация тизими орқали хабардор қилади.
2. Ариза берувчи келиб мурожаат қилган тақдирда қарорни электрон ёки қоғоз кўринишида беради.
1. 1 соат мобайнида
2. Ариза берувчининг сўровига кўра
Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш бўйича давлат хизматларини кўрсатишнинг маъмурий регламентига 2-ИЛОВА
________________ (санаси)
________________
(рақам)
Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш бўйича давлат хизматларидан фойдаланиш учун
СЎРОВНОМА
I. (жис.) Инвестор — жисмоний шахс тўғрисида маълумот:
1. Ф.И.О.:
2. Паспорт маълумотлари (серияси ва рақами, берилган санаси ва жойи, ҳужжатни берган орган):
3. СТИР:
4. Манзили:
5. Телефон рақами:
6. Электрон почта манзили:
7. Сўровнома тўлдирувчи жисмоний шахс бошқа хўжалик юритувчи субъектларнинг устав фондларида (устав капиталларида) қатнашиши тўғрисида маълумот:
Т/р
Хўжалик юритувчи субъект номи
СТИР рақами
Фаолият тури
Улуш миқдори фоизда %
1.
2.
3.
II. (юр.) Инвестор — юридик шахс тўғрисида маълумот:
1. Тўлиқ номи:
2. Ташкилий-ҳуқуқий шакли:
3. СТИР:
4. Юридик манзили:
5. Давлат рўйхатидан ўтказилган санаси ва жойи:
6. Сўровнома тўлдирган вақтдаги муассислари (катнашчилари) таркиби ва уларнинг жамият устав фондидаги улушлари миқдори:
Т/р
Муассислар таркиби
Улушлар
Номинал қийматда
Фоизда %
1.
2.
3.
7. Инвестор — юридик шахс бошқа хўжалик юритувчи субъектларнинг устав фондларида (устав капиталларида) қатнашиши тўғрисида маълумот:
Т/р
Хўжалик юритувчи субъект номи
СТИР рақами
Фаолият тури
Улуш миқдори фоизда %
1.
2.
3.
8. Телефон рақами:
9. Электрон почта манзили:
III. (юр.) Хўжалик юритувчи субъект — юридик шахс тўғрисида маълумот:
1. Сўровнома тўлдирувчи сўровнома тўлдирган кундан олдинги икки йил мобайнида ёхуд агар фаолият икки йилдан камроқ муддатни ташкил этса, фаолият амалга оширилган муддат мобайнида олиб борган фаолият турлари, ишлаб чиқарган ва реализация қилган товар турларининг номлари ҳамда уларнинг ҳажмлари тўғрисидаги маълумотларни:
2. Олдинги икки календарь йилга доир молия (1 ва 2-шакл) ва статистика ҳисоботи:
3. Шахслар гуруҳининг таркиби тўғрисидаги, бу шахсларнинг ушбу гуруҳга киришнинг асослари кўрсатилган маълумотлар:
4. Аризани кўриб чиқиш учун йиғим тўланганлигини тасдиқловчи ҳужжат
Вазирлар Маҳкамасининг 2020 йил 28 майдаги 338-сон қарорига 2-ИЛОВА
Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш бўйича давлат хизматларини кўрсатишнинг
МАЪМУРИЙ РЕГЛАМЕНТИ
1-боб. У мумий қоидалар
1. Ушбу Регламент хўжалик юритувчи субъектларни қўшиб юбориш ва қўшиб олиш бўйича ҳужжатларни кўриб чиқиш ва олдиндан розилик олиш тартибини белгилайди.
2. Ушбу Регламентда қуйидаги асосий тушунчалардан фойдаланилади:
мурожаатчи — юридик шахс ёки қўшиб юбориш ва қўшиб олишда иштирок этаётган хўжалик юритувчи субъектлардан бирининг ваколатли вакили;
хўжалик юритувчи субъект — товарларни ишлаб чиқариш, сотиб олиш ва сотиш фаолияти билан шуғулланувчи юридик шахс;
ваколатли орган — Ўзбекистон Республикаси Монополияга қарши курашиш қўмитаси ва унинг Қорақалпоғистон Республикаси, вилоятлар ва Тошкент шаҳар ҳудудий бошқармалари.
3. Ваколатли орган хўжалик юритувчи субъектларни қўшиб юбориш ва қўшиб олиш бўйича битимга олдиндан розилик беради.
Агар тегишли битимда иштирок этаётган шахслар активларининг жами баланс қиймати ёки охирги календарь йилда товарларни сотишдан олинган жами тушуми базавий ҳисоблаш миқдорининг юз минг баравари миқдоридан ортиқ бўлса ёхуд улардан бири товар ёки молия бозорида устун мавқени эгаллаб турган хўжалик юритувчи субъект бўлса, хўжалик юритувчи субъектларни қўшиб юбориш ва қўшиб олиш бўйича битимлар учун ваколатли органнинг олдиндан розилигини олиш зарур.
4. Ушбу Регламентнинг талаблари хўжалик юритувчи субъектларнинг Ўзбекистон Республикаси Президенти ёки Ўзбекистон Республикаси Вазирлар Маҳкамаси қарорига кўра қўшиб юборилиши ва қўшиб олиниши ҳолларига нисбатан татбиқ этилмайди.
5. Хўжалик юритувчи субъектларни қўшиб юбориш ва қўшиб олиш қуйидаги тарзда бўлиши мумкин:
битта товар ёки молия бозорида фаолиятни амалга оширувчи икки ёки бир нечта рақобатлашувчи хўжалик юритувчи субъектларни горизонтал қўшиб юбориш, қўшиб олиш;
хўжалик юритувчи субъектларни қўшиб юбориш, қўшиб олишдаги ҳар бир иштирокчи учун ишлаб чиқаришнинг (ишларни, хизматларни бажаришнинг) турли босқичларида зарур бўлган товарларни ишлаб чиқарадиган ва сотадиган, ўзаро рақобатлашмайдиган икки ёки бир нечта хўжалик юритувчи субъектларни вертикал қўшиб юбориш, қўшиб олиш.
6. Давлат хизматлари марказлари ва ваколатли орган ўртасида ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.
Хўжалик юритувчи субъектларни қўшиб юбориш ва қўшиб олишга олдиндан розилик олиш ушбу Регламентга 1-иловага мувофиқ схема бўйича амалга оширилади.
2-боб. Давлат хизматларини кўрсатиш тартиби
7. Мурожаатчи хўжалик юритувчи субъектларни қўшиб юбориш ва қўшиб олишга доир битимларни тузишга олдиндан розилик олиш учун Давлат хизматлари марказларига (кейинги ўринларда — Давлат хизматлари маркази) ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) давлат хизматларидан электрон тарзда фойдаланиш учун рўйхатдан ўтади.
8. Ўзи келиб мурожаат этган тақдирда, Давлат хизматлари маркази ходими мурожаатчи номидан, ЯИДХП орқали мурожаат этган тақдирда эса, мурожаатчи мустақил равишда ушбу Регламентга 2-иловага мувофиқ шакл бўйича давлат хизматларидан фойдаланиш учун сўровномани электрон тарзда тўлдиради.
Сўровномага қуйидаги ҳужжатлар ва маълумотлар илова қилинади:
сўровнома йўллаш санасидан олдинги икки йил мобайнида ёхуд агар ушбу муддат икки йилдан кам вақтни ташкил қилса, фаолиятни амалга ошириш муддати мобайнида ҳар бир қатнашчи томонидан амалга оширилган фаолияти турлари, ишлаб чиқарилган ва сотилган товарларнинг (ишлар, хизматларнинг) номлари, ҳажмлари, амалга оширилган (ошириладиган) ҳаракатлар тўғрисидаги маълумотлар;
ўтган икки календарь йилга доир молиявий (1 ва 2-шакл) ва статистика ҳисоботи;
сўровномани кўриб чиқиш учун йиғим тўланганлигини тасдиқловчи ҳужжатни тақдим этади.
Сўровномани тўлдириш қўшиб юбориш ва қўшиб олишда қатнашувчи хўжалик юритувчи субъектлардан бири томонидан ёки тегишли ваколатлар берилган бошқа ишончли шахс (кейинги ўринларда ваколатли вакил деб аталади) томонидан амалга оширилади.
Ваколатли вакил ушбу бандда кўрсатилган ҳужжатлар билан бирга ваколатли органга ўзининг ваколатини тасдиқловчи ҳужжатни тақдим этади.
Мурожаатчилардан ушбу бандда кўрсатилмаган маълумотларни ҳамда бошқа ҳужжатларни талаб қилиш қатъиян тақиқланади.
Ахборот таркибида тижорат сирининг мавжудлиги уни ваколатли органга тақдим қилишни рад этиш учун асос бўлолмайди, бунда хўжалик юритувчи субъектларни қўшиб юбориш ва қўшиб олиш бўйича битимларнинг қатнашчилари ваколатли органга ахборот тақдим этишда тижорат сиридан иборат бўлган маълумотларнинг муфассал рўйхатини кўрсатиши керак.
9. Сўровнома тўлдирилганидан сўнг, мурожаатчи маълумотларнинг тўғрилигини текшириб, анкетани ўз ЭРИ билан тасдиқлайди.
Сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
10. Хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик бериш тўғрисидаги сўровномани кўриб чиқиш учун базавий ҳисоблаш миқдорининг ўн баравари миқдорида йиғим ундирилади.
Хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик олиш учун ЯИДХП орқали мурожаат этилганда, ушбу банднинг биринчи хатбошида кўрсатилган йиғим суммасининг 90 фоизи ундирилади.
Хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик олиш учун йиғим тўланганлиги ахборот-коммуникация тизимлари орқали тасдиқланади.
а) Давлат хизматлари марказига ўзи келиб мурожаат этганда:
20 фоизи — Ўзбекистон Республикаси Адлия вазирлиги ҳузуридаги Давлат хизматлари агентлиги бюджетдан ташқари жамғармасининг шахсий ҳисобварағига;
қолган маблағлар тўлиқ миқдорда Монополияга қарши курашиш қўмитаси бюджетдан ташқари жамғармасининг шахсий ҳисобварағига;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлиги ҳузуридаги Давлат хизматлари агентлиги бюджетдан ташқари жамғармасининг шахсий ҳисобварағига;
11,25 фоизи — Ахборот-коммуникация технологияларини ривожлантириш жамғармасида электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар тўлиқ миқдорда Монополияга қарши курашиш қўмитаси бюджетдан ташқари жамғармасининг шахсий ҳисобварағига ўтказилади.
12. Мурожаатчи хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик олиш юзасидан давлат хизматларидан фойдаланганда, уларни кўрсатишнинг ҳар қандай босқичида бош тортиш ҳуқуқига эга.
Мурожаатчи хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик олиш юзасидан давлат хизматларидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.
13. Мурожаатчи ўзи келиб мурожаат этганда, Давлат хизматлари маркази сўровнома тўлдирилган вақтдан бошлаб бир соат ичида уни ваколатли органга юборади. ЯИДХП орқали мурожаат қилинганда эса, сўровнома автоматик тарзда ваколатли органга юборилади.
14. Хўжалик юритувчи субъектларни қўшиб юбориш ва қўшиб олишга олдиндан розилик бериш тўғрисидаги сўровнома:
а) Ўзбекистон Республикаси Монополияга қарши курашиш қўмитаси томонидан:
агар қатнашчилар ёки ҳаракатни амалга оширувчи қатнашчилардан бири ўз фаолиятини республиканинг икки ва ундан кўп ҳудудларида амалга оширадиган ҳолатларда;
битимда иштирок этаётган шахслардан бирининг жами баланс қиймати ёки охирги календарь йилда товарларни сотишдан олинган жами тушуми базавий ҳисоблаш миқдорининг икки юз минг баравари миқдоридан ортиқ бўлса;
б) хўжалик юритувчи субъектлар ўз фаолиятини республиканинг тегишли ҳудуди доирасида амалга оширадиган ҳолатларда — Ўзбекистон Республикаси Монополияга қарши курашиш қўмитасининг ҳудудий органлари томонидан кўриб чиқилади.
15. Ушбу Регламентнинг 8-бандида кўрсатилган ахборот ёки ҳужжатларсиз ва уларнинг тақдим этишнинг имконияти бўлмаганлигини изоҳловчи сабаблар кўрсатилмаган ҳолда, ваколатли органга берилган сўровнома кўриб чиқиш учун қабул қилинмайди. Бундай ҳолларда ваколатли орган сўровномани кўриб чиқмасдан уч кун мобайнида Давлат хизматлари марказига (ўзи келиб мурожаат этган тақдирда) ёки мурожаатчига (электрон шаклда мурожаат этган тақдирда) ЯИДХП орқали электрон шаклда қайтаради.
16. Хўжалик юритувчи субъектларни қўшиб юбориш ва қўшиб олишга олдиндан розилик бериш тўғрисидаги сўровнома ваколатли орган раҳбарининг буйруғи билан тузиладиган махсус комиссия томонидан кўриб чиқилади.
17. Хўжалик юритувчи субъектларни қўшиб юбориш ва қўшиб олиш бўйича тузиладиган битимнинг рақобатни чеклашга таъсир кўрсатиш ҳолатларни ўрганиш мақсадида ваколатли орган кўриб чиқилаётган битимга бевосита тааллуқли қўшимча ахборотни тегишли давлат органлари ва бошқа ташкилотлардан сўраб олиши мумкин.
Зарурат бўлганда, махсус комиссия мажлисига хўжалик юритувчи субъектларни қўшиб юборишга ва қўшиб олишга розилик олиш учун мурожаат қилган хўжалик юритувчи субъектларнинг вакиллари ёки уларнинг ваколатли вакиллари ишончнома бўйича таклиф этилиши мумкин.
18. Сўровномада ва унга илова қилинган ҳужжатларда (ахборотларда) келтирилган ҳолатлар ўзгарган тақдирда, битим қатнашчилари бу ҳакда ваколатли органни улар қарор қабул қилгунгача ёзма шаклда хабардор қиладилар. Бундай ҳолларда ваколатли орган ўзгаришлар тўғрисида ахборот олган кун сўровнома олинган кун ҳисобланади.
Ваколатли органга сўровномага илова қилинган ҳужжатлардаги ҳолатлар ўзгарганлиги ҳақида ахборот тақдим этмаслик, рақобат тўғрисидаги қонун ҳужжатларида назарда тутилган жавобгарликка сабаб бўлади.
19. Кўриб чиқиш натижалари бўйича махсус комиссия ҳужжатларнинг тўлиқ пакети илова қилинган сўровнома олинган вақтдан бошлаб ўн календарь кундан кечикмай, хўжалик юритувчи субъектларни қўшиб юбориш ва қўшиб олиш бўйича битимларни тузишга олдиндан розилик бериш ёхуд уни рад этиш тўғрисида қарор қабул қилади ҳамда қарор QR-код (матрик штрихли код) қўйилган ҳолда расмийлаштиради ва уни тегишли давлат хизматлари марказига (ўзи келиб мурожаат этган тақдирда) ёки мурожаатчига (электрон шаклда мурожаат этган тақдирда) ЯИДХП орқали электрон шаклда юборади.
Зарур бўлганда, ваколатли органда битим рақобатни, шу жумладан товар ёки молия бозорида устун мавқени пайдо қилиш ёхуд кучайтириш воситасида чеклашга олиб келишига ёки олиб келиши мумкинлигига асослар пайдо бўлган тақдирда, сўровномани кўриб чиқиш муддати кўпи билан бир ойга узайтирилиши мумкин, бу тўғрисида давлат хизматлари марказига (ўзи келиб мурожаат этган тақдирда) ёки инвесторга (электрон шаклда мурожаат этган тақдирда) ЯИДХП орқали хабар қилинади.
20. Давлат хизматлари маркази хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик бериш тўғрисидаги қарор келиб тушганидан сўнг бир соат мобайнида уни мурожаатчининг электрон манзилига юборади ва бу ҳакда ахборот-коммуникация тизими орқали хабардор қилади. Мурожаатчининг сўровига асосан Давлат хизматлари маркази олдиндан розилик бериш тўғрисидаги қарорни қоғоз шаклда унга ўз муҳрини қўйган ҳолда бериши мумкин.
21. Хўжалик юритувчи субъектларни қўшиб юбориш ва қўшиб олишга олдиндан розилик беришни рад этиш тўғрисида қарор қабул қилинган тақдирда, комиссия қарорида рад этишнинг асосланган сабаби кўрсатилиши керак.
Хўжалик юритувчи субъектларни қўшиб юбориш ва қўшиб олишга олдиндан розилик беришни рад этиш учун қуйидагилар асос ҳисобланади:
ҳаракатларни содир этишга (битимлар тузишга) олдиндан розилик бериш тўғрисидаги мурожаатнинг қаноатлантирилиши товар ёки молия бозорида тегишли хўжалик юритувчи субъектнинг ёки шахслар гуруҳининг устун мавқеи юзага келишига ёки кучайишига ва (ёки) рақобатнинг чекланишига олиб келиши мумкин бўлса;
қўшиб юбориш ва қўшиб олиш тўғрисида қарор қабул қилиш учун зарур бўлган ҳужжатларнинг тўлиқ ҳажмда тақдим этилмаганлиги;
тақдим этилган ҳужжатларда ишончсиз ёки бузилган маълумотларнинг мавжудлиги;
тадбиркорлик субъектининг рухсат бериш талаблари ва шартларига мувофиқ эмаслиги.
Хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик олиш юзасидан давлат хизматлари кўрсатишни бошқа асосларга кўра рад этиш қатъиян тақиқланади.
22. Хўжалик юритувчи субъектларни қўшиб юбориш ва қўшиб олиш бўйича битимларга олдиндан розилик беришни ушбу Регламентнинг 21-бандининг тўртинчи, бешинчи, олтинчи хатбошиларида назарда тутилган ҳолатлар бўйича рад этиш тўғрисида қарор қабул қилинган тақдирда, рад этиш тўғрисидаги хабарнома тадбиркорлик субъектига ёзма шаклда, рад этиш сабабларини, қонунчиликнинг аниқ нормаларини ҳамда тадбиркорлик субъекти кўрсатилган сабабларни бартараф этиб, такроран кўриб чиқиш учун ҳужжатларни тақдим этиши мумкин бўлган муддатни кўрсатган ҳолда юборилади. Тадбиркорлик субъекти рад этиш учун асос бўлган сабабларни бартараф этишга ва такроран кўриб чиқиш учун ҳужжатларни тақдим этишга ҳақли бўлган муддат рухсат бериш тусидаги ҳужжатни беришнинг рад этилганлиги тўғрисида ёзма шаклдаги хабарнома олинган кундан бошлаб ўн иш кунидан кам бўлиши мумкин эмас.
23. Тадбиркорлик субъекти томонидан ушбу Регламентнинг 21-банди бешинчи-олтинчи хатбошиларда назарда тутилган, рухсат бериш тусидаги ҳужжатни беришни рад этиш учун асос бўлган сабаблар белгиланган муддатда бартараф этилган тақдирда, ҳужжатларни такроран кўриб чиқиш, рухсат бериш тусидаги ҳужжатни бериш ёки уни беришни рад этиш ваколатли орган томонидан, рад этиш сабабларини бартараф этганлик тўғрисида тадбиркорлик субъектининг мурожаати ҳамда рад этиш сабаблари бартараф этилганлигини тасдиқловчи тегишли ҳужжатлар олинган кундан бошлаб ўн иш кунидан ошмайдиган муддатда амалга оширилади. Тадбиркорлик субъектининг мурожаати такроран кўриб чиқилганлиги учун йиғим ундирилмайди.
24. Хўжалик юритувчи субъектларни қўшиб юбориш ва қўшиб олиш ушбу ҳаракатларни содир этишга олдиндан розилик бериш тўғрисида қарор қабул қилинган вақтдан бошлаб бир йил мобайнида амалга оширилиши керак. Агар ҳаракат кўрсатилган муддатда содир этилмаса ваколатли органнинг қарори ўз кучини йўқотади.
Қарорнинг амал қилиш муддати ўтгандан кейин хўжалик юритувчи субъектларни қўшиб юбориш ва қўшиб олиш учун ваколатли органга ушбу Регламентнинг 8-бандига мувофиқ ҳужжатлар тақдим этилади ва ваколатли орган томонидан умумий асосларда кўриб чиқилади.
25. Ваколатли орган хўжалик юритувчи субъектларни қўшиб юбориш ва қўшиб олишга олдиндан розилик беришга ҳамда уни рақобатни таъминлашга йўналтирилган талабларни бажаришга боғлиқ этиб қўйишга ҳақлидир.
Ушбу ҳаракатларнинг содир этилиши товар ёки молия бозорида тегишли хўжалик юритувчи субъектнинг устун мавқеи пайдо бўлишига ёки кучайишига, шунингдек, рақобатнинг чекланишига олиб келиши мумкин бўлган тақдирда, қўшиб юбориш ва қўшиб олиш тўғрисида қарор қабул қилган хўжалик юритувчи субъектлар ваколатли орган талабига кўра рақобатнинг зарур шароитларини тиклаш чораларини кўриши шарт.
Бунда кўрсатиб ўтилган талаблар, шунингдек уларни бажариш муддатлари ваколатли органнинг хўжалик юритувчи субъектларни қўшиб юбориш ва қўшиб олишга олдиндан розилик бериш тўғрисидаги қарорида кўрсатилиши керак.
26. Ваколатли орган товар ёки молия бозорида ҳатто хўжалик юритувчи субъектларни қўшиб юбориш ва қўшиб олиш тўғрисида қарор қабул қилган юридик шахснинг устун мавқеи вужудга келиши ёки кучайиши ва рақобатнинг чекланиши, ножўя оқибатлар юз бериши мумкин бўлган тақдирда ҳам, агар хўжалик юритувчи субъектларни қўшиб юбориш ва қўшиб олиш тўғрисида қарор қабул қилган юридик шахслар ўз хатти-ҳаракатлари истеъмолчиларга сезиларли даражада наф келтиришини исботлаб берса, ҳаракатларни содир этишга олдиндан розилик бериш тўғрисидаги аризани қаноатлантиришга ҳақли.
27. Молия ташкилотлари фаолиятини тартибга солиш ва назорат қилиш бўйича ваколатли давлат органлари молия ташкилотлари томонидан қўшиб юбориш ва қўшиб олиш бўйича ҳаракатларни содир этиш тўғрисидаги масалани кўриб чиқишда монополияга қарши органнинг кўрсатиб ўтилган ҳаракатларни содир этишга олдиндан розилик бериш тўғрисидаги қарорини ҳисобга оладилар.
3-боб. Хўжалик юритувчи субъектларни қўшиб юбориш ёки қўшиб олиш тартибини бузиш
28. Ваколатли органнинг олдиндан розилигини олмасдан хўжалик юритувчи субъектларни қўшиб юбориш ва қўшиб олиш ҳолатлари аниқланган тақдирда, хўжалик юритувчи субъектларни қўшиб юбориш ва қўшиб олиш иштирокчилари бўлган хўжалик юритувчи субъектларга нисбатан қонунчиликда белгиланган тартибда рақобат тўғрисидаги қонун ҳужжатлари бузилганлиги ҳақида иш қўзғатилади.
29. Рақобат тўғрисидаги қонун ҳужжатлари бузилганлиги ҳақидаги иш ваколатли органнинг махсус комиссияси томонидан кўриб чиқилади.
Махсус комиссия ишни мазмунан кўриб чиқиш натижалари бўйича қуйидаги қарорлардан бирини қабул қилади:
бирлашмани (хўжалик юритувчи субъектларни қўшиб юбориш ва қўшиб олиш натижасида ташкил этилган юридик шахсни) сақлаб қолиш тўғрисида.
30. Махсус комиссия қабул қилинган қарордан қатъи назар, ваколатли органнинг олдиндан розилигини олмасдан хўжалик юритувчи субъектларнинг қўшиб юборилганлиги, қўшиб олинганлиги учун ушбу ҳаракатларни содир этиш ҳақида қарор қабул қилган барча хўжалик юритувчи субъектларни маъмурий жавобгарликка тортиш тўғрисида қонун ҳужжатларига мувофиқ қарор қабул қилади.
31. Ваколатли органнинг қўзғатилган ишни кўриш натижалари бўйича қабул қилган қарори хўжалик юритувчи субъектларга, шунингдек, манфаатдор томонларга қарор қабул қилинган кундан сўнг беш календарь кундан кечикмай юборилади.
Бунда махсус комиссия қарори асосида хўжалик юритувчи субъектларга қонун ҳужжатларида белгиланган тартибда кўрсатма берилади.
32. Ваколатли органнинг қарори асосида берилган кўрсатма унда белгиланган муддатларда бажарилиши керак.
Бирлашманинг (хўжалик юритувчи субъектларни қўшиб юбориш ва қўшиб олиш натижасида ташкил этилган юридик шахснинг) устун мавқеи юзага келишига ёки кучайишига ва (ёки) рақобатнинг чекланишига олиб келадиган ваколатли органнинг олдиндан розилигисиз содир этилган ҳаракатлар ваколатли органнинг даъвосига кўра суд томонидан ҳақиқий эмас деб ҳисобланиши мумкин.
33. Хўжалик юритувчи субъектлар ваколатли органнинг қароридан (кўрсатмасидан) норози бўлган тақдирда, қарорни бутунлай ёки қисман ҳақиқий эмас деб топиш тўғрисида судга ёхуд қарорни (кўрсатмани) бекор қилиш ёки ўзгартириш тўғрисида ариза билан Ўзбекистон Республикаси Монополияга қарши курашиш қўмитасига мурожаат қилишга ҳақли.
34. Махсус комиссиянинг хўжалик юритувчи субъектларни қўшиб юбориш ва қўшиб олишга олдиндан розилик бериш тўғрисидаги қарори, шунингдек, олдиндан розилик олмасдан кўрсатиб ўтилган ҳаракатларни содир этганлик учун қўзғатилган ишни кўриб чиқиш натижалари бўйича қабул қилинган қарори ваколатли орган томонидан сайтда жойлаштирилиши ва оммавий ахборот воситаларида эълон қилиниши мумкин.
35. Ваколатли орган давлат хизматлари маркази билан биргаликда ҳар йили камида бир маротаба олдиндан розилик олиш бўйича тартибларни бузган ҳолда хўжалик юритувчи субъектларни қўшиб юбориш ва қўшиб олиш бўйича битимлар юзасидан хатлов ўтказади.
4-боб. Якунловчи қоидалар
36. Давлат хизматлари маркази ва ваколатли орган ўз фаолиятини амалга ошириши натижасида олинган мурожаатчи ҳақидаги маълумотларнинг махфийлигини таъминлаши керак.
37. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти юзасидан, шу жумладан ЯИДХП орқали доимий назоратни ва мониторингни амалга оширади.
38. Мурожаатчи давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилиши мумкин.
39. Ушбу Регламент талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш бўйича давлат хизматларини кўрсатишнинг маъмурий регламентига 1-ИЛОВА
Хўжалик юритувчи субъектларни қўшиб юбориш ва қўшиб олишга олдиндан розилик олиш
СХЕМАСИ
Босқичлар
Субъектлар
Тадбирлар
Бажариш
1-босқич
Ариза берувчи
1. Хўжалик юритувчи субъектларни қўшиб юбориш ва қўшиб олишга олдиндан розилик олишда тегишли битимда иштирок этаётган шахслар активларининг жами баланс қиймати ёки охирги календарь йилда товарларни реализация қилишдан олинган жами тушуми базавий ҳисоблаш миқдорининг юз минг баравари миқдоридан ортиқ бўлса ёхуд улардан бири товар ёки молия бозорида устун мавқени эгаллаб турган хўжалик юритувчи субъект бўлса ушбу регламентнинг8-бандига мувофиқ зарур бўлган ҳужжатларни тайёрлайди ва Давлат хизматлари марказига ўзи келиб мурожаат қилади ёки ЯИДХПда рўйхатдан ўтади.
2. Давлат хизмати кўрсатилгани учун белгиланган йиғимларни тўлайди.
1. Хоҳишига кўра
2. Мурожаат қилганда
2-босқич
Давлат хизматлари маркази, ЯИДХП
Сўровномани ваколатли органга юборади.
1. 1 соат мобайнида
2. Автоматик тарзда
3-босқич
Ваколатли орган (Монополияга қарши курашиш қўмитаси ва унинг ҳудудий бошқармалари)
1. Розилик олиш учун тақдим этилган ҳужжатларни рўйхат бўйича қабул қилади.
2. Махсус комиссия томонидан сўровнома кўриб чиқилади ва олдиндан розилик бериш ёки розилик беришни рад этиш тўғрисида қарор чиқаради.
3. Давлат хизматлари марказига (ўзи келиб мурожаат этганда) ёки ариза берувчига (электрон шаклда мурожаат этган тақдирда) ЯИДХП орқали қабул қилинган олдиндан розилик бериш ёки розилик беришни рад этиш тўғрисида қарор ҳақида хабар беради.
1. Ҳужжатлар қабул қилинган кунда
2. 10 кун мобайнида
3. 1 кун мобайнида
4-босқич
Ваколатли орган (Монополияга қарши курашиш қўмитаси ва унинг ҳудудий бошқармалари)
Олдиндан розилик бериш ёки розилик беришни рад этиш тўғрисида қарор Давлат хизматлари марказига (келиб мурожаат этганда) ёки ариза берувчига (электрон тарзда мурожаат этган тақдирда) ЯИДХП орқали юборилади.
1 кун мобайнида
5-босқич
Давлат хизматлари маркази
1. Қарор келиб тушганидан сўнг уни ариза берувчининг электрон манзилига юборади ва бу ҳақида ариза берувчини ахборот-коммуникация тизими орқали хабардор қилади.
2. Ариза берувчи келиб мурожаат қилган тақдирда қарорни электрон ёки қоғоз шаклида беради.
1. 1 соат мобайнида
2. Ариза берувчининг сўровига кўра
Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш бўйича давлат хизматларини кўрсатишнинг маъмурий регламентига 2-ИЛОВА
______________
(санаси)
______________
(рақам)
Хўжалик юритувчи субъектларни қўшиб юбориш ва қўшиб олишга олдиндан розилик олиш бўйича давлат хизматларидан фойдаланиш учун
СЎРОВНОМА
I. Ариза берувчи — Қўшиб юбориш ва қўшиб олишда иштирок этаётган биринчи хўжалик юритувчи субъект тўғрисида маълумот:
1. Тўлиқ номи:
2. Ташкилий-ҳуқуқий шакли:
3. СТИР:
4. Жойлашган ери (почта манзили):
5. Давлат рўйхатидан ўтказилган санаси ва жойи:
6. Содир этиш назарда тутилган хатти-ҳаракат номи
7. Телефон рақами:
8. Электрон почта манзили:
9. Сўровнома тўлдирилган вақтдаги муассислари (қатнашчилари) таркиби ва уларнинг жамият устав фондидаги улушлари миқдори:
Т/р
Муассислар таркиби
Улушлар
Номинал қийматда
Фоизда %
1.
2.
10. Қўшиб олинувчи юридик шахс бошқа хўжалик юритувчи субъектларнинг устав фондларида (устав капиталларида) қатнашиши тўғрисида маълумот:
Т/р
Хўжалик юритувчи субъект номи
СТИР рақами
Фаолият тури
Улуш миқдори фоизда %
1.
2.
II. Қўшиб юбориш ва қўшиб олишда иштирок этаётган иккинчи хўжалик юритувчи субъект тўғрисида маълумот:
1. Тўлиқ номи:
2. Ташкилий-ҳуқуқий шакли:
3. СТИР:
4. Жойлашган ери (почта манзили):
5. Давлат рўйхатидан ўтказилган санаси ва жойи:
6. Содир этиш назарда тутилган хатти-ҳаракат номи
7. Телефон рақами:
8. Электрон почта манзили:
9. Сўровнома тўлдирилган вақтдаги муассислари (қатнашчилари) таркиби ва уларнинг жамият устав фондидаги улушлари миқдори:
Т/р
Муассислар таркиби
Улушлар
Номинал қийматда
Фоизда %
1.
2.
10. Қўшиб олинувчи юридик шахс бошқа хўжалик юритувчи субъектларнинг устав фондларида (устав капиталларида) қатнашиши тўғрисида маълумот:
Т/р
Хўжалик юритувчи субъект номи
СТИР рақами
Фаолият тури
Улуш миқдори фоизда %
1.
2.
III. Илова қилинадиган ҳужжатлар:
1. Ариза бериш санасидан олдинги икки йил мобайнида ёхуд агар ушбу муддат бир йилдан кам вақтни ташкил қилса, фаолиятни амалга ошириш муддати мобайнида ҳар бир қатнашчи томонидан амалга оширилган фаолияти турлари, ишлаб чиқарилган ва сотилган товарлар (ишлар, хизматлар) турларининг номлари ҳамда уларнинг ҳажмлари тўғрисидаги маълумотлар:
2. Амалга оширилаётган ҳаракат ҳар бир қатнашчисининг ўтган икки календарь йилга доир молиявий (1 ва 2-шакл) ва статистика ҳисоботи
3. Аризани кўриб чиқиш учун йиғим тўланганлигини тасдиқловчи ҳужжат
Вазирлар Маҳкамасининг 2020 йил 28 майдаги 338-сон қарорига 3-ИЛОВА
[ОКОЗ:
1.21.00.00.00 Ўзгартириш ва қўшимчалар киритиш бўйича комплекс тусдаги ҳужжатлар / 21.03.00.00 Ўзбекистон Республикаси Вазирлар Маҳкамасининг қарорлари]
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
РЎЙХАТИ
1. Вазирлар Маҳкамасининг «Товар ва молия бозорларида монополияга қарши тартибга солишни такомиллаштириш чора-тадбирлари тўғрисида» 2013 йил 20 августдаги 230-сон қарорининг (Ўзбекистон Республикаси ҚТ, 2013 й., 8-сон, 60-модда) 1-банди олтинчи хатбоши, шунингдек, қарорга 5-илова.
2. Вазирлар Маҳкамасининг «Монополияга қарши курашни тартибга солиш соҳасидаги рухсат бериш тартиб-таомилларидан ўтиш тартиби тўғрисидаги низомларни тасдиқлаш ҳақида» 2013 йил 27 декабрдаги 344-сон қарори (Ўзбекистон Республикаси ҚТ, 2013 й., 12-сон, 96-модда).
3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2014 йил 17 июлдаги 196-сон қарорига (Ўзбекистон Республикаси ҚТ, 2014 й., 7-сон, 73-модда) 2-илованинг 2-банди.
4. Вазирлар Маҳкамасининг «Тадбиркорлик субъектларига давлат хизматлари кўрсатиш тартибини янада такомиллаштириш чора-тадбирлари тўғрисида» 2014 йил 31 декабрдаги 377-сон қарорига (Ўзбекистон Республикаси ҚТ, 2014 й., 7-сон, 73-модда) илованинг 45-банди «б» кичик банди ва 46-банди.
5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2015 йил 23 сентябрдаги 274-сон қарорига (Ўзбекистон Республикаси ҚТ, 2015 й., 9-сон, 84-модда) илованинг 14-банди.
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2017 йил 16 августдаги 638-сон қарорига (Ўзбекистон Республикаси ҚТ, 2017 й., 8-сон, 177-модда) 1-илованинг 67-банди «д» кичик банди ва 70-банди.
7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2017 йил октябрдаги 810-сон қарорига (Ўзбекистон Республикаси ҚТ, 2017 й., 10-сон, 229-модда) 1-илованинг 24 ва 25-бандлари.
8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида» 2019 йил 5 февралдаги ПҚ-4160-сон қарори)» 2019 йил августдаги 661-сон қарорига илованинг 29-банди;
9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Монополияга қарши курашиш қўмитаси фаолиятини ташкил этиш тўғрисида» 2019 йил 24 январдаги ПҚ-4126-сон қарори) тўғрисида» 2019 йил 19 декабрдаги 1014-сон қарорига илованинг 40-банд «д» кичик банди ва 42-банди.
(Қонун ҳужжатлари маълумотлари миллий базаси, 29.05.2020 й., 09/20/338/0700-сон; Қонунчилик маълумотлари миллий базаси, 24.07.2021 й., 06/21/6269/0704-сон; 22.02.2022 й., 09/22/86/0160-сон, 14.07.2022 й., 09/22/385/0643-сон; 02.05.2024 й., 09/24/256/0320-сон)
